smctravel的個人專頁

今日晏就係黃竹坑度食，要搵好食嘅漢堡就更難，今日一行10人一齊去食，到方夠大，舒服，好休閒，唔會話迫人，又唔係冇人，感覺坐滿都係舒服的，晏就去人唔數好多，唔駛等位，呢間之前關左，依嫁重開，所以都好期待！今日叫左個咪你芝士漢堡配沙律，中間塊牛肉少少紅，岩岩好，唔會好老，見到芝士吸曬係包入面，但芝士味略嫌唔多夠，可以重少少，沙律都好好食。 如果你唔食牛，佢都有雞漢堡，如果唔食肉，都有魚漢堡，照顧到唔同食客嘅要求。👍👍之後叫多左薯條同埋雞翼，但唔知點解變左雞鎚，可能雞翼賣曬，但雞鎚即叫即整，辣辣地，勁正！薯條面頭有少少鹽，同係厚薯角，所以外脆內軟，口感十份好，又係即叫即炸！👍👍讚lunch 去休息下都唔錯，店內裝飾大多都可以買走！好多靚野，坐下都唔錯…查看更多

我同另一半都好鐘意食麵，連續2日食沾麵，今日食左呢間，真係有驚喜，口味似日本！講麵之前想先講個梅子青瓜，佢推薦，以為會唔夾，但夾到不得了，梅子醬酸酸甜甜配落青脆青瓜，成個感覺係清甜帶少少酸，勁開胃，飯前食不得了！另外青瓜係新鮮的！👏👏👍👍必食店內沾麵款式選擇唔多，只有辣同唔辣，麵要冷定熱，我同另一半一試一款，辣湯配冷麵，同唔辣配溫麵，冷麵個款口感的覺比熱嘅更彈牙，更有口感，熱麵係會加左熱水令變熱，都有咬口，但相對就冷好啲，我本人比較愛熱，因為覺得麵應該要熱食，冷落落湯都最多係暖！另外湯就唔會好喊，落埋麵味道濃得黎唔會覺得喊👍👍麵我地揀左普通（200g) 好餓又係大食，可以揀大（300g）配料方面荀同叉燒係一人份，唔太多，唔太少，如果你勁鐘意食配料部分，你可以加29蚊要個大滿足，佢有多一份叉燒，荀，中多埋隻蛋，因為本身沾麵入面唔包糖心蛋，我好鐘意食糖心蛋，所以加左隻，佢係做得好好，糖心蛋除流心外，中要係真係有甜味👍好like!另一半就一向鐘意荀，加左分荀，加錢嘅荀應該係2人份，好多，圖有！食曬都可加魚湯，好清，就咁飲冇喊味，但會飲到好清嘅魚香，加埋濃湯一齊，絕對直得飲曬，飲唔停。整體黎講沾麵水準好高，青瓜食到停唔到口！所以下次一定再去呢間食晚飯😁😁…查看更多

好掛住日本嘅沾麵，所以黎左食呢間，9點左右到，排左20分鐘左右，佢嘅賣點係石碢裝住啲湯，黎到面前中係滾同熱！我今次食左肉盛石碢，另一半食辛辣肉碎，欣賞佢有得比你揀分量，食唔多嘅人可以揀最少分量200g, 之後就係300g and 400g, 如果你要最多啲，800g 就要加45蚊！肉盛有成4舊好厚嘅叉燒，食左第一塊嘅一半已經膩到食唔落，佢肥瘦適中嘅，不過好厚，完全食唔多，除左叉燒，得2條荀，連蛋都冇，另一半食肉碎湯，除左肉碎同雜菜，連叉燒，蛋，同荀都冇，配料勁唔夠！最後決定分一半叉燒比佢！（圖中蛋同荀都係加錢買的）麵都係有咬口嘅，湯都湯，麵加入湯入面之後食係熱同夠味，可能因為石碢儲熱強，食到最後都係熱辣辣嘅，但如果一定要有埋蛋同荀，可能就要叫最普通，否則就加錢另賣，蛋加12蚊，荀加15蚊！總括黎講，湯同麵都唔錯，但配料相對就七少好多，因為我好鐘意食蛋同荀，所以要加錢真係唔開心！但質素係唔錯嘅！…查看更多

