胃食kat的個人專頁

一班朋友有大人、小學雞同幼童聚會，所以嘗試找找親子餐廳，方便大人可以留耐D傾下計，小朋友有嘢玩消磨時間又唔會太悶。可能係平日下午關係，全餐廳只有我哋一枱，直到5：30pm走時，才有多2枱客人入座。食物比想像中好食，又好大份，個海鮮飯好足料share食更開心。因為沒有其他顧客的關係，食完飯，大人小朋友去了另一張枱玩玩具，甚至去第三張枱傾偈都沒有被職員“提醒”,而待應也好好，有求必能。但暑假的平日也那麼少客，有點替這餐廳擔心。希望呢度可以維持落去，大家唔會損失一個午餐價錢、嘢食有水準、“包場”傾計玩樂、地點方便的好地方。ps 有不同恐龍造型的玩具，包括：釣恐龍(魚)機連小天平彈珠機有輸送彈珠tower的彈珠機恐龍公仔手指射籃機超小型足球機另外有：數獨棋 (之後喺商務見到，售價是$166)我係大人都覺得好好玩…查看更多

到步前已用app購買食物，到達時大約16：25,用餐顧客不算多，但所有沒有客人的桌面滿佈垃圾，一張細小的枱面就有幾個餐盤，盛載着前人吃完的食物或包裝，或是遍佈似凍飲杯凝結空氣水份而留下的一攤攤積水。我當時領餐後去找座位，見上述情況，遇見去ice cream station 的職員即提醒清理，她竟一面行去ice cream station,一面回答我自行找一名“男仔”清理，之後我走向mccafe counter,請求協助，因我不見所謂“男仔”。但很失望，這名都是男仔的mccafe 職員只回應我，這不是我負責，叫我自行找人清潔。我忍不住回應：「你唔知，可以搵經理係咪？」他的反應是擰轉面扮忙碌，而當時是既沒有排隊的顧客，又沒有電子單要沖咖啡。作為一位食客，這經歷是否很可笑呢？連基本餐廳清潔人員也要食客自己找，職員不懂得處理不是自己工作範圍的事情。作為一間國際知名品牌、鋪位佔一定面積，我視之為都算是大舖。這些職員的工作態度及表現可以接受嗎？來回度步之後有其他食客離開，我由16：27坐下進食，到16：44終於見到負責清潔的“男仔”出現，他的清理手法是拖一個大垃圾桶（沒有轆）到餐桌旁，把垃圾扔掉，期間有些用過的紙巾從餐盤上跌在桌上，他就由它留在桌上，然後走了。直到16：55,垃圾紙巾仍在桌上，積水夾雜食物碎屑仍在桌上，因為這"男仔”再沒有回來。期間有操英語的一家7口，我見他們自己清潔後吃甜點。連店面竟可以容許這個狀況，不敢想像顧客看不到的地方會如何。相信我再不會光顧這分店。…查看更多

上星期睇咗個重播電視節目講hysan place建築設計攞咗好多獎。今日放假獨自hea，諗住tea time食少少嘢，就上去explore下點環保法，見呢間café在open rice都有唔少comments，就試試。鋪位位處辦公室大樓電梯大堂，環境採光充足，坐位闊落，但坐high chair食嘢唔多舒服，當撓腳後，膝頭剛好頂着張“bar 枱”，另有正常櫈則配以矮過櫈的茶几仔，唯一對着利舞臺的枱& high chair的高度配合好少少。總之，打卡ok，食完嘢已想走。食物一般，order了flat white，正常、算好飲，細杯裝。New Yorker Bagel有ham, cheese and 菜。ham & cheese正常，菜唔算新鮮，bagel有翻熱但偏硬，本人食開又軟又脆，所以bagel唔合格。服務方面，其實都無咩服務可言，唔識形容，但感覺唔多良好。叫完嘢食自行搵位，好彩有位男士可能見我搵位，冇打書釘就走了，否則我應該要企喺lift lobby食。俾錢後唔多清楚個流程，收錢後冇俾單據，木面問你叫咩名，等叫名攞嘢食。有d肚餓的我，等一輪攞完杯咖啡，之後再等成10-15min先再叫我個名攞bagel，開頭仲以為漏單。如果趕時間或者好肚餓，不建議光顧。環境光猛，看似光鮮，但清潔度一般。有少量政治色彩的報置，但不代表什麼。café來說，真係大把選擇。到此一遊。…查看更多

