伏爾中的個人專頁

放工行旺角見到新開的點心店於是入去試試坐低有摩登嘅功夫茶茶具都幾得意睇點心紙當然係點啲個名有趣嘅嚟試於是乎就點咗一大堆未試過嘅點心（1）金湯蝦餃皇（2）綠蘋果咸水角（3）脆脆紅米腸（4）星壹沙白燒賣（5）黃豆醬蒜香蒜排骨（1）金湯蝦餃皇（有噱頭，蝦魚湯？幾得意，但係呢湯唔夠熱，蝦餃咁樣會受影響。除非改到湯嘅溫度，否則唔太推薦）（2）綠蘋果咸水角（夠熱料足合格，百力枝做枝幾得意）（3）脆脆紅米腸（都夠熱，餡脆身都夠）（4）星壹沙白燒賣 （有趣😁估唔沙白蜆類可做燒賣貝類加埋燒賣嘅層次幾得意，推介）（5）黃豆醬蒜香蒜排骨（好好食，夠入味，簡單得嚟夠入味。）…查看更多

經過好幾次都滿座。星期六3點難得人少坐低發現原來係主打食甜品🍮（記錯咗轉手前係做正餐，撈亂咗。）好在都有熟食叫全日早餐可以自由配搭，呢樣真係抵讚雞胸、煙三文魚、黑糖麻糬窩夫、乳酪杯、司華力腸、沙律菜、薯餅、炒蛋、漢堡、薯條、粟米….鐘意食多啲又得少少哋又得豐儉由人，有彈性選擇變化多，十分之好今次試咗（1）雞胸 （3/5分）（2）煙三文魚 （4/5分）（3）黑糖麻糬窩夫 （4/5分）（4）沙律菜 （3/5分）（5）炒蛋 （3/5分）份量都幾夠。Latte 都沖得唔錯，不過可以嘅話個人喜好濃厚啲嘅…查看更多

朋友睇完蔡さんyoutube 呱呱叫話要去食於是乎就陪佢去食.熟食中心嚟講，定價真係唔低，不過呢度間間鋪星期日咁差嘅市況都可以坐爆，證明有啲實力。.朋友叫咗被推薦嘅忌廉燴雞 同 烤餅自己就憑感覺柯打咗雞肉沙律、瑪莎拉羊扒同燒魚件全部都好食喔，尤其羊扒好嫩滑，配用蕃茄熔做出嚟嘅醬汁👍👍👍烤魚做得出色，juicy 忌廉雞都好好食，唔食得辣嘅朋友仔可以一試雞肉沙律抵食，雞肉唔會乾珍珍調味剛剛好大家值得一試嘅。…查看更多

行過偶爾見到，終於喺假期去試吓。一口氣試咗四款點心分別係雞札、排骨、黑椒豬腸以及類似春風得意腸嘅腸粉。.飲茶就當然講咗啲茶先，嗯，還好，香片還可以唔會淡出個鳥來。下次試下普洱或者菊普。.蒸排骨同雞札合格、黑椒豬腸算入味同夠肥、而春風得意腸嘅腸粉皮做得幾好唔會太厚、入面嘅炸蝦卷夠熱。.合格啊，唔怪之得見佢之前繁忙時段都要等位。大埔做飲食唔容易，競爭大，啲客用腳投票，啲出品差就無人嚟。.下次有機會再試埋其他先，無伏。…查看更多

經過佐敦就排下新店啦由於獨L一位，反而好快有自閉位唔駛久候。十分鐘就可以點餐後坐低慢慢等叫取餐😆爬咗頭有啲好彩成份由於執行緊低碳飲食，飯嘅定食無叫到，散叫咗魚、肉、豆腐、湯試吓味道過下癮就算靈魂嘅味噌湯..得呀料頭多而且仲有蓮藕片，大大碗飲完暖肚好滿足。三文魚做得好，唔乾唔柴口亦唔過咸（すき家都好，但咸少少🤏）松屋第一間店嘅出品唔錯👍鯖魚，有做好魚嘅處理無出面啲本地「日式料理」做得好，煮出嚟無剩低魚腥，亦唔會又乾又柴口，仲有啲魚汁👍佢同すき家係兩種唔同做法，すき家係煮唔係燒走滑同多汁嘅路線。食鯖魚化算抵食有質素首推兵器榜嘅松屋同すき家。牛肉夠味嘅有配飯就更好（見鄰座碗飯都好靚仔，可惜呢餐小弟唔食飯。）溫泉蛋、山藥泥同泡菜都合格👌豆腐冷奴都簡單好食😋（起碼做得好，無上菜果陣豆腐係咁出水，呢啲雖然係普通日本料理，但細處睇到店家有啲出品要求。）有日本人店長坐陣嘅日子，應該唔會走樣，希望佢哋保持水準💪奸爸爹。…查看更多

