chinng_foodie的個人專頁

同朋友慶祝生日，想揀間坐得舒服嘅餐廳💫食物唔錯，價錢都很抵食。特別一讚服務好好，好耐冇試過係香港食呢個價位嘅餐廳有咁好服務，特別係Nicole，服務好貼心又親切。生日有即影即有，影相好靚❤️❤️4個女仔叫左以下食物🥗🍝🦪🥂🍸🍹🥩🍳豬腩生菜沙律煙燻乾式熟成封門柳香蒜檸檬忌廉汁炒青口 香辣芝士薯薯條2個甜品連埋酒水～都好夠食，埋單六百零蚊，每人都係百幾，真係好抵食呀！會再幫襯，推介慶祝節日🥳🥳…查看更多

端午節一班朋友慶祝生日，早兩個禮拜訂位，滿心歡喜去食鹽焗雞同炸大腸。7個人叫左個《6人餐》再加多個「粉絲雜菜煲」，上左幾碟餸都好地地，突然聽到壽星女大叫！我坐隔離就即刻望下，原來係半隻曱甴😡😡有兩隻翼同前三分一嘅身，佢見到即刻作嘔又喊！🤮即刻叫侍應嚟，佢地一見到就勁快手收走隻碟，仲收埋個粉絲煲，經理見我地一班後生仔，諗住是但安慰我地，受害者壽星女又去左洗手間嘔同洗口，就咁話換過碟餸同free俾我地，我地都唔識點處理。但之後壽星女同坐隔離嘅我已經勁無胃口，我地又唔知另一半曱甴去左邊。食完之後，有兩個朋友都肚痾同嘔，我地咩相咩證據都冇影😢想報食環署都唔得，大家真係唔好去食！…查看更多

放假同姊妹去觀塘行完街，想搵個舒服又靜靜地嘅地方食tea，就嚟左呢度～今次試左同護膚品牌聯乘嘅下午茶，聽講加左好多美肌嘅食材，女仔真係要食多啲！首先嚟杯野飲，我地一人叫一杯，一凍一熱，姊妹嘅係乳酸梳打，我就係熱嘅肉桂龍眼茶，好養生！賣相完全唔似咁中式嘅飲品，上面層泡泡幾得意，味道都幾好，唔太甜。到主角出場，好耐冇食過三層架下午茶，今次就跟住傳統，由層食上去！咸點幾好食，推介芝士撻同埋雨衣甘藍，好好味！另外甜點都靚，姊妹話香蕉蛋糕好食，但我唔食香蕉就冇試，其他都唔錯，食完超飽！ $300兩個人都值得食！ …查看更多

想食辣野，除左川菜，湖南菜都係唔錯嘅選擇。一入到餐廳，就有一種返左大陸嘅感覺，無論菜式定店員嘅口音、服務（同大陸嘅服務一樣咁參差），完全100%match! 仲有大陸先有嘅菊花茶，心諗呢間餐廳應該都會幾正宗！先上菜嘅係茶香蝦，以為茶香唔辣，但原來都有少少辣。配料有類似紫蘇葉嘅香葉、乾辣椒、蔥蒜等，好香好有獲氣，蝦都好食新鮮，夠惹味！之後係手撕包菜，呢味次次去深圳都要食，又係香辣惹味。不過呢度就差少少獲氣，同埋太油。最後係小炒肉，全碟都係青椒同薄薄嘅五花肉，相當香口好食，送飯一流！ 2個埋單三百幾蚊係有啲偏貴，但香港都食到咁有獲氣嘅小炒都好難得！ …查看更多

之前係曼谷食唔到，終於有機會食下香港嘅Nara。呢間餐廳係曼谷好似連續拎左十年最佳餐廳，知道佢係香港開分店已經好想試，但心諗應該都貴，點知睇睇餐牌又可以接受，貴過九龍城啲小店少少啦。一坐低已經有炸蝦片小食，忍唔住食左幾片先點菜，因為辣辣地好好食！餐廳招牌係船河，當然要叫啦！揀左彩虹船河，有魚片魚肉，正正常常。但上面啲炸魚皮被河整林左，麻麻地。飲一飲湯，不得了！！超鮮甜，帶有少少酸，夏天飲都幾正，配埋米粉一齊食，索哂啲湯，好食！不過要成舊水一碗就真係有啲貴。火鴨咖哩好香，微微辣味都正。朋友鍾意食鴨皮，雖然唔脆但撈汁食好惹味，加埋個印度薄餅，唔洗叫飯都夠飽。另外加多個椰菜苗，正正常常冇特別。埋單兩個人$360左右，呢個價錢食到呢間算唔錯！…查看更多

