tchunhei的個人專頁

今晚食咗餐好正嘅！由頭盤到甜品都好有驚喜。而且餐廳環境好，前菜麻醬沙律，麻醬味夠香，但又唔會搶味，好清新。刺身間八薄切包海膽紫蘇花，魚鮮甜，另外海膽甘香。春魚燒得皮脆，加埋日本蔥好香。壽司方面：北寄貝爽脆，拖羅入口即溶，好香！筋子鹹鮮加清新，海膽好新鮮，超鮮甜！食完刺身壽司，就到鐵板燒！馬友魚皮脆肉嫩，好香魚油味；蟶子同大蝦都爽口鮮甜。 仲有我至愛嘅鵝肝，煎得好香！薄燒牛肉質好嫩，入而好多蔥蒜！呢餐食材新鮮，煮得又好，值得推薦！…查看更多

首先原隻鮮蝦腸。每條鮮蝦腸都肥美飽滿,蝦肉彈牙鮮嫩,腸粉幾滑～～～～～～鹹菜豬肚都好吸引我。肥厚嘅豬肚肉質細嫩,配上咸香四溢嘅鹹菜,別有一番風味～～～～～～之後試嘗嘅係咖喱蒸土魷。魷魚鮮嫩，咖喱汁香濃。另一道係腐乳通菜。通菜清脆爽口, 腐乳醬汁鹹香～～～～～～～而瑤柱灌湯餃，餃子皮薄餡多,餡料鮮美多汁。再來係蟹籽燒賣皇，豬肉唔錯。最後係蜜汁叉燒皇。叉燒肉質鮮嫩，配上濃郁嘅蜜汁～～～～～～總括嚟講, 食物唔錯，服務更係周到親切～～～～…查看更多

約上家人來到這家酒樓飲茶🫖酒樓環境寬敞明亮，裝修典雅，充滿了傳統的粵式風情。我們點了幾款特色點心，首先是「有營紅米腸」。紅米腸粉軟糯滑嫩，搭配上豉油、辣醬、甜醬的醬汁。紅米本身的營養價值也更高，兼顧美味與健康。「排骨陳村粉」，陳村粉口感爽滑，吸收了排骨的肉汁和醬香，排骨蒸得入味，肉質鮮嫩。「點心拼盤」包含了蝦餃、燒賣、粉果三款經典點心。蝦餃皮薄餡靚，蝦肉飽滿鮮甜；燒賣肉汁豐富；粉果外皮煙韌，內餡鮮美。「老乾媽金錢肚」是一道創新菜式。金錢肚處理得非常乾淨，沒有異味，口感爽脆彈牙。老乾媽的醬料香辣開胃。「陳皮叉燒酥」外皮酥脆鬆化，內餡是香甜的叉燒，加上淡淡的陳皮香氣，味道更加豐富有層次。最後是「檸檬蜜蛋散」。蛋散炸得金黃酥脆，淋上檸檬蜜，酸酸甜甜。…查看更多

今日去咗一間日式餐廳，試咗佢哋午餐，簡直係一場美食之旅！首先瀨尿蝦茶碗蒸，瀨尿蝦非常鮮味，蒸蛋滑嫩可口。季節性刺身有驚喜，是白身三文魚，新鮮好味！燒吞拿魚下巴肉質嫩滑，帶住煙燻香味。十勝A4和牛筋配大根，牛筋軟綿，配上大根嘅清甜，味道好好。兩款天婦羅外脆內嫩，配上特製嘅醬料，簡直係天作之合。食埋個燒鵝肝配飯，鵝肝香滑，食落去好滿足。每一道菜都精心製作，味道出色，簡直係一場簡單而又吸引嘅日式美食體驗。如果你都鍾意日式料理，呢間餐廳真係唔好錯過！…查看更多

這份 Omakase 午餐實在太精緻了。開胃的刺身拼盤先是生蠔，肉質鮮嫩。螢光魷魚幾鮮味,帶子和海膽拌在紫菜上更是層次豐富。大蝦經過花雕酒醃製後,肉質Q彈飽滿～～接著的紫菜明太子甜蝦也很出色。蝦肉配上爽脆的紫菜和濃郁的明太子醬好香脆。最後的壽司更是亮點。鯛魚肉質鮮嫩,深海池魚油脂恰到好處,北寄貝和赤貝更是一絕。黑鯥魚濃郁香醇,最後的拖羅手卷更是絕品,柔滑鮮美。濃香的麵豉湯則完美收尾。呢一餐真係好豐富好滿足好抵食…查看更多