其實經開好多次，都係撞正滿座包場今日星期六嚟到竟然有位就立即試叫咗幾樣嘢（一）小食拼盤：個長長嘅春卷推薦，香口足料、炸魚手指唔會太乾身夠熱仲有汁嘅、炸雞同雞翼就還好。（二）雨衣甘藍豬肉餃子：個湯頭竟然無求其調味！味同香都好夠，配煮熟咗嘅雨衣甘藍（少少甘味）同豬肉餃子🥟就好好（三）柚子紅茶：幾好，但我叫熱佢份量足飲得慢，可能有得坐熱住更好（四）Choco-Misu:用椰奶代替芝士做嘅Tiramisu ，一來無咁滯、又夠滑身、甜味適中。好👍嗱，慢工出細貨，店家佢哋有心機做，大家真係唔好心急趕趕趕，放空下個人再食好嘢，一樂事也。…查看更多

是晚過咗食飯時間，百無聊賴慢慢行咗去太子。醒起呢檔新加坡菜未試過，見唔駛等位於是乎就槓入去。叫咗半隻海南雞外加一份阿參醬魷魚通菜。好快就上到菜，嚟呢度當然試雞海南雞要讚嘅係（一）切功好，切得靚，雞件雖大嚿啖啖肉唔會食到骨碎，（二）雞皮都夠脆唔油膩，（三）雞肉都滑有青檸汁唧落去清爽之餘保持有肉味隻雞可以做得更好嘅地方係（一）雞件偏大，但點醬嘅碟仔就真係袖珍得滯好難沾；（二）其中有兩嚿最厚嘅雞胸實咗少少，但平情而論唔係柴口；$130（連加一$143）唔算平但都出品合理反而碗阿參魷魚通菜比想像做得好，唔會太濃味，通菜又焯得剛剛好唔老，貴少少都ok如果同朋友去開太子要純粹醫肚食嘢呢度都可以一試…查看更多

睇YouTube 介紹，順道行過嚟試下。鋪頭位置唔係旺街但都好多熟客，7點都要排隊等一下。叫了燒賣同魚蛋（各10蚊一串）魚蛋係細粒實哋有咬口少少彈果種，唔係發到大一大果種，如果再重啲陳皮味更好。不過己比好多大又鬆靠淋汁加味嘅魚蛋嚟得好至於燒賣，係傾向似金龍燒賣嘅咬口，都有少少魚味唔係完全食粉團。至於最大優點係由於貨如輪轉，唔會蒸過頭放太耐，而且添貨落蒸架前有先用蒸籠蒸透唔會有唔夠熟唔夠熱嘅問題，而且老闆調嘅甜鼓油同辣鼓油都好唔錯。我唔認為係網上堆「必食客」講到一定要專登嚟試不吃後悔果種誇張程度，不過經開真係可以幫襯下，尤其呢排天冷，又凍又餓果陣篤一串熱辣辣係好過癮，此為簡單的一樂也。…查看更多

偶爾見到呢間位於小巴站對出嘅茶餐廳由於唔顯眼所以好多時都忽略咗上星期日搜尋早餐好去處發現原來有間茶餐廳又似份量十足就去會一會佢入到茶餐廳搵到見到食評講嘅特餐二話不說即刻柯打一嚟到喜出望外，份量真係好足，真正一定食得飽嘅All Day Breakfast尤其個餐嘅沙嗲牛肉麵唔似外面，係足一個麵底，牛肉一般，但有落埋蔥、辣椒、同青椒絲，拌勻一齊食就食感豐富好好多就值得讚。加埋熱辣辣薯餅、多士、豬柳同煎蛋真係常滿。下次會試埋其他嘢…查看更多