去年12月曾吃過這裏的早餐，味道不錯。今天到附近，即管又再品嚐。因為疫情關係，又適逢星期日，為了避開人群，外賣為上策。今次首次試用openrice app的外賣自取功能，操作簡單又暢順。由落單到取食物需23分鐘，快慢可能取決於餐廳的接單時間。我落單後，初時以為已ok，但想想會不會app/板面有問題，因為隔一陣還見到“loading"icon，最後經過8分鐘後才真正接單，不過製作時間都只是14分鐘，所以不會超出30分鐘的承諾。食物方面，熱奶茶保持水準，茶香、奶足，一包仔糖剛剛好。麵餸和湯分開放，因有事忙，稍後才翻熱食物和湯，味道仍像剛出餐的模樣，讚。…查看更多

近兩個月第三次在這間分店點熱香芋鮮奶綠。水準不太穩定，第一次偏甜，飲品微熱；第二次叫咗少甜，又好似唔多較甜，溫度只是微暖；第三次叫返正常甜，今次可接受，可惜始終不夠熱。可能因為不是堂食的飲品，食店怕飲品太熱的話，翻倒會發生意外吧。但喜歡飲熱飲的人會着意其溫度，而且如果溫度足夠才可把芋頭的香味帶出。至於茶味方面，今次才能嚐出它的綠茶味。同樣地，如果溫度可以較高，茶味應會較香。整體上，除了溫度以外，味道可以。芋頭可以大粒少少，增加口感，現在介乎芋頭小顆粒與芋頭蓉之間。飲用時，建議先用飲筒(係，我知我唔應該用飲筒，有點浪費)搞伴，把綠茶、鮮奶和芋頭搞暈會較可口，否則飲到最後，芋頭會一pat沉底，浪浪費費，可可惜惜。…查看更多

上午於佐敦做一些公事，之後諗住食個早餐。在彌敦道一路走來，openrice一輪也沒有頭粹，－係未開舖，一係滿街吉舖。本來去眾坊街的美都，印象中好似曾幾何時去過一次，看到門外的餐牌及"最低消費25元"，同一時間一位街坊叔叔經過："呢間Ｄ嘢好怪，又唔好食。"他－面行－面說着。我知道那應該是遊客吃環境的地方。走之前瞄－瞄，地下有－枱青年人正進餐，樓上就不得而知了。繼續沿着彌敦道走，剛入了一間有賣口罩的時裝店涼冷氣及再openrice，店鋪在燈口位置，見行人過路燈轉了綠色，交通燈的另一端有一間"紅茶冰室"這個名字有些熟悉，在哪裏見過？是連鎖店？看看手錶，以為過了早餐時段，再看看手機，原來還趕得及。冷氣風力太強勁，由雙人位轉了另一卡位，侍應態度良好。點了沙嗲牛肉麵配香酥丹麥多士、炒蛋加熱奶茶，一份普通茶餐廳的早餐，但什麼是丹麥多士呢？整理口罩後，一面等食，一面調較手錶時間，不知什麼時候兩地時間被reset了，但明明昨天仍然正常。手錶時間還未調較好的時候，食物已上枱。沙嗲牛麵外貌正常，香酥丹麥多士我有幻想過是否牛角酥的那模樣？炒蛋原來是－球雪糕的造型。成件事的外型不錯。吃－口丹麥多士, omg! 原來香酥是指酥軟、又有少少脆，微甜，可口！不太大件，所以不膩，剛剛好！崇尚慢食的我，沙嗲牛麵縱使浸了一段時間，麫沒有浸糊了，而沙嗲醬與一般的也不一樣，味道十足，說不出是什麼味道，總之感覺滿有誠意。至於那球炒蛋，以為涼了。原來球狀不只外型特別，還有功用，就是堆放可以保存溫度，翻開時還有微暖！平時吃的時候一定是涼的...奶茶反而相對有些失色，奶太少、茶味不夠，沒有香滑感。最後戴上口罩，準備離開之際，有沾溼肩膀的食客進來。原來外面下起滂沱大雨，這幾星期的天氣也是這樣。這能為我們的水塘進注多少食水？還是都奔流進大海去？就在等候停雨的時間寫寫食評。…查看更多

