yafood的個人專頁

行經德福商場搵晚餐食，見呢間野未食過店面裝修大大粒雞蛋幾得意試下。一入去都幾爆場安排坐中央位，坐底睇緊餐牌無耐，職員好細心見有人埋完單提我地轉卡位可以坐得舒服d～抵讚😍👏🏻叫左燒汁漢堡扒鐵板&黑咖哩燉牛肉蛋包飯， 一杯菠蘿梳打。漢堡扒無咩牛肉味，肉質尚算juicy，入面包左芝士。之前未試食過黑咖哩，無咩咖哩味唔個食緊咩汁，牛肉少許鞋口。最後叫左即整焦糖梳芙里pancake，軟棉棉蛋香配上薄薄一層脆脆焦糖醬口感好食，味道唔會過甜，甜品意外比主食好味～😋…查看更多

母親節簡單慶祝，飲茶好似無咩新意，簡左和平飯店母親節套餐。一早訂左座位，酒家好好留左房間一張大台，坐得舒服又安心唔洗接觸甘多人。套餐可選4款小食，2款主食，固定黃金蝦，雲吞雞鍋，小龍包，甜品，仲包4杯野飲。成餐飯份量超充足，個個食到超飽。全部野食都正常水平，蝦新鮮大隻，炸完包裹咸蛋超香口，缺點無挑蝦腸。酸菜魚用新鮮魚，重口味偏辣，好足配菜仲有薯粉係入面，紅燒肉肥瘦適中。平時酒家都有類似4人餐，諗唔到食咩朋友可以一試。…查看更多

工作辛苦為左獎勵自己，簡左一間米芝連都推介的高質日本料理。店鋪裝修簡單又高尚，環境空間感大坐得舒服。全程用餐非常偷快，食物美味，特別每一位職員服務態度友善。商務版lunch omakase🍱前菜：冰菜蕃茄、螢光魷魚🦑用上時令冰菜好特別爽口刺身：華蓮蠔、中拖羅、石鯛、白海松貝～🦪日本蠔同平時酒店buffet食味道口感好唔同，無入口好重好海水味，好清甜爽口師傅介紹先清嘗鮑魚，之後再點牛油昆布汁食，果然醬汁將其提升另一個層次，好味😋壽司：赤龍、牡丹蝦 、平貝、馬糞海膽～牡丹蝦配埋蝦膏一點都唔浪費，香濃更鮮味茶碗湯海鮮昆布湯➕櫻花蝦炒飯日本直送柚子cheese cake…查看更多

同事生日，想買個蛋糕同佢慶祝，喺APM行咗一圈，最後喺朋友介紹之下訂咗COVA。lunch時間去，咁啱無咩人，一入去就即刻有職員過嚟問我想要咩蛋糕，最好嘅係可以即場加錢寫生日牌🥳好多唔同口味，芒果、士多啤梨、藍莓⋯⋯最後揀咗個半磅嘅Tiramisu 🎂，寫完都會俾你望一望，睇下啱唔啱，跟住仲送到你出門口，仲提醒如果未食住就盡快擺雪櫃，今時今日咁嘅服務態度去邊搵，讚👍🏻個蛋糕唔會太甜，同事都話好好味，好鍾意❤️半磅蛋糕睇落去好似好細但都可以切到6塊🍰，下次會再試下佢其他味😋…查看更多

朋友補食返生日晚飯，可能係星期五嘅關係，間間食肆出面都塞晒人，最後上海姥姥最快有位，就試吓佢。🐤醉雞： 雞好滑，完全唔鞋，又好夠酒味🐄水煮牛：牛肉都幾多吓，個底仲有啲薯粉，索晒湯汁，好入味🐠水煮魚：魚好滑，大大舊 啖啖肉，可惜唔係用新鮮魚片🍜擔擔麵： 湯底好香好惹味🍛炒飯： 鍾意佢唔會炒到好油好干四個人叫咗6個餸，全部清晒碟，唔浪費😌…查看更多