早些時間已經發現這店子，可惜放工太晚無奈向隅，今日假期經過就擇日不如就日立即上去試試。天氣不太熱就選擇坐陽台，侍應生有耐性詢問在下這位生客口味以及解釋咖啡豆選擇以及提供咖啡豆樣本。餐廳環境幾舒服唔會太迫，而且依家天氣未係火爐咁，即使露台位坐定咗都算幾自在。.點了個set 加配 coffee Buddy.Coffee Buddy 是日精選咖啡豆（呢一日係藍山咖啡）製作出Espresso Cold Brew Coffee 以及 Hand Brewed Coffee並奉上自家製作曲奇餅餸咖啡。唔太清楚第一次試都可以放心，店員會教你點樣先後次序品賞咖啡。個人覺得冷粹咖啡真的唔錯。曲奇餅餅身鬆軟 有舒量落鹽用鹹味平衡唔會太甜，唔會滯同膩，配咖啡就相當唔錯。至於焗肉醬意粉跟餐湯以及沙律味道可以。如果非要講可再進一步，對義大利麵處理，嗯，個人要求幾近乎有點偏執，香港人以往普遍食慣「煮過頭」over cooked 的義大利麵和義大利飯。但個人認為唔需要太刻意遷就，因為既然有誠意可以做到原碟義大利麵入烤爐焗，義大利麵應該可以做返意式AL-Dente （即麵條煮至外面軟化，一點半熟不生，貪其有咬口）香港唔少標榜手工義大利麵的餐廳放了很多心機做手工麵條但臨門一腳都係煮過火煮透晒變相就浪費心機。所以即使係工廠製乾麵條只要處理得宜也可以是佳品。會再幫襯😆…查看更多

四圍行無意間見到這間鐵皮檔（大排檔）因為聞到煲熱茶膽和咖啡的熟悉香味於是乎就決定幫襯。蔥油什扒飯（$45送熱飲）豬扒跟雞扒無醃過火，出面好多茶餐廳同快餐店醃太耐過咸（可能一口氣預做放太耐）。而且煎得唔錯，排得好企理。所以配蔥油餸飯唔會出現咸上加咸的情況。但主要因為飲杯茶先坐低，叫咗杯熱檸茶，熱檸茶一飲，合格呀，都算夠熱夠味同香。下次試埋咖啡同奶茶。餐牌夠簡單，整得好食先重要，貴精不貴多，美而廉吃得暢快只可惜大排檔越來越買少見少。…查看更多

地膽朋友介紹說不妨吃清湯牛腩麵。.專登選擇午餐時間之後到埗，店面企理、樓底又高係幾舒服.反正平日好少到這區，點了個有齊三種牛腩的，就一口氣試晒佢。.碗麵上檯，份量幾足。.事不宜遲，飲一啖湯頭，一飲，藥材？嗯嗯嗯，那就是「藥材牛湯牛腩」，不同外面那種「白滷水湯牛腩」，外面好多清湯腩其實落左唔少滷水料而且偏咸（成本這回事你懂的）。這間用藥材煮牛湯心思放了在減低膩感，要讚一下。.今時今日，香港牛骨成本太貴，好難做到清湯腩，做得到要維皮貴到嚇人。所以基本上，沒有幾多會用大量牛骨牛肉去做湯頭的麵食如清湯腩和越南牛河。食過越南當地牛河就明白。要好多牛骨跟肉先可以煮出那種甜味。.這個加了藥材同香料的湯頭確實令碗麵和牛腩沒有太膩感覺，唯一要注意，湯一旦唔夠熱了，藥材既苦味會突顯出來。都係果句好嘢趁熱食。.佐料的蘿蔔夠䭃身、無起渣、也有甜味。.三種牛腩分別都煮得唔錯，少少肥香口夠軟身無起渣也入味配埋湯頭唔錯。質素唔錯，要吹毛求疵的話我自己偏好寧願件數少尐同無咁一口一件也希望牛腩件也要大件一點就可以更食得出唔同既牛腩位置既特色同師傅手藝。.朋友呢個介紹唔錯，無中伏。…查看更多

午飯時間四圍蕩，碰巧發現這間冰室，看看立於店外餐牌午餐很划算，於是就試試。.連續幫襯了兩日，第一日試蘿蔔牛腩飯，第二日點了咖哩豬排飯。餐飲兩日都是點熱奶茶試試水吧手勢。.先評奶茶☕️，主要因為講冰室，奶茶咖啡質素看重一點。茶呢，圖片拍出來的色水沒有失真，品質是不過不失，一夠熱、二茶底還可以，不過可以的話個人還是喜歡茶入口再調濃郁一點少些奶比較好。.至於食物，蘿蔔牛腩飯很足料，一整舊牛腩不是碎濕濕起晒渣的頭頭尾尾（那些根本不是腩）牛腩炆得好：-牛腩入味、軟身同時腩汁起膠有點香口，蘿蔔似乎不是放在一起炆煮但也是煮得透入味所以掛起腩汁餸飯是不錯。.第二日食咖哩豬排蛋飯也是可以不過要推薦就會是蘿蔔牛腩飯。.這區食晏越來越貴又無品質保證下，食物有這種質來說價錢很經濟實惠。.…查看更多

