Foodastics的个人专页

終於食到依間大熱泰北菜——ℂ𝕙𝕒𝕔𝕙𝕒𝕨𝕒𝕟，泰北菜嘅味道甜鹹酸辣都非常突出，同普通我哋食開嘅泰國菜略有不同。👩🏻認識𝕔𝕙𝕒𝕔𝕙𝕒𝕨𝕒𝕟嘅原因係因為𝕤𝕒𝕞𝕤𝕖𝕟，另一間好有鑊氣、好好味嘅泰國菜，𝕊𝕒𝕞𝕤𝕖𝕟嘅行政總廚原本開立𝕔𝕙𝕒𝕔𝕙𝕒𝕨𝕒𝕟，後來先開設𝕤𝕒𝕞𝕤𝕖𝕟，既然𝕤𝕒𝕞𝕤𝕖𝕟咁出名，唔知𝕔𝕙𝕒𝕔𝕙𝕒𝕨𝕒𝕟味道又如何呢？.𝔾𝕒𝕚 𝕐𝕦𝕟𝕘 泰北香烤雞扒配特製酸辣醬汁 $𝟙𝟞𝟠𝔾𝕒𝕚 𝕐𝕦𝕟𝕘都可以話係ℂ𝕙𝕒𝕔𝕙𝕒𝕨𝕒𝕟嘅招牌菜式，廚師用蒜、胡椒、芫茜等香料將雞扒醃製一晚，然後拎去炭火燒烤🍢，雞扒烤到金黃香脆，雞肉醃得入味，味道超誘人，蘸埋自家製嘅泰式酸辣醬好好味！ℙ𝕙𝕒𝕕 𝕋𝕙𝕒𝕚 ℙ𝕣𝕒𝕨𝕟 .泰式大蝦豆腐炒金邊粉 $𝟙𝟝𝟠食泰國菜🇹🇭一定唔少得ℙ𝕙𝕒𝕕 𝕋𝕙𝕒𝕚！ℙ𝕙𝕒𝕕 𝕋𝕙𝕒𝕚夠鑊氣，中上環嚟講，依個份量同價錢都𝕠𝕜，配料都算多，有成六隻大蝦，不過金邊粉有少少痴埋一舊，難啲夾開。𝕔𝕙𝕒𝕔𝕙𝕒𝕨𝕒𝕟嘅飯麵就唔太多選擇，只有湯粉、炒粉同炒飯，如果可以多啲選擇就好啦！.𝕂𝕒𝕚 𝕁𝕦𝕒𝕨 泰式蟹肉奄列 $𝟙𝟞𝟠本來以為奄列會係似西班牙蛋餅嗰種厚身少少嘅奄列，原來係比較似梳乎厘奄列，不過係油炸版。入面有好多一梳梳嘅蟹肉🦀️ ，不過入口整體略嫌油膩咗少少，👩🏻就麻麻哋依個。.𝕋𝕙𝕒𝕚 𝕄𝕚𝕝𝕜 𝕋𝕖𝕒 𝔹𝕚𝕟𝕘𝕤𝕦 泰式珍珠奶茶刨冰 $𝟠𝟠最後就必點個𝕋𝕙𝕒𝕚 𝕋𝕖𝕒刨冰，刨冰入口即融，唔會食到硬邦邦嘅冰粒，味道十足十飲緊𝕋𝕙𝕒𝕚 𝕋𝕖𝕒 🧋咁。珍珠就唔似我哋飲開嘅台式珍珠咁煙煙韌韌，係軟腍嘅口感，有啲人可能食唔慣，但👩🏻就覺得唔同食材，喺唔同國家都有唔同做法嘅，👩🏻就覺得整體都好好味、好滿足。.𝕋𝕙𝕒𝕚 𝕃𝕚𝕞𝕖 𝕄𝕠𝕛𝕚𝕥𝕠 $𝟡𝟠 ℂ𝕠𝕔𝕠 𝕖𝕤𝕡𝕣𝕖𝕤𝕤𝕠 𝕄𝕒𝕣𝕥𝕚𝕟𝕚 $𝟡𝟠飲品方面，👨🏽同👩🏻都一致認同依杯𝕋𝕙𝕒𝕚 𝕃𝕚𝕞𝕖 𝕄𝕠𝕛𝕚𝕥𝕠 🍸，𝔹𝕒𝕣𝕥𝕖𝕟𝕕𝕖𝕣落咗大量薄荷葉，超級𝕣𝕖𝕗𝕣𝕖𝕤𝕙𝕚𝕟𝕘，啱晒食完濃味嘅菜式清新一下口腔。另一杯𝕔𝕠𝕔𝕠 𝕖𝕤𝕡𝕣𝕖𝕤𝕤𝕠 𝕞𝕒𝕣𝕥𝕚𝕟𝕚就用咗椰子冧酒🥥同泰國咖啡，但飲落就無太大驚喜。:當日侍應仲每枱都送上一小杯𝕔𝕠𝕔𝕜𝕥𝕒𝕚𝕝同青芒果，青芒果🥭附上兩款脆糖，分別係𝕝𝕚𝕞𝕖同𝕔𝕙𝕚𝕝𝕚，唔知點解我哋覺得𝕝𝕚𝕞𝕖都好辣😆，青芒果口感好實淨，無乜味道，完全唔似我哋食過嘅芒果，今餐真係令我哋大開眼界，絕對會想回訪😌。另外要一提嘅話，ℂ𝕙𝕒𝕔𝕙𝕒𝕨𝕒𝕟係無得𝕓𝕠𝕠𝕜位㗎，想試就要早啲嚟等位啦！…查看更多

