神打的個人專頁

宵夜時段男員工服務態度好差 過幾日下午再去食有一名收銀女員工態度都很差 但午市兩名服務員態度都很好。宵夜食物質數差很多 而且很大油煙 冷氣不足很焗 相比早一兩年差了很多 已經不想再續會員 用完coupon都不想再來了…查看更多

其實個主題同間餐廳冇咩關係~係因為Da打同God神...話說諗住訂位唔駛等~但係EXP係冇得訂位ga wo~大家留意喇~^^~(定係得小妹唔知?)一去到個staff想帶我地入去坐sofa~但Da打就覺得黎到梗係坐近冰場好啦~熱愛溜冰o既God神仲睇得好入神tim(睇女仔?)但係就比較凍左少少喇...呢度服務幾得意~個別員工好好而有d就好hea一坐低就有個男staff拎多張小椅比我地放野仲有個好有禮貌o既女staff黎落單~好好笑容而且好有記性~落order唔駛寫低都ok小妹要求要熱水亦好快送到~但有個白色膠眼鏡o既男staff好似好hea咁黑口黑面咁拎野黎...怪怪地?因為Da打手術關係好多野都唔食得(海鮮~牛~鵝~旦~豆~花生...etc.)所以打開餐牌發現冇乜選擇...就叫左個西蘭花忌廉闊條麵~沙嗲串燒半打(雞)~sausage pizza(薄)仲有"芒甜美蘋子"同菓汁雜飲個闊條麵好creamy~但麵質比較淋左少少有淡淡芝士香味~唔錯~而且冇肉都幾healthy沙嗲串燒就一般~比較乾身~沙嗲亦唔算好香仲冷不防佢灑左大量花生在面頭...清左一陣先食得~不過呢個都係小妹個人問題pizza薄身香脆~黎到熱辣辣~可能係時間比較早客人唔多所以即製~但記住一定要襯熱食因為凍左就會un同埋d料會好難咬開...Da打整到一手都係好尷尬@_@"芒甜美蘋子"係特飲黎ga~有芒果,蘋果,提子....唔記得左喇~但幾重芒果味o既~God神最鍾意啦!!而Da打o既雜飲就係橙汁+提子汁+??汁~都唔錯食完野個好好笑容o既姐姐又黎收拾~好讓我地繼續飲下野傾下計~唔錯^^因為是日係Da打提出黎呢度~所以今餐我請^^因為今日是...13/6/07…查看更多

搭車又搭船咁由中環去到尖咀再去到朗豪坊相信呢度都係我倆近來黎得最多o既商場[笑]久聞呢間日式burger店...食評有好有唔好有d話juicy有d話個包細有d話佢唔熱...etc.等特派員Da打同God神去拆解呢個[謎]啦!!去到都有唔少人排隊...買野食同埋等位有個女仔自己一個人坐雙人[木台]有個男仔遠遠望住個位又望下我地咁Da打實在累..就行去問個小姐另外個位有冇人冇人wo~就坐低啦~好快個小姐都走左God神當然就過埋黎啦~嘿嘿...應該要主動積極嘛...剛好大電視播緊Da打近來熱愛o既阿牛[桂花香]令被大太陽照射的我心情舒暢不少~呵呵因God神工作忙較少睇OR~買野食都係由我啦叫左個Cheese MOS Burger+炸雞+Coke+Chips(另叫)咁就四十七大元...剛好我倆唔算太餓~share都算ok...如果一個人食就好似貴左少少wo等左一陣個餐有專人送上~個包真係細細地不過對於半飽o既我倆剛好~肉醬微溫香香地個蕃茄係冰凍o既~塊beef係即做熱辣辣cheese微融不錯...不過咬下係真係暖o既當然啊!蕃茄要凍o既先fresh~而且幾易入口啊不過d汁好易"必"出黎~但MOS Burger好有一著個包裝紙係唔會過底~食完手仔都仲係好乾淨Chips係比較大條~但又唔會話太淋wo~不過Da打一向都鍾意淋d冇咁熱氣咁雞幾大件~係睥黎o既~同God神一人一半食完好飽嚕~係個coke冇咩特別~下次會試綠茶牛奶今餐又要多謝God神囉~呵呵呵P.S.講明下次即係會再黎啦!!因為朗豪坊絕對係我地o既"聖地"~對吧?…查看更多

