WWivy的個人專頁

行商場行得累，想搵個地方同三五知己傾下計，入左尼間cafe。雖然尼間店既空間唔算大，但靠窗位置一流，可以俯瞰深水埗的人事物，非常悅目！黎到cafe 店，少不了一杯Cappuccino 算不錯👍不太苦，事關之前試過某些cafe 的Cappuccino 苦味。幸好今次遇上好店最美味的薯皮，材料配搭一流，食落唔膩，味道令人想一試再試。尼款真心推介！😋薄餅沒有太大驚喜，可以選涵。整體黎講，食物同飲品同價錢合理，最重要環境令人坐得舒服，而且店員服務態度很好呢！👍🏻…查看更多

剛好經過柏樹街，見到尼間鋪新開，睇下菜牌，價錢唔太貴，而且望入去環境都唔錯，於是膽粗粗入去試下。我地叫左幾樣野食，先食口水雞，雞肉嫩滑，而且醬汁濃濃，感覺好新鮮，好岩胃口。另外，叫左份雞翼，即叫即做，熱騰騰，唔小心熱親嘴唇，大家要小心！雞翼唔會油淋淋，食入口有蒜香味，小朋友應該都會好鐘意食。最後，叫左個清湯牛腩米線。$32蚊食到尼個牛腩真系好低。湯底好濃豬骨味，蘿蔔甜美，無苦澀味。最重要是牛腩口感同肉質都非常好，最起碼唔會太韌，肉質鬆軟又唔太綿。未試過辣味，下次再試過。服務態度很好，環境乾淨，食得舒服！…查看更多

原本打算跟朋友到附近有名的餐廳食飯，但朋友眼見餐廳內擠滿了客人，相信不太合適我們要聊天吃飯。轉出街角直走，遇上了這間寧靜而彌漫咖啡香味的cafe,於是進入去了。服務員有禮貌，而且認真介紹不同類別的咖啡豆，簡單講解各種煮咖啡的方法，態度值得讚。咖啡豆很香，但由於自己喉嚨不適，所以飲了店員介紹的花茶，花茶味道特別，我自己很喜歡。這杯是朋友點的咖啡，她說味道很香濃，回味無窮。這個是我點的花茶，配一小塊朱古力曲奇🍪，不錯👍場內每個角落都有吸人眼球的地方，供客人慢慢欣賞。而且場內環境尚算寬闊，感覺沒什麼壓力，若果想休閒享受一杯咖啡，休息一陣子，這裡是一個很不錯的地方。☀️☕️🍵食物方面，價錢合理，建議可以一點小食，而小食最好能配飲品，那就更好了…查看更多

來到星期天，想喘口氣，到灣仔區走走看看, 走進了這間位cafe。店內有三張大枱，及吧台位置，空間不算大，環境寧靜，非常合適嘆下午茶。點了chocolate chips waffle, 脆口waffle 要讚好, 濃度朱古力, 食完之後， 心情好左！第一次見藩薯奶茶，拉花幾靚，聞到一陣香濃既藩薯味，飲入口，有藩薯味，不算甜，味道剛好，熱度可再提高（可能夏天關係，所以溫度沒有調太高）。店員態度和諧，下次會再來！…查看更多

跟朋友約在大埔聚一聚，大家食量一般，但因忙工作，忙生活，太久沒見面，所以大家都想食好一點。之前去大埔打邊爐比較多，食放題就第一次，聽朋友說漁屋開業不久，當然想試試！放題最開心就是，可以有不同選擇，各自點各自的喜好。朋友不多吃炸物，想健康一些，所以他點了沙律、魚生、壽司、卷物等等。沙律有很多款式選擇，他點了胡麻蕃茄沙律,、什錦刺新沙律，味道不錯，新鮮的材料配以濃味適中的沙律汁，而且沙律包含不同材料，顏色都吸引。魚生跟壽司都好食，魚生新鮮，讓人食不停。壽司的飯不會太多太厚，選擇亦夠多。前菜沙律：胡麻蕃茄沙律,、什錦刺身沙律本人則跟朋友口味有少許不同，我喜歡熱食。點了清酒煮蜆，還可以，味道清淡。如果不愛蔥，就可以先跟服務員說聲走蔥。另外，亦點了我最愛的天婦羅，有海蝦、南瓜、蕃薯等，炸得外乾內軟，熱呼呼的炸物，當然要配凍飲。燒物都叫了神戶牛舌、燒日本蕃薯仔、雞軟骨，味道都是很好的。今次食得很滿足了，下次到大埔可以再食。…查看更多

