Summer Getaway的個人專頁

之前行過見到呢對翼，都見到唔少人喺度打卡，已經覺得有機會要黎試，今晚終於機會嚟啦。黑椒牛肉飯 呢個好有Pepper Lunch風味，個燒汁味道岩岩好，鍾意辣少少嘅朋友可以自己再加多啲黑椒。而且啲牛肉質素都唔錯。石燒紐西蘭牛柳 一班朋友share食，可以自己控制幾多成熟，咁就唔怕有啲想食生啲，有啲想食熟啲。烤美國豬鞍配黑莓蜜糖汁個豬又有嫩滑喎！配埋黑莓汁酸酸甜甜幾開胃。雞翼拼盤，一次過試晒四隻味，每隻味都唔錯。價錢親民啱晒食肉獸！！ …查看更多

好耐冇食放題，一食放題都係諗起大喜屋。去到好多人等緊，所以記得一定要book位。好貼心有個熱飲專櫃！雖然食壽司 但我想飲熱野😂食放題最緊要上齊， 上齊哂！ 刺身唔錯， 最愛甜蝦 帶子。壽司都OK，細細舊可以試多啲款。估唔到有炸榴槤波！好好味！啲炸物都幾出色，有炸燒賣，章魚小丸子，雞粒。手快有 手快冇食到咁上下就可以食啲生果消下濟。仲有好多雪條，甜品，糖做飯後甜品。 最開心有大腳板， 童年回憶出哂黎！環境唔錯， 服務都ok。…查看更多

記得之前去過呢度食辣酒花螺雞煲，個雞煲好正，啲花螺好食到直頭想再叫多碟小食嚟食。而最令我印象深刻嘅係佢嘅響鈴！所以趁住呢排凍凍地，就約朋友一齊食下雞煲，最緊要都係食響鈴，睇吓個水準仲係咪度。 環境正常，估唔到平日嘅夜晚都咁多人，而且係樓上鋪，質素應該唔錯先會keep到咁多人。冬天度，梗係叫返個滋補螺片花膠雞煲，估唔到個湯咁有雞味，完全係一碗湯，而且感覺冇乜味精，全部都係雞嘅精華，一口氣飲左2碗暖下個身。材料充足，好多花膠。最估唔到係隻雞原來都幾大隻，三個人食左2/3已經好飽，好彩叫得唔多配料。終於到我期待已久嘅自創爆芝響鈴，即叫即炸，水準依然喺度。外表勁鬆脆，加埋最愛嘅芝士，芝士溶溶地，個配搭簡直係一流。下次經過油麻地真係可以直接上去買響鈴當小食食🤣🤣西班牙頂級黑豚豬腩片，肥瘦均勻，高質。不過食雞食飽咗，感覺有啲浪費咗佢。雞湯烚菜真係不得了。…查看更多

之前見開咗一段時間都未去食，今次終於試到。北角站A出口一出，過條馬路就係，勁方便。仲可以行埋北角匯海旁🤩食親台灣野都一定會嗌蚵仔麵線，呢度仲有得兩溝，有埋大腸，啱晒我！食落都幾正宗味都唔錯，落埋胡椒粉就更加好啦。見佢加$22有鹽酥雞粒，就梗係㗎啦！食落外脆內鬆軟，啲雞肉都幾嫩，啲孜然粉落得啱啱好，夠晒味。食台灣野又點少得蛋餅，叫咗個起司蛋手抓捲餅，外面煎得好脆，蛋同芝士永遠都係絕配，記得趁熱食。下次可以帶其他朋友嚟食🤩 …查看更多

自從疫情之後，就好耐冇出街食燒肉。呢期突然心癮起，想食韓國燒肉，第一野就係諗起喜來稀肉。由佢岩岩開黎香港到而家，一直印象分都唔錯。入到去見到咁既setting已經勁開心！好似返左韓國咁！ 仲要銅鑼灣間分店長期多外國人，真係好似去咗旅行。有齊哂紙巾，濕紙巾，消毒👍🏻喜來烤肉（牛）燙一燙就熟，唔使點任何醬都好好味。護心肉（豬）同樣地都好好味，夾生菜蒜片一流！每次黎喜來稀肉，最期待都係個蛋！相信下次黎都會因為個蛋再黎！ 有芝士/泡菜2款😍最愛泡菜🥰…查看更多

太耐冇去旅行，好掛住韓國，唯有去韓國餐廳一解思鄉之愁。鮑魚人蔘雞湯咁啱呢排都凍凍地，一到步就即刻叫人蔘雞湯暖暖胃，就好似當年冬天去韓國一樣。😭 成碗湯都清得黎有好濃郁嘅人蔘味，啲人蔘食落去係甘甘地甜甜地，感覺好正好補！飲完成個人都即刻暖哂。 材料仲要超足，有兩隻雞髀一個鮑魚，個冬菇仲好爽口！芝士雞蛋捲見咁多人推介呢個芝士蛋捲，都一於叫黎試吓。估佢唔到咁大份，入面仲有勁多芝士好邪惡好正！三個人食一人2舊都已經好夠，因為真係好多芝士。記得記得記得要趁熱食！咁先最好味。芝士年糕拉麵食韓國嘢又點可以唔食年糕拉麵！ 一樣係咁邪惡，咁好味，完全將我個人拉咗返去韓國。個面有少少辣，辣得來又帶少少甜，年糕好煙韌，配埋芝士一齊簡直一流。蜂蜜牛油香蒜焗烤雞另一個不得不食就梗係韓式炸雞，不過今次唔想太熱氣所以就叫咗焗雞。 蒜香味好濃加埋蜂蜜好惹味。…查看更多

