Lo05的個人專頁

食物麻麻，service更加差到冇人有。擺低食物同餐具唔知點解要咁大力，嘭嘭聲。都算啦，小事都唔想追究，決定食嘢算。叫左個all day breakfast，蛋冇調味，啲煙肉硬到爆，啲大啡菇調味都好怪。都算啦，想埋單嘅時候係冇人理😂 12點半餐廳連一半客人都冇，4個待應，3個見到你揮手扮睇唔到，另外一個喺隔離枱serve緊，所以都唔想煩佢。終於叫到人黎埋單嘅時候，諗住用數位支付方式付款，但佢部機唔知點解就係pay唔到，其實呢度一分鐘都冇，個男待應已經望去我屋企人俾面色佢睇，我都冇為意，係之後屋企人同番我講我先知。呢位男待應，唔知以為佢一分鐘幾萬蚊上落，我地成餐飯冇投訴，又冇大聲講嘢，又冇黑你地面，仲要serve親都同你地唔該前唔該後，我屋企人憑咩要睇你面色？埋完單走嘅時候仲要俾我聽到佢地喺度講第二枱客人嘅壞話，呢度啲待應真係極品。其實佢地咁冇枉管嘅態度都好反映到呢間餐廳嘅management同質素係點，佢地根本唔care😂 錢照收，態度照舊😂…查看更多