nat_lufs's Profile

九龍城一向都係云集美食嘅地區，除左泰國野，其實日本餐廳都唔少。今日就去每次經過福佬村道都會比佢招牌吸引嘅居酒屋！風味小店，我地坐喺樓梯隔離張枱，自成一角都幾好。間舖內外裝修都好有日本風味，老闆都似半個日本人。今日我地食【半熟依勢海老燒套餐】🦞燒龍蝦整得好嫩，上面仲鋪左海膽，正！略嫌龍蝦肉少d，太好味好快食完😅一蝦兩食，我覺得跟個粥才是精華所在！用龍蝦頭加龍蝦湯煲，超鮮味！都加左椰菜同本菇我一啖湯都冇食淨😂另外叫左幾款串燒同大阪燒，都唔錯。尤其串燒蠔用腐皮包住，做法有驚喜。今餐食到非常飽，滿意…Read More

大熱天時岀去食餐晏都唔易架。經過試下燒肉啦！無訂位差d冇位，間舖只有大約20個位。裝修幾骨緻，日式簡約風。吧枱已坐滿，老闆帶我地上閣樓。多人包場幾好嘅，否則因為閣樓好應聲，隔離大枱笑嗰時好嘈冇訂位，冇留食物，上到閣樓先知只有和牛丼同黑毛豬丼⋯我地每樣一份試下個麵豉湯幾好味～前菜就普通啦，不過不失主菜來了！黑毛豬丼到先老闆好有原則咁要我地先食豬肉，唔夠味可以點少少汁，豬軟骨唔洗點汁，但好強調豬肉一定要即刻食！豬肉夠林，見到粉紅色其實有少少驚，味道都幾好～ 豬軟骨就肉好好好韌！純血和牛大盛來了！見到個名都期待架！可惜真身就⋯⋯老闆話唔夠味先點汁，但我覺得塊塊都唔夠味⋯⋯點汁又咸，唔點又冇味唔算韌，牛肉份量幾多，但無味真係唔知點食唔想浪費食晒，但唔覺自己食緊和牛…Read More

開左好多年都維持到水準！原味就已經好好味～ 最鍾意就係加mayonnaise，令到成份八爪魚丸都creamy左。另外就係呢間嘅八爪魚丸真係每粒都會有真•八爪魚喺裡面，真材實料。…Read More

外面係一間尋常拉麵，見好多款沾麵就入去試下。坐底先見到——-> $7 茶錢!!! 一定係非常上乘嘅特選綠茶，可惜本人唔識欣賞我叫左芝士海膽沾麵。湯嘅濃度都好掛麵，麵上亦有一粒非常小的海膽，附合商品說明條例。湯入面有海膽碎，但調味過咸，整體無海膽味。另外一提，落單時嘅驚喜！拉麵要收$9附加費！基本上大部分人會叫海膽/龍蝦/蟹，所以呢個附加費都算收硬架喇。其實收錢有冇需要咁鬼鼠⋯⋯佢話$9下個月冇，好想知道係咪真係會取消，可惜我不會再來了～…Read More

今日天氣好，打算搵間露天茶座去下。醒起西貢西沙茶座，就過來坐下。西貢過來一條直路，幾易搵。去到門口突然有人示意代客泊車，咁都得！？入去坐底，有2-3台客嘅。睇下有咩食啦。打開餐牌，價格成間高級餐廳咁，叫杯野飲四、五十蚊，叫個小食閒閒地$100一場來到都隨便叫小小啦。所幸食物都入得口，咖哩幾好味（不過唔辣）。但性價比真係低⋯一間路邊茶座都要收茶錢、小食錢。收到高級餐廳嘅收費，但問阿姐要紙巾話收我$3包，真係佩服！…Read More

本身見到openrice圖片有鮑魚食，非常期待。預早2星期已訂座。來到發現實在與想像相差太遠，忍唔住要開齋寫食評⋯Refill得好勤力，見厨師keep住拎野岀來。可惜來來去去都係青瓜、蔬菜拼盤同好少餡料嘅包呢度服務其實ok嘅，安排座位後，我地覺得冷氣唔夠，職員都好好，願意幫手安排去個冷氣較大嘅位置。飲品selection都好多，茶都有好多款。但食物選擇真係要改善下！我地眼見除左我地，有幾枱都呻冇野好食⋯…Read More