SUPERTONG_bb的個人專頁

好少過海🙈嚟到香港大學站呢頭更加唔熟見呢間餐廳下午茶時段都幾多人所以就入咗去試一試佢🤨除咗門口呢兩張大枱之外後面所有細枱同卡位係坐滿🙈下午茶都幾多選擇而且價錢真係唔貴最我揀咗個燒鴨喇沙米粉加咗個小食蘿蔔餅成碗麵嘅份量都好足😳燒鴨有起碼六至七件米粉可能因為好索湯所以就感覺更多😂湯底嘅花生醬味好重亦都飲得出落咗好多椰漿不過略嫌啲湯少咗啲🙉俾米粉索晒啲湯飲唔到幾多啖😂😂😂蘿蔔餅唔會炸到好油 幾脆口杯白咖啡冇嗌少甜都唔會過甜啱啱好 值得一讚食到咁上下想食啲菜又追加咗個馬拉盞通菜幼通😍馬拉盞嘅份量毫不吝嗇所以成碟菜好惹味亦都食得出啲菜好嫩 好新鮮餐廳一路播住啲印度風歌舞歌曲🤣所以先話間餐廳有好濃厚嘅異國風情食完呢餐飽到晚餐都唔使食lu…查看更多

喺土瓜灣附近做完嘢唔想頹食茶餐廳俾呢個勁光猛嘅門面吸引咗冇錯 又係台灣嘢😂揭開個Menu發現有少少似曾相識🫣不過唔理啦 啱食最緊要於是又揀返牛肉麵加滷肉飯再加多一個雞翼小食最先嚟嘅係花雕藥膳雞翼原來係單骨雞翼😯食落仲方便兼且真係好有酒味啱晒重口味人士之後嚟嘅係牛肉麵同滷肉飯今次滷肉飯冇肉鬆🤣個汁嘅口味唔會偏甜 好啱我另外牛肉麵嘅牛肉都好出色 半筋半肉最後係黑糖珍珠奶茶真係好有黑糖味珍珠有口感鍾意咬口嘅人一定會鍾意食到勁飽🙈睇嚟今晚都唔需要食晚飯😂…查看更多

今日嚟到圍方行街兼整指甲整完肚餓想食少少嘢於是就揀咗呢間台式餐廳可能因為商場同間餐廳都係新所以啲裝修都好grand卡位好闊落😆下午茶嘅選擇都幾多有麵有飯或者想食小食都有幾多選擇最後我揀咗麵同飯😂兩樣都要滷肉飯啲滷肉肥瘦適中隻流心蛋好食！佢仲有好大執肉鬆伴碟肉鬆控應該會好開心個牛肉麵唔好睇佢細細碗嚿牛肉都好有誠意半筋半肉咁樣好有牛味仲有成兜酸菜比重口味人士任落好大方🤣另外仲嗌咗個小食鹽酥雞雞肉唔會炸到太乾味道不錯 唔會太鹹最後仲嗌咗杯芋頭芋圓鮮奶芋泥都幾多 口感不錯不過好似自動少甜咗😂健康人士啱飲 Staff們都Nice的會主動擺低杯清水同埋牙籤幾有禮貌…查看更多

今日嚟到北角呢頭一向都知呢度有好多好嘢食朋友話想食啲有特色啲嘅嘢所以我哋就揀咗呢間台灣餐廳門面好光猛坐入去樓底夠高所以都唔會覺得侷促餐牌選擇好多選擇困難症人士都要揀咗一陣先揀好😂最後我哋兩個都揀咗食麵😛分別係紅燒牛肉手工麵同埋牛三寶麵食麵識食一定係飲湯先🤣個湯底清甜但唔會太假仲有少少藥材味飲落嘅鹹度適中實測飲完當晚都冇口渴🤪下次去食飲多兩啖都唔驚牛肉份量超級多而且煮到好腍特別係個牛筋非常出色!可以一戰之後上枱嘅係兩杯嘢飲叫咗少冰真係有少冰做到嘢😂👍🏾我哋仲叫咗3款小食分別係麻辣鴨血 ，鹽酥雞同埋蟹蓋鴨血都幾滑不過重口味人士就略嫌淡口咗少少🙈鹽酥雞好食！啲雞肉炸完都係好嫰🤤好入味至於個蟹蓋真係好足料😂食嘅時候需要比較粗暴地先至可以潷到啲蟹肉出嚟建議行優雅路線嘅女士最好叫同行朋友幫手🤣食咗咁多嘢都唔洗$300🤭最緊要係晚市都冇加一抵讚！…查看更多

