陸月妹的個人專頁

好耐之前都聽過朋友話元朗啲日本餐廳好多都好正早兩日入元朗, 行過見到間餐廳出面有好多燈籠見到好似幾特別, 於是同朋友入去食下推開木門行落樓梯環境好闊落唔在講，最正係有個區域做到好似蹺腳坐嘅日式榻榻米既檯櫈咁好有和風既感覺刺身拼盤率先上場有齊活赤貝、三文魚、帶子同中拖羅四款活赤貝上好有鮮味師傅刀功了得，赤貝入口嗰種鮮甜爽脆完全係高級料亭水準中拖羅雪花紋靚到似藝術品放入口即刻化成一片油脂香蟹味噌甲羅燒配鱈魚乾 我地叫左兩個, 一人一個唔駛爭蟹膏好濃郁, 將蟹膏塗滿鱈魚乾香脆既鱈魚乾同蟹膏嘅鹹鮮味道好夾果種滋味令人刮晒碗入面果啲食鹿兒島鰻魚飯團上面有好大舊鰻魚飯團捏得鬆軟得嚟唔會散每啖都食到鰻魚特有嘅肥美同秘製醬油香飯入面有啲芝麻, 底面仲有層薄薄嘅飯焦脆脆哋嘅口感同軟糯鰻魚形成絕妙對比至於芝士焗天火蠔就係視覺享受厚厚既芝士，蠔肉又大粒飽滿到差啲咬唔哂鹽燒三文魚頭去親日本餐廳都會食燒三文魚頭呢間個三文魚頭好大個燒得恰到好處，魚皮脆卜卜肉質好嫩, 好正最後因為太鍾意食鰻魚所以再食多個鰻魚炒飯但聞到陣陣鰻魚香又忍唔住裝咗大半碗飯粒分明得嚟每粒都沾滿醬香仲要食到細細塊嘅鰻魚肉，唔錯…查看更多

果日係黃大仙收工見地鐵站附近好似多左好多野食仲要有居酒屋, 仲有露天位吹風飲酒幾有日本巷仔風情, 都幾chill, 所以就同屋企人黎左食香芒軟殼蟹米紙沙律米紙軟棉棉包實材料芒果清甜撞炸軟殼蟹嘅鹹香芒果整到好似花咁樣軟殼蟹上面仲有金箔賣相好靚, 而且味道好開胃鹿兒島A4和牛海膽卷 6件 和牛油脂化開包住冰涼海膽入口即溶嘅奢華感而且價錢唔貴, 性價比好高燒三文魚頭呢個係我同我屋企人至愛魚鮫位燒到金黃，鹹度適中搽檸檬汁食完全無腥，送酒一流粒粒魚生卷 4件 三文魚+吞拿魚粒等等材料堆到滿瀉仲有我最鍾意食既三文魚籽配埋醋飯酸香平衡，份量仲要大件蒜蓉燒生蠔 我地見到每檯都有叫呢個食放是我地都order原來$100/4隻好抵一上菜好香！蠔肉肥嘟嘟蒜蓉炸到金黃鋪滿，連殼嘅汁都飲埋七味蒜香茄子 茄子肉燒到離皮蒜粒同七味粉吊出甜味，素食者都會愛上臨走先發現宵夜時段串燒全線$10！仲有露天位可以chill住食以後深夜肚餓終於唔使淨係諗便利店…查看更多

