or#tm66622114的個人專頁

叫餐牌上面明明有兩款面，待應自行轉額外加冬菇，咁就加咗$10，問返佢就話唔小心，到賣單都係收我每碗加咗$10。40幾蚊晚餐就變50幾蚊。收銀話唔係佢負責落單所以張單係咁就咁喎，對唔住都無。…查看更多

買咗晚市薑蔥雞同蒸鱸魚飯雞得4，5件頭頭尾尾，血水都算，咬落去係柴皮咁又凍。蒸鱸魚得3分1條都算，過分係無洗乾淨，入邊綠色，條魚又梅又有怪味。食咗一舊雞，幾啖魚同飯之後真係頂唔順了。拎返落去同佢講，叫佢退錢，話食過唔可以退錢，企硬一定要等佢再蒸過，餓到死仲迫客等佢，無其他選擇，個店員態度差到飛起，不斷重複無問題㗎你咪投訴囉，亦唔認啲食物有問題。其實幫襯過幾次，都係想佢地接受意見，估唔到街坊生意都係咁，疫情前唔係呢個名，入面啲姐姐好好人，仲試過送雞翼俾我，又會叫我坐低等唔使咁辛苦。而家，唔會再幫襯。呢餐$128，最後當捐錢，當投訴過程對其他食客做成不便補償返。…查看更多

幫襯咗幾次外賣，兩碗餃要等半個鐘。好啦之後買生餃，當然快好多。但係態度好差下，我有講唔該，但收錢條女依然黑哂面一句多謝晒都無，明明佢可以幫手拎包外賣俾我，又自己顧住禁電話，要其他樓面做，個氣氛唔知得罪佢啲乜咁。包外賣男人好啲，每次都會記得擺菜甫，小心翼翼咁包好。…查看更多