食完飯同幾個朋友諗住搵個地方飲杯嘢傾下偈，朋友推薦呢間，仲話有蠔食好正！做緊優惠嘅生蠔$12蚊，雖然唔大隻又唔肥，但好鮮好好食，好過好多酒店嘅質素！嫌唔夠肥美，就再叫左隻手掌咁大嘅蠔，呢隻真係好大食，要分兩啖先放到入口，海水味超濃！而酒類嘅選擇都幾多，有好多呃like cocktail,手工啤、紅白酒等等，我就揀左手工啤killer cucumber ale，味道較淡，都岩女仔飲嘅！最後叫多個芝士火腿拼盤，芝士好有驚喜，有松露芝士同辣味芝士，佐酒一流！😍埋單每人$300左右，原來不經不覺食左咁多，本來只係諗住飲杯酒😋😋…查看更多

之前夜晚有上過去食飯飲野，環景的確幾好，一班姊妹上黎就最好！今次同朋友下晝上黎諗住飲杯嘢，見有下午茶好似都幾好，重點係價錢都幾抵，$388包兩杯雞尾酒！我地怕熱揀左坐室內，好舒服，星期日下晝都唔多人，靜靜地幾chill❤️野食都可以，幾清新幾健康，有藜麥沙律又有少少甜品，唔會食到滯！最鍾意係個花糟下面嘅朱古力慕士，好軟滑又唔會超甜，所以都不知不覺食哂成個😝雞尾酒都幾好，我鍾意薄荷味，所以兩杯都幾唔錯！ …查看更多

今晚想食米線，北角除左豬扒米之外，原來呢間米線都幾濃味，岩哂我！仲有素食版米線同其他素菜，睇落都幾吸引。一入到餐廳已經聞到好大陣酸筍味，同之前係大陸食過嘅味好似！今次就叫左兩個唔同湯底，分別係最近好興嘅嫘絲粉湯同南寧老友湯。如果唔明湯底係咩，店員都好樂意解答，仲話食過唔岩口味可以換過第二碗，好細心！味道方面，個人覺得老友湯好味啲，多啲酸，不過如果可以加多啲辣就好啦！另外螺絲湯就有啲失望，同之前係廣西食過嘅唔同味，亦可能冇左炸腐皮同筍絲，所以味道差左啲啲。埋單一人$44，份量偏少，不過晚餐唔好食咁飽都ok! …查看更多

中菜黎講，我都幾鍾意食潮州菜。今次黎到大名鼎鼎嘅德記，一於要食盡佢！12個人岩岩夠一圍，一於叫個12人套餐，每人埋單200蚊多啲，都幾抵食！菜式唔逐個講啦，因為真係好多，有滷水、胡椒豬肚湯、蝦棗墨魚餅、炸子雞、蠔餅、糖醋麵同埋幾個小炒。好味嘅有蠔餅，夠多蠔仔，夠香脆，唔會成口粉，仲要份量都幾多！胡椒豬肚湯都好飲，胡椒味濃但又唔會過咸。炸子雞都好好食，超香脆又唔會油！雞肉亦好滑同有汁！ 唯一一個好失望嘅係個滷水拼盤，雖然個餐已經好多野食，但拼盤份量偏少，例如鵝片一人都食唔到一塊，又冇墨魚海哲果啲，有朋友仔冇得食都有啲唔好意思！加上顏色唔多靚，比較深色，但又冇咩滷水味，懷疑係用老抽上色，所以真係麻麻地！ …查看更多

係呢頭返工，平日lunch 都係度食，今次第一次食晚餐，估唔到又幾好！ 餐廳做緊優惠，叫左個冬蔭功明爐烏頭再加多個小菜都係二百蚊左右，咁我地就叫左鐵板牛仔骨。另外再加左牛肉沙律同菠蘿炒飯，三個人食岩岩好！ 首先要讚下個冬蔭功烏頭，味道幾好，唔會太辣又夠香，可以當湯飲都得。烏頭還可以，係有啲魚鱗唔清。牛仔骨超級惹味，係油左少少。牛肉沙律十分清新，唔會太多香料太濃味。菠蘿炒飯勁多菠蘿粒，亦炒得幾乾身，好味！ …查看更多