同舊同事係佢地公司附近食飯佢地話呢間中菜好想黎食下所以就黎左呢間「星·South Beauty」一出電梯原來全層都係環境好大, 安排好坐底後我地點左個商務套餐前菜已經好有驚喜熗拌濰坊鮮蘿蔔皮第一次食呢種蘿蔔皮，醃得酸甜爽脆完全冇蘿蔔嘅草青味水晶垛子黃牛肉似軟棉棉版足金華火腿但鹹度溫和，啫喱位置入口即融夾住青瓜片食好開胃魚子醬烤鴨配山東煎餅師傅推住車仔過嚟即場片皮手法純熟到似睇緊表演鴨皮烤到琥珀色夾住鹹香魚子醬同脆口煎餅一啖放入口鴨油香、海洋鮮、餅脆三重口感同時爆發酸辣花膠鳥魚蛋湯微微酸辣度好刺激飲多兩啖就飲到花膠嘅膠質同魚蛋嘅鮮膠東蔥燒渤海灣帶魚呢個好好食帶魚吸收晒蔥香又保持到肉質實淨食既時候啲魚唔會好易散傳統魯味爆三樣腰花處理得乾淨豬腸個味道都幾突出蟹對蝦醬非遺饅頭個醬鹹鮮到不得了每一個饅頭都點滿晒啲蝦醬先食簡直係罪惡級享受膠東鍋燒大燴菜似北方的佛跳牆，各種食材燉到好入味膠東海鮮熗鍋面最後食埋個鍋麵個湯底用咗蝦、蜆同魚片熬出嚟鮮甜到不得了阿膠絲滑酸奶質感似希臘乳酪帶住淡淡阿膠同棗香食完成個人都覺得滋補咗…查看更多

個friend由美國飛返嚟探我咁耐無食中菜，問佢想食咩佢好快就答左我食呢間餐廳話喺外國成日掛住香港嘅小菜一坐低就覺得呢度幾有舊式飯店風情枱同枱之間唔算逼，傾計都舒服我哋叫咗幾樣嘢食滷水鵝肝原來係個寶藏三拼一上枱見到件鵝肝幾厚身驚喜在下面墊底嘅滷水豆腐同鵝腸豆腐吸盡滷水精華，咬落爆汁鵝腸爽脆唔韌，處理得乾淨完全冇異味鵝肝咬落去粉嫩得嚟又唔會太羶滷水汁唔會太鹹，帶出咗鵝肝嘅香味馳名煎蠔餅煎得金黃色，邊位脆卜卜蠔仔份量都算多每一啖都食到蠔嘅鮮味個粉漿唔會太厚，食落唔會覺得好油膩蜜椒薯仔牛仔粒牛仔粒煮得啱啱好，唔會太韌蜜椒汁甜甜哋幾開胃薯仔粒吸收晒啲汁，好入味，送飯一流食打冷，最後梗係要飲埋可樂或者啤酒啦~~ 爽呀！…查看更多

有時放假都唔想出街估唔到屋企樓下都有好野食樓下商場開左間海南雞飯店好似都唔錯，就食佢先環境都好光猛坐底後點左幸運海南雞配經典雞油飯雞肉皮薄肉嫩，仲要係啖啖肉唔黐骨最正係個雞油飯，油香得嚟唔膩口忍唔住食晒全部海南三寶併配蝦醬炒飯貪心鬼必點！海南雞+豬頸肉+鹹蛋黃金組合豬頸肉炭火香好突出鹹蛋黃流油撈炒飯簡直邪惡到爆蝦醬炒飯夠鑊氣，仲食到啲蝦米碎添另外我地仲叫左小食碳烤豬肉串蜜糖燒烤醬，個豬肉燒到燶邊燶得啱啱好金磚月亮蝦餅炸得好脆，入面啲蝦膠都好彈牙當然再食埋甜品宇治抹茶雪山份量比我想像中大而且仲有小丸子、紅豆做配料流心味都幾濃味配埋上面嘅忌廉一齊食，好好食芒果仙草上面有一大個芒果味嘅雪糕仙草每一啖都有回甘嘅味道入面仲有啲芋圓，好有口感至於飲品冷泡桂花烏龍清香回甘，凍檸檬果蜜酸甜開胃，兩杯都係解膩好拍檔…查看更多

