吳Tama's Profile

同好朋友去撐枱腳兩個女仔，食量唔太大Set dinner入面嘅選擇對於我嚟講唔吸引，又唔係真平好多，最後決定散叫！本來想叫一個pizza +1個意粉，但見冇肉冇海鮮嘅意粉都要過$100，有肉嘅就要成$130幾、$150幾，幾貴吓🙈況且我都係想食pizza嘢揀呢間舖頭，最後叫咗一個食肉獸pizza同埋天婦羅海鮮拼盤👏🏻Pizza嘅size好啱兩個女仔share食，Pizza用嘅芝士真係超好食！！！有至少兩款腸，個餅底油做得好鬆軟，唔油膩！好推介！天婦羅海鮮拼盤就有天婦羅白飯魚、一隻炸軟殼蟹同埋炸魷魚，$138，抵過叫意粉🤣服務員經常幫我哋加水亦都好有禮貌👍晚市唔多人，坐得都舒服！會返嚟再幫襯過食肉獸pizza…Read More

日日都係油麻地出沒，當知道呢間係開格仔餅店時已經bing bing眼！今日終於有機會一試😆原本諗住叫原味格仔餅($20)，買嗰陣時問原味有咩醬，原味係花生醬丶砂糖，但今日好想食朱古力醬，於是聽staff介紹叫咗推介嘅朱古力。條街好熱，舖頭外都有摺櫈俾客人坐，亦有一把大風扇。好期待，等咗15分鐘終於有得食！起初以為$25係一底，見佢拎起咁厚心諗實食唔晒，原來表錯情，$25一份，只係半底。其實格仔餅嘅味道唔錯，雖然我鐘意食入面淋D，但都覺得太淋，可能焗多2-3分鐘會好D！朱古力味係整到一半嘅時候加朱古力粒落去，並唔係溝朱古力漿。加咗朱古力粒已經好甜，所以再加糖漿就太甜了！可以叫佢走糖漿。…Read More

如果想遠離旺角鬧市片刻又唔想搭車，何文田係一個好選擇！朋友住附近，帶完我嚟一次之後就成了我的canteen。😛Tea set真係好抵！呢個三文魚碎蛋牛角包百吃不厭，成個包都好好味，加埋杯靚咖啡都只係$40幾蚊，tea time又唔會好多人，有時間可以嚟放空一下。Tea set嘅肉醬大熱狗都好讚，真係好大，成隻buffet碟咁長，味道又好，包係烘過的。大熱狗配薯條，薯條又闊又粗，好吸引！公司三文治賣相都好靚，但要趁熱食，凍左會有少少硬。…Read More

放假想好好同friend子有個quality time，係openrice揀咗一大輪就後揀咗呢間餐。第一次嚟呢頭，原來山林道有好多餐廳。原來the little corner店如其名，真係喺個轉角位。有兩張梳化靠窗枱，可以望街，我哋坐咗係其中一張。餐廳裝修係以藍色為主，枱枱凳凳丶吊燈都令人覺得好歐洲feel，加上平日，計埋我哋都得三張枱，感覺超寫意！😌😌頭盆叫咗黑醋鴨沙律，菜好新鮮，鴨胸都唔咸丶好滑！主菜要左茄汁蜆肉意粉，意粉煮得OK，但蜆肉份量一眼睇曬😂，一隻！帶子意大利飯都好味，兩隻大帶子，飯有咬囗。甜品係焦糖燉蛋，唔錯。…Read More

其實Dazzling cafe D食物係唔錯，但總覺得每人必須叫一杯飲品就令到成餐飯貴好多！🙈嚟之前上過openrice做過吓功課，叫咗明太子意粉，好好味，但份量真係好少😂！飲品方面本身想叫有一粒粒水果嗰款水果茶，但叫錯咗得個水果茶包嘅水果茶，但完全唔平，都成$40幾蚊，真喺好唔抵😭😭！所以建議如果唔知邊款打邊款就最好落order前問一問。甜品揀咗士多啤梨窩夫，加麻薯，外觀勁靚，for影相一流，味道OK，始終覺得窩夫口感唔夠鬆軟，因此亦易飽，2-3個人share就差唔多！環境都舒服，其實The One入面嘅餐廳都坐得好舒服，但就係偏貴。…Read More

食悶咗旺角，於是同朋友嚟長沙灣discover吓！食lunch點都係抵過dinner的。我哋叫咗一個紅酒汁羊架，個汁整得好好味，甜甜地，羊架肉質好淋，同埋勁厚身，大滿足！另外仲叫咗一個白汁海鮮扁意粉，勁大隻蝦🦐丶其他海鮮都勁大粒，意粉囗感煙韌，食物水準好高！再加錢叫咗個黑松露薯條，厚切薯條好正，黑松露醬勁好味，但又湯丶又main course ，再加埋薯條真係好飽，最後都食淨薯條。😭不過餐廳比較細，亦比較少位，所以不論嚟食lunch or dinner都好，最好早D，食完可以去D2 place 行個圈。…Read More

