yuki_poyu的個人專頁

我都好少嬲到要上黎openrice俾差評。覺得餐廳有佢地難處，如果唔係太過份，我都由得佢，最多下次唔幫襯。今次真係覺得餐廳太過份。我喺Google睇到餐點嘅相見到賣相唔錯，份量合理。雲吞雞嘅雲吞有五粒，雞肉都係胸髀等較多肉嘅部位。然後我今日叫咗外賣，送到黎只得三粒雲吞，雞都係背脊位無肉食。我覺得如果餐廳一向都係俾呢個份量，呢個質素，我當自己唔識揀餐廳。但係無理由堂食同外賣份量同質素差咁遠，我外賣係貴過堂食，即係餐廳係on top加咗外送平台成本。大家黎評評理。…查看更多

因為見客去左圓方商場，大約2點左右用餐，唔使等位，裝修唔錯、坐位都闊落。我點咗個例牌海車雞，同事點咗個set lunch係牛肉黎嘅。上菜嗰陣侍應俾左兩隻圓碟我哋，但係我地無用到。先講野食，個海南雞完全唔好食，啲肉好鞋又唔香，雞皮白過白切雞（我食開好食嘅海南雞啲皮係黃嘅，皮同肉之間係有層啫喱咁，啲肉好嫩滑），淋咗啲鮑汁上去完全無加分效果。食食下想飲啖水，問個男侍應拎杯水，然後佢就唔太好語氣咁話：「水呀？每位9蚊喎，仲要唔要？」然後呢間野有收加一服務費，請問水都唔提供，又用咁嘅語氣同食客講嘢，憑咩收服務費？假設你哋提供咩法國高級有氣礦泉水要收錢，都應該解釋一下，而唔係咁樣嘅態度。最後俾錢準備離開，有位女侍應黎執枱，就係呢位女侍應一開頭俾兩隻碟我哋，咁佢見兩隻碟好乾淨無用過咁，問我哋：「兩隻碟你地無用過丫嘛？」我地點一點頭，佢就直接放返去個架度。衛生程度好有問題，首先我地無放過野食上去，但唔代表夾嘢無彈到啲汁、講嘢無飛到啲口水落去，仲有唔打算洗你都唔係問個食客有無用到，無用到就放返上架，環保都應該要講衛生（雖然我唔覺得佢哋係為咗慳水同洗潔精）。間餐廳仲要咁近高鐵站，咁多內地人出入，我完全唔會再去食。…查看更多