ana29的個人專頁

係銅鑼灣行完街有點渴，搵左呢間食冰嘅解下渴。鋪位比較偏，鋪面唔大，好在客量唔算多。叫左一個抹茶焦糖冰，個冰一上枱我以為係一棵菜，好得意，即刻相機食先。抹茶味好濃又香，中間有焦糖醬同下面有脆餅，個cream好mouse，份量剛好吾太膩，好好味呀，好想encore多個😭個冰份量都幾多，兩個女仔share都好夠食，下次來我應該會試吓豆腐冰。跟餐加27元有 choco soufflé，朱古力味吾太甜，吾錯吾錯。…查看更多

銅鑼灣聰嫂我就未試過，見Facebook page推呢間聰嫂支線，又有我至愛嘅紫薯，今日就趁下午茶時間去試試！聰少以campus做主題，枱上有書,文具嘅擺設，牆身係個locker，特別嘅設計已經俾左少許新鮮感食客。我叫左紫薯冰同聰少三兄弟，三兄弟分別係香蕉，芒果同榴槤pancake。有食過紫薯冰嘅朋友話個冰質感似紫薯蓉，吾多鍾意，但我齋諗都覺得特別喎😎食落真係幾紫薯蓉質感，而且有鞋口，應該係紫薯嘅纖維，加理爆珠同丸子，食落口感好豐富，吾錯吾錯！見好多人專誠黎試個紫薯冰，我覺得值得試呀！聰小三兄弟反而冇乜驚喜，都係皮薄足料，尤其係芒果同榴槤，個餡佔左半舊pancake，每人每件半啖已經好大滿足，而且可以一次試哂三大pancake。我本來吾多鍾意芒果，但呢個芒果pancake好厚肉，又甜又抵食！我每件pancake都影左橫切面，店員見我猛影實以為我係專頁食評家，食完要交功課，有點老尷😂店鋪地址吾難搵，因為位於遊客區，食客會多翻啲大陸人，暫時吾算好旺，食完吾會崔住趕客走。而且服務態度好好，朋友話聰嫂都係甘，good ah!…查看更多

係open rice見到呢間小店評價吾錯，拖左個friend一齊去食。Lunch Time人多係正常，等左10分鐘，裏面邊個阿姨好客氣咁叫我地入去， 終於有得食啦。我自己唔係好食得辣，所以叫招牌豬手麵係微辣，而我個friend食得辣，但都係叫咗中辣，因為之後就係地道辣，佢驚頂唔順。等左5分鐘d面就到，見到中辣碗麵真係有啲嚇親，紅博博。碗麵有四至五舊牛腩，朋友話唔算好辣，相等於三哥譚x嘅4至5小辣，重點係個麻辣湯底，真係好香，因為我個人都鍾情於麻辣多酸辣啦，正中下懷。食完之後有啲一粒粒嘅花椒係個湯度，就係呢啲花椒為碗湯畫龍點睛！啲牛腩炆得好淋，肥瘦適中正！我碗豬手麵都唔弱，微辣對於我來講剛剛好，加埋三大嚿豬手份量真係好足，麵質好似日本拉麵同上海麵，軟硬拿捏得剛剛好，係一碗好麵。我同friend食完都好回味，呢種小店真係好有心，好味得來分量又足，價錢合理，平時食晏又可以多個選擇啦。…查看更多

葵芳係小食天堂，每次黎到都忍吾到口買野食。今日食連鎖店pie&tart，係因為俾佢嘅紫薯流心撻吸引到，另外自己不嬲都鍾意佢嘅美式螺絲肉汁批，當然都要order!紫薯撻幾有紫薯味，個餡就略為失望，一開中間基本係水狀，而且好重煉奶味，相信煉奶成分都相當高。係個皮幾好食，補返少少分。而螺絲肉汁批就間間都咁嘅味所以唔會失望，雖然一直以來都覺得個肉汁偏甜，配埋薯蓉一齊食就啱啱好。葵芳呢間好在有得坐，環境都幾舒服，希望第時都係紅磡開一間，咁我唔使走出去食囉。…查看更多