最近有同事新加入咗Ruby Tuesday做會員，就帶埋我地一班同事，周不時Lunch去食下西餐，以下Lunch Set做咗會員會再有85折 (加原價加一)，👩🏻食咗幾次可以同大家Share下食過啲咩啦!.傳統農村炸雞 HKD98 (套餐已包括沙律或餐湯、飲品)炸雞有兩大塊，外皮炸得金黃香脆，肉汁就無乜，但食落唔算乾柴嘅，味道都屬中上水平。配菜有薯蓉同蔬菜，份量對女仔黎講到啱啱好，唔會太飽。.露比經典漢堡 HKD118 (套餐已包括沙律或餐湯、飲品)漢堡🍔份量好大，入面除咗有大大塊牛肉漢堡、芝士，仲有炸洋蔥、紫洋蔥同蕃茄，👩🏻自己一個食就食唔晒啦! 味道中規中矩，牛肉漢堡唔算超級impressive，肉質稍為乾咗啲，無乜調味，另外薯條🍟新鮮炸起，熱辣辣，唔錯。.香濃肉醬千層麵 HKD138 (套餐已包括沙律或餐湯、飲品)Lagsagna🍝要焗，所以需時可能耐少少。本來見到兩大件法包都嚇咗一跳，意粉仲要配麵包食!? 但千層麵份量其實唔多，只有三層，千層麵皮都唔算厚，但就有海量肉醬同芝士，所以要搭埋麵包一齊食都仲得。肉醬味道酸酸甜甜，都有唔少蕃茄粒🍅，整體味道正正常常，但始終芝士🫕比較多，食落有點膩。.是日餐湯意式蕃茄濃湯Ruby Tuesday 嘅餐湯入面多數有烘麵包粒同配一個細Scone，浸埋落熱辣辣嘅餐湯入面先食都唔錯。蕃茄濃湯帶有香草香氣，少少偏酸，但都幾開胃。.南瓜湯同樣配有烘麵包粒同細Scone，南瓜湯就少少偏甜，質感幼滑，唔錯。.忌廉薯仔湯飲得出有洋蔥🧅同薯蓉，白湯始終有少少飽滯感，個人比較喜歡以上兩種。…查看更多

