GaelleWong的個人專頁

呢間系內地有好多分店好出名嘅米線開埋嚟香港！真系同本地米線唔太同幾特別～最開心系芫茜蔥嗰啲任拎😂.藤椒三仙米線 呢碗系招牌嚟，一碗入面有齊九款餸！淨系食餸都飽😂 有木耳、竹笙、番茄、蟲草花、韭菜、豬肝、鵪鶉蛋、餐肉、肉絲，啱曬唔想食咁多肉嘅人，豬肝幾出色，鮮嫩冇渣。加咗蘭花乾，好大一條豆乾，質感扎實、吸味力強，豆味香濃又有咬口，索曬湯汁咬落去真系好滿足，食米線必叫！🥹今次食藤椒重慶辣中辣，唔算好辣同一啲都唔油！唔系化學辣味麻味都重，又唔會搶咗食材鮮味，唔錯嘅.滋補魚片米線呢個湯底認真唔錯，唔好睇相好清咁，好鮮甜藥膳味足，感覺清爽溫潤～飲落好似阿媽煲嘅湯咁，真材實料🥹入面魚片滑嫩鮮美，蝦滑彈牙，魚片同蝦滑份量都唔少，其他配料都好足！健康得嚟又好食嘅米線.小食叫咗糍粑油條同鍋巴土豆外層好脆嘅油條入面系煙韌mochi！加埋黑芝麻同糖口感同味道即刻成件事up level咗，好特別好好食好推薦😍 鍋巴土豆超正！外皮炸得酥脆金黃，內里軟嫩香糯，辣椒粉、孜然粉加埋麻辣醬料，香氣四溢又帶有微微焦香，真系一口接一口停唔到😋…查看更多

上次去黃埔食完決定要試晒啲分店🤤今次都係叫二人餐實在係太抵🥹.套餐$896，包齊沙律、前菜、主食，最誇張係有兩塊超大大判燒！另外仲有六款肉同甜品，份量多到懷疑人生.大判燒絕對係鎮店之寶，每次食完都會念念不忘～肉香濃郁又帶融化感，薄切但油脂分佈驚艷，香味層次完全超越價位！今次套餐有兩大塊，淨係呢度都抵返晒.其他燒肉一樣有驚喜，每款至少有4大塊，同單點分量冇分別！今次無叫其他單點一個二人餐實在太夠兩個人食😂下次再去其他分店食！…查看更多

長期經過排隊今日終於食到唔失望！平日8點都仲排緊隊🤯天婦羅真係出色嘅，見到個師傅係咁好快手大大舊原材料炸完一條又一條，即炸真係唔同啲個皮又薄又脆✨呢個價錢好抵～.炸蝦大隻keep到鮮味、蟹鉗冇得輸，啖啖都係肉🙂‍↕️炸糖心蛋裏面仲可以流心！烏冬都好食係幼滑身嗰種，份量都大.Special menu嘅炸軟殼蟹好驚喜，食到入面一絲絲蟹肉仲保留到鮮甜～講真係香港好多都淨係食到個殼😂鵝肝蘋果意外地都唔錯，夠油份配埋蘋果酸酸甜甜好夾。…查看更多

超有型嘅現代fusion西日restaurant and bar，仲有露天天台，裝修感覺好chill又有藝術感，好舒服～.Hamachi crudo魚生新鮮嫩滑，幾厚身，味道清爽，帶少少柚子香，醬汁好特別酸酸甜甜，帶到油甘魚嘅甜味出嚟！.Pickled tomato salad蕃茄醃得啱啱好，好甜但唔係死甜！配埋light cream清新又解膩.Caramelised pumpkin南瓜外層焦糖化，脆脆地，口感軟糯，南瓜本身都好好食，帶少少堅果香，好有驚喜.伊比利亞炸豬扒外脆內嫩，豬肉油香豐富，唔會太膩但又夠飽.Hairy Crab Butter Udon蟹膏香濃但唔會太heavy，烏冬煙韌，醬汁掛麵一流，超級滿足～.Matcha cheesecake and melon mochi冇唸過咁好食！melon唔係假味，真係有蜜瓜嘅清甜味mochi好煙韌唔痴牙。matcha cheesecake綿密得嚟有matcha粉沫嘅口感，有別一般，幾特別呢度嘅菜式味道層次豐富，用調味加強本身材料嘅鮮味，環境又靚又舒服，啱晒朋友聚會或者chill chill下又一晚！😋…查看更多

