alanmind的個人專頁

晚市套餐首先整返個 Tuna Tataki 炙燒吞拿魚 , 松露蛋黃醬，香蔥，羅勒主菜堅正，Duo Steak 牛柳雙重奏 Filet Oscar, Lump Crabmeat, Bearnaise Sauce Rossini, Topped with Foie Gras, Madeira Sauce 蟹肉牛柳，賓尼士汁 拼 鵝肝牛柳，馬德拉醬開心咁平食到兩款牛柳煮法，靚仔！…查看更多

中環 Business Lunch $198起，有無敵靚景同抵食兩道菜，真係無邊度搵到！雖然$198起，但完全唔會Hea你，首先黎個熱辣辣既餐包，係用Staub鑄鐵盤上，熱辣辣，面頭灑左少少海鹽，仲會跟一個自家製焦糖洋蔥牛油，誠意滿滿！咁頭盤我今日梗係揀最抵食最開心既 帝王三文魚魚生，配 三文魚籽，醃青瓜 ， 法式酸忌廉，呢道菜平時單點要$195，宜家lunch食就抵好多啦！好厚切三文魚，加少少魚子粒粒果種咸香，然後醬汁開胃，加埋酸忌廉，食落口滑 lud lud!好味！再黎就係主菜酥脆香煎雞配忌廉薯蓉，第戎芥末酸瓜龍蒿醬，呢道菜又係抵食，平時夜晚要單點，宜家lunch set menu又可以試到，正！個雞你睇相都睇得出係勁香脆，仲要無骨（除左雞比位），食落Juicy啖啖肉，爽皮！Mashed potato做得夠幼滑，加埋少少酸瓜醬，又唔膩，真係食唔停口！最後同同事覺得有少少耳猶未盡，叫左心太軟同埋一杯Zero-alcohol cocktail，嘆多陣個靚景先返公司。。夠晒Chill！總結，$198-＄288呢個2-course set lunch定價，係中環真心無得輸！要黎！…查看更多

中環H Queen's 頂層26樓新開澳洲扒房 Omaroo Grill主菜點選了足1公斤的澳洲濕式熟成有骨肉眼扒，真心好大份，3個大男人食都覺得好夠份量，而且熟度好好，外邊烤到焦脆，裡邊保持到好有肉汁，同埋Rib Eye帶骨有兩個亮點，第一係帶骨位特別濃肉味，而第二係側邊肥膏位烤到焦香，真心正。頭盤好推薦 北海道香煎原隻帆立貝，用煙肉包住，非常香脆，底下有自家製西班牙辣肉腸XO醬，帶出到帶子既鮮甜味。帶子本體非常肥厚，煎完無縮水，勁漲卜卜！用麵包沾埋d汁食，正！另一款主菜 香脆薯仔威靈頓，配香蘑菇濃湯，嘩呢個好有驚喜，店員會係你面前淋上熱辣辣既蘑菇濃湯，一切開酥皮就會見到好大好大好大隻炭燒蘑菇Portobello，仲有忌廉菠菜同芝士。講真你當佢一個side dish 3-4人分又得，當main course食都得！天氣凍凍地食呢個真心好飽肚暖胃！甜品 即焗芒果熱情果梳乎厘 配 雲呢拿汁 及 軟芝士 。店員一上台 已經好香蛋味好想食，然後影完相會切開倒入雲呢拿汁同軟芝士。一罷入口，冰心既口感無得輸，話就話係兩人份，但其實我好想一個人食晒！！！食完埋單，已經諗緊lunch再黎睇下佢日頭景有幾靚！推！…查看更多