寒冰的個人專頁

食完打冷..見對面呢家甜品店, 食得多石磨坊/糖百府, 姑且一試, 入去見有介紹加盟, 加得盟應該野食吾差得去邊啦..點知慘過辛亥革命..- 分量小得可憐- 水果酸得可憐真係冇心機寫呢個食評, 差到無論... 你幾百萬未開頭, 就去晒下 $ 啦... 同石磨坊仲要貴d既價錢, 少/差石磨坊一半既 QUALITY仲話加盟... 吾好玩啦革命完全失敗…查看更多

兩條友, 未夠鐘, 去食個午飯, 午餐....- 份量小... 上炒麵個碟係細碟, 明顯好少- 油比較多, 不過茶餐廳預左- 服務中上- 環境陰暗, 老牌茶餐廳 feel- 好多自由行整體來說... 旺角好多選擇... 冇咩原因吸引我再來…查看更多

- 服務態度良好, 有禮- 地方不太大, 大家要親近, 不過可接受- 魚生上菜量略嫌少, 五人五片, 需不斷落單- 熟食不錯, 推介燒蝦, 帶子- 價錢每人 17x , 尚可- 可以一試, 不過想凸出尚要努力, 若與大吉/松屋相比明顯被比下去 整體 : 中上…查看更多

我係來吃自助餐, 而不是來吃配給餐, -- 排餐懵, 分配得兩舊生蠔, 仲要細舊得可憐-- 排餐懵, 分配得幾片魚生, 有根, 不新鮮其實係唔係孤寒, 用呢種方法拖延, 等D客嫌麻煩唔去拿, 佢就可以省好多, 如果真係咁, 好 cheap 囉, 我從來未見過咁細既生蠔.-- 熟食種類普普, 年紀大朋友比較適合-- 有 pizza (冇餡)-- 有片皮鴨 (連肉上)-- 甜品算係最好總結 : 呢個價錢.. 仲有好多選擇, 同埋唔該唔好咁小家, 我係黎食自助餐, 唔係黎食飯堂 …查看更多

凍冰冰, 幾條友衝入去, 我叫左碗花生芝麻糊加湯圓, 食兩啖, 我已經想放棄, 真係... 我自己走去百佳惠康買盒多多沖粉, 都怕且拍得住... 完全冇花生味, 完全冇芝麻味.. 同埋.. 甜到呢.. 真係落左好多糖 law 我想講... 唔係吹水, 我地一行七人, 有四五個食佐半碗 (不同湯水), 就放下湯羹好唔好食, 你地自己話下面有人話, 好有花生味... 唔係掛... 食過糖水未架...…查看更多

套餐, 一碗皮蛋瘦肉粥, 一碟叉燒腸放蝶 soy sauce 響個叉腸碟度, 變相碟腸粉短左一半, 搵笨腸粉皮好粗, 叉燒好硬粥普通, 算 OK$29唔抵...…查看更多

周日下午回家經過, 入去試試, 剛巧下午茶, 點酸辣湯底小辣, 加牛肉雞翼紅腸- 幾大碗 麵量都幾多- 料量普普, 可以多少少- 雞翼不太入味送一杯飲品, 賣單三十五, 環境幾好, 會再去 …查看更多

朋友生日飯, 山長水遠踩入去1. 乳豬 : 真係吾錯, 皮脆肉嫩 2. 豬肺湯 : 名火煲, 夠入味, 吾錯 3. 燒鵝 : 要用手扯先扯得開 4. 炸大腸 : 難食, 超 "蘇" 5. 冰醬骨 : 好惹味, 吾錯 6. 黃金蝦 : 人地D黃金會依附響蝦度, 但佢好似淋上去咁 普普啦... 咁遠入去食, 比預期中差左 D…查看更多