有一日，一班朋友話想食德國菜，就同朋友訂左呢間餐廳，係食野之前，已經唔多高興，店員服務態度差，我諗住指住個menu 話佢知食咩，佢話，咁姐係要咩咩咩啦係咪，成程黑面，未食已經嬲嬲地，其後叫野飲，好彩唔係同一個，有禮貌好多！好彩，如果唔係都真係幾受氣！首先黎到嘅係芝士拼盤，我超級喜歡食芝士，所以完全係我喜歡，揀嘅芝士都係比較濃的，但有朋友對芝士一般，就會覺得一般。德國腸普通，冇咩特別驚喜，都係一般的，燒雞都係一般，燒到有啲老，唔滑，海鮮飯加嘅香料我不太喜歡，朋友就好鐘意，海鮮係不錯的，足料，豬手好脆，直一得一試，送酒勁正，豬手送上黎會問下我地要唔要切，如果你唔想佢幫手，都可以叫佢就咁上，但我地唔想自己黎，所以都叫左佢幫手，雖然好夠脆，但啲邊位就好硬，硬都咬唔開，好實！最鐘意就係個薯餅，佢係刮絲再壓形，煎炸完勁好食，表面勁脆，入面又好軟，食得出一絲絲嘅薯仔，係食到佢真係薯仔絲！推薦呢個啲，整體佢嘅配菜都做得唔錯，配菜食曬多過主菜😆😆…查看更多

同朋友去左打邊爐，選2款湯，我地呢2款都係比較清女淡，有益健康，但我鐘意打邊爐濃味啲，所以下次都係揀返啲濃味會岩啲邊爐料啲邊爐料都好大份，一份4人食一人都分到2-3件，價錢都係50幾至80幾，share 都可以，但我地3個人食唔曬，太多，鑽石規好正，勁大！但鴨血睇落好靚，食落一般，味度好清，唔夠濃，太實！即炸響鈴好易散，一放入去已經散曬，所以好似好難夾！同埋冷氣太細，食完好完！最推薦係淮山，好好色！煮完好淋，好好味！每次打邊爐都要！整禮質素係可以的，下次會再去試埋啲辣湯底同規湯！😍😍但今次人少又叫太多，所以平均都貴，成400幾一個，下次可以叫少啲！…查看更多

荔園變新派茶餐廳 睇報導見到荔園開咗茶餐廳，正式開業就去左試，我中午時間去，比想像中多人，可能新開張，都見到幾多fans邊食邊影相！整個環境幾舒服，加埋啲畫同天花上面的馬仔，集郵一流！食物要等咗一陣但都可以接受，我一心想試佢地嘅招牌炸髀，配埋辣味薯角$48，再加多杯鮮菠蘿冰$31。雞髀都幾大隻，起初都唔知用手食定刀叉食好...哈..咬落去個皮脆卜卜肉都幾嫩，唔錯！唔錯！再配埋少少辣味的薯角簡直一流！食唔停口～食到咁上下就去搞下我杯菠蘿冰，自己扭新鮮菠蘿，嘩！真係少啲力都唔掂，不過係幾得意，建議可以𠝹多幾刀等大家都容易扭。下次會想再試埋焗飯同食下撈丁，I'll be back！…查看更多

同朋友黎食炸雞，叫左全部都係冇骨，另外蜜糖雞，好好味，佢除左蜜糖，中有加左芥末，好好食，唔會因爲蜜糖好流，又唔會因爲芥末好辣，好夾！👍👍佢另外個芝士三重奏都好正，個麵包吸曬啲芝士汁，炸雞又可以加埋啲芝士汁，好食，勁多芝士，不過由於都幾大份同埋芝士本身都好流好易飽，所以2個人係食唔曬，除非唔叫其他野食，我地今次5個人都食唔曬，因為叫左好多其他野！如果鐘意食芝士，一定會愛上呢個。😍😍😍水冷麵一般，佢啲醬係要自己加，如果唔係就冇味，不過如有冇食過水冷麵又或如果冇食過要自己加醬嘅人可能未必知點食，因為職員完全冇講過啲醬係咩醬，就咁話係水冷麵要落就行開，我地要自己慢慢聞出黎！😅😅😅要讚嘅一定係個飲品，好特別，整得好靚，好有心思，個菊花好大，另外一杯中有個雪條添！🤣🤣🤣值得一食！👍不過佢如果人多只有90分鐘可以食，今次好彩冇限時！…查看更多