ɴᴏᴄ ᴄᴏғғᴇᴇ可以話係近來ᴇxᴘᴀɴᴅ得比較快嘅文青ᴄᴀғᴇ，連新開張嘅圍方都有分店，不過我哋都係去就近嘅荃灣分店，可以同大家sʜᴀʀᴇ下食咗啲咩。.珍寶蟹肉蛋白多士 $138酸種麵包上面有蛋白炒蟹肉，質感幾挺身，口感就無想像中咁軟嫩，蛋白同麵包中間用咗沙律菜做分隔，以免浸濕麵包，亦有意大利黑醋作味道上嘅提升 (其實如果無咗黑醋醬同表面嘅ᴘᴀʀᴘɪᴋᴀ，可以話係無乜味道😅)。另外有一小碗藜麥沙律。.牛油焗龍蝦手工扁帶麵 $168👨🏽就叫咗個ᴘᴀsᴛᴀ食，外表睇落就大扣分，依個似係湯意粉多啲😅。手工扁帶麵無論係賣相定口感都似係伊麵。整體味道比想像中好…因為本來以為佢個湯意粉會無味，原來當中都落咗啲香味去調味。龍蝦就中規中矩，口感有少少韌，略嫌熟咗少少。.ᴀɴʏᴡᴀʏ，價錢同質素唔成正比，加埋兩杯嘢飲盛惠$400，男仔嚟就更加唔抵食，因為根本食唔飽🫠，只係裝修比較靚同舒服，今次食完之後，我哋都表示無下次了🥴。…查看更多

最近荃灣新開咗個Food court，我哋就搵咗日平日放工去睇下有無咩特別。新Food Court位於樂悠居商場，商場新裝修，環境都唔錯，如果遲啲出租多啲商舖、食肆應該會更旺。當日平日大概7點幾落到去都幾多人喺度食晚餐。Food court 有中、台、韓菜式，連素食都有，平時少食上海菜嘅我哋就揀咗依間有師傅現場拉拉麵嘅皇小館試下。.一人套餐A $60皇小館嘅一人套餐有三個價位，仲可以自選主食同小食，彈性相當大。👩🏻就叫咗最平嘅一人套餐，四川擔擔拉麵🍜、 涼拌木耳、凍豆漿，再以$18加配皇小館小籠包 (4個)。四川擔擔拉麵份量好大，拉麵係師傅現場現拉，麵條有韌勁又滑溜，水準相當高。但擔擔麵湯底層次較單一，無乜花生醬或者麻醬香味，辣度都較低，拉低咗整碗麵嘅味道層次。但👩🏻就非常喜歡依度嘅涼拌木耳，酸度夠，爽口，好開胃。小籠包包皮好薄，每粒都湯汁滿瀉，好味。.一人套餐B $72而👨🏽就叫咗大盤雞脾拌飯、尖椒皮蛋、灼菜同凍豆漿。雞脾好大隻，用咗花椒、八角等中式香料醃製，味道唔錯，仲有溏心蛋同燜薯仔做配菜，相當有誠意。尖椒皮蛋味道正正常常。依個時代$72仲有半碟白灼菜心，都算係幾有良心，喺出面餐廳分分鐘半條菜都當俾多你🥲。.推薦俾住附近或者荃灣街坊，都幾值得嚟一試依度嘅上海菜，都算係皇小館性價比之選，是日total食咗$180，已經飽到捧住個肚返屋企，特別推薦依度嘅拉麵同小籠包，的確係唔錯。…查看更多