最近體驗了A LUX四道菜精緻晚餐，真是一場味蕾的饗宴。每一道菜都展現了廚師的用心與創意。晚餐以凱薩沙律開始，搭配了濃郁的帕馬火腿、白鯷魚和香濃的帕爾馬芝士，很開胃。隨後是一碗香濃的龍蝦濃湯，湯底濃郁，搭配手工製作的龍蝦餃。接下來的Casarecce意大利麵，搭配豬肉香腸和蚕豆，意大利細麵則以24個月的帕爾馬芝士和黑松露點綴。主菜中，酥皮包鱈魚配上豐富的卡波納塔和清新的柑橘醬，魚肉鮮嫩。而法式雞肉燉菜亦不錯。最後，不得不提的士多啤梨蛋白餅，輕盈的口感與鮮甜的草莓完美結合。還有芝士拼盤和Petit Four ，讓整頓晚餐更加圓滿。…查看更多

荃灣區搵到間高質嘅日本菜，食材新鮮味道又好。餐廳環境舒適，可以慢慢享受餐點。我選了大滿足壽司定食，有11件壽司。首先，深海池魚、大拖羅的口感極為滑嫩，油脂豐富。隨後是燒大拖羅，更油香。火炙松葉蟹腳鮮甜。而金目鯛的鮮味恰到好處，肉質緊實。這份定食還包括五件時令魚。真鯛的清甜、油甘魚的細膩、中拖羅的豐富，以及生赤貝的彈牙，最後的瑩光魷魚都很不錯。此外，整個定食還附有一份沙律和濃郁的麵豉湯。沙律的新鮮，麵豉湯香濃。而定食還有細盛海膽三文魚子碎拖羅飯，很多海膽，賣相很靚。三文魚子及碎拖羅，份量相當多，很滿足。…查看更多

最近放假去咗上環一間樓上小店，主打西餐，氣氛舒服，食物質素唔錯。餐湯味道濃郁又creamy! 飲完有種暖胃嘅感覺，幾滿意！ 另外沙律新鮮，蔬菜脆口，配料唔會太複雜，酸酸甜甜，幾開胃。 主菜揀了燒大蝦扁意粉配蟹膏忌廉汁。呢道菜真係幾出色，扁意粉煮得啱啱好，煙韌有咬口，蟹膏忌廉汁香濃但唔會太膩。燒大蝦燒得啱啱好，帶少少炭香。另一道主菜揀了燒BBQ美國豬肋骨豬肋骨。燒得外層焦香，啲BBQ醬帶微甜味，配埋啲薯條同菜。呢間樓上小店氣氛幾舒服，食物水準穩定，最適合朋友聚會或者想靜靜地享受一餐飯嘅人。…查看更多

今次同朋友去咗一間好有格調嘅西餐廳，環境舒服之餘，食物仲好有驚喜！Chicken Ragu Poached Egg呢個菜名聽落已經好吸引！雞肉煮得夠腍，醬汁好濃郁，仲有隻溫泉蛋喺上面，一篤開蛋黃流晒出嚟，同雞肉撈埋一齊食，味道好豐富！The Victuals Octopus Tartare八爪魚他他好清新，八爪魚切得細細粒，配埋酸酸哋嘅醬汁，食落好開胃！Confit Duck Leg Pocket鴨腿煮得好入味，肉質好嫩，皮又脆，仲用咗個「口袋」包住，好有創意！咬落去仲有少少香草味，食落好有滿足感！14 Days Dry Aged Pork Loin豬鞍經過14日乾式熟成，肉質好嫩，有水準。Lobster Sauce Fresh Tomato Pasta*龍蝦醬意粉好特別，龍蝦汁香濃，配埋新鮮番茄，味道好清新！意粉吸晒龍蝦汁，食落好鮮味！甜品係蘋果酥，酥皮好脆，蘋果餡甜得嚟又唔膩。總括嚟講，呢間餐廳嘅食物好有質素，每樣嘢都煮得啱啱好，味道好豐富！環境又舒服，好適合同朋友一齊嚟慢慢嘆！下次一定會再嚟試吓其他菜式！…查看更多

新年去飲茶🫖有抵食3寶餐，呢個套餐價錢係$238，包括3款點心、1款小食同1款粉麵。首先講講3款自選點心。第一款係蟹籽燒賣王新鮮蒸熱辣辣。第二款係鮮蝦菜苗餃，餃皮夠薄，鮮蝦菜苗餡料新鮮，味道唔會太鹹。第三款係香麻煎堆仔，呢個真係必試！炸到金黃色，外脆內軟，香麻味道爆棚，食咗一個，真係想再食一個！講完點心，嚟到小食XO醬炒腸粉。腸粉滑溜，XO醬味道濃郁，炒得恰到好處。最後係粉麵星洲咖喱炒米，咖喱味道夠香，米粉炒得乾溜，配料十足。呢個抵食3寶餐，食物質量同份量都係超抵！…查看更多