上星期同個朋友慶祝生日就佢放工食飯, 所以去咗中環附食餐廳門面低調但入到去燈光柔和幾有情調咁岩遇著有生蠔放題宮城、諾曼第、哥芬灣三款輪住上最驚喜係澳洲哥芬灣，海水味濃得嚟帶甜師傅即開即上，我哋足足食咗兩打前菜係帕馬火腿卷火箭菜鹹香火腿包住微苦蔬菜幾平衡另外既鮮野菌沙律反而有驚喜野菌好香, 估唔到用黎做沙律又幾夾食完沙律就飲番個甘筍湯湯煮得好滑, 甜甜地幾好飲朋友就飲法式花膠濃湯佢話飲落竟然似法式洋蔥湯嘅濃郁版仲有花膠絲藏底，中西合璧得幾過癮主菜方面，九肚魚蜆殼粉嘅香草醬好清新仲咬到爽脆黃瓜粒招牌龍蝦帶子薏米飯加錢黎食呢個都值得龍蝦膏香滲透每粒飯, 用薏米黎做飯又健康又好味黑啤安格斯牛肋骨用黑啤黎煮既食材真係第一次食到肉質煮到腍滑，配埋鮮蘆筍解膩, 幾好既配搭橡果伊比利亞豬面肉估唔到豬面肉油脂甘香食到尾都唔覺膩最後梗係要食埋甜品啦New York Cheese Cake份量岩岩好, 唔算好甜食埋真係一個完美既終結飲品我地就叫左兩杯CocktailRainbow 就用左藍色Vodka混橙酒、鳳梨汁整成撈勻後似童年飲嘅雜果賓治，不知不覺成杯清晒另外朋友就叫左白酒幾易入口, 岩晒女仔飲…查看更多

上星期同個朋友慶祝生日原來太和都有鐵板燒食朋友要早番屋企湊小朋友所以就同佢黎左佢屋企附近呢間隱世鐵板燒慶祝門面低調，但一入去就見到開放式鐵板吧枱佢哋冇固定餐牌，$1488/位嘅廚師發辦足足十道菜睇住師傅即席準備，每道菜都充滿期待第一道沙律已經有驚喜煙三文魚捲住爽脆蔬菜上面鋪滿中華沙律同魚子醬一啖咬落去，鹹香魚子「卜」一聲爆開混埋黑醋車厘茄嘅酸甜，醒胃到極跟住嘅鯛魚刺身新鮮到閃閃發光配埋wasabi，一啲唔攻鼻㗎再混少少魚子醬一齊食，鮮味直接升呢！ 白松露溫泉蛋一上枱成陣松露香衝過嚟朋友仲未影完相我已經忍唔住攪勻蛋漿混住白松露片，滑到似食緊雲朵咁開始主菜啦-馬糞海膽龍蝦一登場就霸氣十足師傅煮既時候好震撼，好似睇表演咁然後龍蝦煮嘅時候超級香海膽多到瀉，襯埋黑松露菇個鮮味濃到黐線旁邊大埔限定嘅奶油味Cream噌帶子三文魚籽混埋微甜味噌cream，真係好好食再點左啲黑色海鹽鹹鮮層次即刻唔同晒厚切鵝肝多士成間店已經瀰漫焦糖香切開夾住蛋白檸檬忌廉食好似法式甜品咁，鵝肝外脆內溶個忌廉竟然帶微微檸檬酸，完全唔膩熊本A5和牛薄燒師傅鐵板即燒和牛薄片旁邊菇上面有半熟鵪鶉蛋漿點埋黎食，有壽喜燒既感覺蛋蒜片蔥花爆香超惹味嫩蘆筍同翠玉瓜平衡油膩本來以為食完主菜師傅突然拎出花膠藥膳燉湯飲落超濃膠質但唔苦，好味仲有海膽炒飯都好正三文魚籽+蟹籽+馬糞海膽撈埋炒飯粒粒都好分明我同朋友成碗都食晒 甜品係柚子菠蘿雪葩竟然又玩海膽crossover冰涼酸甜中帶絲絲海膽鹹香第一次見雪葩配海膽，估唔到咁夾…查看更多