Butter chicken (lunch set $119 有嘢飲)招牌牛油雞，用香滑濃郁嘅蕃茄奶油咖喱醬煮雞肉，雞肉極嫩滑、醬汁甜香，撈飯或者點naan都好正，佢嘅naan暫時系我喺香港食過最好食嘅，蒜味好足好香，薄身餅，仲有啱啱烤出嚟嘅香味，最後幾飽都堅持食曬佢！.Chicken biryani印度香料飯粒粒分明，食落夠香料層次，雞肉分量足，唔會重油，仲有香脆炸洋蔥點綴，味道豐富又唔膩。.Dahi puri脆卜卜小球入面系酸乳酪、馬鈴薯同芒果醬，咬落外脆內creamy，咸酸甜夾雜口感，呢個超級好食！！！勁推薦.Lamb keema quesadilla印度孜然羊肉剁碎，釀入墨西哥夾餅，香辣微辣、羊肉味香濃又多汁，配埋芝士，食落驚喜.Rasmalsi經典印度奶香甜品，幼滑嘅芝士球浸滿香料奶水，帶絲絲杏仁果仁，香口清甜唔膩，飯後嚟一份勁滿足。.菜式味道正宗，創意足，睇落細細碗其實份量勁多🥹🥹🥹每一個Dish都好滿意，值得更加多人知道…查看更多

陳皮水鴨燉湯湯底清甜，陳皮香氣突出，水鴨肉質嫩滑，飲完暖胃又滋潤.碧綠雲腿白玉環賣相精緻，蘿蔔清甜淋身，芡汁好出色，有雲腿鹹香同杞子嘅香味，莧菜吸晒芡汁嘅精華！層次豐富，清新又唔膩，睇落簡單但係食得出入面嘅功夫同處理食材嘅細緻，非常推薦.蝦醬骨外層香脆，蝦醬味濃郁，肉質鬆化，配埋菠蘿又有另一種感覺，同蝦醬嘅味融合一齊甜甜鹹鹹咁都幾好食，送飯一流，啖啖都好惹味.XO醬黃金淮山面麵條煙韌，XO醬鹹香帶辣，配上淮山爽口，好足料大大碟又有鑊氣但唔會太油.海帶綠豆沙甜度適中，綠豆沙食到粒粒綠豆但係冇豆嘅腥味，一向唔鍾意食綠豆嘅我都覺得幾好食，仲為海帶帶出微微鹹香。.環境舒適，服務細心，望住維港景觀一流，菜式水準高，擅長用睇落簡單嘅食材配合唔同嘅調味同煮法，將食材發揮到佢最好食嘅味道，比淨係得個靚字嘅菜式好好多，唔簡單！…查看更多

食材高質，好識運用配料令主食個味道upgrade幾驚喜嘅！呢個價錢可以一試，環境都舒適，空間好大仲有唔同嘅打卡位仲可以唱k🤣慶祝生日嚟呢到唔錯.前菜：香煎鵝肝配焦糖洋蔥吐司鵝肝煎得好脆，一刀切落油香滿滿，好夾焦糖洋蔥嘅甜味，墊底嘅toast吸盡精華，好有層次！.意式薄切生和牛片薄切牛好柔嫩油脂都好足！芝士片+火箭菜提鮮，配埋檸檬同橄欖油帶出牛嘅鮮味～.香煎三文魚子刺身帶子帶子煎出到有少少焦糖邊✨ 中心保留到刺身嗰種溏心feel，三文魚子唔會太鹹搶味.主菜:香煎澳洲盲曹魚呢個大推🥹魚皮脆，魚肉好！嫩！滑！一啲都唔腥，上面嘅香料酸酸甜甜，有芒果洋蔥唔同嘅蔬菜切粒，配埋條魚係意想唔到嘅夾，食到停唔到.澳洲MB2金箔和牛柳牛味重但唔會膩和牛嚟講幾難得，雪花紋油潤，切開肉心粉嫩，金箔for打卡都鋪滿舊牛，作為中意食side dish嘅我好滿意薯蓉同蘆筍嘅新鮮😂.佢哋嘅cocktail真係好靚，Back to School飲之前有得用魔杖點著，好有參與感😂Arcadia係小王子theme好精緻，兩款都易入口，呢兩個都有音樂盒，叫套餐有65折。…查看更多

