eatoutside's Profile

外面睇平平無其，晚餐時間，見到有坐位，咪入去試下新野，主打homemade 意粉,自家製咖啡，同手製pizza，簡單菜式，沒有很多款，但啲意粉出奇地好食，可能係自己整嘅原因，啲意粉係彈牙嘅，真係好好味，自問喺旺角區食西餐，這家真係值得俾like like👍🏻👍🏻,仲試埋佢個港式咖啡奶茶，你＄5真係抵加，唔似平時茶餐廳加兩蚊個種，咖啡好有咖啡味，個奶茶仲要好香好濃郁，真係要值得一試。用心製作，值得支持，不妨一試。…Read More

兩個人食飯，諗住等好快啦，其實去到嗰時下一張就係我哋架啦，之後黎左幾張大枱D客人，2張4人，2張5人⋯等，諗住佢想讓人多嘅人入先，明白嘅咁佢俾去入兩張啦，點知佢仲keep住叫啲大枱，咁上前同佢理論啦，佢就話下一張就係啦，點知又入咗張大枱，大佬，我有咁噤飛仔嫁，再嘈佢先話下一張真就係有，安排入座的情況，最好一定嘅指標，會比較公平，可以改善一下。嘢食一般，款式比較少，價錢叫做平，一家大細去食都算OK。有啲侍應比較冇咁醒目，要叫先有水，好多野都唔會自動自覺，要叫佢先會做，仲有好多進步空間。…Read More

不嬲都唔鍾意食香港嘅拉麵，想open rice見到咪試吓囉，用心製作嘅拉麵，湯底唔算太鹹，份量唔係好多，不過啲叉燒真係多到成個碗都係，值得一試嘅拉麵店。環境OK ,座位比較窄，侍應好有禮貌，可能有養貓嘅關係，有貓尿味，但係唔影響。地點都算容易搵，喺葵涌廣場後面門口，過條馬路，喺老人院隔離。可能係午餐嘅關係，唔駛等好耐，個人認為份量比較合適午餐⋯⋯仲有日本好興個D有自助凍水俾你飲，免費架，最啱而家夏天嘅時候。…Read More