同班friend收工行左陣PMQ然後佢地話附近有間串燒店好抵食就係呢間「人生有限杯」串燒店個名改得好有詩意而且仲係「生啤買一送一」嘅牌所以我地二話不說就推門入去店內裝修走日式居酒屋風格木系枱凳，燈光柔和先嗌兩杯日本生啤杯身凍凍地，啤酒泡沫綿密入口清爽帶微微麥香買一送一真係抵到爛飲多兩杯都唔肉赤串燒陸續上枱嚕鹽燒西班牙五花腩肥瘦相間燒到外皮微焦，咬落去油脂爆出，香到不得了鹽燒雞腿肉就真係要特別讚下師傅火候控制得好好雞皮燒到乾身香脆但入面啲肉仲保持到超嫩滑全晚最驚喜係鹽燒鮮雞皮真係脆到好似薯片咁「咔嚓」一聲，仲要唔會油膩師傅先將雞皮炸過再燒，難怪咁脆口焦糖菠蘿鵝肝醬多士厚厚嘅鵝肝醬塗滿多士上面放咗塊焦糖菠蘿鵝肝同菠蘿嘅清新意外地夾一啖咬落去鵝肝嘅油脂香同菠蘿嘅甜酸喺口腔爆炸邪惡但真係好滿足 免治雞肉棒配日本蛋雞肉棒燒到外脆內嫩蘸埋蛋汁更滑溜 黑松露燒雞肝本身我好鍾意食雞肝所以我一口氣食左兩串松露好香濃，雞肝入口即化 蒜蓉燒蠔蠔肉肥美，蒜香十足 墨魚滑+紫菜+大蝦創意組合，墨魚滑彈牙，大蝦鮮甜 最後以港式蜜糖多士夾雪糕作結多士烘到金黃脆口，淋上蜜糖再夾住一球雲呢拿雪糕冰火交融，甜而不膩，為今晚畫上完美句號…查看更多

早排喺新城市廣場行街個朋友係海南雞控行完街就直接黎新加坡過江龍既米芝蓮餐廳食下啦坐低第一時間點咗鎮店之寶天天海南雞雞件擺得整整齊齊，皮色金黃透亮夾起嚟果陣雞皮同雞肉之間仲有層啫喱狀嘅雞油，好吸引蘸上新加坡正宗黑醬油同薑蓉一啖咬落去，雞皮薄得嚟爽滑雞肉好嫩，連最怕嘅雞胸位都出奇地滑溜九製陳皮火焰黑金叉燒個熱碟keep住溫度叉燒由頭到尾都係熱辣辣啲邊位脆脆地，蜜糖甜味同陳皮甘香完美融合仲帶住淡淡酒香，肉質軟嫩得嚟有咬口另外我地仲叫左兩個雞油飯飯粒粒分明，雞油香得嚟唔會太油膩新加坡檸檬鳳爪賣相好靚，器皿下面有乾冰伴隨住上菜果下好吸引眼球鳳爪酸辣度恰到好處，鳳爪爽脆入味食完成個人都醒神晒甜品我食佢哋嘅創意之作椰奶炸龜苓膏外脆內凍嘅口感幾特別個椰奶甜度岩岩好食每啖龜苓膏都會點個椰奶食太好食啦…查看更多

好耐無嚟韓國街今次同朋友行開尖沙咀突然好想食韓國嘢記得之前食過呢間Oppa Coffee Bar印象唔錯，決定再嚟食吓今次專登揀咗兩款邪惡芝士料理芝士炸雞一上枱就聞到濃郁芝士香炸雞外皮脆卜卜咬落去肉汁爆出蘸埋熱辣辣嘅芝士醬咁嘅組合真係無敵不過要趁熱食，否則芝士好快凝固鐵板芝士五花肉更加驚喜，肥瘦均勻嘅五花肉鋪滿鐵板仲有大量炒到香甜嘅洋蔥做底上面淋上芝士，睇住芝士慢慢融化嘅過程超治癒而且仲可以拉絲拉到好長五花肉煎得香口夾住甜脆嘅洋蔥同拉絲芝士鹹中帶甜嘅層次令人食到停唔到口特別要讚啲洋蔥吸晒肉汁同芝士香完全係意想不到既吸引…查看更多

