happy kiwi的個人專頁

今日係第二次食呢間餐廳話說上2個星期行過見到佢話手工麵又話湯底係冇味精，仲要有酸辣咁就試下佢啦～店面好細間，坐位有d迫其實湯底又真係約好味嘅圖中我叫小辣但係食落好辣我一心諗住佢可能落錯左，咁我都食左喇，所以算啦～今日再去食，再叫小辣都一樣係咁！所以如果你唔食得辣都係叫唔辣好喇～Btw，佢會有好多菜墊底我覺得幾好，好似多左個菜食咁…查看更多

呢間食左2次第一次食完感覺好好因為服務好好食物質素正常啦手，但覺得環境同服務搭夠但第二次食物質素好差最差係個牛，柴到不得了，冇牛味其他野就好一般食得入口咁啦～服務水準都keep到嘅～…查看更多

初初開個陣都覺得幾好食環境都唔錯但點知佢越嚟越差😰最近一次食簡直係唔食得其實我對lunch 嘅要求已經好低但係都食唔落羅宋湯冇味道嘅，仲慘過飲水呢個叫做煎豬扒配黑松露汁睇個樣都似好正常一切落去硬都好似石頭咁我都唔知點形容我食緊嘅到底係咩黎薯條凍嘅，同埋硬我接受唔到薯條係凍架囉😳個汁唔洗講都知係冇味架啦奶茶先係極品又澀，又鞋同埋都係凍嘅🤦🏻‍♀️題外話，佢每逢weekend 都會有人唱歌至於好唔好聽就見仁見智喇個人應為食飯都係靜靜地好…查看更多

一睇個名就知係食扒同意粉架啦😌近排同老公都覺得好耐冇食到好味嘅扒元朗有好幾間有分店個d都愈食愈差😟見呢間細細間，本住試下心態丫～～有幾好味喎😆我最愛嘅磨菇湯，濃濃菇味😋橙色嘅係南瓜湯🎃三文魚凱撒沙律🥗非常清新📍極力推介📍水牛城串串雞翼講緊我以為一串係一隻雞翼跟住係我食完嘅時候發現，點解2條骨都係粗骨嘅呢🤔原來佢係拆左幼個條骨，變左單骨雞翼😱啖啖肉，勁juicy板燒牛肩胛牛味濃郁，薯條即炸👍🏻帶子意粉帶子好大粒，落足本意粉硬度適中，唯獨唔係好夠味食左咁多野先四百幾蚊作為一間小店有咁高質真係喜出望外🤗元朗做食店真心唔易希望佢可以繼續做落去啦～…查看更多

開頭聽個店名以為又係四川辣野食🌶點知朋友話可以簡唔辣，咁又試下啦一入門口有一邊都係凍櫃放哂勁多不同嘅火鍋配料原來係自己夾完佢再一獲過煮麵呢個上次食左今次自己一個人試左個老雞湯麵超濃郁藥𧬆雞湯味😋好想飲哂個湯小食涼拌萵筍絲（可選辣度）估唔到佢係小食類竟然咁大碟味道清新👍🏻一個人最後梗係食唔哂啦🙄呢間食物份量偏多唔係咁大食就唔好叫咁多野食啦～…查看更多

人越大越來越唔鍾意濃味野今次上海朋友黎香港佢地話上海呢排好興食重興火鍋咁就即管捨命陪君子啦🤷🏻‍♀️一開lift 門，煙霧瀰漫🌫一大陣麻辣味撲鼻而來🌶又真係幾香嘅但同時即時feel到全身嘅衫褲鞋襪唔知要洗幾多次先可以冇味🙄鴛鴦鍋，小辣都咁多辣椒🌶️🤦🏻‍♀️中間浮浮下嘅係炸腐皮，煮3分鐘先好食，勁索湯，千其唔好放辣個度🔥好多內臟鵝腸，鴨血，豬天梯，又豬喉嚨🤦🏻‍♀️其實都驚驚鍾意食內臟嘅朋友可以一試其他火鍋配料正常啦～個四寶丸就每樣得一粒，如果一班人去就要注意份量啦～…查看更多