天氣鬼死咁熱🥵想搵個坐得舒服嘅餐廳慢食慢hea熱到冇乜胃口所以想食啲湯粉類嘅嘢出邊睇見呢間餐廳個環境幾舒服 又有卡位所以就入咗嚟真係冇揀錯 冷氣好夠怕熱人士啱晒🤤見隔離枱下午茶份量都好大碗👀食麵食飯都有得揀侍應仲擺低埋本main menu夜晚食嘅話都有好多嘢揀講返自己碗麵先叫咗生牛肉牛腩湯粉有河粉檬粉或者金邊粉揀我揀咗金邊粉湯底好夠熱！影相都見到啲煙😂啲金邊粉唔會煮得太腍而且份量真係好足🙊個湯底飲得多都冇涸喉🙈鍾意飲湯人士可以試吓佢嘅湯粉🤣值得一讚係塊牛腩肥瘦適中有牛味又唔會騷叫咗個小食牛油雞翼炸得好香脆但係又唔會太油飲品叫咗杯薄荷青檸梳打好清新😌略嫌細杯咗啲😛如果可以大杯啲就perfect啦🫶🏾總括而言餐廳個環境真係幾闊落食物質素亦對得住個價錢…查看更多

食到唔知食乜見鋪頭門口有位泊街邊於是就坐街邊一路望住車一路食鳳爪沙律超多鳳爪好似仲多過平時出去特登食鳳爪嘅量😂青檸梳打只係$15泰式奶茶只係$18仲平過茶餐廳叫杯熱飲泰式通菜個人覺得可以再辣啲泰式乾炒河勁熱辣辣好食仲有串雞腎同燒雞髀唔記得影個雞髀食唔落打包返屋企🤣仲有個燒豬肉丸同炸蝦餅唔記得影全部都好好食所有食物都係即叫即整所以都要等一陣同埋店主係泰國人所以唔識睇中文落單都係自己寫number再交紙仔有時其實叫雞定豬佢哋都要出嚟問返你加上人手有限大家不妨俾啲耐性呢啲咁地道嘅小店要多多支持食咗咁多嘢都只係$333🥹🥹🥹真心要食多啲…查看更多

朋友仔話想試呢間懶人串燒所以今日就特登早啲嚟食個early dinner想人少啲坐得舒服啲點知嚟到先知本身啲擺位都唔密仲要全部卡位😮就算坐滿都唔會人迫人值得一讚一坐低店員就好細心介紹落單嘅方法同埋枱面嘅醬汁同調味料枱面有好多唔同嘅粉例如孜然粉同幼鹽汁就有柚子醬同泰式魚露等唔同口味人士都照顧到☺️聽完店員介紹我哋就出去拎嘢飲飲品櫃有好多鴻福堂嘅支裝飲品亦都有唔同嘅汽水養生人士當然就飲無糖茶😂可能因為我哋早到嘅關係除咗每台一坐低就會有嘅食物我哋掃QR code叫嘅嘢食亦都好快就送到呢個爐嘅好處就係唔需要睇火佢會不斷咁樣keep住轉啲食物確保唔會燶咁就可以專心傾偈😂後尾見到隔籬枱將啲蔬菜類擺喺上面嗰層慶熱佢然後先再燒原來咁樣又會快少少😮不過整體嚟講都唔需要燒好耐可能因為啲食物嘅體積比較細所以好快都會熟就算只係限時兩個鐘都唔會話食到趕頭趕命兼且可以好飽去到最後原來仲有雪糕送😻仲有四種味揀為呢一餐畫上一個圓滿嘅句號🥰…查看更多

