vampi1120的個人專頁

其實都好耐冇嚟過，因為午餐時段都幾多人，所以一般食飯我都會揀早一個鐘去食。去到得一枱人，店員叫我地去窗口二人位，但因為嗰日都幾熱，唔係好受得強光照射，見冇人，我哋揀咗最後面嗰啲陰暗角落四人位，但係佢話一陣間會好多人所以要我哋坐返前面，咁唯有坐喺門口嗰個位。剛開門，冷氣唔係好夠，所以都唔係好想坐門口位:(坐位安排唔係咁好，其他餐廳喺冇人嘅時候，都可以比人揀位坐。 我哋食完飯，間餐廳都仲係得我同另一枱客邊度多人可能因為啱啱開門，店員都幾燥係咁講粗口，唔知係鬧緊員工定啲網站外賣員所以如果想靜靜地食飯千祈唔好呢啲時間去。又或者去全部都係南亞人嘅餐廳，會比較有禮貌。至於食物，改烤餅要加$15，好少見，唔知係咪港式咖喱嘅關係，其他做印度客多嘅印度餐廳都唔洗加錢🥲不過食物都係好食嘅。但唔係用印度米，感覺始終差啲。…查看更多

呢間素食餐廳去咗好多次，由開業已幫襯，都好喜歡佢哋嘅冇味精湯同餸菜，夠大份，一個人好多時都食唔曬，所以有時下午都會同朋友叫一個餸分享。一直以來店員都好禮貌，食飯唔算迫，靜靜的，都感覺舒服但係最近去，唔知係換咗員工定係乜嘢，自此店內長期有一個「留坐」位，但係從來都未見過有訂位客人到店，有時有啲客人忽略咗「留坐」字牌，坐左上去，個店員就會比說話佢地聽。 話人咁大隻字都睇唔到。一月初去食飯，嗰次有兩個外國人坐咗喺呢個「留坐」位置，點一個飯兩個人食，嗰個店員女人應該係知道佢哋唔識聽，佢哋點完餐，又叫佢地坐去第二度，仲話佢地兩個人食一碟飯又揀位我唔得死呀。我聽到呢句說話之後，相信短期內都唔會再去:(到我哋嘞，因為當時冇乜人，朋友身型太大份，坐我隔離食飯成日撞到我🤣🤣🤣佢就坐過對面。之後個店員見佢食完，我又未食晒，又走埋嚟叫佢坐埋一邊，明明當時都仲有空位，又唔係有人要坐，真係唔明點解個店員咁多不滿。又或者會去油麻地分店，聽講嗰度店員都仲係好好人嘅。 所以如果大家想去食，仍然見到呢個「留坐」位，就唔好坐喺度啦。 因為呢個店員會比曬啲人坐大圓枱先。 呢個「留坐」位置就如同神枱一樣，又或者真係冇曬位，而你又有四個人，就有幸可以坐喺嗰度吧希望有一日會變返正常。始終尖沙咀可以平價食素都係一個唔錯嘅選擇。 而且見佢近排多咗外國人去，都希望店主可以檢討下員工服務態度。🤔…查看更多

本身唔係好鐘意食兩餸飯，因為之前買過超x同佳x嗰啲，雖然大份，但味精勁多，而且油膩到不得了⋯⋯始終咁平都係要用味精搞掂啲平價肉，所以都唔會要求啲乜，但係食完真係幾難回頭而呢間只係試過三次，因為三次都係揀蒸餸同蔬菜為主，除咗豬扒唔好食之外，其他蔬菜類食過還可以，今次揀嘅雞肉都ok，另一個豆腐就一般，以為上面係雜豆汁，原來係肉嚟。佢嘅餸比一般兩餸飯少，不過上次揀四季豆又多到可以兩個人食，但其實喺荃灣除咗素食工x之外，呢個係第二間我會買的。…查看更多

之前試過幾次假期下午嚟食，都覺得幾大份唔算貴，不過扒餐會比較好食。今次要評論主要係意粉，但意粉我只係食過一次，所以唔知其它係咪咁差，今次講嘅係木魚花三文魚長通粉，呢個真係麻麻哋，碟入面有兩粒迷你蠔，唔知係咪其他食物撈左入去，而啲三文魚就細粒過手指甲😑，幾乎唔見咁滯，係冇餐牌照片嗰啲咁大粒，反而蘑菇同木魚花就多🫠，所以絕對唔建議夜晚食呢個，因為幾乎係同茶餐廳$5x嗰啲冇分別，但係呢度晚飯食呢碟野就要$87仲有加一😑完全係貴又唔值。因為之前食午餐都係百零蚊，冇留意夜晚飲品要加$15，又唔知有加一，兩個人食咗$200，如果早知係咁嘅收費，情願過對面食咖哩好食好多。…查看更多

