55 5的個人專頁

食物一般，沒有什麼驚喜。甜品獨角獸幾有feel，適合打卡，book檯要註明坐卡位，如果唔係就係普通位，同普通餐廳無分別。當日book左檯慶祝生日，但無卡位坐唯有坐住普通位食嘢先，去到上甜品，提出坐卡位方便影相📸️waiter應該唔想咁麻煩，唔耐煩地同意，過程中淨係幫我地擺左個甜品。體驗麻麻🥺🥺🥺🥺🥺🥺9點就吹我地上甜品，9點15就俾單我地同催促我地話10點收，搞到我地都唔敢再傾落去，未有拿拿聲食埋個甜品，9:30走人！！！…查看更多

環境方面：一開lift入到去見到七彩霓虹燈招牌，又有bar檯，感覺幾chill同埋幾有氣氛。食物方面：我地點左椰子雞湯，雞湯超級鮮甜回味，一大煲兩個人食完全足夠。仲叫左通菜同串燒，串燒醬好滋味，送酒一流啊好多花生碎、沙爹味濃郁，串燒又唔會太乾太柴，好好味呀。椰子雞湯同埋串燒都非常值得回味。整體推薦建議如果兩人食量較少㗎話，可以淨係叫一個椰子雞煲就已經夠食，最後仲可以叫埋甜品芒果糯米飯，咁就好完美啦！…查看更多

呢間係我會常去食炸雞嘅鋪頭之一，炸雞味道多，最吸引人嘅係炸雞炸得酥脆而唔係滿口麵粉或者麵包糠炸出黎嘅感覺！韓式年糕方面，味道微甜中帶辣，非常美味，不過可惜嘅係份量較少，如果多少少就完美飲品方面較甜，可自行選擇飲品。…查看更多

環境方面：座位比較窄，可能因為在尖沙咀的緣故都差不多嘅。位置方面：於尖沙咀韓國街尾，不過由於鋪位太入都幾難搵到。可能係路癡嘅緣故，hahaha 食物方面：食物擺碟設計窩心，如有人生日，就會幫你寫埋Happy Birthday落去。但食物質素一般，三文魚籽及海膽不夠新鮮，欠佳！但侍應都幾有禮貌+分！不過可能餐廳使用木檯的原因，所以桌子會較黏，給人感覺不太乾淨。價錢較高，與食物質素不成正比。不過見係小店就試下啦！…查看更多

環境方面：好似屋企的感覺，係第二間房度食飯會好D，無咁油煙。不過因為空間細，多人就會比較吵！食物方面：Pizza比較鹹，不過餅底幾有homemade 嘅味道！意粉幾好味！…查看更多

越棧好多一個人去食個午餐都唔錯，今次食豬扒何河粉，飲珍多冰。大概等左15分鐘左右就上餐，河粉滑，湯底清甜。豬排應該係即叫即炸，上台都係熱嘅，不過就比較硬。最後珍多冰都上埋，珍多冰好味依然保持開店時嘅水準…查看更多

黃大仙北館二樓，亞萊泰超級抵食！6點左右到可以坐舒適嘅卡位，位置寬闊舒服。野食味道好，特別係冬蔭公湯（比較適合香港人食，唔似泰國個D咁辣，唔係咁食得辣個人都接受到，而且海鮮好足）馬拉盞炒通菜好好味，唔會死鹹，味道岩岩好。雞肉嫩滑，唔錯喔…查看更多

對酸菜好有要求嘅爸爸竟然讚呢間酸菜魚嘅酸菜好味，食過咁多間酸菜魚，次次都聽佢彈人地D酸菜淨係得死鹹味，無酸味。第一次係佢口中聽到佢讚人地D酸菜好味，成個酸菜魚都提升了，下次繼續黎食！不過今次D燒烤麻麻的，可能燒過頭，牛舌偏韌且沒有味！不過酸菜魚真係好味呀！仲有酸蘿蔔炒豬肚都超級正！人均：$150…查看更多

黃大仙北館二樓，係六福隔離。今次我地網上取位，好快就可以入去做低（不過記得要準時到喔）燒賣好好味呀！原隻蝦好爽口。仲有個芋頭酥，賣像好靚，最岩打卡，咬落去外脆內軟，入面全部都是軟綿綿嘅芋頭蓉。身為芋頭忠實fan真係好滿足呀！其他點心都做得唔錯，性價比一致，值得試一試！…查看更多

呢間係黃大仙算係最好味嘅甜品店，好適合老少黎食，因為佢地有中式熱/涷嘅甜品、又有岩後生仔女食嘅西式甜品。帶過老人家過黎食佢地都話好味我最鍾意佢地嘅原個椰汁燉蛋，香滑得黎又有濃郁嘅椰汁味，鍾意食椰汁嘅朋友唔好錯過喇…查看更多

再臨閣係半島酒店隔離，可以望到文化中心&維多利亞港，個景都幾正！不過呢間熟食及海鮮種類比較少，甜品也一般，勝在$300幾蚊又可以有景睇有唔錯嘅野食其實都值曬！炸物部嘅姐姐好好推薦：炸蕃薯&炸南瓜（不過炸得唔靚好油、又厚粉），不過姐姐咁好服務就幫襯下佢喇！員工態度都好有禮貌，值得讚賞…查看更多

上次黎食係下午茶，佢地D炸雞唔錯，外脆內軟，自家煲嘅檸檬薏米水也超好飲（珍珠奶茶唔建議大家點🙈味道麻麻的）平均$60/人今次咁岩係公眾假，無下午茶就點左個半筋半肉牛肉麵食，湯底濃郁，麵彈壓好香嘅麵粉味！牛筋好淋，不過牛腩肉就比較煙韌。平均 $75/人下午茶抵D喔…查看更多

呢間甜品店好吸引，次次都係排長龍。如果太多人想有個空間靜靜地傾下計可以問職員可唔可以上樓上食，樓上係一個唔錯嘅小空間，可以容納到10-20個人左右，仲可以搧埋到門大聲傾計。好鍾意呢間店個榴槤甜品，榴槤味濃，而且好香滑。仲有朱古力心太軟好味呀，唔會太過甜。必嚐！不過呢間店無賣椰子燉蛋，希望快D新增多D中式甜品啦…查看更多

今次黎呢邊食個晚餐聚會，入門口店員好快就接待我們入座，介紹今日嘅湯&推薦。我點左份西冷扒，七成熟。套餐跟湯&法式蒜蓉包、一杯飲品（ps 如果散叫可以加$35就可以有湯&飲品，抵食）西冷扒配薯菜，西冷扒味道一般，不過蘑菇湯味道濃郁，而且是打爛左嘅蘑菇，值得一試！店員好有禮貌，收碟前都會問下你，一見你飲曬D水就會即刻幫你加水，唔錯！…查看更多

地點：九龍灣C出口直行，大概5分鐘左右到（係MCL斜對面）環境：一入去見會見到一列麵包櫃，好吸睛嘅丹麥酥，係港女打卡首選入面環境比較安靜，而且燈光剛好不會太光或太暗。適合坐低休息下，享受個休閒下午茶時光。今次食下午茶，味道尚可，性價比高。價錢：$53/人值得一試…查看更多