azurenviolet的個人專頁

之前同友人試過佢鰂魚涌嘅小店，感覺唔錯。最近行過豚王附近，發現原來佢地喺中環開左分店，於是我就拉埋男友嚟食多次啦～中環分店比鰂魚涌大少少，鰂魚涌店開放式D、中環店就有餐廳Feel D，設有室內座位，夏天嚟食都唔怕會食到大汗疊細汗啦！外賣車嘅造型一樣同樣喺中環店出現，一樣的Sharp醒 :)不過我覺得如果佢地將個車頭「隊」出門口會更eye-catching不是嗎？上次同友人食過小食Taco，今次就Order套餐啦！自稱大食嘅男朋友試左佢地新出嘅Supreme Burrito，食左一啖就話佢地真係落足料，入面包住滿滿嘅墨西哥飯、清爽嘅洋蔥粒、Juciy嘅豬柳粒等等，奄尖嘅佢仲響落單時嗌走芫茜添！落單姐姐仲問佢想將D Salsa醬inside定outside，實在夠細心，值得一讚！而我就叫左Swiss Enchilada with Chicken Combo，個餐一嚟到男友就話我果個餐好吸引！（因為佢個Burrito用錫紙包住，冇乜賣相可言XD）喱碟焗芝士卷D芝士溶哂喺上面，入面D雞肉一絲絲，加埋外層嘅醬汁，你話點會唔好味？！至於配菜方面，班豆蓉同墨西哥飯味道相比下就顯得冇咁突出，亦可以轉沙律；果飯其實似淡淡地嘅西炒飯，同Burrito入面果D味完全唔同，雖然淡，但作為套餐入面嘅配搭其實幾好。另外不得不提嘅係旁邊果幾塊Nachos，點埋佢地D Homemade Salsa，真係又脆又好味，可惜份量實在太少（或者係我太貪心）！我見到其他外國人都order左額外一碟Nachos嚟食！可能店長見我嚟過幾次，佢好好人咁比左成4款Salsa醬比我慢慢試，好感動！（店長！你應該比埋Nachos我慢慢點呀！哈哈）飲品方面，以我食過幾次嘅經驗就覺得點Jamaica就最夾啦，即係洛神花茶，酸酸尾尾，開胃又消滯！:)同場加映～我地差不多走果時見到TVB嚟拍攝呀！陳亭欣同GARY（我唔記得佢真名）rehearsal緊。雖然唔好意思留太耐，但都要很港女地影返將相留念！…查看更多

喺中環食Lunch如果唔想餐餐過百，唔洗同人迫，而食得又唔急趕嘅話真實選擇真係唔多，所以寫喱篇或之後幾篇食評都想推介一下小妹嘅心水之選。位於蘭桂芳斜路嘅喱間餐廳其實係小妹男友Happy Hour嘅聚腳點，之後佢發現左晌果道食個Burger Lunch都只係七十幾蚊，實屬大件夾抵食，坐得又唔迫！當日一點鐘左右去到都差唔多full哂啦，小妹同男友就唯有喺窄窄嘅Bar檯坐住先啦，等有人走再轉去一張大少少嘅圓檯。食物等左約10分鐘左右，賣相都唔錯㗎，有一種份量搭夠嘅感覺。男友點左佢最愛嘅Beef Burger，肉質成吋厚但唔會食落乾爭爭；小妹就order左Club Sandwich，有成4件咁多，味道唔錯，不過對我嚟講就有D多啦。。。配搭嘅薯條熱度脆度尚可，薯條怪男友食過不停；至於旁邊嘅沙律如果可以落D dressing咁就Perfect啦！正值Lunch Time但成間餐廳都好似得（貌似）老闆娘同一個Waitress一腳踢，雖然我地冇覺得被待慢，但都不得不佩服老闆用人efficient之道！…查看更多