今次係第二次寫呢度嘅食評，因為太常去，所以都冇試過影相。今日收工一個人行過嚟食，終於記得影相😂呢度個套餐餐牌，入面主要都係基本食物，好多比較印度式嘅嘢都係要單點先食到，好似poori包，Malai Kopta 芝士球，不過今日冇叫。驚食唔曬😵‍💫今次叫左個牛油香料扁豆，配芝士烤餅。扁豆整得幾好食，唔洗配飯或餅就咁食都可以，感覺似扁豆湯。如果喜歡食豆可以試吓。另外個芝士烤餅都唔差，佢同套餐嗰塊唔同，但係唔係好覺有芝士味🤔之後就係印度奶茶，唔係好清楚一杯好嘅印度奶茶係點，之前去過尖沙咀嗰啲正宗嘅印度餐廳飲過，香料比較濃，呢間啲印度奶茶味道就比較淡，唔知係自己調味定係用即冲包。🤔或者要自己搵日去深水埗買包手作印度奶茶沖嚟飲下先知道係點。😂…查看更多

新開幕，幾日都咁多人排隊，咁啱昨天5:00左右經過，見到得5個人排隊，咁就試吓啦，但唔係咁好食，因為附近同mikiki都有呢啲飯，又好食過佢，所以都冇下次😓⋯⋯我諗可能都係因為平同埋新開先咁多人。唔知係咪我叫嗰啲唔好食啦😮‍💨，叫左炙燒豚，有啲韌。最後仲食剩幾片。檸檬茶都係唔好飲。男友叫咗溫泉蛋牛肉套餐，炸雞好乾，佢話牛肉冇乜味⋯⋯連吉xx都好食過佢（不過我哋幾年冇去過吉xx,唔知而家味道有冇變。）🙈另外入面環境都幾焗，枱有啲迫，著住厚外套行出行入，會撞到側邊嘅筷子筒。如果唔係食迷你飯，係食加大，建議走去隔離食好過，普通嗰啲係貴小小。但肉片正好多。…查看更多

喺度住咁耐都唔知原來有間咖喱店。🥲知道之後即刻去食🥹環境方面，第一次上去望住門口啲燈，仲以為係酒吧😂不過隔離真係開咗間比人唱歌嘅😓因為餐廳嘅門開住，所以有時夜晚去會聽到隔離大媽唱歌唱到走音，所以一出𨋢如果聽到唱歌，入去最好揀最入面嘅位坐！！🥲好彩唔係次次去隔離都有人唱歌。🙈食物方面，配搭好港式，美中不足係啲飯唔係用印度米，同埋冇得加錢轉印度米飯。🥲🥲🥲其實都唔係好明點解唔用返印度米，呢個情況通常都係多香港人去嘅印度餐廳先會出現。（荃灣，長沙灣嗰啲印度餐廳都係咁）飲品方面冇印度奶茶和湯類，本人唔飲汽水，又唔飲芒果奶，所以飲品方面真係冇乜選擇。🥲另外咖哩味唔會太過港式，會有返啲印度香料味。試左黑扁豆雞配烤餅，雞肉係肉碎嚟，望落去好少雞肉，淨係食碗豆都好飽，食左三片蒜茸烤餅已經好飽，烤餅一定要叫呢個，另一款冇咁好食。最後食剩左三塊烤餅拎走。如果細食嘅女仔一齊去食，可以一個餐兩個人食，另加小食已經夠飽。（第一次去試左扁豆薯仔，反而薯仔好多）另外叫咗烤雞都好好食👍🏻香料夠，價錢平，之前喺出面食要$108，呢度$45有一大碟🥹…查看更多

唔知係我接受唔到，定係真係咸左啲。本來之前試過一次外賣雞排，嗰次已經好咸，心諗可能行返屋企冇即刻食，放耐左所以咁咸。🤔今次去堂食，叫左個排骨米粉，米粉一般，有生菜，半隻鹵蛋，湯底清淡，可惜排骨又係好咸我食咗兩塊已經要飲一半苿莉茶止咸……其他兩塊比左男友食但係佢唔覺得咸，咁可能我唔受得太咸。不過之前試過去其他本地台灣食店食炸鹽酥雞都唔係咁咸，其中一間仲係台灣人廚師。所以我諗應該係呢間店做得特別咸。如果唔係咁食得咸真係唔好食炸雞同排骨。…查看更多