同好耐冇見嘅中學同學食飯大家都係街坊所以想喺屯門搵一間坐得舒服又唔會限時嘅餐廳慢慢坐又要打躉咁耐當然要食啲要烚吓烚吓嘅嘢啦😂最後我哋揀咗呢間新開嘅酒樓佢好似全場都係卡位咁樣😮仲要係勁高嘅卡位私隱到十足上網睇咗佢嘅價錢並不是走街坊親民路線不過好彩最後食物質素同服務質素都有相對程度嘅貨交返👍🏾一坐低店員就介紹佢哋有個新出嘅雞煲係點餐紙無嘅要QR code先搵到雞煲仲啱我哋心水所以我哋就揀咗雞煲同埋揀咗幾款打邊爐嘅料然後店員就會上呢一個調味盤重口味人士大愛可以瘋狂食芫荽同蒜頭🫣枱面上個口罩信封係硬卡紙好似喜帖嗰啲信封咁搞到我唔係好捨得用😂😂😂好快隻雞已經嚟到啦店員再三提示我哋要係咁搞佢😂慎防癡底搞多兩搞其實都已經好快又滾返所以就食得lu啲雞嘅份量超級多真係有足一隻雞而且啲雞冇雪味雞肉亦都好滑仲要有勁多洋蔥乾蔥配菜我食咗勁多😋(所以成晚個口都好臭🫢)我哋揀咗小辣小麻所以味道唔算太重不過就所有料都好入味而且食完成晚都冇口乾所以都應該冇味精不錯！可能因為唔算太多客所以啲火鍋配料都好快到就咁睇個賣相已經好出色我哋用咗超過一個鐘先至食晒個雞然後先加湯打邊爐牛肉我哋揀咗美國手切牛店員提醒淥3至5秒就OK不過我份人怕死😂最後都應該淥咗30秒但係啲牛仍然好有牛味而且又唔會鞋最緊要佢唔會太肥好啱我心水白鱔片每一片都好新鮮彈牙冇腥味而且冇碎骨細骨最怕比啲細骨巉口🫠餃子拼盤就無乜特別不過其實都好足料好多餡只係我食中咗一隻羊肉餃個人麻麻哋羊肉🙈墨魚滑同蝦滑雙拼係朋友仔叫嘅兩款滑都好彈牙真係足料冇乜粉幾優秀最後個蔬菜拼盤啲菜都好新鮮墊底嘅西洋菜完全冇爛兼且好嫩證明佢哋真係有揀過啲菜先比客🫡坐到10點我哋都仲未走亦未食完😂不過佢哋廚房應該要收工所以店員都過嚟問我哋仲有冇嘢加兼且加多句慢慢食唔使急完全唔會俾人催嘅感覺所以佢哋嘅服務都真係幾有心加分🫶🏾…查看更多

今日特登嚟呢度食老豆最鍾意食嘅潮州菜補祝父親節餐廳個入口有啲難搵唔知係唔係因為裝修緊所以要由側門去入🫣走嘅時候都好似鬼鬼祟祟咁要call職員先有lift搭😅Any肥食物質素足以彌補所有缺點一坐低已經有功夫茶飲茶味超級香濃好快我哋已經揀好晒要食乜上菜嘅速度都幾理想首先嚟嘅係凍馬友估唔到休漁期都有海魚食條馬友超級肥美！而且好滑連個豆醬水都好似同平時屋企點嘅唔同唔會過咸有豆香之後嚟嘅係滷水鵝片拼鵝肝滷水汁好香兩款食材都滷得好入味鵝片亦唔會過肥鵝肝佢哋話好好食我試咗一片本人唔太好鵝肝不過都覺得可以小食一片食完唔會覺得漏到暈之後係胡椒豬肚豬什腸煲(好似係咁😂)個湯超好飲唔會過鹹或者過辣好鮮啲豆腐亦都好滑內臟完全冇任何異味好鍾意食豬腸嘅老公話啲豬腸超級正呢碟普寧豆腐簡直就係顛覆咗我過去對普寧豆腐嘅印象首先個樣已經同坊間嘅普寧豆腐唔太一樣裏面係超級嫩滑！好似啱啱開盒嘅山水豆腐咁滑完全唔明點解可以炸得咁出色之後係老豆話要點嘅炸蝦棗真係食到有啲蝦肉喺入邊成個感覺好真材實料都好食嘅不過我個人就對呢碟菜冇特別大嘅感覺🙈之後就係阿媽話要食嘅春菜蘿蔔排骨煲又係超甜嘅湯底同頭先個胡椒豬肚湯唔同嘅風味蘿蔔亦都好嫩完全冇渣最後係出邊好少食到嘅水瓜烙雖然係煎嘅但係個感覺好清新配埋個魚露食勁好食水瓜係一樣出水好多嘅食材好佩服佢哋可以煎到咁出色食到尾聲侍應姐姐送咗四件馬豆糕好食但冇乜特別唔識評價😂我哋亦都叫咗兩款甜品首先嚟嘅係綠豆爽綠豆爽入邊有我哋全家人都好鍾意食嘅清心丸🥰真係好少地方買得到清心丸了成碗糖水唔會過甜而且好足料最後係芋泥呢碗嘢真係唔講得笑一定一定一定要多人share食先會食得晒😂我哋四個人食基本上其中三個食咗兩啖已經投降雖然佢係甜嘅但係有好重嘅豬油味重口味人士就啱食不過連我食咗兩啖都已經覺得頂唔順😂唔可以再食落去反而我阿媽就話超正😂😂😂所以清淡口味人士可能唔需要叫呢款總括嚟講食物質素無需置疑服務亦都好周到貼心位係有個應該高級啲嘅侍應姐姐會主動將小匙羹放落每一個調味碟度見到我哋枱面冇晒濕紙巾又會主動補所以服務係優秀嘅不過嗰日係weekend客人都好疏落由我哋入場到食完都係得五至六台客人希望呢啲舊式情懷唔會逐漸消失🥲…查看更多