又到lunch time，黎到呢間大廈小巷之間嘅小型韓國餐廳試吓。佢中午時間都幾爆下，好多打工仔來呢度食。12:45到，等左5分鐘多啲就有位。餐廳主要都係傳統韓國主食，有炒牛肉蓋飯、炒年糕、紫菜包飯、各種前菜..韓式炸醬麵呢個炸醬麵幾好食，亦都係我係香港食過最接近韓國味道嘅，配料同韓國差唔多，有薯仔蘿蔔洋蔥絲，個人覺得甜度剛剛好。軟豆腐湯飯個人本身唔係好like湯飯，因為驚太熱辣親，心急嘛。呢個湯飯都有啲微辣，可以接受到。湯裏面有豆腐翠玉瓜、椰菜絲、蜆，味道幾豐富。食微辣又鍾意湯飯嘅朋友可以一試。心思思想叫多個小菜，本來想叫薯仔，但老闆話冇晒，唯有轉叫擺喺收銀嗰度嘅煎蛋紫菜包飯，賣相幾好的，雖然系凍左，但好香蛋味，個人覺得有少少油膩。最後當然食唔晒啦，成個盒拎走。餐廳好周到，可能驚我哋用唔慣扁身又重嘅韓國鐵筷子，所以提供埋另外一隻圓身又輕嘅筷子俾我地揀，任君選擇。我仲見到有韓國人喺度食，可能金媽媽真係整得唔錯，可以解下佢哋嘅思鄉之情。…查看更多

住係紅磡甘多年都冇留意到呢間食burger嘅餐廳，有次好奇經過睇吓佢個menu，見到有個蝦兵蟹將burger已經流口水😍今日決定一試！餐廳佈置好有美國風，座位都係高枱同櫈，但地方不大，一小班人食野飲酒都可以的。黎到當然食burger，兩個女仔揀左蝦兵蟹將堡，之前已經好想試呢個😌加18蚊就有脆薯條/薯格/芝士條，我地揀左芝士條，因為會另加小食炸魚薯條，試多啲款式嘛。見到個burger已經好激動😎佢地有提供刀叉顧客自用，要share冇難度。分完二話不說就咬一啖...😭好味呀，集齊哂海鮮嘅精髓...蝦爽口彈牙，內有兩大隻，軟殻蟹好脆身大隻，差不多箝住成個包，醬汁應該係千島醬，perfect match。但個芝士條就要扣分，得炸皮，芝士在哪裡？而且芝士味吾出色，下次吾會配呢個。手掌大嘅炸魚配脆薯條，個人覺得63蚊幾抵食。小食配有沙律醬，但我都係鍾意點佢提供個支混有迷迭香嘅蕃茄醬，又另一perfect match 炸魚塊好厚身，本身灑左鹽同香草，點埋茄醬就掂哂，最讚係脆薯條，下次會encore!真係又熱又脆，食到吾知飽🙃食到捧住個肚走，個人覺得性價合理，香港食burger不嬲比外國貴，但呢間價錢中等，質素中上，我會encore的😋😋下次試和牛堡先🤓…查看更多