呢個係當日"圓夢之旅"o既第二站...因為去到勝白園同九記都摸門釘而行左去上環天氣實在熱得帶病的Da打快要死了@_@God神為了急救快中暑的我便去左呢度本身佢唔係計劃之內的喔!!記得之前食過個焗荔芋西米布甸真不錯但大熱天時快死的我只想快點降溫坐在軟綿綿的sofa~還有一個大大的咕o臣半昏迷中...愛食甜品o既God神好雀躍不過佢一見到好多選擇就會不知所措...知道傻佬鍾意食芒果就提議左芒果涼粉God神想食西米露..就叫多個雜果西米露我哥成日都話滿記貴得黎冇特色又唔係特別好食記得佢仲未開到成行成市..在西貢真係做得幾好ga又近近地我住o既地方...而家分店多了~質數差了過甜o既情況係近來食都覺得ga喇...全部生果都唔香...不過算啦~都係為左涼一下下次同God神去松記先得^^佢收得呢個價...去松記食一定食到飽死...haha我地兩個入到去諗左好耐~waitress都冇催我地而且仲一路keep住笑笑口...係個嬸嬸黎o既食緊中途Da打要求要一杯水~都好快送到~埋單時有個日籍o既遊客在我地前面比前拎少左張一百蚊個收銀都冇貪心要到..其實都係我人發現o既~哈哈…查看更多

話說偷步打左夜晚o個餐...而家補番朝早...老爸經常同小妹講話想同我去富記食粥因乜解救要走到去旺角食呢?真係咁好食?God神今日比曬全日Da打~圓夢之旅出發!!(因為Da打11號要做手術~所以要食遍港九~)十點左右在旺角搵左一陣先搵到佢~其實係平時冇留意o者...都唔難搵o既間舖應該都幾耐歷史下ga喇~即係幾舊啦環境都叫做唔算好dirty..係有少少痴立立咁雞痴Da打即刻叫左個滑雞及第粥~因為老爸話係呢度o既好野黎固wo...唔挑剔o既God神叫左最穩陣o既皮旦瘦肉粥仲叫左個牛肉腸粉...因為見到個個都叫應該都唔錯~手拉腸粉始終值得一試兩碗粥o既份量都唔少野wo~但唔記得走蔥Da打只好幫怕草青味o既God神慢慢清理God神又是那種微微笑的眼神...>v<雞好似係新鮮ga wo~都幾有雞味~唔錯但老爸推介o既及第就有點腥臭怪味不過內臟難免有一點點的了...粥底都算綿滑...但食食下就水汪汪咁God神o個碗真係好多皮旦!而瘦肉係一片片生滾唔係o個d一絲絲好似煲湯d渣咁~幾好至於個腸粉...直情同阿婆豆腐花一樣咁滑仲入口即融!d牛肉末都化曬!!食食下...God神:"食左等於冇食...抵左定唔抵呢?"haha...我都答唔到你今餐Da打爭住請~因為下兩餐都係你o既~God神…查看更多