中環高質印度菜，用落菜式嘅香料同醬汁非常獨特又唔會搶咗主菜嘅味道！.Malaysin inspired Clams蜆肉大大塊，鮮甜多汁，醬汁風味特別又唔搶鮮味！.Abalone with mint sause, strawberry Salsa 呢個係secret menu😆好似話嗰日啱啱新出，鮑魚飽滿肥美，下面個sause有驚喜，超級好食！外面真係冇食過呀.Andhra Tenderloin呢個牛冇唸過燒得咁好，肉質嫩滑，牛味好重，仲有炭烤嘅香味.Lamb Shank Nalli Nihari慢煮羊膝咖喱，好大舊羊肉！一樣熟度啱啱好，煮得好淋，撕開啲肉再一口咖喱，好多種香料係口入面爆開咁🫶🏻.Truffle Cheese NaanTruffle超多超香，一撕開就拉絲，配埋上面個羊一絕！…查看更多

呢間黑膠餐廳想去好耐！星期日tea time都唔少人，tea set都好多選擇幾抵，一路聽黑膠唱片一路慢慢食tea chill到爆🤟🏻.Full English Breakfast經典英式早餐，有煙肉、香腸、炒蛋、烤蘑菇、焗豆及蕃茄。 份量充足，煙肉香脆，炒蛋嫩滑，蕃茄好甜！好大份又健康.Buffalo Wings醬汁酸辣濃郁，辣度適中，外皮酥脆，肉質嫩滑，炸得唔錯👍🏻.Kinder Bueno Pancake with Tropical Fruit Crunch and Caramel Biscuit Ice Cream呢個係佢哋嘅限定甜品！榛子醬鬆餅 + 焦糖餅乾雪糕 + 熱帶水果脆粒仲有新鮮士多啤梨同阿妹都幾大幾飽適合2-3人分享，鬆餅鬆軟，Nutella醬濃厚，雪糕焦糖味香醇，水果脆粒增添口感，好有趣嘅甜品～.Tiger Prawn with White Wine Cream Sauce虎蝦新鮮彈牙，醬汁奶香順滑，白酒清香平衡膩感，配蒜片同法包一齊食啱啱好，唔會太漏Hot Cappuccino咖啡豆烘焙香氣足，奶泡綿密，有拉花～…查看更多

食日本燒肉緊系想高質又唔太貴，食開kakura佢啲肉真系拍得住日本！仲要價錢好合理今次見佢出咗二人餐即刻衝去食🤤.二人餐$896，有沙律、前菜、飯，兩塊大判燒，系兩塊！！！仲有六款燒肉同甜品，真系驚你食唔飽咁🤣.大判燒基本上每次嚟都會叫，食完返唔到轉頭，個肉香味系其他肉替代唔到🥹比較薄身嘅肉可以油脂香咁重真系好少見，呢個價錢有兩塊已經抵返曬！六款燒肉以為會得兩塊，點知都有4塊大大塊，好似同平時一碟冇太大分別咁🫨.除咗牛肉其他嘢一樣咁出色，燒蠔好飽滿新鮮肥美，雞肝有驚喜，食得出好新鮮完全冇腥味又唔會好沙，都幾嫩滑。仲有乳酸梳打必叫，甜度啱啱好，唔系藥水味，仲唔會太多汽頂胃(￣∇￣)…查看更多

中環翻工lunch嚟呢到食真係唔錯，夠大份又幾好食，環境唔錯員工都有禮貌同細心！見我揀咗走花生同素會再confirm係咪有敏感，好窩心(￣∇￣).今日唔係好有胃口唸住清清地唔要咁多肉，揀咗素小面嘅菜心好甜好嫩🥹份量都唔少，唔會覺得唔叫肉唔抵！.湯底麻辣都夠，仲可以揀小辣小麻嗰啲。幼麵都有彈性～棒棒雞唔會太油，好香麻味，夾極都仲有，差啲食唔曬，對得住個價錢😂中環真係好少麵類又坐得舒服嘅餐廳，推薦！…查看更多