拳頭咁大個紫菜包飯見過未？炭火紫菜包飯（餐廳名 ）主打嘅就係拳頭咁大個嘅紫菜包飯。一份已經質飽兩個人...not kidding 三個大人叫左四碟野，份量都好大，落足料嫁🙆🏻辣味炭燒豬肉紫菜包飯真心好大份，嗰碟有¾個手臂咁長，個飯有拳頭咁大，但重點係辣味真係超級辣，食到五官都刺激到痛😡😡，唔食得辣真係唔好揀辣味，但啲醃豬肉好好食，最後食唔晒要打包。韓式泡菜冷麵唯一可以解辣嘅就係呢個冷麵，啲紫菜麻麻哋香，啲麵有少少酸辣醬，幾開胃，但就嫌味道稍清淡，食過好多韓國冷麵都係甘，或者真係吾岩口味。啲冰食到最後都未溶得哂。醃牛肉炒飯成餐野最欣賞就係呢個炒飯，炒得好香，而且有我最鍾意嘅生蛋，不過個炒飯都幾油膩，食完之後就再食唔落個紫菜包飯。辣炒芝士年糕個年糕就一般般啦，我嫌啲汁唔夠傑，而且味道普通，點睛之處就係個芝士，幾分鐘就變咗好似香口膠咁嘅質地，所以好難去撕開食，但唔好咁就嫌棄佢，食落佢真係好香牛奶同芝士味。唔食年糕都要食埋舊芝士！！間餐廳同屋企人已經食過兩三次，覺得個水準都keep得幾好，所以平時冇煮飯都會黎呢度食晚餐，我見而家旺角,銅鑼灣都有開分店，約朋友就好就腳👯而且價錢合理，份量又夠大呢🍽…查看更多

係中環食完dinner食完crepe再戰雪糕，呢間雪糕店之前係泰國食過，價錢平均平10靚蚊，但果次食完之後就心郁郁想再食過，所以見到佢嚟咗香港真係好開心，好興奮。入到鋪頭見到啲甜筒已經心心眼，香港呢間仲有好多唔同嘅朱古力甜品，但我地今次係主攻雪糕，menu上有好多吾同嘅味道揀，我知吾可以貪心，因為佢啲雪糕真心又甜又飽又滯，嗰胃細啲都吾得。最後同朋友一齊share左個medium...姐係double scoop，特色cone又另加錢。我地真係吾知揀咩好，最後揀best sell嘅top 2...salted caramel chocolate pretzel同埋？🙈抱歉忘記了，我記得有nuts的，但caramel嗰個味冇乜鹽味，得個甜。如果配berry味會好啲，中和下。朋友揀左fruit loops，貪佢夠靚，又可以呃likes，不過就冇乜味的，係靠淋上去嘅糖漿有甜味。83元食個雪糕真係貴，一次起就夠啦，影相都影飽啦😎…查看更多

喺中環食完飯，朋友介紹左呢間食法國甜品嘅小店，於是三個女仔行左好多條樓梯終於搵到間鋪頭。Apple maple crepe, 個人好鍾意蘋果同楓糖味嘅甜品，所以毫不猶豫咁樣揀咗呢個，食咗一啖之後，好似飛上天咁👯，真係好好食，而且上面層cream好滑，加埋浸左楓糖漿嘅crepe，味道啱啱好，唔會漏。Crepe Suzie上碟時會有個小小表演， waiter會將火焰林上去crepe度，啲火喺上邊燒左10秒左右就會熄，好得意。呢個crepe有燈去中和個甜味🙆🏻都係甘好食，肥幾磅都抵。餐廳waiter都好Nice，我仲聽講嗰日Main dish有買一送一優惠，可惜我哋已經食緊甜品，個肚冇位裝啦。雖然地點係難搵啲，但鍾意食crepe嘅朋友可以一試啊。…查看更多

同阿妹行完街街之後，經過見到呢間甜品店，之前睇open rice都見人推介過佢啲甜品，決定入嚟試吓。店裏便嘅姐姐成日都自己傾計，叫極都唔應人，叫咗三四聲，終於過黎落order。兩個人叫咗兩個甜品。見到Menu有雪樂冰，未聽過又未食過，決定叫個試吓。芋圓香芋雪樂冰豆腐花，啲芋頭好似糯米咁嘅質地，食起嚟有啲黐牙，而且應該浸過糖水，好在冇噤過啲芋頭味。芋頭迷應該都幾鍾意。個雪樂冰先係精髓，係雪花冰同意大利雪糕嘅混合體，食落去煙韌又有淡淡香芋味，不錯不錯。不過啲丸子就遜色咗啲，糯米味比較重。另一個係宇治金時雪樂冰，反而呢個抹茶味嘅雪樂冰就冇咁煙韌，不過抹茶味都幾出，啲丸子同紅豆就麻麻哋，尤其啲紅豆煮得吾夠軟。以味道黎講我會推薦芋圓香芋雪落冰豆腐花多於宇治金時，下次仲想試吓佢其他嘅甜品，例如酒釀丸子，未食過嘛。不過佢嘅香芋雪樂冰我都幾推薦，而且價錢唔貴。…查看更多