連續第二個禮拜出去搵食😋都係繼續食意大利餐廳半自助餐今次呢間價錢比上星期食嘅嗰一間更平估唔到選擇更多質素更好今次一坐低拎咗轉甜品先廢事最後有得睇冇得食😂最爛蓉蓉嗰一pat蛋糕係Oreo cake都ok嘅無乜特別Tiramisu好滑兩件細嘅甜品都表現出色朱古力撻個味好濃唯獨是件芝士蛋糕啲芝士有少少打反左起粒唔夠滑海鮮嘅款式只有蝦同埋青口蝦嘅size好大隻肉質亦都好彈牙好食嘅另外仲見到有炒雜菇所以我都拎埋菇菇喜愛者一定要食多啲因為都幾好食😆今次都有燒牛肉同燒雞今次個燒雞就出色好多真係滑嘅而且個燒牛肉有肉味得來又唔會膻好食嘅左上角嗰個牛油果蟹肉沙律超級出色!好creamy我最後食多咗兩杯食咗一輪頭盤主菜就嚟啦綠色面嗰個係魚今次個魚就一般有少少煮過咗火候肉質有啲鞋仲有少少腥味不過下面個雞就超級好食墊底嘅菠菜好嫩雞肉入邊仲有芝士雞肉亦都好滑所以雞係比魚出色嘅不過呢個雞嘅主菜要加多幾十蚊抵唔抵就見仁見智啦食完主菜再出去拎多轉菜😂右上角嗰個海鮮沙律十分出色超級多海鮮!魷魚彈牙蝦亦都好爽口仲有好多bb帶子味道亦都非常優秀一定要試!最後再拎甜品而家嘅甜品同啱啱入嚟嘅甜品已經唔一樣🤫不過都係味道好好嘅尤其是係個紅絲絨蛋糕(差唔多食晒先記得影相)😂超級好食又唔會過甜最後每人有杯茶咖啡都係好香濃好飲嘅唔會過苦或過酸整體來講今餐嘅頭盤比較啱我口味唔係剩係得沙律菜而係有更多款式唔同嘅頭盤所以就算佢海鮮只有兩款都好專攻蝦都已經夠食兼且好滿足🥰…查看更多

由於全香港都冇自助餐食嘅關係😐所以連續兩個禮拜都去咗食半自助午餐喺未食下一間之前都覺得呢一間OK不過食咗之後就覺得呢一間性價比唔夠高首先分享左呢一餐嘅經驗先餐廳環境唔算迫亦唔算闊落枱與枱中間嘅通道夠一個中等身形嘅人過雖然當日餐廳都叫做八成滿座不過侍應們都算有效率不錯海鮮冷盤唔止剩係得蝦同埋蜆其實仲有青口同埋螺蝦就幾大隻同埋彈牙蜆就冇乜味老公話啲螺都OK不過我就冇試燒牛肉都幾好食唔會有肉膻味而且唔會過老不過另外仲有款燒雞就鞋到無朋友建議唔洗食慳返quota😂主菜叫咗一個魚同一份鴨胸魚夠滑唔會腥個鴨胸我就覺得好膻🤢而且個味道亦都唔夠濃可以話淡而無味同場見到其他主菜叫Pizza嘅人無一枱係食得晒😵所以細食嘅朋友唔想做大嘥鬼就慎叫有啲甜品出完一輪就冇所以下次再食一坐低會拎定啲甜品先😂甜品當日食就覺得不過不失不過食完下一間之後都係嗰句就會覺得呢一間啲甜品麻麻哋🫢呢一間嘅優勝之處就係佢嘅沙律菜有好多不同款式對於食素嘅人來講應該係一個福音但係如果你本身麻麻哋沙律菜嘅話咁其實除咗海鮮同燒牛肉之外自助頭盤都冇乜嘢好試🙈最後杯咖啡反而好出色好香又唔會過苦同澀埋單呢個價錢抵唔抵食就真係見仁見智冇比較冇傷害睇完下一篇食評就會明🤫…查看更多