今日God神專登請半日假陪我去覓食&睇concert~^^係我倆最愛o既靜茹~期待已久~!!話說1/5我地已經去左對面海一趟...想朝拜一下勝香園o既茄牛通同檸蜜脆脆點知因為紅假冇開...對面九記亦如是@_@所以想趁今日星期一去挑戰多一次那亡命梯...誰不知God神太姿整...遲左出門...去到勝香園~未收檔都唔做我地生意唯有退而求其次去試試九記o既牛腩(對於住九龍o既我倆很少會到這邊來覓食啊)一入到去冇一般餐廳o既熱情招待...只有一個阿嬸愛理不理咁指我地坐低Da打叫左個咖哩牛筋腩河~cream soda一向對叫野食冇主意o既God神跟風~飲品叫左凍鴛鴦+多個油菜...環境都係一般清潔啊~Da打去個toliet唔知點形容...不過好似某食家講過食評應該重視食物o既...不過行過個廚房見到o個大桶牛腩就流曬口水個麵黎到...我地叫左撈河嗎?so thick...Da打不禁微言兩句(細細聲)比多碗湯好d wo個阿嬸應該聽到...不停問我地係咪未齊野叫多碗湯又+幾蚊~真係識做生意~唔駛喇^^咖哩好濃~咸左少少~牛腩好林好散~不過就唔係好香牛味wo...可能清湯腩會較好三兩下就食曬...不過對於小妹都叫幾飽唔食得辣O既God神食到滿頭大汗...食慣辣o既小妹唔知d咖哩算唔算辣wo不過如果唔食得辣o既可以叫清湯腩另外加錢試咖哩汁仲有個油菜直情係我媽煮送搣出黎唔要o個d又黃又爛又老咁...對面個熟客仔o個d就青青令令唔係咁蝦我地生客嘛?生客如果覺得好都會變做熟客ga嘛...埋單仲要收多兩蚊...出左門Da打即刻同God神投訴但God神笑笑地望住我..."最緊要你開心丫嘛"...*Da打雖然有點不忿...平心靜氣o既God神只顧埋頭食...有時都會覺得呢個成熟o既God神先治到我呢個巴辣妹P.S.下次一定早點去食勝香園!!九記對小妹黎講...只係"退而求其次"之選…查看更多

都係遲來o既食評...手術前小學好友"麥精"相約聽聞有銀行職員証有九折...都係食個lunch聚舊咁入到去個環境比較暗...可能早一點~唔算太多人但係座位安排得比較迫了一點...好似同人同[木台]咁個menu入面o既食物都係好有茶記feel...但亦布一點cafe的感覺...有點怪怪的Da打我當然就叫左[賣飛佛]忌廉煙肉磨菇意粉(要試盡所有店o既呢個pasta!!)"麥精"叫左蜜桃雞扒焗飯兩人都+$6要左個湯&蒜蓉包..湯冇咩特別...個包幾香幾脆...唔錯個意粉比想像中好~幾creamy~意粉彈牙仲有加左最愛o既[辣椒仔]~yum yum!!(哈哈~襯做手術前有得食辣就唔會放過)"麥精"表示只要同到想見o既人一齊食lunch對食物都唔會太過要求...都有道理o既...成十年朋友...咁耐冇見真係覺得好珍惜本身見到d cake好似幾令咁都想試下...不過真係好飽...期待下次再見!!P.S.雖然開心~過唔代表可以對食物冇要求啊^^**因為太黑所以冇影到相啊!!…查看更多

5月1日God神休息~當然就去唔少好評o既盛八試試因為就快做手術要戒口...叫左個HSBC的餐$484和牛x5E達赤豚x4阿拉斯加長蟹腳x4香草澳洲雞脾肉ver2.0(個名真係咁ga wo~係咩程式黎ga)仲有勁好味的牛舌同埋鴨胸鵝肝卷仲有個冷奴(豆腐)同埋沙律,和牛炒飯就價錢而言...其實係唔抵...因為得好少...我地仲叫左coke同西柚汁個waitress好強調d汁醬係自家製...沙律汁唔錯和牛其實冇乜特別...但比其他店較重牛味赤豚真係好香...但好似煙肉咁薄@_@長腳蟹好重海水味...但好霉啊d肉一向鍾意食雞o既Da打我覺得冇乜特別鴨胸要咬所以鵝肝散曬...浪費好野最好食係牛舌!!因God神唔太敢試~自己一人食左四片後佢都唔執輸試一片"嘩~好野黎固wo"<--Honey的口頭禪和牛炒飯好似茶記貨仔...豆腐普通得很沙律都算有特色d...個汁有wasabi味環境比較暗...唔係幾影得清楚相...但服務其實幾好...好熱心教我地點去燒仲會撈埋沙律比我地...有傾有講咁不過一向唔係幾鍾意人地騷擾o既我地覺得佢地都ok丫~唔會一路望住曬想趕客咁埋單五百幾...多謝Honey...…查看更多