fatchoroy的個人專頁

抵食夾大件嘅午餐咖哩豬扒飯（連凍飲，唔洗加錢）味道唔係話好好食，但勝在勁大份，成年男仕肚餓情況下，都未必食得晒！其實之前食過好幾次，比較推介：叉燒炒旦飯/煲仔沙嗲牛肉公仔面/常餐…查看更多

銅鑼灣lunch 一入黎就俾牆邊對聯吸又左，跟住隻湯碗都野膈你講！似乎老闆定設計師係有d經歷午餐 （一）牛油果醬鮮蝦意粉$96餐飲Mocha+$28 配炸魚手指成個意粉好好味，醬汁濃郁，配料配搭唔錯Mocha 👌 ok, 拉花幾靚炸魚手指外脆內軟，正午餐 （二）半份醬烤豬肋骨 $116餐飲-乜乜熱茶（無影到，唔記得😹）+$28 配炸魷魚圈豬肋骨可能唔小心焗過龍，兩邊都有點乾，整體都可接受👌炸魷魚圈仲好食過魚手上指，又脆又大舊，好有咬感仲有個粟米餐湯，ok 啦:)…查看更多

做完野，要等到夜晚食飯，得一丁友就走去黑布街hea 飲💆🏻‍♂️本身想去隔離間手工啤，但勁多人好迫，而呢刻想靜靜地又坐得舒服d，咁啱見呢間無乜人，就行左入去德國啤🍺推廣優惠+小食套餐🌯（$88）加一後埋單$97-德國啤有三款揀（黑、啡、白色）我揀左白色，唔錯👍-小食墨西哥卷就普通，不過有一兜原粒茄醬🍅加持，又加返d分。小食仲有另外幾樣例牌可選（e.g.炸薯條)下次經旺角，又想坐得舒服少少，又無咁嘈的話，仲可以幾開揚咁望住出面街，呢間係唔錯選擇👌…查看更多

正常中菜，無乜特別👌朋友生日，五條麻甩佬求其食。叫左兩個抵食孖寶+邊爐（即個餸+打邊爐）成個場超大，人手唔夠，所以無乜服務，每次叫野食同飲品及食完收碟，都要等好耐🙄食物質素：四個中菜唔錯，只係個聖子有少少蒸過龍其他無特別總結：食完四道中菜後都半飽，之後食個花膠雞煲邊爐，只係再叫左三四碟火鍋料！五個人都係食左$1171Ok la…查看更多

之前食過三次，招牌酸菜魚必食😋👍因今次得兩個人，所以叫下其他未試過嘅菜式1. 酸菜魚炒豬腸🈵👍提提你：叫得有酸菜嘅餸，最好預左會比較重味，一定會咸少少的😉整體唔錯，酸酸咸咸，主角豬大腸外皮仲有少少脆口，夠入味，食上癮2.蔥油雞🉐👌唔錯，肉質唔會過老（其他地方食，成日食到肉質過老，好鞋），都係較鍾意個豬腸🤣3. 即興菜式朋友今日特別大食，話食完話仲想再食！咁啱店員介紹話依家做緊「勁辣酸菜魚挑戰」，贏左免費兼有獎狀同襟章，輸左就俾返碗酸菜魚嘅錢；朋友自信食得辣，所以嘗試挑機🤣🤣🤣結果：5分鐘左右就舉白旗投降🏳️🏳️🏳️🙉🙉🙉…查看更多

第一次寫食評! 為呢間野而寫值得...當時食完0既心情係有d 火又有d 攪笑!!!呢間同"x將放題"有得fight!之前報章雜誌, 電視台都有介紹過d 類似"x將放題" 得啖笑0既餐廳俾人笑下...呢間有潛質!!!一出lift 見到d 格局以為自己去錯地方, 唔多似係食日本野0既餐廳! 簡單黎講無裝修咯...成班招應都係酒樓部長同茶居侍應feel...haha...果然無估錯, 因為外廳無位, 要我地入去內廳, 有好多酒樓d 椅0係度, 前身應該係酒樓!好啦門面唔多講啦!入正題...話說7月1x日貪平同貪得意0係GROUP BxYER 買左108蚊二人餐...標題以肥美0既處女三文魚, 加上各樣抵食0既野作招倈!咁之前0係YxHOO 團購都買過一兩次類似呢d coupon 去食過, 都唔錯咯...諗住所有coupon都差唔多ga la!同埋買之前都有0係openrice check 下佢d 資料, 當時評好壞各半啦, 所以決定買.點知呢半個月多左咁多劣評, 無奈coupon 已買, 無理由唔去...但食完就死死地接受中伏呢個現實咯!團購網講明刺身果part (十幾款揀三款) 有半磅三文魚揀, 但落單時已聽到個酒樓部長款0既侍應同隔離枱講野, 話"無半磅咁多0既, 但差唔多, 十幾片咁啦!!!"心諗廣告講明半磅, 依家d 客買左coupon 中左伏就事無忌憚, 求求其其...頭盤話係細細件0既炸壽司卷...睇落係落左少少天婦羅粉去炸, 中間得飯...同一小舊青瓜, 無言~~~之後等左個幾兩個字, 全部野一齊黎晒!!!炸豬扒, 肥牛金菇, 燒扇背一般...當時望住個刺身........^O^ O 左咀, 攝牙隙ga? 無23-7-2011 果個食評所影0既咁大咁多咯...可能唔同套餐, 份量唔同卦...唉! 半磅喎? 我食開荃灣某大件刺身同壽司0既日本野, 堂食60蚊五件超大三文魚刺身(有人話有半磅左右)...一件多過d 連鎖店d 一碟刺身有多...但呢間"銀菱x店" 所謂半磅三文魚, 得人地一件大件三文魚0既份量多少少咋....無誇大, 真係0.1x 磅都未必有!? 仲要砌到十幾片咁碎, 當食客傻ga?味道一般...但份量強差人意~~~處女三文魚無咩特別, 大半隻手指呢0既長度, 勁細件! 味道一般...到個鰻魚汁三文魚炒烏冬...咸豉油加極少三文魚碎炒出黎咯...要好留心都見到少少三文魚碎仔...得個咸字, 加少少糖都唔得?同埋呢...佢d 野食份量好少, 我個人不嬲有衣食, 同埋當時有d 餓, 而女朋友唔飯,佢ok 夠, 我食多佢少少都唔夠飽! 陰功...…查看更多