RogerKelly的個人專頁

意粉抵食，6pm前45-50蚊有一個意粉包杯裝飲品，重點係意粉係即叫即做，夠新鮮滾熱辣，份量也足夠門面走日式小清新風格，夠晒溫馨。意粉以外也有做手搖飲品，價錢$30上下。…查看更多

路過見Menu望落幾吸引就試下，叫左豬堡，首先一打開，見到漢堡本人賣相已經唔係好樣，食落果然肉質鬆散，完全無口感可言，而且醬汁唔夠，味道偏淡。反而追加的小食，雞肉洋蔥圈還算可以，係個漢堡讓人失望！…查看更多

見到咁多comment有讚無彈，特登黎試下，結果大失所望！湯底第一啖入口，超重味精湯包味，叫左小酥肉和虎皮豬蹄，雖然兩樣都係炸物，但係上檯時係放入湯入面，已經完全浸軟曬，失去炸物的香脆口感。炸蛋亦是不脆，而且入口超油。食一次已夠，唔會再中伏！咁多好評究竟點黎？大家明就明。…查看更多

知道係社企所以支持一下，星期六午餐時段幾乎坐滿人，見到Menu大部分餐都要50以上，本身覺得少貴，但食物送到原來大份足料，即刻覺得物有所值！我食的芝士腩肉仔焗飯，好多舊腩肉，而且係厚切，朋友的蔥油雞扒飯也是大大份。…查看更多

石門店假日經常大排長龍，一直食唔到，係荃灣偶然發現有分店，而且唔使等位，即刻試下。要讚嘅係雲石芝麻包，首先賣相幾吸睛，上檯時熱辣辣，芝麻包外皮鬆軟，芝麻餡唔係流沙果隻，而係挺身、有口感嘅，好正👍🏻反而不少人推薦的陳村粉味道一般。…查看更多

餐廳位置比較隔涉，唔近地鐵站，距離葵涌站10-15分鐘車程，有巴士可到。正由於不是商業區，價錢亦可以做到較親民，60-70蚊就可以嘆到一頓cafe lunch連咖啡。小店經營，座位不多，只有3張檯和bar檯位，裝潢不算IGable，但勝在人少不嘈雜，適合慢食放鬆，不用擔心被人趕走。如果有埋蛋糕甜品供應會更好。…查看更多

燒鯖魚飯的魚燒得香脆，但飯不是珍珠米，美中不足。如果能搭配些沙律菜，賣相會更好。芝士燒生蠔的芝士味濃郁，但又不會覆蓋生蠔的鮮味，值得一試。整體而言，價錢合理，性價比高。店內環境值得一讚，用上大量木色和黃燈光，給人溫馨的感覺，而且姐姐侍應有禮貌，服務有加分。…查看更多

lunch set大部分$60有找，set跟餐湯嘢飲，嘢食份量大，選擇多，環境暗暗地坐得幾舒服。附近返工鍾意黎呢度食，今次試左salad，色香味具全！好好好好好好！…查看更多

今時今日咁既服務態度係唔得架！假日黎食lunch，店內唔多人(五六枱客)，入到門口完全無人招呼，侍應姐姐寧願係你面前搬貨都唔睬9你，企成分鐘先有人問幾位。坐低左都無人主動埋黎落單，要自己行出去叫侍應。我地叫左兩個飯，其中一個梅頭肉湯+飯，成碗湯得三塊肉，仲要好細塊。你地自己睇相啦！呢度有泡菜芽菜前菜供應，可以refill，但當我地第二次叫refill時，侍應好唔客氣話：「今次最後一次加啦，再加要收錢。」收錢唔係問題，但唔係咁既方法同語氣同客人講囉。雖然好多明星黎過呢間店食，但食物講真一般，加上咁既服務質素，唔會再黎下次！…查看更多

新蒲崗的老店，大概一年前舖位還在對面街一間細舖，食物出品已不錯，係新蒲崗呢區主要做街坊生意，所以價錢也較大眾化。佢唔係開全日㗎，下晝3:00開始休息，到夜晚6:00再開，唔知係恆常還是疫情期間安排啦。所以下午茶時間要早D黎啦。叫左三文魚及油甘魚飯，跟面鼓湯，只係$52，非常抵食。魚生件件厚切，而且三文魚望落似係用魚腩部位，入口有浸油香，加分！疫情期間，睇得出都注意消毒，見到waitress 用消毒清潔劑逐本抹menu。…查看更多

去梅窩行下，晚市雖然禁堂食，但都想試下係梅窩食餐海鮮，所以打算買外賣係街邊食，黎之前已經做左功課，想黎呢間順興試下，結果無令人失望。Menu好多選擇，因我地得兩個人，所以只叫左老闆娘推薦的椒鹽鮮魷🦑，同埋海鮮炒飯。首先講海鮮炒飯，雖然只賣$58，但落料完全唔媽夫，而且份量好大，應該有三碗飯份量，真係有落魷魚絲落去炒，仲有蟹柳等等。椒鹽鮮魷好香口，份量足，絕對唔會粉多過肉，反而嫌佢粉太少，包唔晒舊魷魚，脆口感略不足，但整體味道唔錯！…查看更多