AliceAu9976的個人專頁

元朗生蠔必食，突然之間想去食生蠔，見到佢有推廣$9生蠔，上網見fb 相片知道質素不錯，便打算去試一下。生蠔比另一間主打$10隻的連鎖式蠔X, 更加大隻同埋夠鮮味，夠晒海水味，兩個人食咗兩打。 另外西餐方面叫了松露蟹肉飯和一個漢堡包，都很不錯，埋單二人七百幾蚊，呢個價錢食到生蠔，再可以飲埋白酒真的未試過，平時其他地方要食咁樣嘅份量埋單要過千。個人認為食$9生蠔已經夠晒滿足，裏面有一個海鮮拼盤餐再加自選西餐，起碼$1400多，今晚覺得非常滿足同埋好抵食，下次會再嚟。希望多啲人支持見到星期日都得一兩台客，市道好淡靜🙈…查看更多

話說一個人行入去想食lunch ，無位唔緊要，比張飛我坐喺度或者等吓，都好正常。但d阿姐真係經典，3、4個人圍埋唔係做野，仲要喺度討論啲寄。服務態度真係超差，今時今日仲可以生存到真係諗唔明。 坐左一陣，發覺好多客入黎都係之後即走，因為完全無招呼可言，有對情侶黎到仲要叫個客自己行上去搵位。嬲嬲地叫外賣算。但下次連外賣都唔會買，一定blacklist。…查看更多

二人燒肉餐抵食，有沙律、茶碗蒸、紫菜飯。另外仲有生菜俾你包住燒肉食。 燒肉質素正。服務良好，座位好闊落坐得好舒服。平日夜晚冇乜人去，大概得五六張枱。兩個人食一個餐，再加支清酒720ml 買單都係$920。…查看更多

趁住堂食最後一晚食晚飯，book 左7點，7:04到，企門口5分鐘服務員經過但扮見你唔到，企左幾分鐘唔對路自己行入去，遇到另一個著便服既工作人員（似係店長，但都好無禮貌，衰過茶餐廳）安排了座位，一聽知你open rice book 好似百般嫌棄。 食物不過不失，2個人食左意粉、2打蠔、白酒加pizza。到埋單時，無比open rice 85折 , 再問職員，（好明顯佢係明知扮傻，慣用手法）因為我一入座已經表明open rice book （一開始又問哂電話問哂名book 幾點鐘. ） 所以一定一定一定要check單，同佢講明經open rice book。總而言之，服務真係衰過茶餐廳，但如果係想食平蠔嘅話就可以將就，不過肉嗰啲你可以慳返唔使嗌，上次尖沙咀店食過唔值呢個價。…查看更多