👩🏻一早就Bookmark咗依間樓上Cafe，皆因佢哋有兩款特別嘅嘢飲，用個花樽裝住，打卡一流，今次就約咗朋友一齊去傾下計、打下卡。.凱撤沙律 Caesar Salad $78 (標準) + $19 煙三文魚兩位小女子首先就叫咗份Caesar Salad開個胃先，仲加左煙三文魚，整體份量同味道都正正常常。.京醬烤鴨薄餅 $138依度嘅薄餅都幾特別，就例如依款京醬烤鴨薄餅，出面就比較少見啦! 上面有大量京蔥絲同甜麵醬，真係十足十食緊北京填鴨咁，鴨肉份量就正常啦，如果多啲就梗係更好。Pizza整體偏甜，唔太嗜甜嘅朋友可能就會覺得太甜。.辣櫻花蝦乾香草意大利粉 $128依個意粉比想像中出色，櫻花蝦乾炒得好乾身好香，撈埋落蕃茄底嘅意粉好好味。.熱情果接骨木花茶 $56水蜜桃荔枝茶 $56當然唔少得依兩個花瓶，入面插住係假花，以假亂真。.整體味道都正正常常，人均兩百幾蚊左右，香港地嘅Cafe價錢都差唔多咁上下。另外值得一提嘅係，餐廳外面嘅環境麻麻哋，好大陣煙味係後樓梯湧出嚟，本來未夠鐘，想喺門口等埋朋友一齊先入，但出面實在太臭，👩🏻就忍唔住入餐廳坐住先🙊，幸好餐廳入面就無異味。…查看更多

如果鍾意同屋企人飲茶嘅朋友，可以去荃灣悅來酒店(又稱熊貓酒店)嘅中菜廳----「殷悅」試吓，佢係2015至2018年更獲譽為「米芝蓮推介餐廳」，我哋同屋企人試過幾次，品質都相當唔錯，如果有做熊貓酒店會員，大部分點心都可享七至八折，十分抵食!.🌟杞子玉帶燒賣 HKD54蝦餃燒賣都係飲茶必食嘅點心！依度嘅燒賣零舍大粒，入面大大粒鮮蝦，上面又有帶子，雖然帶子片得稍為薄啲，但係👩🏻覺得已經好足夠，賣相一流，而且都好好味。.🌟露筍鮮蝦餃 HKD54依度嘅蝦餃同樣都好大粒，入面有成兩三粒蝦仁，粒粒都好彈牙，餡料仲有露筍，食落爽脆，同出面嘅蝦餃好唔同，皮薄餡靚，好味。.蟹肉賽螃蟹餃 HKD68蟹肉賽螃蟹餃外皮紫色，賣相睇落特別，但依個顏色擺喺食物度就唔太吸引，但蟹肉都幾彈牙同足料，另外入面有少少薑絲可能用嚟辟腥味，薑味都幾明顯，👩🏻就唔太鍾意啦。.🌟芝士三文魚撻 HKD50👩🏻好鍾意食依個，芝士三文魚餡料味道好Balance，份量細細件唔會膩。.姬松茸灌湯餃 HKD50一籠有兩隻，灌湯餃爆晒汁，湯汁都好鮮甜，但就無咩太大驚喜。.豉汁蒸鳳爪 HKD36正正常常。.🌟龍蝦湯鮮竹卷 HKD54👨🏽‍🦱同👩🏻至愛，鮮竹卷新鮮炸起，入面有蝦仁，蘸埋龍蝦湯好好味。.🌟紅米紫菜素腸粉 HKD54入面除咗有紫菜，仲有木耳絲同甘筍絲等，食落好有口感，我哋每次都必點依款腸粉。.🌟蒜心蝦春卷 HKD50同上，蝦仁大大粒，好食。.蜜汁叉燒腸粉 HKD54正正常常。.🌟脆皮鮮竹蝦腸粉 HKD54有蝦肉嘅點心全部都有大大粒蝦仁，依款蝦腸粉都唔例外，上面仲有啲鰹魚絲點綴下，好味。.西班牙火腿煎蘿蔔糕 (無圖) HKD50蘿蔔糕正正常常，無太大驚喜，但西班牙火腿就帶俾我哋驚多過喜。因為本來以為蘿蔔糕入面嘅臘味會用西班牙火腿取代，點知就咁撻上去，兩者味道就唔係太夾🚁。.🌟蒜蓉荷香蒸龍躉頭腩飯 HKD208屋企人鍾意食蒸魚，叫依個蒸龍躉頭腩飯就啱晒。龍躉頭腩魚味濃，嫩滑肥美，魚皮仲有厚厚膠質，撈埋有蒜香嘅荷葉飯食，啖啖肉好滋味。份量仲好多，次次都食唔晒要打包走先得。.🌟石鍋蔥香鵝肝和牛炒飯 HKD228依個炒飯嘅鵝肝同和牛份量就唔算好多啦，但都食得鵝肝嘅油脂香，炒飯炒得好有鑊氣，👩🏻鍾意食依個。.🌟脆皮燒腩肉 HKD148脆皮燒腩肉名符其實，脆皮夠香脆，油脂分佈得唔錯，唔會一大嚿都係肥豬肉。.🌟七味脆豆腐 HKD70豆腐外脆內軟滑，好食。.點茶可以試下人參烏龍，我哋次次都指定飲依款，入口回甘，飲得出係靚茶葉。嘢食普遍都相當唔錯，如果做埋會員其實同出面靚少少嘅茶樓都差唔多價錢，以酒店嘅中菜廳嚟講真係好化算，環境又舒服可以眺望荃灣市景，我哋一家人都去過三、四次慶祝節日㗎！…查看更多