朋友約喺APM食lunch, 間間都打晒蛇餅，最後揀咗呢間食日本定食。可能撞正lunch時間都等咗成十幾廿十分鍾先有位，一坐低好快叫咗嘢食。叫咗一個豚肉，一個鰻魚，同朋友一齊share。成個定食套餐都好豐富 ，有前菜（蛋+泡菜），有紫薯蓉，有湯，有嘢飲，仲有甜品。一見到咁大set都覺得飽🐠鰻魚成兩大塊，超級足料，意料之外🐷豚肉又係大大舊，鋪滿晒成碗飯兩個套餐味道都唔差，但因為太豐富太大份，最後啲飯係食唔晒…查看更多

又到lunch時候，度度都好多人排晒大隊，見pizza hut出面唔多人排隊，就㩒定飛仔，點個一㩒完即刻下張枱有位😂朋友叫海鮮焗飯，我叫咗菠菜通粉，跟住我地再叫個雞翼拼盆share。菠菜通粉之前叫外賣時食過覺得幾多食，但估唔到堂食係更加好食，熱辣辣，無外賣咁乾，仲要勁多菠菜😍芝士仲可以拉絲。海鮮焗飯份量都好足料，朋友最後都食唔晒。雞翼拼盆都唔錯，雞翼無雪味一啲都唔鞋，一人食咗三隻，俾我地KO晒😍🥰😋如果唔想坐到咁逼，又唔想周圍環境太嘈，呢度都係唔錯嘅選擇！…查看更多

散水餅諗緊買邊間好， 睇咗好耐都無咩心水直到有日無意間上網睇到彈咗蛋撻王嘅post出嚟，就俾張相吸引咗。好懷舊好特別嘅包裝盒，而且每個蛋撻都有一個紙托托住，方便食又方便拎。蛋達皮好香牛油味，蛋醬好重雞蛋味好滑～$128 可以任揀12個撻。味道、外觀都好正～一拎返公司，估唔到個個同事都爭住影個盒好聚好散，門面功夫，散個靚水～…查看更多

同朋友喺鰂魚涌行完山，諗住搵間可以坐耐啲，舒服啲嘅餐廳，揀嚟揀去，都唔知食咩好，行下行下，見到有間西餐廳都幾多人，又咁岩唔洗排隊，就試試佢~揀咗好耐，樣樣都想食，喺職員介紹下叫咗三樣嘢~叫咗個牛油果藜麥沙律，大蝦意粉，炸雞翼牛油果藜麥沙律 - 好新鮮 牛油果🥑好香大蝦意粉-蝦無雪藏味 好彈牙，意粉煮得時間岩岩好炸雞翼-開頭仲驚會好油，點知完全唔油，炸到好乾身，但入面又好juicy,食完都唔漏食下嘢、飲下嘢、吹下水，又唔會‘趕你走’，都算幾好hea嘅地方，又近地鐵站。朋友話下次會再黎試其他嘢食。…查看更多

同朋友經開坑口東港城, 諗緊食咩好, 行咗一個圈, 最後揀咗錦麉, 朋友話佢未食過. 咁就試一試佢~排咗5分鐘隊就有位啦~最後揀咗綜合牛河同埋香茅豬扒撈檬~間嘢好FULL, 但好彩唔洗等好耐!好快嘢食就到咗啦綜合牛河有牛腩, 牛丸同生牛肉, 料算多, 河粉又唔爛~香茅豬扒撈檬, 舊豬排都幾入味,加埋汁, 成碗嘢酸酸甜甜,幾好食，好開胃好驚係出面食完嘢, 會好口乾. 呢間食完又無咁嘅情況~好彩無叫小食, 我地2食咗呢兩碗嘢已經好飽.見其他食客叫嘅小食都幾吸引, 下次可以試下…查看更多

每日一放LUNCH, 最頭痛嘅就係要諗食咩.今次就去食同事介紹嘅泰國嘢. 因為早咗少少出去,所以一去到就有位, 但坐咗唔夠10分鐘, 門口已經排晒隊~呢間餐廳位置有少少難搵, 入面唔算大, 但都算乾淨企理, 因為多人所以都要搭枱, 但都尙算坐得舒服唔逼~LUNCH SET包一杯嘢飲, 選擇都好多, 大多數都唔洗額外再加錢, 又可以加錢外加小食.我地驚食唔晒. 就一人叫咗一個餐同嘢飲, 無再加小食~叫咗烤雞青木瓜沙律飯 同豬頸肉撈檬嘢食一到, 我地嘩咗一聲, 因為都好大份!!!!對面搭枱個人見到我地嘅餐, 佢即刻叫人改單, 問可唔可以換對面個餐(烤雞青木瓜沙律飯)烤雞好嫩, 青木瓜沙律小小辣, 好開胃豬頸好香口, 檬粉唔係軟淋淋果隻.份量多到, 我地兩個都食唔晒~總括來講, 咁嘅價錢有咁嘅水準同份量, 好抵食, 推介…查看更多