晚上與友人聚餐，試試在觀塘APM 試業中的台灣過江龍春生堂，可能店是急急忙忙營運，我同檯那幾位吃過台灣本店的朋友就頭擰擰說食物做不到台灣本店應有水準。.小弟未試過台灣店無從比較，但都認為當晚食物水準大有改進空間，試簡單寫著分享一下：.當晚8點半入坐，但打開餐牌，有不少食品不是試業期間根本沒有供應就是沽清（例如招牌的牛肉三寶麵就湯頭可能反應熱烈早賣完而暫停供應）於是點了鯛魚便當、清湯牛𦟌麵、滷水拼盤、滷水豬大腸、魯肉飯、肉燥生菜。.首先滷水拼盤，牛筋、牛肚跟豬大腸都做到入味、炆的火候控制不錯夠軟身。所以再追加的滷水豬大腸都可以，而且放底的芽菜有好好處理無「標」水，大家值得一試。而鹽酥菇普通，不過不失。.不過，除此之外其餘都需要改進。（1）魯肉飯，水份太多，不夠香口，也令在下面的飯太濕濕軟軟沒了𡁻頭。.（2）肉燥生菜跟上面的魯肉飯問題幾乎都是一樣，肉跟汁煮太稀不能掛在菜上，將剛烚好又充滿水份的菜放在一起就「化」掉，一碟菜、水、肉碎分離淡而無味，上得太心急；.（3）清湯牛𦟌麵，湯頭不行✋，原因有二，一湯可能是稀釋太多，幾乎沒有牛肉牛骨的清甜味、牛香和膠感，只飲到蘿蔔甜味.....估計因此加了白滷水料和下多了調味反而略為咸過頭了.麵條亦煮過火太軟身，雖然牛𦟌可以接受，但吃過台灣其他牛肉麵的香港人太多，這碗麵過不了他們關。.（4）鯛魚便當.....有紫菜貢丸湯、滷蛋、清菜勉勉強強，但主菜鯛魚下太多燒汁煮，魚味都被完全蓋過。像我這種可以撈汁扒飯入口的都覺得不太可以。..其實，香港的台灣菜近年如雨後春筍，跟香港人多去台灣有關。香港人大都知道地道台灣菜有多好吃和甚麼味道，舊有掛名台灣菜求求其其無質素的在香港貴租焗賣貴情況下客人好快用腳投票走人被淘汰殺下馬來。.即使同區也有不少台式餐廳，競爭更見激烈，朋友話拿不出台灣本店水準很快會比下去。建議叫台灣本店派師傅那邊先過來穩定食物水準（肯做一定可以）。.台灣菜台灣小食只要有心機做簡單對口味一定不乏捧場客，不要一味壓成本省人減制作功夫，講到尾，食物質素才是真正招牌。.…查看更多

午飯時間經過基隆街，發現一間新小店，八卦一看，發現提供的都是菜式家庭口味麵食、碟頭飯和主打餃子。.同一地點幾間不同食肆試過都有水準，見價錢相宜就碰碰運氣吧。.由於獨家村上陣，肚皮容量始終有限，所以只點了個午市飯餐（紅燒豬肉飯）配一份煎餃子餐🥟［分別都可配湯或飲品］。.紅燒豬肉飯，紅燒豬肉合格，起碼甜咸味有平衡，肉肥瘦均勻有咬口，是家庭口味，餸飯唔錯。不過，飯少少偏硬身店家要注意或改善。.煎餃子做得唔錯，做到皮脆餡足唔太過乾身，因為慢慢煎，上碟時入口餃子唔會皮熱餡凍，冬天就是要吃這種東西.最喜出望外，要推介是反而店家提供的自制辣菜葡。如果鐘意食香辣辛口，享用麵食、湯餃甚至沾煎餃都非常唔錯。.下次先試佢滷水大腸同其他小食。…查看更多