babymoon8的個人專頁

其實之前已經發生過，叫有珍珠飲品，都係唔記得咗加，最慘係返到屋企之後先發現。（大家真係要check清楚先拎走）今日又再發生，本身叫咗兩個嘢飲都係有珍珠，1杯蜂蜜綠茶加珍珠，另一杯係913珍珠奶茶。好在今次係商場一路行一路飲先發現兩杯都冇珍珠，我哋即刻馬上返轉頭同職員講，佢哋一句唔好意思都冇，佢哋望下個label 先加番入杯，其實都算太多人，點解兩杯嘢飲都可以漏咗珍珠？淘大呢一間真係比較差，同一間天仁茗茶，德福店就俾佢好好多，起碼冇做錯嘢飲。響淘大其實可以轉飲花斑茶社了。…查看更多

行開深水埗，見哩間食評都幾好，就去試吓。星期六lunch 時間，竟然唔算多人，加上樓底高，座位寬躺，幾寧靜，又坐得舒服👍我哋叫咗一個封門柳同埋安格斯漢堡，兩個都有跟薯條，特別係封門柳真係肉味濃，雖然都有啲筋，但整體都好好味😋另外欣賞喺呢度嘅服務好好，佢哋嘅餐刀跟餐出，可能消毒過刀柄比較熱，員工見個餐係比小朋友，即刻話換過把冇咁熱嘅刀，（其實唔算好焫手，不過佢哋真係好細心👍）最後，竟然呢間餐廳係冇加一，點都係一間西餐廳，又有服務👍…查看更多

V City 入面大多數都係D大集團餐廳，吸引力低，好在有哩間老虎冰室，下午茶時段又見選擇多，就入去試吓 。果然有驚喜，除咗炸雞髀好食，又大件，佢哋嘅「芝士蝦多士」賣相靚，脆卜卜超好食😋「老虎蟹避風塘炒麵」軟殼蟹熱辣辣，老虎蝦夠味，麵炒得好香，仲可以叫走辣，又唔油真係邊食邊讚好味，有大排檔風味👍值得幫襯冰室來講佢都算多選擇，又有乳鴿，鰻魚熱狗..etc係價錢偏高，尤其是跟餐改凍飲要加$6，有D貴，但嘢食真係唔錯！…查看更多

差唔多一年冇幫襯，甜品質素還OK，最估唔到嘅係職員全部換過晒，啲態度真係好差，特別係門口派飛職員，佢一定要你揀哂野食，先安排坐位俾你，我4位，問佢我只揀咗一個嘢食先，入到去再order得唔得，女職員話：「你要揀，一定可以俾你入去揀，但你冇理由依家只係揀一個」 （點啊，唔係講咗入去先再揀其他）我再同佢講：「你冇minimum charge, 係咪揀一個都會安排坐位俾我？」女職員（黑面加晦氣）話：「得！就攞走咗張order 紙」講真，響出邊燈光又暗，只係得門口嗰塊有圖嘅價錢牌，又冇Menu俾人睇，想入舖頭光啲再揀。等咗一陣，我屋企人都已經響門口揀定嘢食，眼見佢不停叫我後邊嘅Number入坐（同樣係四人位），我問個女職員，點解唔係我哋入先？女職員話：「你都未order 哂4樣野，點俾你入去」🔥都黎，首先，你冇同我講一定要嗌晒四樣嘢先入得去，就收咗我張order紙，唔得你咪同我講囉！說話態度又差，另外一個女職員就話：「而家俾你入囉！」屋企人都話幫襯埋今次以後唔好黎喇！員工咁趕客，啲糖水幾好食都係假啦，價錢又唔係平！坐入去睇Menu，阻你幾多時間，食糖水，食完就走😡…查看更多