katymoon的個人專頁

好似去左黑執事feel cafe, 環境很動漫feel, 野食好好，我最喜歡係白洒煮青囗及蜆 & 和牛牛肉飯😋雖然牛肉量少，但係好好食，野飲方便兩杯賣相係超級適合打卡，金魚軟糖嗰杯好夢幻，個底似波子汽水😆…查看更多

第一次叫咗三個點心，三個點心都好好食，蝦餃足料，牛肉腸粉加左馬蹄爽甜好味，係春卷有d熱氣，叉燒酥 一定要試，貴係貴d都值嘅，只是茶位就稍貴，服務好好，環境好舒服唔迫，好有私人空間。…查看更多

去咗銅鑼灣 Zip Zip 西餐廳，整體感覺幾舒服，復古風，餐廳氣氛輕鬆，坐得唔迫，寵物友善餐廳。今次試咗幾款菜式，最驚喜係 蒜香蜆肉炒意粉，蒜香味濃郁，蜆肉鮮甜，勁大隻，麵條彈牙，好味到停唔到口。菠菜蛋，夠清淡配意粉可以互相中和。反而好有特色嘅 片皮鴨Pizza，芝士超香濃，拉絲效果好正，不過醬汁稍嫌唔夠，如果多啲會更加完美。最後嘅甜品 朱古力麻糬曲奇 真係必食！外皮軟軟暖暖，一咬落去中間係漏心朱古力，加埋煙韌麻糬，甜而不膩，好有驚喜。好想食多幾個🥳…查看更多

第一次試Naptea 奶茶，茶底香氣清爽，帶有回甘。相比一般連鎖奶茶，Naptea 更強調茶味，奶香是柔和的陪襯，不會喧賓奪主，入口順滑。甜度可以自選，半糖或少糖時，茶香更突出，喝起來清爽不膩。加左jelly，搭配奶茶剛剛好。推介的紅茶奶茶層次感很不錯，先是淡雅茶香，之後才是絲滑奶韻，喝完不會覺得口乾。之前一直都飲三千茶及茶二，之後又可以多一個選擇。雖然價格比較合理，但品質穩定，份量足，確實值得一試。整體來說，Naptea 奶茶茶味濃郁、口感順口，確實係必飲之選（店舖推介）。可能今日大雨，唔洗排隊，好快就有得飲，平時少飲奶茶，我都覺得好飲，店員推少甜係好飲💖…查看更多

去咗 兔兔Cafe，真係好治癒嘅體驗！一入門就已經覺得好可愛，坐位間距都幾舒服，乾淨無味道。最大亮點當然係可以同兔兔互動，佢哋好溫馴，仲會自己跳過嚟搵你玩，超級親人。店員會先講解點樣同兔兔相處，避免嚇親或者傷到牠哋，感覺好貼心。$69費用可以玩1.5hour 包埋一個飲品加送零食餵兔兔，睇住佢哋細細粒咀仔咬嘢，真係萌到爆！但主要重點都係陪伴小兔兔，肥到好個毛毛球甘好得意，我仲搵野食引佢坐大脾，勁cute 🥰。成個過程大概1.5hour，影相、玩樂、餵食都啱啱好。總結嚟講，係一個放鬆心情、減壓嘅好地方，特別適合鍾意小動物嘅朋友（完全唔咬人，超級乖乖），下次會再去玩…查看更多

去咗 Yakiniku Kakura 日本燒肉，真係超正！環境乾淨舒服，坐得好chill，好啱同朋友或者另一半慢慢燒慢慢傾。最驚喜係啲肉質，真係好新鮮，油花靚到好似雪花咁，燒完之後啖啖肉汁，入口即融。和牛必試！入口即化，加少少檸檬汁，清新又解膩，完全停唔到口。和牛五花都超香，燒到微焦嗰陣，滿嘴油香真係好幸福。仲有佢哋啲醬汁都好出色，日式燒汁鹹香，辣汁就超惹味，點嚟食完全唔會膩。服務都好貼心，價錢算合理，以呢個質素嚟講絕對抵食！總結一句，好好食，下次一定會再約埋朋友一齊去！…查看更多

呢餐中式點心真係令人好驚喜，款款都水準極高。海蝦蝦餃晶瑩剔透，蝦肉爽彈又鮮甜，一咬爆汁；北菇蟹皇燒賣香氣濃郁，蟹皇同冬菇完美融合，層次豐富口感彈牙。藥膳小籠包更加出色，湯汁飽滿，藥材味溫潤不苦，暖胃又滋味。野菜鮮蝦腐皮卷炸得金黃香脆，內餡蝦肉鮮甜、野菜清新，口感好有層次。翡翠鮮帶子腸粉滑溜又爽口，帶子夠鮮。唯一美中不足就係個茶落錯單, 我要白毫，佢比左伯爵茶我， 整體來講，每款都做到精緻又有心思，而且下午茶時段所以點心係半價，都係埋單先知，值得再訪！另外一提，下次會想試lunch set😎…查看更多

最近去咗半島酒店嘆afternoon tea，整體感覺中規中矩。鬆餅係今次最有驚喜嘅部份，外脆內鬆，配埋佢嘅clotted cream同埋果jam，真係幾好食，有英式下午茶嘅靈魂感覺。鹹點方面就比較普通，冇乜太大印象，味道算係過得去。可能我本身食量唔大，食完鬆餅同鹹點之後，基本上已經冇位試甜點。甜點只係試咗少少，就放低咗，感覺未夠吸引去食晒。賣相方面係OK嘅，擺盤有一定水準，影相打卡無問題。加埋現場有live band，氣氛唔錯，環境都幾優雅。所以整體嚟講，係去享受環境多過為咗食物。如果想打卡或者同朋友嘆個悠閒下午，半島都可以考慮，不過唔好對食物有太大期望。…查看更多

今日lunch行過見到，就試咗蘑菇漢堡包，帶子漢堡包，慢煮豬肋骨，蜜糖雞翼，蕃茄帶子意粉，全部都好好食 💖意粉超級有驚喜，冇諗過外賣舖的意粉超有水準😋極度推介👍慢煮肋骨係超級抵食㗎， 出面食都要$180， 依度$65， 大大件，又好食，良心食店🥰就連帶子漢堡包入面的帶子都勁大粒，勁juicy，出面都未食過有帶子嘅漢堡包，全部都好足料，性價比高，仲有連羅宋湯都好好飲，用心去煮，足料，問咗老闆係用特別材料整😎，仲有蜜糖雞翼香脆又多汁💓期待下次又試依度新野，今日大滿足😋😋😋…查看更多

假日lunch 行過見到，無咩人就入去，環境幾靚，野食都唔錯，對得住價錢，係比一般貴d, 但味道同賣相係ok🥰上次食醉鴨舌及片皮鴨都好食💖食埋過酒釀丸子 就perfect 🥰…查看更多

行街經過，有驚喜，好新鮮，價錢合理親民，食左池魚，蝦及魷魚，比十過like👍👍👍仲有好多醬汁揀，同可以買走，有堂食（企）亦可外賣，好欣賞佢支醋，帶起d刺身嘅鮮味❤️❤️❤️❤️…查看更多

因為附近都係平民連鎖快餐店，所以無咩嘢好食。近期發現新開的小店，有驚喜🥰叫左兩個漢堡包餐配小食，有賣相，味道又好味，漢堡肉好juice, 肉質嫩滑，雞扒亦好有驚喜❤️好想試埋其他🥰…查看更多