位於彌敦道呢間品越嘅環境真係好舒服，tea time比較少人，兩個人都可以坐四人的卡位，有大玻璃窗可以望落街，闊落嘅環境的確令人心擴神怡D😌😌夏天食撈檬感覺好fresh，其實醉翁之意不在酒，在乎撈檬嘅汁也！😝😝叫咗雞肉串燒撈檬，生菜好新鮮，檬粉質感都OK，整體可以！加$8可以轉飲青檸梳打。上次試咗抄金邊粉，覺得油咗D，tea time加錢可以叫小食，媽媽叫咗酸辣無骨鳳爪，佢大讚好大碟丶好抵食！如果約friend傾計，呢到坐得幾舒服！…Read More

沙嗲王嘅白咖哩豬扒飯咁多年來都keep到水準，豬扒好淋，白咖哩亦好香，送飯一流！咖哩汁唔溜，食完唔會飽飽滯滯好辛苦，但如果咖哩汁份量多返D會更好！D飯都㷛得好靚👍🏻完全唔食得辣嘅朋友仔都可以試試，因為唔辣的，我記得我當年迫我中同試完佢都話唔辣😝另外好欣賞沙爹王個薄餅，好乾身，完全唔油，好難得！蟹粉豆腐煲好香，其實好好味，但可能係蟹粉，食多少少就會覺得溜🙈Tea set好抵食！如果非tea time叫兩人餐都好抵，因為以上推介嘅嘢食都有。…Read More

今助除咗烏東好味之外，佢嘅滑蛋豬扒飯整體都做得好出色！😋😋滑蛋同洋蔥嘅份量都好充足，可以送晒成個飯，個汁小小甜，好好味，唔會太咸，因為一咸就要不停飲水。塊豬扒好大，雖然係炸，但食落唔熱氣，肉質亦好淋！當然飯都好重要，粒粒脹bo bo，唔會太淋或者太硬！Lunch time去比起dinner抵，以烏東窩為例，lunch set會配多幾舊sushi，滑蛋豬扒飯又會配多碗細嘅齋烏東，所以可以三個人叫兩個set，唔會太飽之餘，除返每人$70左右！…Read More

我係一個焗豬控😝係試過有焗豬食嘅餐廳之中(美心丶佳記丶1+2豬扒)，整體嚟講，我俾最高分係大家樂👍🏻外觀嚟睇，有紅色嘅蕃茄丶綠色嘅青豆(雖然我唔鐘意食青豆😛)丶黃色嘅菠蘿丶仲有白色嘅芝士。。。好吸引！！頭油街分店裝修過後好新淨，旺角幾間大家樂之中呢間分店D餐全部都熱辣辣丶大大份，個焗豬由頭食到落尾都係辣口的！好讚！其中亦見到取餐部嘅員工有講有笑，亦令到整個用餐experience提升！😁😁…Read More

Simplylife逢星期一至五的set lunch好抵食，質素亦有保證，今次先講下西式😉沙律或湯+主菜+汽水或果茶=$88Extra coffee ☕️ +$12因為唔想太飽，所以揀咗沙律，黑醋汁好好味主菜揀咗黑松露忌廉闊條麵，麵是手製的，個汁好好味，但難免有少少溜😛果茶好fresh，不甜，百喝不厭！雖然枱與枱之間密，但勝在樓底夠高，而其他食客有部分是放lunch來吃，所以食完就走，而我就慢慢坐😌…Read More

2017年嘅第一個8號風球一年前食過一次lunch semi buffet，嗰時又唔覺得特別好味🤔今年跟同事再食，又覺得好好味，所以特別帶愛吃的媽媽來食好西❤️而家好多"任食"都係限時限刻，都幾stressful🤦🏻‍♀️呢到最好就係可以好優閒咁食，食飽傾下計丶篤下電話丶睇下書又再食，可以坐成兩個幾鐘對住細食嘅我嚟講都坐返夠本🤣Semi buffet 有自助沙律bar，亦有5款左右特色沙律，其中鴨胸沙律同雞肉沙律超好味，鴨胸完全唔咸，又滑，雞肉沙律個醬超好味！有源源不絕大大片的parma ham丶沙樂美腸！甜品款色唔多，但朱古力的dessert好好味，而且一盆清晒之後會換款！特別推介吉士沙翁，飽都要食，因為太出色，吉士同麵都沒有油利感😍淨係食頭盤$158，加多$40有個大pizza同咖啡，加main course有$228。…Read More