每次同朋有係銅鑼灣食甜品都會揀呢間，人好多，等都要等幾耐下，坐底好迫，但甜品真係幾好味！三款甜品好平都好高，雙皮奶奶味都好重，唔會話好假係粉溝出黎！芒果大大舊，好正！涼粉都係好好味，楊枝甘露啲芒果味勁重，如果鐘意芒果，真係要試下呢度啲芒果系列，全部都好大舊，又唔會甜到好似加左糖水，又唔會勁酸！我本人好鐘意！不過如果要坐好耐傾計我諗就唔太岩，個個食完都即走咁，讓返啲位出黎比出面等緊嘅人！甜品好味😋😋…查看更多

個環境係靚嘅，有feel 嘅，但野食真係out of expectation!All day breakfast 大多都係有啲凍，唔知係冷氣太凍涼左定本身係咁，入面啲沙律凍我覺得okay! 但腸呀，火腿都凍凍地，火腿太喊！整體一般。意粉正常，有啲覺得大少，朋友話連隔離間咩咩express ge standard 意粉都好食！魚蛋湯粉朋友話魚蛋壞左，叫左佢換蔬菜湯粉，我冇試過唔知係咪壞，但都唔會想試。鰻魚飯係好正常，熱嘅！我同朋有一致認為係我地期希太高了！…查看更多

今日係黃竹坑食晏，呢間裝修好休閒，有梳化，仲有個露台比食煙嘅人係出面食支煙！裝修幾好！餐具特別，佢係全英文餐單，店內有識中文嘅人，唔明都可以問佢地！自助形式，食完自己收野，餐具，水自己拎，因為即叫即整，落完等都要5-10分鐘！今日食左幾樣野都覺得唔錯，咖哩香，吉列魚柳炸得好脆，但又唔會覺得炸粉太厚！之後嘅湯米線同丼都可以，蛋係流心！正！不得不贊一下個炸雞，除左係即叫即炸，佢炸粉唔厚之外，你咬落去熱不單止，啲肉汁係流出黎！炸得好好，一盒都有成5-6舊！食完都真係幾飽！炸雞愛好者必試！…查看更多

突然好想食上海野就成班fd走左去食，食左幾樣野都覺得還好，冇咩特別驚喜，個炸金絲卷可以一試，佢有分炸或者蒸，我鐘意食香口野，所以揀炸，好味😋另外配菜有個辣蘿蔔，好好食，但再要就要加錢嫁啦！但要贊下服務員態度，因為突然由三人加到四人，中要係繁忙時間，所以都係諗住加張凳坐迫啲算，點知等左一陣，就由3人枱變左4人枱！直得一贊！👍…查看更多

今日一行6人黎試呢度好出名嘅黃金蝦，一入口已經滿滿蛋黃味，香口，炸得不錯！但蝦好像沒有想像的新鮮，但接受到的！另外再食左黃金南瓜- 大大件，一人有2件，份量多，如果2人黎食，應該食唔到其他野！😂但真係好吃，如果鐘意食南瓜再加用蛋黃炸香，好正！蛋黃味濃！胡椒豬肚湯- 暖胃最岩，頭一啖飲好似胡椒味冇乜，但越飲越正，越飲越濃胡椒味，豬肚洗得干淨，鹹酸菜因爲煲完湯都冇咩味！冰梅骨- 好好食，佢唔係用菠蘿係用桃！可以試，推薦👍👍其他炸豬手，啫啫通菜煲，抄牛肉都唔錯，一人都只係需要$140，不過由於人太多，先訂位好啲，唔係等可能3，4個字都唔得，同埋由於人太多，食飯時間要個半鐘還枱，佢見你食到冇咩野，會走埋黎收曬你所有野，抺枱，放新餐具叫你走！所以一要坐底傾野傾好耐，呢度就唔可以啦！只係想食下飯，呢度不妨一試！…查看更多