winga_li的個人專頁

叫兩個一人餐，兩個細pizza，小食，加錢轉忌廉湯同加雞翼。冇免運，加$20送貨。一開始寫45分鐘，等極未到，打去分店，完全唔聽電話。打去熱線問可唔可以自取，攞得未。佢竟然都係用打電話呢個方法，話佢聯絡唔到分店。我夠知啦！之後話叫我等車手。冇得揀，唯有等。冇辦法，照等，個半鐘終於到，一打開，個湯倒咗一半，冇雞翼！啲食物明顯擺咗好耐，只係勉強暖。又要打去熱線，再半個鐘後，啲雞翼終於飛到。冇下次！仲敢收人運費！…查看更多

又停晚市，所以早啲去食個tea 算數。鋪面唔大，但係招呼好好，揀咗一個心太軟同埋一個拿破崙食。拿破崙有米芝蓮，嚟到真係好鬆脆，加埋大量芒果，超yum。心太軟即叫即整，要等一陣間。切開流心，朱古力味好香。個雲呢拿雪糕都唔錯，一冷一熱夾埋好正。下午茶時段免費送飲品，叫咗個蜜桃茶同埋金橘檸檬，好抵好靚。食緊嘅時候同舖頭職員傾偈，原來佢哋搞緊團購，所以努力pack貨中。呢個疫情真係搞死唔少小店，連續兩年新年都係咁過。佢哋個Menu仲有gelato ，下次可以買個返屋企試下。…查看更多

星期六下午去試呢間新開嘅韓國嘢，叫咗兩個午市套餐。一人一份泡菜，ok好味，食晒。人蔘雞湯較淡人蔘味，但$58嚟講算好正，雞都算滑，跟一碗大白飯。牛排骨好嫩，味道夠，又唔太油，正。總評：小舖平價算係中上，可以再嚟。…查看更多

年初一拜完年之後喺沙田搵嘢食啦，人生路不熟，好多鋪頭又未開，加上落緊雨所以就求其入左一間潮州打冷。入到去第一個感覺係地下勁跣，著防滑膠底鞋都要扶住行，十足溜冰場。坐低之後仲發覺佢+15%，而出面係冇寫嘅，算，新年預咗貴。兩個人食，嗌咗一個蠔仔粥同一個鵝片例牌。鵝片超細，算！起碼味道都叫正常。嘩！個蠔仔粥個顏色你哋自己睇邊度比啲人食㗎，仲要勁大塊蠔殼！食唔到一半。食完出去見到好多人排等位，好想叫佢哋走。好肯定，冇下次！…查看更多

好鍾意食片皮鴨同埋拔絲香蕉，特登出旺角食平時北京老家都好有水準，所以期望好高，點知今次大失所望六點幾鐘，基本上已經book晒枱，好彩我地人少才有位先係片皮鴨，睇個樣好似冇咩嘢，仔細一望，個邊好似烘乾晒咁，感覺係翻熱過，再反轉一看，乾到沒有半點油份，可能是用微波爐翻叮，一句到尾，難食炒刀削麵冇咩特別，唔講甜品食拔絲香蕉，賣相好靚，可惜糖太厚，用叉都叉唔入，香蕉又爛爛地，有圖有真相，自己睇今次真係大失所望，兩個人仲食咗四百幾蚊，唔抵…查看更多

一直以來都鍾意食Junk food，呢間餐廳雖然細，但非常有水準漢堡即叫即製，肉質超好，如果去Outback 可以賣過百元。雙色薯條好好食，我最鍾意食深色嗰隻，甜甜地，好好食。据扒水準亦好，可能本身啲肉靚喇先俾錢再上餐，不過因為即製，所以趕時間就唔好去喇…查看更多

一直以為香港的旅客會去流浮山食海鮮，飲茶食點心。但今日同一個英國籍的朋友講起，佢竟然話佢所有朋友都介紹佢去Mr Wong’s Mong Kok，講咗一大輪，原來係間茶餐廳！80蚊任飲任食（all you can eat)，不算好食，不過鬼佬好like，因為有啤酒，又可以試佢地心目中的local food本地人真係估唔到…查看更多

冬天凍凍地又乾燥，諗住去食個腐竹蛋暖下潤下松記不嬲味道都有保證點知個哥哥仔，差不多是將碗糖水掉落嚟，食少一截...欲哭無淚，叫佢換又好似好小氣有冇人會賠返俾我？…查看更多

以前啲雞蛋仔真的好香，而家完全冇味。另外，手勢都差埋，見佢打開幾次個夾，整到個雞蛋仔爛晒，如果未俾錢就真係走人。價錢亦越來越貴，成15蚊底。都係行返去筲箕灣食低調高手好好多。…查看更多