果果豆的個人專頁

25號晚老公提議話去食和平飯店,好耐之前食過一次.小籠包味道都ok.去到嗌咗兩款小籠包,半隻蔥油淋雞同埋韭黃炒鱔糊.小籠包味道正常,但鱔糊食嗰時已經覺得入面啲鱔有啲唔知點解有啲硬掘掘咬唔郁,我就夹起掉咗,諗住可能夠火候炒到太硬,最多唔食都無去投訴.蔥油雞皮带甜,但肉又無咩味.兩個餸都好油,所以我食好少已感到漏.老公全部食晒.第二日两個人都肚屙,肚陰陰痛.有食正腸丸,但第三日都仲没好.下次都唔會再幫襯,味道麻麻價錢唔平,仲要食到腸胃炎🤬…查看更多

朋友係附近返工,過来搵佢,佢做嘢未得閒.啱好有少少肚餓,見到呢間小店好似嘢食ok ,一於入来試下佢個招牌蕃茄濃湯米,湯底果然夠濃郁,有蕃茄粒同粟米粒和四粒墨丸.仲推出咗胡椒豬肚雞脚湯,下次可以再試下…查看更多

見到食評幾好,而且近我返工嘅地方,所以就約fd收工之後一齊去食!等咗差唔多三十分鐘先有菜上,我哋嗌泰式拼盤就搞錯咗串燒,嗌咗個飛天通菜成陣燶味,一睇蒜頭同菜都黑黑地,忍唔住叫佢換過一碟畀我哋!一蚊換購黃咖哩雞聽落去好似好抵其實嗰份量好細!得少少雞肉碎塊,仲一陣雪味!個海鮮麵包脆皮盅個麵包皮唔脆,海鮮感覺唔新鮮!好多洋蔥.青椒!得個泰式拼盘好D!而且唔知係埋空氣唔流通嘅關係,fd話有少少見暈,一杯啤酒都飲唔晒!但唔知點解好好生意!😂…查看更多

朋友介紹食過樓上九樓嘅蒸氣火鍋,幾好味,今晚再來六樓食川菜,$388有香辣蟹再揀多一樣餸,我哋食水煮魚!可能太多人嗌,無左蟹,轉左香辣龍蝦,好新鮮好味!花臉啤酒易入口,仲買一送一,我哋兩個各飲左四支,微醺好正!啱好過兩日有fd生日,我都順便訂埋枱!…查看更多

前一排唔記得係邊見到介紹，話豉油鷄好味，所以都好有興趣想試下!今日放假，特登外賣兩個餐返屋企，豉油五花肉瘦而柴，成口渣!令人大失所望!豉油鷄好啲，但唔覺特別!而且份量唔多，價錢唔平!外賣八五折都要一百四十幾，可以有更好嘅選擇!…查看更多

今日放假又系約食飯時間，但幾個都唔得閒，得兩條友，本來想去銅鑼灣食過幾次個間湖南x，但之前見到介紹呢間好似幾好，又近地鐵站，所以過來試下！嗌左兩個午餐，加多個殺豬菜（即豬膶、豬肚、腰花)，一入囗已覺不對路，農家小炒肉完全冇青椒香味，啲肉又鞋實實！另一個攸縣香幹都系唔多掂！香乾唔香唔滑，連兩個最簡單最基本嘅湖南菜都唔好味！仲要三個餸全部一個味，偏甜唔辣唔香！食完好口渴，絕對唔正宗！絕對中伏，冇下次了！…查看更多

新鋪開張，同事一齊忙完收工諗住食返餐勁嘅！去到極尚大Ｘ屋，但好多人排隊，經理話九點先知有冇位！上網查下附近有咩其它放題，見到相撲手．啱開張时我食過，份量足味道可以，所以打去問有冇位，竟然有位。點知咁就中伏了！去到好快寫嘢食，刺身最快來到，三文魚厚切好味，甜蝦都幾大隻，其它都麻麻地好味，到燒物上枱，先知差處未算差，燒茄子—食就知系之前燒定，又霉又沒味，燒牛舌好硬，另有—款唔知點解有煉乳系上面，又甜又系硬到冇朋友，咁多樣得—樣好味，就系燒蕃薯！氣氛幾好．服務環境都唔差，但最重要嘅嘢食真系唔得－其間見有人拍啲食物廣告，拍得靚有咩用，食物難食！買單268加埋一．差唔多三百一個人，真系唔抵食，冇下次喇！…查看更多

同事提議收工一齊去食甜牙牙.佢話次次行過都聞到香味同埋好多人排隊！所以一行三人來食宵夜甜品.都坐到滿晒，好彩唔晒等位！我地三個嗌左四個甜品，冰火焦糖炖蛋最好味.朱古力窩夫疊層層雪雪堡同三式蕉焗杏仁片片其實差唔多.都系朱古力窩夫，冇咩朱古力味.淡冒冒！芒果Pancake就好食啲，起碼有啲芒果味!最後剩低好多窩夫，三個一致認為好睇唔好食！:(…查看更多

突然间想食辣嘢，观塘食辣嘢嘅地方唔多，特别一个人可以食的乜呢？咦，好耐以前食过云南风味嘅麻辣鸡米线辣辣哋几好哦。行到门口，仲有四个人等紧位。入到去，叫了麻辣鸡饵丝小辣，跟住打開“開飯喇”，想看看有乜其它好食嘅嘢介绍，见啲人話牛肝菌几好味，就嗌多个虎皮椒炒牛肝菌，都系小辣。等着起码十分钟饵丝先上来，试下味先，发觉唔够辣，辣啲会好味啲。饵丝和米线味道唔同，米线滑啲。牛肝菌我觉得麻麻哋，味道不是很香，好像浸水太耐，而且啲虎皮椒只有一两隻，其它都系西椒。要50元一碟仔，我觉得唔系好抵，有啲失望.…查看更多

今日放假，约阿妈饮茶。以为系楼下间酒楼饮唔洗行，点知落到去好多人等位，可能系假期啦。apm果边多选择，我系杂志见到新开了一间钓鱼翁饭店，都有点心食。就想去试试。一去到，都唔洗等位。见门口位挂住好多只没烧的鹅。隔离的玻璃窗就挂住烧好的鹅和乳猪。点心唔算太多，但有的都几特别，我哋嗌了七样点心，有叉烧肠粉，我觉得还可以，但冇想象中好味。糯米鸡细细隻，有三隻。味道几好，但的馅少的。牛肉球比平时食的细粒的，但有四粒。味道没惊喜。我反而中意食金粟芋头饺，粟米甜芋头粉，好味道。总体来讲都OK，但价钱就比一般酒楼贵，唔怪得唔洗等位。下次试下佢嘅招牌烧鹅，看下好唔好味。…查看更多

昨天上早班，八点钟就下班了，本来想去我平时喜欢去的顺德人鱼村吃三宝粥，结果逛着逛着想去鸟华看看，结果进去吃拉面了，我叫了套餐，有拉面，迷你饭和鸡肉饺子。拉面果然有浓浓的鸡汤味，偏咸了一点，面条和鸡肉都味道很好。但饺子不好吃，味道怪怪的哦。下次去吃的话就叫拉面好了。…查看更多