昆莉Lo的個人專頁

第一次食麻辣燙，夾咗少少菜、數小根幼菇，一塊番茄，午餐肉一片，魚餅魚蛋類數件，長身蟹柳一條，豆腐一塊，餃子一件，後來再加咗兩片豬肉和6、7條浸了水的闊麵。在我認知裡，是打邊爐會見到的食材。因為雪櫃旁不設磅，所以未可知準確的總重量，就唯有送去收銀員，收銀員將餸連埋個筲箕一齊磅，16.8/100g，多謝 107蚊，嚇嚇到我！最深刻感受係，借用我內地朋友的反應🫨😰：這是想省最多飯錢的人才會吃的餐點...我要求並夾返啲闊麵入返雪櫃，最後82蚊！～公平論，BB辣番茄湯底味道ok！我唔特別鍾愛特定湯底，當一次體驗還可以！個人飲食感受：唔係有無錢食嘅問題，對我而言，平民定高級飲食，客人使錢覺得值都好緊要，在九龍灣，需要花這個錢，而且能夠花得"爽"，還有很多很多選擇的😉👌。建議雪櫃旁加設磅！…查看更多

上班出觀塘地鐵站B出口，有時會轉入觀塘廣場此店買粉果做早餐(標價10蚊兩隻，沒標明的是可以夾其他嘢的話，粉果可以賣一隻5蚊)。12月23號，想買10蚊粉果夾腸粉(腸粉標價10蚊四條)，咁我問有無得賣兩條(粉果得，睇下腸粉得唔得)，老闆一開始語氣就唔耐煩：可以兩條……都係俾10蚊囉；講多兩句，就晦氣話：「嘥~時~間~！」。講真，作為一個客人，我嘅感受都係好真實，就係生氣，隨後嘅結論係：我都唔會“嘥時間”轉入嚟買早餐。…查看更多

見朋友在社交媒體網站上推介椰汁紅豆冰，咁啱我去嗰頭，就同朋友去吃晚餐～椰汁紅豆冰：最上面舖滿椰汁沙冰，齋吃沙冰，淡淡的椰子味可以當清涼的甜品吃，杯中間是濃郁的椰汁，最底係放滿大大粒紅豆，當攪拌混和一起吃，滿口是香濃的椰汁和紅豆，加上椰汁沙冰口感，極力推介這個誠意之作👍❤！叫飯麵或小菜，加$13就有椰汁紅豆冰~ 雪茶肉絲炆米炒得爽又唔油膩👍！以前一向少叫茶記嘅粉麵，因為多數炒得淋咗又油膩，但呢個我真心欣賞😍 若肚餓一點可以吃整碟！豆豉鯪魚油麥菜，朋友想吃就試下，雖然有點油，但炒得有鑊氣，也真的很不錯！🤝🏼店員招待也不錯！…查看更多

星期六路過此店見有蘋果批，回憶起西樹泡芙的蘋果金寶($29)，就好有興致去買個嚟試。結果……食落似麥記蘋果批「淋pat pat」無汁版本，話有吉士但食唔到，有3~4粒蘋果及提子乾很dry的在批底… 一咬即散，質感接近0層次，咬落是一pat到底…… 味道好homemade, 超一般，唔值$25。埋尾的批底沒有為整體帶來好分數，其他餅店的撻，縱使餡料不是出色，但撻皮脆脆的，多少也爭取到些分數，但這個蘋果批真是不能留住客人。…查看更多

$20一件芝麻糕及一件白糖糕，食落只是平平無奇而size唔大的糕點。糕點質素名過其實，而店舖又賺到盡，可即時列入黑名單。店舖位處深水埗，雖然商家賺錢好正常，不過如果只是賺到盡，不顧及當區街坊消費能力狀況，咁係唔係一件值得推舉嘅事呢？…查看更多

呢間舖開張時幫襯過一次，好耐無再幫襯。今晚我媽心血來潮想買外賣作晚餐：1)黃咖哩雞(無白飯)、2)泰式拼盤、3)泰式炒河。總值$218。(我哋響屋企煲埋飯)1)黃咖哩雞(無白飯)，$75雞肉較預期少，薯仔較預期細嚿和少，咖哩汁較預期偏稀，整體味道較預期普通，因為與預期有偏差，下次會選擇大家樂的咖哩牛腩飯。店員聲稱黃咖哩牛肉有飯附送，而黃咖哩雞沒有飯，因為咖哩雞數量多啲，若要加飯要另加$12。>>見圖，雞肉數量。2)泰式拼盤，$85一打開令人…，外賣盒內包含一件炸蝦餅(一分為二)、一件炸魚餅(一分為二)、4件春卷、兩隻雞翼。3)泰式炒河，$58份量佔一般膠外賣盒三份之二的高度，味度ok, 份量伏度xx伏度x的一餐，在東涌住咗咁耐，這間可說佔了東涌之最的頭三位。…查看更多

今日我和同事攞咗兩張印花卡(夾埋儲齊6個)去換取一份免費午餐，初時因為分開兩張，可能無免費午餐優惠，不過mini Friday破例一次，都覺呢間餐廳唔錯；buffet及羊架又幾好食。到埋單時，一名戴眼鏡中年男侍應 (主要負責安排座位，粗聲粗氣)，將張單攞過嚟，十分唔客氣話今次破例blablabla, 甚至帶點恐嚇味道。講真你按規矩做嘢唔俾免費午餐，我哋都會繼續留下午飯，但唔使到最後要以咁差嘅態度講下次唔可以咁樣，攪到我哋好似乞求間餐廳免費俾餐我哋食。感覺即刻差哂。另一例子，同事曾打去問有咩午餐，侍應話有豬有羊囉，趕收線，同事後來有次walk in食，認得呢個中年男把聲，話就係嗰次聽電話個男人。態度咁趕客，semi buffet幾吸引都無用。…查看更多