下個月就去韓國朋友話係我去韓國之前同我食韓國嘢訓練下我個味蕾佢話依間韓國餐廳好多個人嚟食於是今晚就帶咗我過嚟坐低之後我哋叫左解酒煎餃子（八隻） 好鍾意食餃子既我見到有餃子就即叫左餃子皮外層煎到好香脆入邊好多肉汁，好juicy 牛內臟湯 湯底好清甜而且內臟份量都多肉質又唔韌個湯仲配左個白飯可以伴埋湯一齊食牛腸火鍋 火鍋一到之後店員就將所有材料伴勻黎煮火鍋配料好豐富有牛腸之餘仲有個雞髀菇、唐蒿、金菇等啲配料吸收晒湯底，好入味第一次食牛腸，原來係咁好食而且個湯底甜甜地唔算好辣牛腩波切 我哋再加咗依個放入湯底煮熱黎食牛肉牛味好濃肉質軟韌岩岩好，好味另外我地追加左炒飯 店員喺我哋食到咁上下之後將鍋入邊嘅食材夾左出黎然後放入飯、韓式辣醬、少少水跟住就開始煮個飯飯煮到開始有飯焦就可以食啦估唔到佢個辣到岩岩好唔太食得辣既我都覺得好好味加左紫菜，成個飯仲更加惹味添…查看更多

女仔傾心事最好就約去Cafe 坐下傾下計Yoho宜家多左好多餐廳元點裝修完之後都冇嚟過呢度食嘢之前喺旺角都有食過呢間Cafe呢度都有，真係好啦坐低之後，我哋叫咗二人餐今日個是日餐湯係南瓜湯味道好濃郁好快趣飲晒之後就食我最鍾意食嘅意大利飯慢煮雞胸南瓜粟子意大利飯佢個雞胸整得好嫩滑意大利飯個軟硬度啱啱好拌勻埋松子再連埋飯一齊食好有咬口，好鍾意日本和牛漢堡配薯條見隔籬枱食個漢堡好似好吸引所以我哋都揀咗黎食漢堡扒好原好juicy薯條新鮮炸熱辣辣真係食唔停到最後甜品啦法式多士配自家製咖啡牛油第一次食用咖啡做的嘅牛油多士好鬆軟唔係好油膩，連埋蜜糖同牛油食好邪惡Macha Latte 個拉花好靚估唔到咁精細嘅圖案都可以拉到出嚟好犀利菠蘿特飲 呢一杯朋友話好好飲我都飲左一啖，味道好清甜好啱女仔飲…查看更多

番工咁辛苦收工梗係同啲同事去chill下見到尖沙咀呢間餐廳有120分鐘free flow宜家做緊半價，平日仲要再平啲收工就同同事黎左食見到佢寫住原來週末仲有live Band睇不過今日係平日，下次週末再嚟先話晒free flow 佢日本牡蠣無限任食之外仲有紅白酒、汽酒、日本生啤、汽水任飲至於Nut要收費既呢個富蠔盛宴主角牡蠣無限添加隻隻都好厚肉呢個富蠔盛宴先黎個凱撒沙律凱撒沙律入邊有無花果片上面有啲芝士粉整體味道岩岩好大富蠔忌廉湯湯好好飲好濃郁個蠔味道都好濃而且個包好脆，幾好大富蠔雞尾酒拼盤好似shooter造型咁1 Set 有3款口味分別係法國紅酒辣根茄醬、日本燒酌墨西哥黃辣椒醬味及澳洲白酒牛油果檸檬莎莎醬味每杯都有隻日本兵庫縣新鮮蠔肉我自己就最鍾意牛油果檸檬莎莎醬嗰款夠晒清新三色焗大富蠔分別為三色芝士、蕃茄肉醬、蒜蓉牛油蒜蓉牛油果款真係好惹味主菜我地揀左香草嫩舂雞拼大蝦雞肉好嫩滑入味而且又唔會覺得好油膩蝦好大隻好有鮮味另外再加錢叫左鹿兒島A5和牛PIZZA濃濃既芝士估唔到同和牛嘅味道都幾夾PIZZA嘅厚度啱啱好食住嘢飲住酒慢慢chill真係好正…查看更多