平日嘅紅磡午飯時間周圍都人山人海同老公想搵間唔使排隊又坐得舒服嘅餐廳於是就入咗嚟呢間食雞飯餐牌嘅選擇唔多不過都揀到我哋想食嘅嘢一個雞飯套餐加$10有杯拉茶另外再叫咗個喇沙由於舖頭顧客唔多所以好快就有得食😋雞飯個賣相好靚仔油飯唔會過油但略嫌唔夠油香碟雞我哋叫咗雞胸非常之滑 而且唔會過肥碗雞湯飲得過唔算油個喇沙湯底超。級。濃！直頭係杰😂重口味人士即係我就覺得好好飲不過老公就覺得辣咗啲同埋啲咖喱味蓋過咗椰汁嘅香味杯拉茶飲左一半先記得影相😂呢度可以叫少甜少冰 不錯👍🏾因為我成日都覺得出邊嘅拉茶太甜茶味都好夠基本上係好飲繁忙時間都可以坐耐啲姐姐唔會催你走所以就算貴少少呢餐都覺得係抵食嘅…查看更多

追番之前嘅食評先呢日約咗朋友仔要傾野所以想搵間坐得舒服啲嘅Cafe雖然都係坐到六點就要走🥲呢間Cafe嘅座位都叫做幾闊落唔會話連隔離枱傾乜都聽到晒不過下午茶餐價錢就真係唔算平啦$78仲要杯飲品並非任何特色飲品只係一杯茶雖然杯茶都幾香食物應該係走fusion路線我叫咗個酸辣天使湯麵配涼拌雲耳食物嘅賣相都幾討好個酸辣湯底真係夠酸夠辣呢個係出色嘅啲天使麵亦都幾好食唔會太淋估唔到天使麵咁樣去煮都好食不過個流心海膽熔岩魚餅就冇乜特別有啲似凍肉舖$30一磅嘅雜丸🙈至於杯大吉嶺紅茶都幾香而且都算大杯但係如果可以有啲特色飲品飲就會開心啲囉🥲…查看更多

今日要嚟宜家傢俬買嘢樓下就有間金鳳上網成日睇到啲人講到金鳳好似好差咁樣今日決定用下午茶嘅價錢自己嚟試一試😂試完點知又唔係真係好差咋喎首先門口嘅侍應哥哥好有禮貌咁叫我哋量體溫同掃安心出行已經有一個良好印象坐低啲位都幾闊落張卡位超級大😮兩個人坐好鬆動本來仲擔心下午茶無扒食🤣點知有喎於是我同老公都叫咗一樣嘅扒不過一個叫黑椒汁一個叫蒜蓉汁塊扒啲肉並冇用鬆肉粉”那”到爛晒都仲有咬口嘅兼且切開仲有少少粉紅大概係medium well嘅程度我個黑椒汁都幾黑椒真係有楜椒嘅辣至於老公就話個蒜蓉汁相對比較失色意粉係有用茄汁炒過嘅都幾有誠意至於伴碟嗰三嚿翠玉瓜直頭係出色😂😂😂嗰排啲菜炒到天價咁貴都仲有咁大粒翠玉瓜真係好抵讚😘凍飲唔洗加錢唔洗加一呢個質素同咁嘅環境都算係抵食…查看更多

外賣食到唔知食乜好今晚老公收工就買咗酸菜魚點知伏到不行外賣自取有折一個酸菜魚兩個飯仲有個小食棒棒雞好似好抵丫係咪？食落就知伏外賣個包裝係企理嘅無漏到周圍都係但主角個魚就真係少得可憐應該得最多10塊魚片？(佢聲稱有半條魚)剩下來嘅就係無限粉絲🤡配菜都係得單位數嘅蓮藕同金菇同埋數嚿指頭般大小嘅豆腐可能呢排菜貴 連平時常見嘅娃娃菜都無條😐魚片唔入味仲要我同老公都各自食到一塊有骨嘅🥲個湯底都好寡基本上就係用粉絲塞飽個肚我哋連個白飯都擺返入雪櫃聽日食唔想用澱粉質送澱粉質😂絕對無下次之選…查看更多