食店位於花墟附近，沿路經過不少花店，令愛花的我心心眼的😍，地點原來很易找，我同朋友仔仲行過咗添😛由於當日3點3先食lunch，所以夜晚無擇主食，擇咗紫薯蛋糕($48)🍠🍰同玫瑰咖啡($38)🌹☕️紫薯蛋糕甜度適中，最重要係唔滯，推介推介，外觀亦好靚！玫瑰咖啡好香玫瑰味，愛咖啡卻常常飲完會個心唔舒服，但飲完呢杯我都無事，應該係用靚咖啡豆👍🏻不過個人覺得枱排得太密，有點迫，不過香港租金貴，亦係情非得意🙈…Read More

蛋撻只要新鮮熱辣就已經加左唔少分!相信大家都同意!成日經過呢間包店都會望下佢放係門口櫃面一盆酥皮同一盆曲奇皮嘅蛋撻,但始終冇試過!今日天時地利人和,決定一試!認清酥皮先係我至愛!去到酥皮淨返5個,決定等下一爐,因為我知佢一向出爐好密~因為可能附近食品D員工通常一打打咁買,所以流量快~只係係周圍行左10分鐘都冇,去到就見到出左爐,仲已經賣左2行~一買即食!好好味呀!!!!!!!!!!!!!酥皮夠鬆,蛋甜度適中,直徑4.5cm倒大,滿足食蛋撻之餘又唔會太飽,因為始終D人係當小食/甜品~$2.5絕對物有所值!…Read More

睇咗好多好多令人留晒口水嘅相同食評之後,一於決定來呢度同我最好嘅朋友farewell(去英國exchange)!!!我地一行四金蘭姐妹係去食晚飯,一向穩陣派嘅我就算平日去都訂定位先!由於其中一位好友要OT,所以我打去問可唔可以改遲半個鐘,接聽嘅識員都好nice話冇問題。我地三個準時去到,本來已經留好咗枱,但見其中一位好友仲未到同得知有卡位,於是就同waiter講話想轉卡位,佢話冇問題,有枱卡位已經上甜品。誰不知冇幾耐那位好友就來到,本先諗住都應該好快有位,但等極果枱都唔埋單,我地果時已經超肚餓,我地原成果張枱又俾咗人,勁灰!但成程有位士應姐姐都好好人,不停幫我地留意卡位埋單未,令人有被重視感覺!最後我地有位就坐,再轉卡位。果位士應姐姐嘅服務真係超讚!而落單方面照舊都係我揸fit,因為我係OpenRice嘅忠實粉絲!份量方面我都係保守派,太飽始終對個胃唔好,特別係夜晚添!【加州棒棒雞沙律】(半份) 賣相色彩繽紛,十級靚呀!!!!!但個碗太細同太斜(係好特別都好靚),令到好難撈!要好小心唔好整跌晒!我諗盛器方面要改善一下。味度都係一級棒!!!!!D菜好新鮮,完全唔會有苦味,雞肉唔鞋口,肉同菜比例適中,個汁好fresh!!!其實沙津唔一定要加厚厚嘅沙津醬先至好味,果D只係食沙津醬,呢份先至係食沙津!沙律上嘅蛋糕都好好味!有粒粒合桃碎!我超鐘意呢個沙律呀!!!!!!!!!!【Four Cheese Quesadilla】一份四件,我地四個啱啱好一人一件。好味!!!但掛住影相搞到凍晒,始終芝士要趁熱食先至正!同埋食唔出有四種芝士,可能係我對芝士冇研究掛。其實一件好細,一人一件真係完全唔夠喉!!!【明太子意粉】呢個大家一食都忍唔住叫「好好味」呀!!!(哈哈,好似卡通片咁,但冇飛到上天)但真係超...超...超...超...超好味!!!!!!!!!!完全唔係其他餐廳烚完D意粉就淋汁焗嘅hea意粉。意粉同個汁係完完全全結合!明太子加上好有咬口嘅意粉,俾到人好似食緊壽司嘅感覺!!!真係夠晒日式!同埋終於明咩叫creamy喇!!!哈哈哈完全唔溜!(可能係我地四個分嘅原故!正所謂小食多滋味嗎!)【Apple Green Crisp】我其實對佢冇咩期望,因為我好少食甜品,但佢令我一試難忘!!!!!雲呢那雪糕一食就知一定"唔係"牛奶公司貨色!味道超香濃!!!蘋果批上面勁脆,又夠熱!加上雪糕一冷一熱,我真係冇諗過會咁好味!如果生日來係有一個免費送!總括而言呢餐飯勁滿意!我地坐到餐廳打烊咁滯!哈哈哈哈哈......下次要試Carborana同薯條,仲有Encore加州棒棒雞沙律!…Read More