polis的個人專頁

今日經過土瓜灣上OpenRice睇吓有乜好食，經過呢間嘢見有人等位諗住會幾好，買外賣$40油渣麵油渣普通麵可以但嗰個$ 40豬皮魚蛋魷魚實在太離譜餸尾不如似要倒嘅餸渣！保證唔會幫襯第二次，$80食啲咁嘅嘢，香港人食嘢越嚟越低要求！仲有感覺鋪面非常污糟！等候時間重要超過15分鐘！仲有你哋個平台阻人交評語一定要超過200字，難怪好多人話你哋越嚟越無公信力！好食就好食！唔好食就唔好食！而家作文比賽呀！垃圾！…查看更多

幫襯過好多次，事實炯記食物味道沒有問題，職員服務態度良好，但不知為什麼他是我食過的燒鵝肉中最靱， 今天為避開燒鵝肉靱，特別點了燒鵝肶撈麵竟然又肥又韌😰真的希望他們可以認真改善一下好讓我繼續幫襯，…查看更多

第一次亦是最後一次，食物質素差，生蠔好腥沒有海水味！海鮮湯飯有怪味完全入唔到口，海鮮唔新鮮！其他的非常一般不值一提！浪費了餐廳職員一流服務彌補不了！廚房真的要好好檢討一下！…查看更多

今天是第二次到高興晚飯，上一次因為太夜唔扒食就隨便點了兩個意粉，一杯雜莓沙冰，一份玉桂蘋果Pancake都好吃。所以再來幫襯，今次點了牛扒有鬆肉粉多筋冇乜味，羊扒好肥，Orel沙冰與香蕉乳酪沙冰都淡，小食牛油果醬墨西哥脆片的牛油果醬偏淡味，唯獨雜菇意粉、炸魚薯條都可以。最要讚的是地方清潔，服務員態度超級好。笑容滿面服務你，裝修懷舊有趣，地方坐得舒服，價錢中規中矩，拉上補下不妨一試，位置在觀塘地鐵站附近十分方便，約齊三五知己傾計慢食最好不過，慢慢傾慢慢食，但不要對食物有太大期望。可以繼續改進，會再來幫襯。…查看更多

今日用咗七五折優惠去都會海逸酒店食自助午餐 ，因為細食所以已經好耐冇食過自助餐，見佢有七五折唔使$300、地方唔錯就帶埋亞仔去食下，冇諗過有水準，個個侍應都非常有禮貌；即開生蠔、長腳蟹、魚生、甜品、款式都算好多選擇，迷你蔬夫厘無懈可擊，Häagen-Dazs雪糕杯、雪糕批任食，食物水準雖然冇100分但都有80分， 唯一要彈就係見到水牛芝士好開心但食落有怪味，所以吐左出嚟。環境+食物嚟講算幾抵食。下次可以再考慮。希望佢可以繼續維持高水準！…查看更多

早一段日子，八仙餅家被傳媒廣泛報道，搞到佢大排長龍做唔切，做出來的皮蛋酥完全唔掂，冇晒佢真正嘅味道，諗住又冇左一間真正好味嘅餅家, 好彩而家熱潮過去,上星期經過再買皮蛋酥，真正嘅味道返晒嚟，好味好味好味！可以繼續幫襯好開心！…查看更多

上星期日晚特登嚟試下新食店，真的抵食有heart嘅日式小店，雖然迭擇不多，但鰻魚，刺身，吉列豬扒樣樣都做得好。我寧願佢做精选食品好過做垃圾食物，事實香港而家係食租唔係食品質，好希望多啲佢地呢類有水準又有heart嘅小店可以繼續落去。加油！…查看更多

昨天傍晚有少少肚餓想食少少野，但巳過下午茶時間又要留肚食晚飯，唔想食麥當勞但KFC嘅水準就每況愈下令我愈來愈少幫襯，但在沒有選擇下就入咗KFC買咗一件原味雞胸一隻香烤蜂蜜雞翼同細汽水，真係估唔到件原味雞胸係我近十年食KFC嘅驚喜，肉質亂滑，juicy，美味越食越開心，但香烤蜂蜜雞翼又乾又硬又冇味，非常難食不值一提，希望KFC繼續努力改進，等我有繼續幫襯落去嘅動力…查看更多

今天在銅鑼灣經過從前的翡翠明珠廣場，有點口渴，便上去找找有無新嘢試，一到二樓就見到Zakka cafe,即管試試，叫左牛肉漢堡➕凍鮮乃抹茶。坐低至知係大家樂集團。本耒沒有寄望，但送耒的樣子味道以$56嘅價錢就物有所值，好開心以後嚟銅鑼灣多了個Tea的好迭擇！…查看更多

適合一家大小聚歺的私房菜，有誠意嘅㕑房、豬肚雞、花膠㷛、豆腐煎旦，梅菜扣肉㷛仔反各樣都做得好好。唯一美中不足是碟頭太大，只適合多人一起聚餐。小人食就經常要大包小包攞走…查看更多

不明為何這間店會經常排隊，即管一試，應該唔會再有下次！喺深水埗區來講，佢價錢貴，份量少，質素差，今日食咗三樣餸，其中好似有樣叫做蝦卷無厘味道，炸魚皮晤知用什麼油炸嘅陣味怪怪地，食完到而家我都仲想反胃，希望今晚唔好病😡依家啲人食嘢真係冇要求，咁嘅店都要排隊！…查看更多

睇左食評，昨晚第一次幫襯相當失望，食物水準平平，人手不足（可憐伙計巳經做到無停手），既然人手不足就不能限時，等食物嚟都需要時間，款式迭擇不多又經常漏單。食得辛苦所以應該唔會有下次！唔知係而家啲人要求低定係食評有問題？大惑不解？…查看更多

第一次寫食評不吐不快, 點解會出現呢種又貴又難食嘅港式小食店? 簡直影衰左啲小食.  第一次幫襯巳經決定唔會有下次. 一小紙碗豬油渣麵要$25以為會係好嘢, 搵來搵去唔見有豬油渣, 終於發現細細粒似菜甫的是豬油渣, 從來未食過味道咁難食又貴嘅.  …查看更多