話說好耐之前去屏山食華嫂已經俾呢間餐廳吸引左😮好有隱世feel 今晚老公提議不如去試下好啦，就的起心肝去try try 佢啦！唔想諗就個set dinner 啦🤔橫掂有佢招牌菜燒牛肋骨成條骨上都幾誇張下岩哂牛魔王🐮配菜一d都唔hea 薯條係正嘅👍🏻個pizza size 都幾大下，我開頭以為個細細個皮薄多芝士，I like it 😋餐湯都好多料完全唔吝嗇🤗沙律菜都好新鮮另加雞翼三重奏有3種唔同味嘅雞翼：蜜糖，柚子，BBQ3隻都好正，我自己就最鍾意蜜糖味🤤跟餐仲要有雪糕🍦呢個時候已經飽到一個點其實雞翼係貪心嘅唔加都已經好夠😬…查看更多

成日都食日式火鍋好耐冇食過雞煲邊爐啦😫老公話有朋友介紹一間雞煲好正咁就即管試下堅唔堅先🤔有好多款雞煲揀喎，唔想再食辣辣雞煲喇！就試下個花膠螺片先有驚喜🎉估唔到有好多花膠喎😱D雞好滑個湯勁好飲，堅似飲緊花膠雞湯咁😍滿滿的骨膠原👍🏻自創芝士響鈴🔔脆到好似食薯片咁咬深d先食到芝士，好香濃原來芝士同腐皮係咁夾嘅💕好多款唔同嘅手打丸本來好想試佢個「十全大寶丸」但又怕食唔哂所以叫左個手打蟹粉墨魚丸試下入面真係有蟹粉🦀粒粒都成個乒乓波咁大！正！叫左美國肥牛好味🤤菜都幾多下，唔會得個2條仔👍🏻整體感覺好好環境企理，乾淨下次搵一大班人去可以試多d野食👍🏻…查看更多

黎到旺角，不外乎都係去行街shopping 🛍🛍買。買。買。買。買。攰到嘔，但係旺角想拼個地方坐下hea 下都幾難😞今次去左樓上cafe☕️印象中cafe 野食通常都no good 🤢估唔到又有驚喜喎😍上到去環境都好舒適幾張大大的枱，軟林林嘅疏化👍🏻仲有得叉電🔌，自己同電話都可以食飽飽📲先黎個小食蒜香雞翼熱辣辣♨️，脆卜卜🗯雞肉都好有味，食得出係有腌過嘅👍🏻曲曲薯條🍟最正係個松露醬🍄香到不得了加12蚊就可以有主食係蒜香虎蝦意粉🦐意粉有咬口，我like 👍🏻最怕係林pat pat 意粉12星座特飲都幾得意，可以跟返自己星座不過我個星座我唔鍾意，所以叫左另一個有驚喜個古古力味勁濃郁🍫…查看更多

幾個月前已經想食次次都食唔成因爲要等好耐先有位😪今次都唔列外等到樹葉都落🍂用左apps 排隊叫好少少架喇，等左2個鐘咁啦😴😴下次起碼要早4個鐘好排定隊講返野食先呢度3種唔同嘅牛最正唔洗問梗係A5黑毛和牛啦👍🏻👍🏻油花分佈平均，牛味甚濃😌黑松露蝦滑：同普通蝦滑冇咩特別，不過都唔差嘅飽魚唔係好新鮮，有少少硬沙律係柚子汁🍊好清爽另外一個就犀利喇👍🏻係薯仔再加魷魚，夾埋一齊食超正👏🏻👏🏻環境同服務都覺得好好每個卡位都好似一個房仔咁可以同朋友仔傾下計都得👍🏻…查看更多