趁復活節假期，約埋屋企人一家三口出去食個飯。6點半黎到酒樓唔洗等位，超正！ 酒樓係媽媽話要食，因為佢想食水魚煲。菜牌都幾多野食，又多優惠，就算假期都係加10-20蚊，都抵食！ 不過後尾埋單先發覺，原來唔止加10%服務費，而係13%，咁收錢法好似有啲奸！ 三個人叫左四分一隻燒鵝、炒白菜仔、水魚煲、焗芝士澳洲龍蝦配e麵底。埋單$750，其實都抵食嘅！ 抵讚嘅係龍蝦好新鮮，啲肉一啲都唔林，同埋真係要放入焗爐焗，所以都好乾身同好香芝士味！ …查看更多

朋友生日，地膽帶路食呢間。係北角做左咁耐野，都唔知有間咁嘅餐廳，朋友話係米芝連阿鴻小吃班底開。小妹以前係阿鴻粉絲，自從阿鴻離開北角就冇好潮州菜食，得返和富對面果間，冇咩得揀。朋友訂左位，又訂埋瀨尿蝦同烏頭。另外叫埋溏心蛋、鴨舌、滷水雙拼、糖醋麵同反沙紫薯。 溏心蛋有酒香但冇咩味，個人覺得加少少鹽更好味。鴨舌有三隻味，送啤酒幾好。滷水拼盤叫左鵝片同墨魚，鵝片超滑！仲有最愛嘅底脾肉，賣相同味道都同阿鴻一樣，竟然冇失望喎！ 掛住食，唔記得影全相烏頭有黃油，都好食，但唔特別。同九龍城海老四差唔多，但呢度平啲囉。 瀨尿蝦用椒鹽炒，好惹味！ 雖然細細隻蝦，但都有膏都多肉，幾好！ 特別叫左糖醋麵，一上碟大家就嘩嘩聲，因為竟然用木板上碟，又幾盞鬼。最後叫埋反沙紫薯做甜品，賣相100分，味道70分啦，因為真係太甜，食一舊就夠，但生日朋友竟然成碟食哂，勁！ 請埋朋友食，5個人每人二百蚊都唔洗，超抵啦！ …查看更多

呢日提早收工，梗係要食甜品慶祝下。同事介紹話呢間好味，一於試試！ 估唔到平日下晝5點上到黎竟然要等位，不過等左十分鐘就有坐，不過就唔係坐吧台，冇得睇完甜品師傅整甜品。 我地一人叫左個甜品set ，係包埋飲品。選擇都幾多，係啲字仔好淺色好細隻，睇得有啲唔方便。等左十五分鐘就有得食，講真，真係超級靚！！ 就算我呢啲麻甩女睇到，都突然化身少女不停影相。味道當然都幾好，話哂都成百五蚊食個甜品，真係有啲唔捨得！ 味整體道唔算太甜，亦好有驚喜，最鍾意係餐廳有個小露台，下午陽光射入室內真係感覺幾悠閒幾舒服！ …查看更多

放假同姊妹係旺角行下街食個下午茶，經過餐廳樓下，菜牌好似幾吸引，有個龍蝦多士好似幾好味就試上左去。價錢係偏貴，星期六日冇套餐，食物同飲品分開點。我地兩個人叫左一個龍蝦多士、芝士烤雞脆片，一杯特飲同咖啡。環境坐得幾舒服，野食都好食，不過真係太滯。龍蝦多士係配薯條沙律，我地一齊食，食左四分之一已經有啲食唔落，可能因為個多士內外都充電芝士，加上耐左芝士就凍左，感覺更加滯。烤雞脆片好食過龍蝦多士，薄薄嘅脆片好香口，加上沙律醬同烤雞肉，幾啖就食哂一塊，好好味！ …查看更多

放工同4個同事，一行5人去食個便飯。係呢頭返工咁耐，都唔知有間咁隱世嘅西餐廳。叫左5樣野一齊食，每人再加幾十蚊轉套餐，包湯同好小份量嘅前菜，湯同前菜味道都一般，可以唔加！ 叫左西冷同肉眼扒，分別係三成熟同五成，但個五成熟煮到七成咁，好唔得！ 另外仲有pasta，個意大利飯太淋，食左少少都唔係好想食，個麵味道唔錯，鵝肝外面煎得好香，裡面都好軟滑，抵讚！ 我地有男有女，坦白講唔多夠食，所以最後加多一個pizza，先叫做夠，埋單每人$250，不過不失啦…查看更多