6個女仔gathering。諗住試新餐廳,又可以叫多啲款式。好彩早一個星期訂位,到6,7點已經好多人等位，冇訂位恐怕要等1個鐘。訂左位即刻有得入，啲位有啲窄，但環境幾乾淨，始終新餐廳嘛。限時食個半鐘，所以即刻又要點餐。呢間餐廳主打係啲比較新派嘅韓國嘢食，主要都係雞，仲有特色飲品，不過我無點。我地一共點左5樣野:當然吾少得太陽雞，好大份，好震撼，個顏色真係好似個太陽😎炸雞乾身有醃過，加埋有少少鹹嘅cheese就啱啱好，呢隻芝士都幾好味，唔會好似其他店舖嘅芝士咁得奶味冇芝士鹹味。而且隻芝士有得拉架，好玩又好食。啲嘢食都黎得好快，話甘快個燒雞拼盤就上枱啦。因為唔想淨係食炸雞，所以拼盤叫咗燒雞。呢個係原味燒雞配個蒜蓉醬，個醬調得幾真，同埋好似撈左啲芝士落去，好滋味。再嚟就係海鮮pizza ,呢隻Pizza嘅質地有啲似韓國嘅泡菜煎餅，都幾足料，有魷魚、京蔥等等。上面淋上燒汁，幾惹味，不過個人覺得Pizza係煎餅質地怪怪地。冷麵就普普通通，同街外嘅韓國水冷麵差唔多，味道都係淡淡地，麵質煙韌。仲有一個carbonara年糕，個汁幾香，個人認為比冷麵更值得一試。不過我冇影相，哈。 用餐時間真係定咗90分鐘，差唔多時間waiter就會過嚟提醒你，所以個人認為唔係咁適合比一大班朋友坐低傾計，限時嘛，但係啲嘢食整得幾有心機值得一試。…查看更多

今日放工同朋友食晚飯，最後揀左呢間以前食過覺得好好味嘅印度餐廳。餐廳位置比較隱蔽，亦都冇乜人光顧，成晚就得我同朋友。兩個人叫左個2人套餐: 有羅宋湯，脆薄餅，咖哩薯仔角，芝士薯仔蛋，燒雞，咖哩牛腩連麵包，飲料，椰汁芒果。呢個脆餅好香，有啲好特別嘅香料，將佢送湯就一流！咖哩薯仔角，好正！熱辣辣食最好，凍左個皮就韌呢份燒雞有4至5塊，都幾辣下，要飲檸檬茶解下辣，雞肉比較乾身同硬，所以我prefer點咖哩汁甘食。跟住就係芝士薯仔蛋，但我食吾出有芝士，而且佢有青豆同莞茜，我吾多中意。所以主要都係食個牛腩，牛腩炆得幾琳，最鍾意都係牛腩個咖哩汁，蘸麵包食好正，有成4,5塊大麵包，吃左甘多餸之後其實已經好足夠，吃埋麵包就超飽。最後就到芒果凍！上面鋪左啲味道好似糖，但又有啲似雪花冰嘅配粉，好正！好彩細細份咋，頭先已經食到飽飽。個芒果凍就不過不失，幾香。…查看更多

之前係新加坡讀書已經幫襯過呢間店舖兩次，足料又抵食。今日係旺角甘岩經過，忍吾住又食！佢有吾同size,我都係中意食Sanum:三款水果，兩款crunchy，兩款sauce，每款都好有質素，好match!價錢只係$49。份量都幾大份，建議二人share 我揀左西瓜，士多啤梨，芒果，朱古力脆波，朱古力餅碎，榛子醬。大滿足！除左芒果比較酸，其他都好好味！…查看更多