勁耐冇去泰國又勁耐冇食過泰國野突然今晚心血來潮所以去左新曼谷泰國菜try try 佢😋唔講咁多💦梗係黎個生蝦先啦😍真係20年冇食過生蝦好新鮮🦐隻隻都肥美，唔會瘦猛猛小食個度諗左好耐都唔知叫咩好🤔因為樣樣都想食😆點知原來拼盤$100可以簡2樣$180簡4樣👏🏻岩哂我呢d樣樣都想食嘅爲食貓😸雞串燒：juicy, 唔乾柴炸蝦餅：熱氣=即叫即炸👍🏻食返d菜先蒜蓉炒椰菜苗：味道夠嘅，但有少少硬重頭戲pad Thai 👍🏻👍🏻👍🏻👍🏻可能太耐冇食😂餐廳環境雖然有少少舊但唔迫坐得好舒服😌閨蜜傾計好地方👍🏻…查看更多

自從GU 係美麗華開左之後我地成日都去美麗華今晚放工又行GU💕行完都夜夜地，索性search 下有咩好食🤔呢間Fiat cafe 以前係銅鑼灣個陣都成日同老公拍拖去食銅鑼灣冇左之後都冇食過喇～今次叫左個2人set沙律菜幾新鮮，好多火箭菜，薯仔沙律好味磨菇湯，冇味的，可能唔記得落鹽紅酒慢煮牛面頰超級淋，淋得黎又有咬口牛味都幾濃郁，岩哂牛魔王啦～蟹肉Risotto 整身唔係好鍾意食意大利飯，因為成日覺得會好濟呢個食落又唔漏喎，好香波特菇好正…查看更多

去到澳門其中一樣要食嘅野就係魚翅啦🦈點解呢？🤔唔知係咪d人贏左錢要魚翅撈飯😂之前同屋企人都黎過2次今次同老公2個人撐枱腳💑滾到影唔到嘅翅（$98）好好味，叫左個白飯撈，堅正👍🏻鵝掌蹄筋煲滿滿嘅骨膠原食完即時覺得皮膚彈下彈下😂原隻南非鮮飽（$48）叫左最平個隻好好味喎，好鮮甜，好入味，性價比好高金牌吊燒雞（半隻）個皮脆卜卜，一d都唔油👍🏻雞肉都有味，完全唔洗點華鹽豆豉鯪魚油麥菜雖然冇咩鯪魚搵到，不過都好味，好有獲氣🔥…查看更多

話哂2日1夜澳門遊又點少得食葡國菜呢🤗多數人都去食咩木偶呀個d今次搵偏d嘅試下先餐廳名字好似好流咁喎。。。但原來食物一d都唔流先黎個炒蜆小食叫得小食，我以為得幾粒點知都好大碟下喎😲粒粒都有蜆肉，唔會得d殻仲好飽滿，好肥味燒牛仔骨都有成3條咁多一d都唔孤寒薯條熱辣辣，岩岩炸起極度推介「燒野豬」其實我唔知野豬同普通豬有咩唔同但食落去豬味好濃郁，好有咬口好似食豬肉乾咁濃味，但一d都唔柴，仲好juicy 添😋食西餐都想飲少少酒半支價錢唔貴，大約100蚊飲落都ok，易入口，配野豬好good👍🏻…查看更多

放孖day係香港悶悶地，又book到特價酒店所以同老公過大海行下，食下野😋上次一家大細去過灶記好鬼掛住d西多所以今次一落船就即刻衝去食💨💨極高水準嘅西多士呢個係花生奶粒粒西多士，佢都有普通一塊厚身個d，我地梗係要粒粒都炸到爆先過癮啦😌每一粒都浸透蛋液，面包超軟熟💕煉奶，牛油，花生醬好似唔洗錢咁落勁多，每一粒都可以沾滿醬豬扒包反而一般，冇咩特別瑞士雞翼都好味，隻隻都好大隻，好juicy有驚喜嘅豬扒蛋治呢個都係超水準，個包都係勁好食，豬扒好juicy，軟林林咁夾埋一齊，好味到暈黎多個雞扒炒面面炒得好乾身，正唔好以為我地生積2個人食咁多野其實因為太好食，所以第2日再去食多餐😂…查看更多