難得同知己行街食飯，當然要直落食甜品。一直聞說小甜谷的甜品不錯，於是去銅鑼灣分店，入去攻食甜品。打開餐牌，無論正餐或甜品的圖片都十分吸引，但因為已經食了晚飯，所以肚子容不下飯食。於是，跟朋友各點一款甜品，熱愛綠茶的我點了宇治抹茶芭菲。類似這款的甜品早已在其他甜品店試過，但依然很想在小甜谷試試，看看水準如何！外形上好有層次感，頂部的抹茶雪糕有香濃的茶香，送入口後是笑苦而後甘，茶味留在口中，由甘漸漸淡甜，好享受。雪糕再配以三色圓子，色感豐富，有點調皮，圓子咬下很煙韌，而且有意外驚喜的味道，女孩會喜歡。接下來，是cream跟可可豆，脆卜卜的可可豆，再加上又甜又滑既cream，簡直一流。食到咁上下，你會發底部既綠茶系另一種味道。一款甜品，味道多變又豐富，真系值得一試。至於朋友仔就以點了以下這款。單看擺設，不算太靚，但望落都算不錯。我試了一口，味道甜甜地，最重要系好滑，滑過滑蛋。如果喜歡食滑溜溜既甜食，可以一試。…查看更多

將軍澳朋友叫我一齊食放題，見到餐牌都幾多選擇，於是就試左尼間。尼間鋪燈光都幾好，唔會昏昏黃黃，坐位算係闊落，唔覺迫，同朋友都坐得舒服。餐牌好多選擇，但因為兩個女仔個胃唔算大，所以我地揀左D有興趣既食。我地先食左D比較清淡既胡麻蕃茄沙律同埋水蜜桃沙律，想打個底先(其實都系覺特個名吸引，所以食先)相比之下，好多汁，尼個沙律令人最鐘意，就係有好多大粒既椰果，清甜又有口感，好正。至於胡麻蕃茄沙律，可能因為自己唔多鐘意胡麻，所以覺得無咩特別啦!壽司都有好多款，但因為唔想食太多飯，所以直接點左好多刺身。刺身都算係夠新鮮同厚件，特別係三文魚、大甜蝦、赤貝。大甜蝦肥美又清甜，所以我一個人食左好鬼多件。至於赤貝都幾好厚肉，平時食開個D細細粒，食唔出真味，但尼次真系好滿足。朋友話鮑片都唔錯，只系我本身唔好。如果下次黎，我依然會食好多蝦~蝦~蝦~我地都叫左唔少燒物同肉食，牛千舌、金茹牛肉卷、羊架、三文魚醬油燒……牛舌同金茹牛肉卷最好味。牛舌香味夠，肉嫩，口感都不錯。而最正系金茹牛肉卷，醬汁香濃，牛肉同金茹唔會散，食落口好yummy！望番張相時，都想再食番~最後，每人食左個免費雪糕，有好幾款口味。至於甜品，好彩係細細份，精緻版，唔係就真系會浪費食物啦!最好食系桂花果凍，一路食一路話比朋友知：桂花味好香啊!!!真系好香!!!!如果鐘意桂花香味，一定要試尼個果凍啊!!可以再回來，如果一班人黎就可以叫多D食物，試多D唔同款式。下次再黎，希望可以少食多滋味啦!特別講下：服務員態度好好，而且時不時留意我地張台會唔會太多碟，盡量幫我清理乾淨，令我地張台闊落D、乾淨D!…查看更多

上星期，同姊妹去左CWB行街，行街攰一攰，去左HeSheEat休息吓。今次排左一陣隊，算係好快，而且服務員態度好好。行入去時，就望吓其他人食啲咩，都唔少人食窩夫，心諗：唔通真系咁好食！！打開餐牌，發現尼間既甜品算是多選揀，樣樣都想試下。眼見咁多人食窩夫，於是同姊妹一人叫左一個。我叫左個香蕉窩夫。本身唔多食香蕉，但見到圖片中既蕉有啲特別，好似有層金箔系上面，就試下啦!一試之下，兩塊蕉真系畫龍點晴，蕉面系薄薄既糖，咬一口，先系脆甜，再夾埋蕉，又香又綿，令人一食就好鐘意。第一次試尼種口味，想一食再食。至於個餅，係原味，外脆內軟，食落口係鬆化既，配合糖漿或者拖肥，簡直系係完美。當雪糕慢慢融化，浸入個餅，香滑涼涼既口感都不錯。…查看更多

好耐之前就已然想試食啦!今次終於唔使排隊去食左。同朋友兩個人食左巧克力鬆餅，烏魚子蒜香意粉，再試左大馬士革玫瑰茶(因為餐牌介紹寫住係頂級玫瑰花之香，所以心動想試)巧克力鬆餅，仲未開始食已經好開心，因為個餅好似一朵朵花，好靚。鬆餅一咬入口，感覺個餅黏韌香脆，再加朱古力雪糕，多左一層味道，如果鐘意食朱古力可以一試。烏魚子蒜香意粉本身鐘意食烏魚子同蒜就可以試下，因為尼個意粉係喊味，幾有新鮮感，但蒜味濃，食完難免有蒜香留係口入面。意粉同平時食既有少少唔同，鐘意食尼種意粉，煮得乾身，爽口。下次可以再試下其他款色。大馬士革玫瑰茶玫瑰味不錯，配有奶及糖粒，喜歡飲奶茶就可以自製一杯，甜味可自控，調出岩自己既甜味。飲完一壺後，可以要求加水，再浸茶包，慢慢飲慢慢嘆。…查看更多