諗住星期六見到有得飲啤酒就去咗呢間德國餐廳本身食咩嘢係冇乜所謂，我志在都係一杯酒啫。嗰陣員工係得兩個人仲要係唔得閒應我嘅咁我就同佢講話我一位佢就帶我坐咗二人枱坐低就擺低咗個QR code俾我咁我就自己叫嘢食，叫埋啤酒然後先知道原來係有人唱歌本身我都係諗住飲完一杯啤酒就走㗎啦咁我食完嘢，就有人busking聽聽下覺得嗰個人唱嘅歌係好啱我嘅口味同埋把聲好好聽咁我就嗌多一杯啤酒啦喺我想叫啤酒嗰陣就有個職員行過嚟同我講話要我埋單咁我就同佢講，我話如果我叫一杯啤酒，我可唔可以坐喺度聽歌？佢就話 我坐緊個張係四人枱有人等緊所以一定要我讓張枱出嚟我話我叫嘢食叫酒飲都唔得？佢好似唔想答我咁話，係啊，一係你坐出面。然後就囉咗部卡機出嚟我話我係想聽歌，所以先想飲多杯啤酒你都拎埋俾我啦，我走啦。然後我行出去廁所，嗰張枱都係冇人嘅。而最後我睇返，其實我前後都係坐咗60分鐘而當時候係有一張八人枱係多咗出嚟。而一開始，我坐隔籬係六人枱，然後佢哋走咗就將一張枱擺咗去我度，令我變返四人枱。會唔會其實本身個安排就可以好啲？或者員工係咪應該同我討論下，我或「等緊嘅四位客人」可以坐八人枱呢？如果真係有八位嘅出現，我係唔介意。本身 食物質素係唔錯，人均消費$200係可以接受。但由頭到尾，你地嘅服務就係「擺低qr code，上菜，囉部卡機叫我比錢。」咁樣仲要收我+1服務費，我就真係唔係幾接受到。做幾多優惠、推廣都無用啦。唔怪得樓下個德國啤酒節無人問津。活該！…Read More