搬來附近有一年，平時見哩間茶餐廳有好多人幫襯，但價錢都唔平，都咁好生意，應該正常。今朝特意早起少少食個早餐試試...夜鬼早起，當然如常抆水地10:50am到達目的地。侍應呀姐問我幾位，我話－位。佢就叫我坐正收銀路口的圓枱，當時2人卡位已滿，但入Ｄ的地方的圓枱大把。我求其坐入面最出一張，同時間阿姐大聲話："早餐就黎夠鐘，仲揀位！個位有人坐㗎！"點知後面有個女食客攞住杯水返黎，我讓返座位俾佢，反而佢仲安慰我，話佢行開咗唔知有人坐好正常(張枱冇食物/飲品)，仲話日日都來食早餐，得嗰個阿姐係咁勞嘈，食完咪走囉。本身諗住同哩位女食客同枱食，睇完餐牌(預咗食物款式都係嗰類，只係懶有少少配搭)，之後揚聲諗住落order，其他待應無反應。又係嗰個勞嘈阿姐過黎，一黎又話我坐住個路口，收碗碟架車過唔到又剩。心諗張枱同櫈係你地舖自己set嘅，有問題又賴個客阻住！(雖然一開始被罵已有"哩間嘢無下次"的念頭)之後我又好聽話坐咗佢指示的另一張枱，就睇下哩到Ｄ食物質素如何。叫咗A餐，送上速度正常，火腿通偏細，塊豬柳漢堡Ｄ汁有Ｄ怪、同塊扒唔夾，多士好細、味道可以，整體size似兒童餐，杯熱奶茶有澀味、奶偏少。舖頭位置本身好，又有充足陽光，但我張2人枱另一個位原來不時有待應/廚師出出入入，根本不是二人枱。一路坐，又間歇有一少陣尿押味飄過。觀乎卡位座椅，用防火板貼的地方已有損壞及不少污漬......睇其他留言，這舖只開業2-3年，何況這是連鎖餐廳，管理方面真是......總結是byebye無下次，同埋原來求其食都要look look openrice先，否則中伏不尤人。…查看更多