冇得去旅行又未試過去女僕Cafe，就一於去體驗一下，當去咗日本。如果去開嗰度啲Cafe都會識得搵到個大廈嘅，如果唔係，大家去到登打士街36號附近嗰陣左手邊會有條巷仔，行入去嘅右手邊就係大廈入口。芝士大啡菇黑松露雜菌燉飯 - 好好味喎！ 有啲睇唔出。 黎個真心可以encore!荔枝梳打 - 好fresh🤗女僕特製芭菲 - 真係都係咁邪惡，咁吸引😍😍🔔- 想叫女僕落單買單記得用個鐘，第一次去唔知🙈🙈，要女僕教返我🙈嗰度有兩隻貓，好得意，行嚟行去一啲都唔驚人， 仲任抱唔嬲。我係女仔都覺得啲女僕好靚🥰…查看更多

朋友預約咗呢間餐廳，話之前食過覺得好好味，就一於再食過。地點都算方便，喺油麻地地鐵站一出行幾分鐘就到。一坐低見到有插頭位，覺得好窩心，咁啱行完一日街已經冇乜電，可以邊差電，邊傾計。見到個Menu，加埋朋友所講話好好食，就覺得呢間應該就係一間深藏不露嘅美食餐廳。麻香爽魚皮 - 第一次食，真係好似個名一樣咁爽，配埋Wasabi豉油，真係一流！黑草羊腩煲 - 呢排天氣開始凍，最好就係食返啲暖既野。羊腩炆得好林！！個汁都好好味，如果用嚟撈米線就不得了。生拆蟹粉大蝦球 - 食大閘蟹嘅季節零舍想食蟹粉， 黎個好足料！喺鬧市中食到咁嘅嘢食，的確唔錯！…查看更多

朋友約左係到食晚飯，黎之前上網睇到啲相已經覺得好吸引。預先book左位，收工即刻衝去天后，好快就行到過去，好易搵。裝修得幾有風味，簡約整潔舒服。魚子醬海膽安格斯牛他他聽個名已經好正，估唔到食落仲正！配搭個toast好好味，個toast可以無限refill，2個女仔都忍唔住refill左一次。下次去必定encore 黃金邪惡軟殼蟹配香燒焦糖蘋果個配搭幾特別，都ok。原鍋海膽蟹膏日本蟹子燴意大利飯超正！好足料！一上枱以為唔夠食，點知食落好多食唔晒，夠滯🤣🤣 又係會encore清酒煮蜆綠茶蕎麥麵由於前面食得太飽，已經冇咩感受抹茶Tiramisu可以一試…查看更多

每次去到尖沙咀都好想試，但每次都總係去唔到個邊。 今次終於試到好開心！因為本身好鍾意飲milk shake, 見到香港有間本土milk shake更開心！奶味濃，texture 岩岩好，啲士多啤梨醬唔似係假個啲😂😂下次路經一定再飲！支持！…查看更多

好岩一堆朋友坐埋一齊傾計，飲下野，食下野。 啲食物combination又好特別，好岩我口味！特別係個蜆寬粉😍 索晒啲汁，又夠辣。其實最想食返以前食過既陳村粉🥺🥺 可惜當日menu冇左 😭…查看更多

一早book定6人餐$2,280，睇下會唔會做左水魚，印象中做遊客生意既都厄人錢😂結果喜出望外，冇做到水魚，啲海鮮都ok! 最好味係避風塘炒肉蟹啲炸蒜😂😂 狂食！送飯一流。咁岩天氣勁好，睇到晚霞，維港夜景，黎個價錢黎個景，絕對抵呀！仲係一個好好嘅體驗🤣…查看更多

難得lunch time咁得閒去到觀塘，又有happy lemon,即刻搵返兒時旺中回憶🤣🤣🤣叫左乳酪芝士芒芒莓莓鮮奶，冇得揀甜度，不過都ok，唔會太甜，岩岩好，幾好味，不過應該好肥😖😖…查看更多

夏天係街行到熱一熱，最好梗係食返啲雪糕消暑。 去到已經坐滿哂人，不過都阻止唔到要消暑既心， 買個香蕉船企係到望住姜b食，更加消暑🤣🤣🤣 唔同雪糕既味永遠都唔會失望…查看更多

之前已經黎過幾次，覺得overall都唔錯，無論係waffles / main dishes。就算main dishes 選擇唔多，但隔一段時間都會有新款，所以都係會繼續想去試，因為so far試過既都好味😋 …查看更多