家有兩隻小笨豬的個人專頁

個次同老婆去食晚餐，見到間野新開張就入左黎，叫左2個小菜試下。。點知等左1小時15分左右。。中途我地仲問要等幾耐，個個都話10分鍾，又唔比取消，之後終於有得食，但無想像中咁好食，以後唔會再去，真係餓死都未有得食。…查看更多

本身都算幾鐘意食米線~呢日親愛的唔得閒同我食野~咁唯有自己搵野食啦~本來仲唸緊食乜好?行過呢間米線鋪佢開左咁耐都未試過~又記得openrice寫佢都好似幾ok~咁就入去叫啦~豬頸肉+順德魚腐+煎雞扒米線唔辣~外賣返屋企慢慢食>w<返到去開蓋~個樣都ok~料都算幾多~但個米線又真係....幾少下....雖然我唔係話好大食~但佢d米線仲少過人地車仔面檔XD第一口順德魚腐~=_=外面一PAT野入面有少少UM....真係難以入口.....可能係我唔識食O掛豬頸肉都唔知佢放左幾耐....入口有陣油益味.....雞扒應該係最正常個湯底...哈哈哈...真係清到真係好似無乜味....成個米線最好味GA我覺得係芽菜總括來講....應該唔會再去-_-"好可怕…查看更多

雖然我對茶餐廳食評一向沒興趣~但係呢間開業近2個月GA茶記~令我都忍唔住要寫一下~除左特色農夫包真係好好味之外~其他都係一般茶記食品~但係驚喜GA係....無味精都好好味!!相比附近GA茶記佢真係清新好多~而且料又多~廚房更加係睇到好乾淨~雖然裝修簡潔~但食物水準真係唔錯~同D樓面打聽~原來廚師係曾經得獎架唔怪之得炒飯真係好夠乾身~炒河我叫外賣~速度超快~上到來未開盒已經聞到好香~最重要係搵唔到個盒底有油架!!好正!!而且價錢好低食~快餐先27蚊!!!有D仲要係平時人地茶記小炒GA餸~A-M你揀~唔係得個4,5款~仲有湯同野飲~湯都飲得出係無味精~雖然佢係好平但又唔會話比小D料你~我個人認為仲多過人地成35蚊個D餐~佢外賣真係好低讚好快送上來~唔似得個D老茶記~成半個中都未見~仲要打電話去吹~唔憂做咁款~搞到依家喜樂已經變左我同親愛的GA飯堂喇XD…查看更多

上星期跟親愛的去完和味館~行過睇到樓下仲有間叫木村~就唸住去試下啦!~回家都有先上網看下食評如何~雖然負評一面倒~但也看到有人讚~心想不如去試一下龍與鳳吧~我跟親愛的都喜歡在6點左右去食飯~因為人不會太多~放題更不會擔心叫乜無乜~但這間木村真的給我驚嚇~6點到去到~已經有廖廖數台的食客~門口小姐也有給我們點選送的食品~我們2個人可以叫4款~我地就叫鵝肝多士~黑XXXX壽司*2同扇貝~親愛的食鵝肝多士話OK~扇貝超難食~件醬汁壽司....一挾就散之後點刺身....唔知係咪將貨就價......3文魚~針魚~立魚(仲叫左章紅魚~不過點左8次都無來)~嘩~超薄迷你裝呀~(你估賣廣告咩!)~最重要係!!我每次入20件~佢都係俾得唔夠十件我~算點JE~甜蝦...一D都唔鮮甜又細隻....炸物...炸乜都好啦....都係無味架!不過超快來~串燒~我都唔記得點左乜啦~淨係記得來左雞軟骨同栗米....其他都失蹤左LU~飲品 我一向唔鍾意飲氣水~叫左荔枝蜂蜜~親愛的叫左柑桔~全部都好淡味......甜品 千祈唔好叫布甸!!一PAT野!!好難食~東瀛雪球~親愛的淨係食到d雪味~其他都唔知有無味-_-得o者哩糖係正常~其他我都唔想講喇~全部都係迷你裝.....得幾張台都仲要成日漏單~好多野叫左都無來~我同親愛的第一次食放題係唔飽架~因為要成日忙住入紙~以我地D魚生狂來講....真係唔敢再去~佢地呢間野....值得一讚GA係服務都幾好~收碟都算快~同埋我地有時問點解仲未來佢又真係會走去幫我地睇單~…查看更多