一般住宅區的茶餐廳，相信它的目標群組大都是街坊食客。這間也不例外，開業大約半年，相信係「頂上一手」，餐廳名稱只加了個「新」字，陳設作少量翻新，菜式大多照舊。食品比上一手稍為遜色，略微偏油，但以街坊茶餐廳來說，尚可接受。以往通常會食佢個「車仔麵」下午茶餐，因為夠飽，個別有D餸會分碟上，唔洗咩都浸落個湯，轉「新」後，都與上手一樣。但自頂手後已少去食！原因係「貨不對版」、阿姐服務態度差劣(如題)！之前已有幾次不快經歷，但見幾個月也無幫襯又唔知食乜好，先諗住比多次機會佢啦！點知…… :( 首先，佢個「車仔麵」下午茶餐係寫明有3餸1麵、配餐包、配茶/啡。(店鋪內的牆身都係咁寫！)正路應該會出現的食品會有︰1)3餸1麵、2)一杯飲品、3)個包。即係是但一樣無，作為食客，係咪會expect 落單嗰個人會同返你講某樣嘢賣哂，叫你轉過另一款或用另一樣差不多的食品代替？這都是常識吧！不快經歷一(好多個月前的weekend)︰叫咗呢個餐，碗麵都食完的時候，發現個包仲未有，便問個伙記(阿姐一號)，佢一邊抹枱，一邊回答說：「無呀，送哂！」跟手閃走咗，不了了之，我心想︰「送哂？乜唔係話配架咩？可以送哂？又唔早講？」正當因為個肚好空虛而灰緊的時候(因為expect有，但突然發覺無咗……)，阿姐一號同我後面枱的中年男士落單，他也叫這個餐，個阿姐一號今次有同佢講個包賣哂，仲提議可加1元轉多士烘底！ 我心諗︰「What?可以咁架咩？做咩1分鐘前唔係同我講呢D對白嘅？」咁我當然第一時間問返阿姐一號︰「係咪可以轉多士？」佢猶豫咗一秒，帶點不肖地話︰「…係，要加1蚊喎！」我秒回︰「加1蚊囉！」 --->點解無包唔早出聲？我要行量我自己的食量而叫咩食架！同埋點解男性食客同女性食客會有唔同服務&待遇？食個Tea都要性別歧視？不快經歷二(幾個月前的weekend)︰今次早咗起身，諗住食個lunch。去到門口，好似無位，因為舖位細細，在門口睇睇情況先入去。有個女伙記在門口位置(阿姐二號)見到我「莊下莊下」問我︰「你多幾個？」我話1個，佢即刻話︰「無位呀！」完！佢眼裏帶有不肖，完全係趕客的態度。我也二話不說、頭也不回地走了！ ----->我真係唔係好明，黎食嘢姐，好似黎貼錢買氣受咁… 所以之後都無去該店食嘢。不快經歷三(就係上星期日)︰諗住比多次機會佢，睇下服務水準有無提升。我都係叫咗嗰個餐，今次係阿姐一號落單。同一時間又有一個中年男士同枱，所以一齊落單。佢都係叫麵餐但同我嗰個有D唔同，落單時大約2:45pm(注意︰下午茶時間2:30pm才開始、阿姐一號無同我講係無包！！)。好快阿姐一號攞咗碗沙嗲牛肉米線放低，我同中年男人都諗緊孰誰，(因為我叫3餸，之前有講有時D餸會分碟上，我唔確定我D餸係會一齊上定分碟上，更加無為意中年男士叫了咩餸)，個阿姐一號又唔講係咩餐，只講係沙嗲牛肉米線(其實有用眼看都會知囉！)，跟住中年男士用糊疑的口吻回應︰「應該唔係我地嘅。」我估他都知我叫3餸麵，而嗰個麵連3歲小朋友都知係1餸的。跟住個阿姐一號攞返去，應該係check單。期間，阿姐二號問佢做咩，個阿姐一號就好勞氣，並大大聲說︰「佢話唔係佢架喎！3餸咪係佢架囉！」跟住拎返碗麵過黎，又大大聲+不耐煩地說︰「你叫3餸！其他分開上囉！」我忍無可忍回佢話︰「你都無講！！」之後剩下嗰碟兩餸黎咗，又見無咗個包，我就即刻話還欠一個包，佢又話「送」哂。我又忍不住話︰「送哂？」心諗︰「早又送哂、遲又送哂？係咪根本係無呢樣嘢？」我話︰「我要轉方包！」佢行開扮問得唔得(其實之前試過有個男伙記轉比我，我知係得嘅，但共通點係都無事先話比我知已「送」哂！)，咁最後當然有轉比我！阿姐一號問我會否加1元轉多士，因為氣上心頭之下，我1蚊都唔豪比佢！ ------->正常攞個餐去個食客度係咪都會講下係乜嘢黎呀？何況係搭枱客？仲要嗰張單係佢自己落嘅！總結，呢D咁嘅服務態度，我真係吃不消。仲有，我唔知這間茶餐廳有沒有違反商品說明條例！嗰個餐根本就寫明個餐包係配個3餸麵，而唔係「送」的！正常茶餐廳係寫「送例湯」大家都知這個例湯送完就止。有冇人接受到你叫個早餐︰雪菜肉絲米配火腿奄列、配茶/啡，原來火腿奄列「送」哂，跟住又唔早講，等你不了了之，或者等你出口問嗰時先話「火腿奄列送哂啦」，仲要好似係你作為食客嘅問題？這間茶餐廳就咁成為我的頭號 食肆！…查看更多