尖沙咀坐得好少少又唔算貴嘅午餐，呢間泰式菜就係唔錯嘅選擇。炭燒雞扒濃湯船麵，揀了幼麵。呢碗船麵可以話係一個非常豐富嘅選擇！炭燒雞扒香氣十足，外層微微焦香，雞肉嫩滑多汁，夠哂入味。配埋濃郁嘅湯底，湯底醇厚，帶有微辣同少少香料嘅甘香味，幼麵口感煙韌。冬蔭功虎蝦湯麵，揀了米粉。湯底好香辣。虎蝦新鮮爽口，米粉滑嫩，好惹味。小食加了泰式單骨雞翼及鹹蛋黃薯條。泰式單骨雞翼，雞翼炸到金黃香脆，但內裡肉質仍然保持嫩滑。調味方面用咗泰式風味嘅醬汁，帶少少酸辣味，完全唔會覺得膩口，非常適合作為小食。鹹蛋黃薯條外層均勻地裹上鹹蛋黃醬，鹹香濃郁。飲品泰式季節茶及即磨咖啡。熱泰式季節茶帶有微微嘅香料氣息，而即磨咖啡就充滿香濃嘅咖啡豆味道。…查看更多

呢間咖啡店晚餐唔貴，水準唔錯。我點了斧頭豬胺紅酒拌川貝炖啤梨，斧頭豬胺煮得非常入味，肉質軟嫩。配埋紅酒嘅醇厚香氣，口感豐富之餘仲帶有微微嘅酸甜味，非常開胃。而炖啤梨係非常特別嘅點綴，啤梨入口清甜，啱啱好中和咗紅酒豬胺嘅濃郁感，兩者搭配得天衣無縫。香蒜白酒虎蝦意粉香蒜味濃郁。意粉煮得剛剛好，彈牙而唔會過熟。虎蝦新鮮，肉質爽口。飲品方面選咗熱伯爵朱古力，呢杯真係又香又暖。朱古力濃郁得嚟唔會太甜，伯爵茶嘅淡淡茶香融入其中。凍飲更加清新解膩。…查看更多

今次到觀塘名人館品嚐正宗潮式粵菜。餐牌上有好多菜式，價錢有平有貴，樣樣都好想試。今次點了幾道經典菜式,絕對值得一試。首先上菜嘅就係金絲煎蠔餅,外層金黃酥脆,入口口感豐富,裡面的鮮嫩蠔肉都幾鮮味。跟著嘅潮式炸蟹棗,個個外酥內軟,蟹肉鮮甜。仲有韭菜鵝紅煲,濃郁鮮美。蠔仔粥,粥質滑溜,飽滿嘅蠔粒好正。緊接住嚟嘅香茅乾煎大虎蝦,大蝦真材實料，蝦肉QQ彈牙,配襯香濃入味的香茅醬汁,真係暖到心坎裡，食完回味無窮。…查看更多

呢間餐廳嘅假日$298放題真係幾豐富，選擇多樣。首先有定量嘅鮑魚加上三款刺身同沙律，開胃又新鮮。其他刺身如帶子、三文魚、油甘魚、間八、赤蝦任食，真係一大享受，每款都鮮甜可口。壽喜燒部分，牛肉同豚肉都任食，湯底香甜，配埋蔬菜更豐富。炸物同串燒選擇亦非常豐富，有雞皮餃子、唐揚雞件、燒雞翼串、燒虎蝦等。迷你丼飯方面，有牛肉飯、豚肉生薑燒飯。我推介海幸丼，有海膽同角切魚生，細細碗幾好。最後甜品仲有牛角窩夫、刨冰。…查看更多

這間狗狗友善餐廳真係唔錯，推介俾大家。環境幾舒服。我哋假日去慢慢享受個午餐。首先，馬賽魚湯海鮮扁意粉$148，呢道菜的湯底濃郁鮮甜，海鮮新鮮，啖啖肉，意粉煙韌，完美吸收湯底的味道。其次，Fika全日早餐$148，份量十足，有煙三文魚、牛油果、肉丸薯蓉、炒蛋、沙律菜、多士，好清新感覺。無論你係當早餐定午餐，呢個全日早餐都滿足到你。接住落嚟，開心果Latte$55，呢杯特飲有濃郁嘅開心果香氣，口感順滑。接骨木花士多啤梨$48，呢款飲品清新甜美，士多啤梨的天然果香配上接骨木花的獨特香氣，令整個飲品更有層次。呢間餐廳舒服，仲非常歡迎帶狗狗嚟，令寵物主人可以輕鬆享受美食同時，又唔需要擔心愛犬無法入場，非常適合週末同朋友或家人聚會。…查看更多