招牌燒餅皇真係好好食~成個土制薄餅咁~個邊又夠脆~又唔係貴~又大件~真係平靚正呀~武大郎真係餅如其名....好多肉鋪頭個阿姨又好好禮貌~記得第一次買個時唔知食乜好~個阿姨會好有耐心咁同你講有乜料用乜野整~有時親愛的出旺角工作回來一定會買個返來俾我食~最厲害係....搭完車返到來大約半個鐘到~到我手都仲係暖手架~真係好味到食極都唔厭…查看更多

早幾日去完郎田~今日同親愛的又身癢想去食放題~記得兆萬有好幾間都係放題~上OPENRICE見到呢間野都好似唔錯~我地驚晏D出門塞車~就早左出去食~5點50到就行到去喇~呢個鐘點都係得幾台客~入面原來好迫= =佢地一排8個位都要分4台坐....2位佢地叫我地坐人地中間...真係有入就最好咪行出GA SIZE空間...點行埋去呀....我問佢地無其他位咩(其實好多吉位)~佢地唔出聲...咁我同親愛的都唔知講乜好....咁我唯有再問...佢好晦氣咁話...咁你坐呢度囉(指岩岩個8人位後面半卡位)仲要講完就走...我地坐左一陣又有一對情侶來又係叫佢坐迫SIZE~同樣情況~不過今次就無叫佢地坐第2度~又係唔出聲~人地咪走囉~真係唔留人架~好似真係唔憂做~食就食唔係就算GA服務....唉食物方面~刺身都算幾新鮮~3文魚~章紅魚~甜蝦都好正~卷物推薦什錦魚生卷~好好味~我地都叫左幾次....最快到係佢串燒真係中伏....= =全部都濕上...都唔似係燒...好似白芍完再係鐵板煎2下咁.....親愛的叫左個青口~都幾好~唔錯~泰式蝦餅都好好食~好彈牙~天婦羅就真係唔係好得~應該係叫炸蝦.....仲好鬼多油......不過估佢唔到GA係甜品會有咁多選擇~食到差唔多7點多D~已經開始好多人....應該話係得返幾張台雖然佢服務真係差左D~但係親愛的話好多野都未試XD所以應該會有下次....希望下次D服務唔會再差D啦=_="…查看更多

郎田新開個時都已經食過~未去過真係會搵餐死同親愛的早左肚餓~5點45就去食~先講服務d服務比之前好(可能咁岩佢地有意見表俾你填XD)~一入到去就會同你講可以食到幾點同幾錢~同場已經有大約8-9台客係度~我地得2個人~雖然未話好滿坐~但佢地都會比張4人台我地坐~食得都舒服D先啦~上菜同收碟都好快手~效率算高(親愛的好少讚人地服務)再講食物方面~魚生依然有劍魚~真係唔係間間搵到~ 3文魚其實都係OK咋~可能佢新鮮得濟~到叫第三輪食....唔知點解覺得好腥(雖然我好鍾意食 ) 馬刀貝叫左一次唔敢叫喇....成個碟底好多水...... 劍魚就好好味~正 魷魚好爽~但好似無新開個時咁好食~不過不失 吞拿魚刺身 親愛的就好鍾意食~我不太好~所以唔係好識分點先好食~不過都應該係OK的 吞拿魚壽司~有驚喜~真係唔錯~值得一試~其他應該都係一般(因為食完無乜印象)~ 天婦羅~超正!!佢唔會好似第2度D放題咁~炸到黑色~佢係炸到黃金色架~好好味~必食之選! 芝士炸年糕都OK~我不太好~但見好多人叫.... 炸生蠔就唔算好食....(親愛的好鍾意食蠔都無再叫....) 串燒就真係唔錯~我最鍾意食係雞軟骨(佢有2款架~另一款係雞軟骨棒....無興趣所以無叫) 親愛的叫左一大堆....一邊食一邊話好味...但係我都分唔到乜肉同乜肉..... 甜品得雪糕~芝麻同綠茶都算唔錯~提醒大家~飲品真係唔好叫玫瑰花茶~叫左你會知乜叫中伏...........總括來講~係一間值得再去GA放題~~~…查看更多