同公司同事間中會食好少少餐豐富午餐，簡左呢間出名食豬扒店舖，但我睇餐牌俾下面呢set吸引左，有我鍾意魚生飯加烏冬，仲有一小件豬扒，又可以試豬扒味道~呢個set份量超滿足，魚生新鮮，烏冬湯頭清清甜甜~豬扒炸到好香脆，咬落去feel到肉汁唔會鞋口~另一set同事order~下次有機會一定會試豬扒餐，我諗佢味道應該更加好味，上菜前我見職員俾左一碗香芝麻磨碎再加豬扒醬汁，應該會超香口~飯後再會送上一份水果~其實如果店舖套餐包埋餐飲更加美滿~…查看更多

平時食蒸氣火鍋多，今次見觀塘新開粥底火鍋決定試下，店舖距離地鐵站一d都唔遠~店舖新淨，位置闊落，4個人坐一張圓台，可以放好多野食，職員仲會再放一架車仔隔離放野，非常好!一開始職員會送上燉湯，加2款小食~花生加青瓜~我地叫左2set 龍蝦加2set 蟹套餐~加固定6款海鮮，8款火鍋配料~仲有一份青口~份量完全足夠，飽到食唔晒~質素方面新鮮，值得去試~最後，呢個粥真係全晚精華，吸晒海鮮鮮味超飽情況下都食左2碗最後，想要讚下呢間店職員，始終食海鮮比較多壳，佢地會留意客人台面碟滿左就主動行埋黎更換，今時今日服務態度已經值得再幫襯!…查看更多

提早慶中秋，簡左翠園做節，叫左半席6人餐~環境方面餐台坐位之間位置好逼，最尷尬台面太細，基本上keep住3味，一有新就要快d食晒佢，或者放去其他餸碟~野飲方面算慳家，一般酒樓黎講，都有6罐汽水or啤酒，呢間我地簡左橙汁，量份一樽超細6個人分每人半杯~想飲多杯都無~完野食方面份量質素有好有唔好~大蝦e麵芝士味香濃，蝦都爽口彈牙，麵份量偏少~翠玉瓜爽甜，雞肉唔鞋口嫩滑~胡椒雞，完全食唔出胡椒味，似咸雞，仲要超級咸~豆皮卷~應該早上飲茶會岩d~做晚餐小菜好似唔多夾~味道好味燉冬瓜湯我最鍾意之一，好清甜，材料都好足~都飲左2碗花膠浸菜苗，正常ok蒸飽魚新鮮好味~最讚呢個甜品伏苓糕，個名好特別，但似食龜苓糕上面加左柚子蜜甘~(忘記拍照)仲有一道新冬菇扒生菜反而令我覺得最好味，冬菇吸晒上湯蠔油汁，生菜新鮮爽甜，反而令我最尾好飽都食左好多~整體評分 6/10:)…查看更多

東港城一田食完拉麵，正正隔離有一芳~食飽飽買杯野飲下岩岩好~一茶芳水果茶試過好多款，今次要推介呢杯連個名都特別過人叫“信義脆梅綠”開始我order要微糖少冰，職員好窩心提醒本身梅帶甜，成杯野會好甜，建議可無糖~果然無信錯! 茶味好香，飲到有種清新解膩感覺，真係一d都唔甜，梅甜度令杯茶飲落岩岩好~強烈推薦可以試下，好似我唔鍾意飲甜野朋友仔記得走糖~飲完其實我想打開試下粒梅本身味道，係街行緊唔太方便~下次有機會一定會再飲呢杯同試埋粒梅味道~整體評分8/10 …查看更多