ShinMai的個人專頁

環境窄，衛生麻麻，食物差，態度更差。叫咗個炸雞脾薯條沙律下午茶餐，52蚊，比其他茶餐廳貴不特止，雞脾炸到又燶又乾，又少咗忽肉咁。而薯條個口感好似隔夜再翻炸咁，沙律就普通，因為好難整得再難食。之後同話得事嘅伙記反映食物質素，佢一句「喺咁㗎喎」就算，完全唔會想主動跟進，態度消極同負面，即刻無晒胃口。既然喺咁，就梗喺唔會再幫襯喇。…查看更多

店內裝潢同氣氛都不錯，環境同坐位都舒適，食客之間有適當空間，距離唔會太近，食完可以慢慢同朋友吹水或者用下電腦。不過，早餐質素方面有頗大的改善空間，廚師可去上水Everglow coffee點一下佢地嘅all day breakfast, 然後再食下自家的早餐，比較一下選用的食材同味道。或者喺經營方式或人手不足關係，早餐時段店員喺唔會主動拎餐牌同埋俾杯水你的，需要自行去櫃檯拿餐牌及點餐。其實都可以接受，不過如果店員可以再熱情返d就更好了。…查看更多