今次第二次嚟。上次食咗好多人點嘅Dosa,不過老實講除非食量大，如果有叫其它主菜，呢個大dosa真係食唔曬，食到一半已經嫌多，純打咭有趣。仲有另外一個一碟有好多醬料嘅，其實都係體驗正宗印度餐係點，如果本身唔鍾意香料同辣汁，都係可以唔洗食，上次男友食完話都係鐘意嗰啲改良版港式印度餐。😂講下今次，今次叫咗啲細份野，其實都係好飽....可能我哋細食，最後個薄餅已經食唔晒。第一個薄脆，味道清新微辣，只係$20。食小小辣對身體好。之後係炒麵，呢個一定係好食過港式炒麵，食完想再食😂之後個薄餅，有迭一碗湯同兩碟調味料，味道唔係好濃，都係可以代替食飯。之後睇餐牌入邊有張卡先發現佢哋仲有自助餐🥲…查看更多

今日經過太子，突然想食燒味，咁啱見到前面有一間，所以就去咗呢度食，見佢有啲舊式燒臘舖咁，以為味道可能會好食過隔離廣東燒味餐廳啦，點知好失望，而且燒肉飯仲要成$60冇得揀腩仔😞即刻諗起元朗同自己公司樓下嗰間，尤其元朗，食過嘅腩仔飯好正，都唔使$40。食評話好食嗰啲，我估應該係叫咗腩骨例牌，但係如果只係想食燒肉飯，千祈唔好去呢度食，一來貴，二來啲燒肉好似煲湯豬肉咁又啖又乾，塊皮仲要唔係硬就係淋嘅，好似同佢哋賣啲冇人吼嘅部位嚟食咁。唔知道係咪呢類舊式燒臘店都係咁，腩仔留返嚟做例牌同外賣，因為我都試過喺其他燒臘店買燒肉飯，佢哋都係又貴又冇燒腩俾你揀，真係難食過酒樓外賣$30盒嗰啲，酒樓外賣燒肉飯起碼都有脆皮同腩仔吖。已black list。…查看更多

呢隻新出嘅三味胡椒雞排包，都出咗幾耐，今日先試吓，基本上係同另一款燒雞胸味道差唔多，只係加左啲胡椒咁，因為我冇加醬料，所以食起上嚟就係有少少胡椒味，唔係好濃，因為塊排都幾大舊，食完都好飽，如果唔想食咁飽，都係揀返火雞火腿煙肉嗰啲會好啲。…查看更多

之前未買過KFC嘅早餐，今日朝頭早唔知食乜，所以就走咗去買呢個所謂嘅早晨套餐，除咗嗰碗通粉係熱之外，其他都係凍左嘅，嗰塊多士真係好鬼硬又乾，個薯餅簡直就好似炸過龍咁，又係唔熱又乾又硬，唔知係咪喺微波爐叮定乜嘢，塊薯餅仲係側邊冇左一忽。我肯定呢一個早餐，係咁多個快餐店早餐嘅劣食第一名。仲要40幾蚊，如果隔離左右有其他茶餐廳，真係唔好買呢一個早餐，買個沙嗲牛肉麵都好食過佢好多，只此一次，唔會再買。🤮咁嘅食物質素，遲下對面開快樂蜂，佢真係等執笠。…查看更多

今朝買咗個炒麵做早餐，唔知素食炒麵係咪咁，成盒只有三，四條素火腿，幾條超細條紅蘿蔔絲，冇其他配料，成盒就係得炒麵咁滯，同平時去粥店買嘅炒麵配料好大分別⋯⋯要$25都貴過我平時買嗰啲粥店炒麵。…查看更多

見到少人又肚餓，走咗入food court食，之前淨係喺度食過墨魚丸，都ok的，今次想食咖哩，諗住啲咖喱應該冇問題，點知啲咖喱好似湯咁樣，完全未見過咖喱煮到好似水咁......塊吉列豬排得半份，仲要好薄，我第一次見到日式料理個實物同食物模型分別咁大......真係大家樂都好過佢十倍😓food court果然係叫難食廣場唔係美食廣場。…查看更多

想食餃子，揀左間屋企附近嘅餃子店，可能位置問題，客人比較少，選擇都比較少，不過幾好味，叫左十隻白菜豬肉餃，食到好飽，最後幾隻夾硬食埋，下次叫七隻好了，有少少可惜係，初初冇留意，原來個湯真係煲嗰啲湯而唔係味精湯，冇飲到添！下次唔好浪費！！…查看更多