唔知大家去過大坑炳記未呢？ 陳奕迅就曾經講過一句：「無食過炳記，等於未嚟過大坑」，連美國CNN都品評過炳記嘅奶茶係香港四大奶茶王之一，身為香港人嘅你又點可以唔試吓呢？.凍奶茶 $20首先介紹下佢哋嘅奶茶🧋，茶底香濃富茶味，茶味濃而不澀，淡奶用囍牌淡奶，為奶茶增添濃厚奶味同口感。甜度不會過甜，建議大家唔好少甜/少冰，反而影響奶茶嘅完美比例。.豬扒麵 $28 雙併雞蛋 $34除咗奶茶之外，依度嘅名物仲有豬扒麵🍜。黑椒豬扒滷過再拎去煎，質感鬆軟，唔會太韌，豬扒亦醃得夠入味，帶有少少黑椒香氣，唔錯。.雞翼麵 $28 雙併香腸 $34另外就叫咗個雞翼香腸麵，滷水雞翼都幾大隻，滷水味正常，雞翼都煮的好嫩滑，但就唔算特別岀色。.奶醬多 加咗煉奶同花生醬嘅烘底多士🥪，味道正常，唔算話太驚豔，當係試吓香港嘅懷舊情懷。.如果有太高期待過嚟試炳記，有可能會令你失望。奶茶固之言係出色，食物味道其實都唔差，但當然出面嘅食物會有好多茶記會比佢做得好。但係，依種舊香港🇭🇰💭嘅鐵皮屋已經買少見少，趁佢哋仲喺香港🇭🇰，點解唔珍惜依種本土文化呢？…查看更多

雖然餐廳名叫潮洲人，但就唔係主打潮洲菜式，而係想傳承店主父親作為潮洲人刻苦耐勞嘅精神，餐廳招牌就係花膠扒湯米粉等菜式🍲。.養顏花膠湯飯/湯米粉 (大) $66見到咁大份花膠喺面頭都流晒口水呀！ 👩🏻當日就想食飯，於是改咗做湯飯。花膠扒都有三、四塊，燜得好入味同軟腍，花膠入面嘅骨膠原令到佢嘅口感好漿口，撈湯飯食都幾唔錯，不過就無咩配料，剩係食花膠就有少少單調，想試多啲其他菜式嘅朋友就可以試下雙併。.另外見朋友就叫咗個花膠撈米，其實都有附送一碗湯，朋友話如果就咁撈就有啲鹹，所以佢不斷加湯入面撈米，最後就差唔多變成湯米😂，大家可以參考下。…查看更多

早前去咗轉西貢，周圍飲飲食食，其中一餐就去咗「香港沙爹牛肉麵關注組」力推嘅牛牛食沙爹牛肉麵。.沙爹牛肉湯麵 $55一睇就知沙爹湯底有幾濃厚，甚至係濃到有啲稠身。味道方面，沙爹味的確係好濃郁，但就無花生香味，湯底味道就唔算好有層次。但既然佢叫「牛牛」，其實牛肉🥩先係佢哋嘅重點，牛肉厚薄切得啱啱好，食落唔會覺得韌，掛湯，有牛味，牛肉嚟講就唔錯嘅，而且份量都幾多。麵底都係普通光身麵🍜，但湯底味道就比較單一，個人覺得湯底嚟講，長洲陳通記同堅尼地城誠記更勝一籌，至於荔枝角好好運，我哋就仲未試到🥹，比較唔到啦！…查看更多