由於成個二月都好忙所以同男朋友早幾日先去慶祝情人節情人節唔一定要食晚餐慶祝我哋呢一日去咗食午餐估唔到太和都開咗一間高級嘅西餐廳環境好有氣派坐低咗之後，我哋就叫set lunch 乾式熟成澳洲和牛他他牛他他我本身都好鍾意食見到佢有得揀諗都無諗就揀左牛他他份量好多將蛋同牛肉伴勻再連埋包一口咁放落口，好正焦糖法國鵝肝撻 第一次食鵝肝整既撻感覺好得意個撻好鬆化，餅底好香啲鵝肝入口即溶而且佢個油膩咁啱啱好食完都唔會覺得好膩法式澳洲活龍蝦湯 我哋加錢揀咗呢個龍蝦湯因為太耐冇飲龍蝦湯所以見到有都即刻揀咗龍蝦湯味道好濃郁記得之前去過有啲餐廳個龍蝦湯有浸壓味味道怪怪呢一間嘅龍蝦湯好好飲首先食個法國生蠔先 生蠔肉質豐厚陣陣海水味而且好Juicy時令海膽刺身多士 多數配多士都係鵝肝用海膽嚟配搭真係第一次食估唔到味道都幾夾海膽軟綿綿，好新鮮輪到主菜啦既然補祝情人節就梗係要鋸扒啦美國安格斯肉眼扒因為男朋友怕太生所以我哋揀咗八成熟肉質唔韌有好香牛味澳洲Black Opal m9和牛小排 我地另外加錢叫咗依個M9和牛和牛脂肪分布得好平均而且唔會覺得好膩最後我哋食嗰個限定甜品係原隻海膽雪糕 下面有啲乾冰襯托住海膽味嘅雪糕真係第一次食仲要將雪糕放喺原地海膽入邊成件事好有儀式感Dream 杯野飲好特別上面有個裝住煙既泡泡球個球散左，輕煙四散好浪漫…查看更多

啟德站開左之後聽人講話嗰邊好多嘢食最近個朋友約食飯於是我哋約咗去啟德嗰邊行吓隨便食下嗰邊啲新餐廳呢間餐廳個甜品勁吸引我地兩個女仔諗都無諗就入左黎食先揀鹹食先Pork Ribs Benedict Wattle Waffle 上面有煙燻豬仔骨配燒烤醬上面再有我最鍾意既Egg Benedict因為佢既荷蘭汁真係好好味切開蛋，蛋汁流落Waffle 再加啲蜂蜜一齊食旁邊仲有羽衣甘藍The Pantry Club Sandwich 呢款見到佢係推介特登叫黎食下先三文治用酸種麵包入面勁足料包括有燒日本雞胸、牛油果、蕃茄、雞蛋沙律、煙肉、慢烤牛小排、酸椰菜、芝士夠晒足料除此之外，佢既薯條熱辣辣點茄汁食一流我哋驚唔夠飽另外嗌咗小食Sainon Tacos 將烤一口三文魚連埋酸椰菜、青瓜、蕃茄莎莎、牛油果醬、酸忌廉夾喺taco入邊外層脆脆，入邊餡料豐富口感十足Pistachio American Pancake 終於輪到最期待嘅美式班戟一見到寫住開心果，就即刻叫咗上面有自家製開心果濃醬配埋開心果朱古力脆餅、紅桑子朱古力脆餅真係食極唔停口，好好食而且個果醬唔會超級甜，甜品控一定唔好錯過…查看更多