點左小籠包, 回窩肉炒年糕, 牛肉餡餅, 擔擔面係唔係逢上海野都要咁油架, 個年糕真係炒到立立令, 不過我估唔落多油真係炒唔開, 但佢既回窩肉真係不太好, 好乾, 好似食煙肉咁, 牛肉餡餅, 裡面係好食, 但外皮被煎到好乾好硬, 是傳統就這樣的嗎? 小籠包, 入面個湯唔鮮, 好味精.. 擔擔面, 夠花生香, 好食.整體, 不太好, 我好愛食上海菜, 所以今次真係挑剔 D.. 冇計..…查看更多

一行三人, 三個甜品, 楊枝甘露, 黃金島, 椰汁西米... 份量普通, 材料普通, 水果應有既味都欠奉, 就係唔知道點形容, 反正係又唔算好好食, 但又未至於好難食, 所以... 普通囉每人接近三十蚊... 個人覺得, 過對面石磨坊好似會比較好...整體黎講, 普通 law..…查看更多

周日下午約左朋友, 仲有成個小時, 又為食, 見到呢檔麵店, 人不多, 入去吹吹冷氣, 浪費時間.. 點左牛腩粗$20, 炸魚皮$10, 凍OT$8第一次料多過麵, 粗麵量對男人黎講不算太多, 但牛腩好多, 並非碎腩, 而係一條牛腩切成魚片般厚, 一定超過六七舊, 好"淋", 肥瘦適中, 唔係講假, d 牛腩食極都有... 真係好多.炸魚皮大塊都有四五大條, 加埋碎既, 好夠份量, 十蚊, 可以一試悠閒地浪費左一個小時, 周日下午人好少, 唔會趕魚旦牛雜粉麵店有呢個 quality, 真係唔錯.…查看更多

中午叫左個外賣食 , 過橋米線中辣配豬扒水餃同腩肉給店主的意見 : - 外賣賣相真係吾多得, 一打開個蓋入面好似垃圾崗咁, 建議改進一下, 話晒飲食好重要係賣相.- 豬扒有 "葉" 過嗎? 我感覺在吃水煮豬扒一樣...- 腩肉好硬, 同肥肉太多了, 係多到不敢吃.願你地能改進一下吧, 我會再支持的. …查看更多

周日下午, 無所事事, 同朋友相約到呢度來個 "懶飯", 店內環境不錯, 座位不多, 所以唔會有好繁忙既感覺, 可以坐得好舒服. 服務員態度真係唔錯, 唔會黑面, 點左兩個餐, 豬手+腸同西冷扒, 非常大碟, 豬手外脆內軟, 好有咬口. 腸非常巨大, 食腸都夠飽了 , 唯獨配菜茄子唔多得, 好多油.. 另餐湯味道都很不錯, 呢個價錢有呢個服務同份量, 真係好超值, 一個餐都係五六十元左右. 仲可以申請會員卡, 下次來有折扣呢. 值得一去, 一定會再來…查看更多

要食懷舊野, 我寧願去香港蓮香, 叫左幾樣野食, 冇樣得, 叉燒包硬, 馬拉糕淡又硬, 燒賣同牛肉都非常普通, 鳳抓不知為何會有咖哩味, 唯獨壺茶好飲....五籠點心, 收我一百二十幾... 完全唔值, 我地問當地居民, 佢地話佢地根本唔會黎呢度食野, 如果你係為懷舊黎呢度, 冇問題, 如果係為好食黎... 請你三思…查看更多

仲記得, 多年前, 每日門外都排滿客人, 我響灣仔成長, 睇住佢由橫街小舖, 到灣仔道大舖, 再開鐵板.. 尤記得當年大家都為左塊面咁大既三文魚而慕名而來, 今日同朋友重臨, 直入冇等位.. 叫左刺生拼盤, 六塊三文魚, 鰻魚炒烏冬, 海膽炒飯... 三文魚面積同當年小左一半... 非常失望, 而炒飯炒烏冬, 份量都好少.. 刺身拼盤.. 兩百幾.. 唔值..好失望.. 我都明白百物騰貴.. 但現實係殘酷.. 三個人, 食左四百幾.. 講真.. 大家都唔飽.. 希望可以加油.. 重拾當年風采…查看更多