conisxme的個人專頁

接近晚飯時間就想下呢間既星馬湯麵，叫左碗人氣商品叻沙套餐，個賣相相當吸引。可惜湯還湯，麵還麵。個味道完全融入唔到！！我種要食到一條好生既芽菜。 不過跟餐熱美祿就沖得幾有水準，香濃不太浠公仔麵 要食都係去返港式茶餐廳食啦！蛋煎得過熟，午餐肉係白烚，要煎先可突出到佢既香同外脆內軟既口感，都係差，個湯頭好味精但唔香！真係好唔亂叫公仔麵有件意外發生係我身上，當時有個侍應執緊後面個位時，托盤上面有個咖啡杯成個跌去我背隻，我feel到好重既撞擊，好在裡面無熱飲！燙傷都似。然後玻璃跌到一地都係，個侍應完全無道歉既意慾。雖然無心之失，但整到人都應該禮貌地道個歉。 之後收我地碗，問我地仲要唔要個態度都好差！…查看更多

呢間車仔麵午飯時間排哂長龍，一向係車仔麵怪既我 當然要試下有咩料子咁多人排隊啦！我當日叫左三個餸，分別係滷水雞翼、豬紅、豬腸。雞翼很入味，豬腸略嫌剪得太大，味道還好，而豬紅就很普通，口感未至於一咬即爛，尚可接受。但我相信呢間車仔味最吸引的莫過於抵食，因為真係好足料！雞翼竟然有三隻咁多（$7）而豬腸同豬紅有食極都種有既感覺。總括，味道唔算十分出色，但絕對物有所值，好抵食。…查看更多

之前行過荃灣一田見到開左間白熊咖哩，已經心郁郁想去食，再加上見到晚市的套餐幾吸引，再後就去左試啦！鋪頭的裝潢的確幾舒服，由於唔係好多人等位，於是直接入去坐。不過，呢間鋪頭好明顯係有唔夠人手既問題。1.一開始無人帶位2.叫左好耐先有人比餐牌我地 同抹table 但算啦樓面得一個人做野，咩都佢做哂係好慘慘豬 入正題，當日叫左佢一個Set Dinner 叫左個雞肉奄列咖哩飯＋洋蔥圈＋凍青檸梳打 = $68 價錢方面的確非常吸引 ，另外再加多＄12叫左個粟米濃湯我只能講飲落真係好似用粉溝水開出來的湯，沒有太濃的粟米味！呢杯送既凍青檸梳打好甜，真係好甜。甜到以為自己飲緊糖水洋蔥圈只有四件，味道無咩事，不過不失，但最失敗既地方係凍凍地既，一食就知擺左一陣先拎出來。然後到左重點咖哩飯，其實未食之前還有一絲期待，因為外觀的確唔差，好可惜.....食落就知道伏左，你話係唔係好差好難食？又未至於，但係先講個飯飯疑煮得過左火，有少少過軟，沒有嚼勁，搞到一點也不似日本米。咖哩汁：我會形容佢個味好似超級市場買到個「咖X寶」 個D現成煮來食既咖哩汁味，因為D雞肉係溶左入去個咖哩，佢呢隻咖哩味好普通，唔會太甜但又無香濃既咖哩味。完全唔令你 有更大既意慾去扒哂成碗飯。另外，嫌佢比既咖哩汁真係太少，只有上圖中邊邊位置，飯又太多，佢比既飯同咖哩汁唔係最好的比例。最後係唔會有足夠既咖哩汁送飯。另外，都叫左個價值＄78 既芝士漢堡奄列咖哩飯呢個漢堡真係「經典」！食落去味道就好似黑椒牛筋丸咁肉質"梅梅"爛爛，完全唔好食。呢個飯既咖哩同雞肉咖哩個個唔同，色澤上都較深色，味道比較討好、濃郁，可惜係佢地用左濃芝士，會蓋過左個香咖哩味。有喧賓奪主之嫌。總括而言，一次性餐廳，唔算出色，令人失望而回。…查看更多

因為朋友介紹，才知道午市做緊個"四人同行一人免費"既優惠。1.食物款不算多，但質素好作為一個buffet，食物的款式不算多，不過我認為以兩小時半的用餐時間來說，才剛有足夠時間去試不同的款式。因為當中食蟹腳同排生蠔都會用上一定的時間。生蠔： 我排左兩轉，每轉最多可以拎5隻，而每次排左5分鐘左右。因為當日中午的入座人數唔太多，相對等既時間已經算短，另外都是乎有幾個開蠔師傅去影響取蠔時間。生蠔全部都係即開即食，味道還好，都算新鮮既。刺身： 我唔知是不是午市無海膽同帶子食定點，總知個日就食唔到，有點失望。不過其他刺身整體都新鮮好味既長蟹腳： 有好多長蟹腳放係度，唔怕無得食。味道方面，肥美又新鮮，唔會話好大雪味，值得一食再食。和牛片同西冷牛扒： 唔好睇個和牛片好似普通超級市場見到D肥牛片咁既樣，但係個味道完全唔同班。師傅會即時煎比你，30秒就立即拎得，個人覺得呢個都幾好味。而西冷牛扒都好味，肉質唔會太un,鮮嫩，如果嫌太生亦叫廚師煎一煎比你。如果mr.steak ge 牛扒都唔好食就應該要反省下！鴨肝： 味道不討好，有點兒苦澀味，食兩夠仔已經好足夠，否則濟住個肚 其他熟食都無咩特別，但好似個點心有燒賣同小龍包，雖然都係放置係蒸籠裡面，但就係唔熱，食落有點凍凍地，麻麻地好食，而個小籠包係唔會有湯汁流出，所以試左一粒已經放棄左。甜品方面： 款式多，我都試唔哂lu，仲有香蕉船同畫碟服務，個人覺得畫碟服務係幾特別同貼心。雪糕方面係哈根大師，very nice !2. 抵食個日星期六原本「生蠔和牛buffet」 要＄398 但優惠連加一後 每人都係＄338。以這個價錢能夠食到相對有質素的貴價食物，我認為已經值回票價。…查看更多