好耐冇食雞排，見旺角呢間雞排都唔少人系到等，叫咗脆片無骨雞排、台灣香腸同梅子地瓜條，每樣都好大份性價比真系好高，唔好睇佢細細袋，入面份量好足！.雞排好大塊，兩個女仔食一塊都得🤯我拎翻屋企食around 45mins都仲脆真系好mindblown，雞肉都唔會炸到好柴，揀咗紫菜粉唔系得咸味嗰種，都幾香，滿足～.地瓜條好似台灣食嗰啲！！每條都好足地瓜，外脆內軟又大條，梅子粉比得足，廿幾蚊我念有十幾條，淨系食呢個都飽～台灣腸一樣又粗又大條，咬落有爆汁，出色！如果有埋蒜頭就好.值得一提佢哋廚房好乾淨，出面見到入面地下完全冇水冇污糟，好癲🫨…查看更多

銅鑼灣CP值極高嘅omakase，店內位置雖少，但師傅希望可以盡力照顧到每位客人full booking就唔再接客，respect🙌🏻前菜：醋海蜇同蟹肉燉蛋用料新鮮，醋海蜇清甜爽口非常開胃三款刺身：真調、鰆魚丶5月中盛產嘅瑩光魷魚，厚切，清新味蕾之餘不失魚香味壽司：帆立貝 伊左木用昆布同酒醃製，放入雪櫃20分鐘，的確係我食過入面最帶得出佢鮮味嘅一種方法，好細心嘅做法🥰地金鯛，超滑身，係鯛魚入面最貴嘅腦天 、海膽、蔥拖羅手卷都份量十足，師傅都會用唔同調味帶出魚本身嘅鮮味，真係試過先知有幾正❤️…查看更多

湊湊K11分店book位都見到好多人提早去等，真係好受歡迎，想試呢間人氣火鍋一定要book位啊！店內座位舒適、空間感大、無論擺盤定環境都打卡一流.清涼椰子雞+韓式泡菜鍋（各$138）湊湊有新湯底緊係要試下啦！椰子雞鍋雞肉好嫩滑，椰子水椰味都重、除咗椰肉仲有珍珠馬蹄，淨係湯底都好豐富韓式泡菜鍋，湯頭微辣適合唔太食得辣但又想過下口癮嘅人，配上煙韌韓式年糕同酸爽開胃嘅泡菜，加埋芝士仲正！！！泡菜仲無限免費添加！.馬鈴薯片$38+大白菜$38打邊爐必叫，馬鈴薯片好爽脆同厚切大白菜上檯時望落唔多，其實入面有好多層超多超抵食，仲係甜嘅，打邊爐索曬湯底精華.文蛤$58呢個好驚喜！價錢唔算貴但質素好，非常鮮甜完全冇沙，肉身都厚，殼兩邊都有肉！非常推薦.伊比利亞黑豬肉$138豬肉有清晰嘅大理石油花，味清不燥，口感柔軟，肉汁豐富,  呢個價錢性價比都高.美國牛肉雙拼$248冇唸過會有甘多，兩個人食完全夠，睇相都知非常高質，唔係比普通貨，油花豐富質感軟稔。.韓式炸雞$58估唔到火鍋店嘅熟食都好唔錯，外皮脆脆地但保留都內裡嘅肉汁，可以一試~.水蜜桃綠茶qq $32 壹襲紅袍+茉莉茶涷 $28湊湊茶飲都好出名，果然名不虛傳，茶底香濃，同出面比更香，甜度都岩岩好，推薦加茉莉茶涷！…查看更多

呢間貓cafe 係我見過最乾淨嘅，入面嘅貓貓都跑跑跳跳非常有精神，全部都好可愛，又會跳上凳同枱陪住客人，心都冧曬😚😚😚嘢食其實真係非常唔錯，貓cafe好少食到有出面西餐嘅水平，睇得出店家好用心！亦都唔貴～coacktail意外地出色tim😆我哋叫咗個dinner二人餐，都幾抵食餐湯同沙律都唔錯，餐湯味道濃郁，唔似溝水嗰啲主菜鮮蟹肉忌廉意大利粉蟹肉分量豐富，平均分係意粉上 食落啖啖蟹肉🤩 意粉唔會煮得過淋，加上濃郁醬汁，非常美味🤤🤤主菜紐西蘭西冷牛扒叫五成真係比五成我🥹好感動，完全唔會韌真係好嫩滑，真心冇諗過有呢個質素，就算最後食到幾飽都想繼續食埋落去，肉汁都較多，肉質唔老，推薦的！Cocktail 寒 菊用乾菊花浸泡嘅gin，好新奇，都昜入口，菊花味唔會蓋過酒味，調得好好，冇諗過貓Cafe可以有呢個水準，覺得大家可以試下佢哋嘅coacktail，實為用心之作…查看更多