講起土瓜灣美食，好多人都可能會諗起依間譽麵坊，佢哋嘅南乳雞球出晒名㗎！ 今次就帶大家去試吓，估唔到平日晚上七點幾八點，都差唔多成間舖頭滿座，一睇就知有幾出名啦！.南乳雞球撈麵 HKD42嚟譽麵坊就必點南乳雞球，雞球熱辣辣，炸得好脆口，入面都唔會好乾柴，依個價錢真係性價比極高。但👩🏻本身以為雞球係用南乳醬醃製完先拎去炸，原來南乳醬係另上，客人可以自己選擇要唔要蘸醬。同想像中有少少🤏岀入，但就無損佢嘅美味！.椒鹽肉排米線 HKD42另外就叫咗份椒鹽肉排米線，米線湯底就一般般，無咩特別，主要都係想試下個椒鹽肉排，同樣都係熱辣辣送上。不過椒鹽份量略少，仲係臨上菜先灑上去，並唔係每一嚿都食到椒鹽味，所以比起南乳雞球就較為遜色啦!…查看更多

見到店名就知道溫飽係一間主打自家製麵包🥯嘅ᴄᴀғᴇ啦! 溫飽位於西貢市場街，要經過海滂先入到去，店舖細細間，但又有種ᴄᴏᴢʏ嘅感覺，好ᴄʜɪʟʟ！.南瓜海鮮濃湯配香烤酸種吐司 ʜᴋᴅ128雖然餐牌無特別註明，但每枱客人都會點依個南瓜湯，都可以話係溫飽嘅招牌菜。望落就以為係普通南瓜湯，但一飲就知道內有乾坤。湯頭充滿著蝦頭蝦膏🦐嘅味道，海鮮味好濃郁，配搭埋南瓜嘅鮮甜同酸忌廉，味道非常ʙᴀʟᴀɴᴄᴇ，飲極都唔膩，用暖暖嘅酸種麵包🍞蘸落去食，好夾，對女仔嚟講又唔會太飽滯。.泰式冬蔭班尼迪蛋 ʜᴋᴅ128一開始都驚個ʙᴇɴᴇᴅɪᴄᴛ ᴇɢɢ🍳會好辣，原來都唔會，荷蘭醬上面加咗少少冬蔭功味粉，有微微嘅冬蔭功味。ʙᴇɴᴇᴅɪᴄᴛ ᴇɢɢ下面就有煙三文魚🐟，一切開隻蛋，蛋汁就流晒落麵包，視覺效果滿分。.成餐飯食物質素都好高，特別係南瓜湯嘅味道令到我哋意猶未盡，下次去西貢都會想再嚟飲啊！…查看更多

早前聽過朋友介紹，NOJO嘅雞髀拉麵好值得一試，將雞髀🍗同拉麵🍜放埋一齊實屬罕見，今次終於有機會試下啦！ 餐廳位於中環石板街上面，近蘭桂芳，餐廳將酒吧同拉麵店嘅風格合而為一，晚上放工後嚟依度Chill一Chill，又或者飲完酒過嚟食碗拉麵醒吓酒都唔錯🤪！.Soy Sauce Ramen $148首先當然要介紹下依度嘅名物 ---- 醬油雞髀拉麵🍜啦! NOJO嘅拉麵湯底以雞白湯作基調，後加雞腳、豬背脂等材料熬製，落單後再加上日本醬油同黑蒜油調味，所以顏色睇落係較為深色嘅奶白色，配上招牌原隻慢煮雞髀、溏心蛋等配料。雞髀就以日本醬油、胡椒等材料慢煮2小時，上菜前再塗上日本醬油炙燒。.味道方面，可能因為我哋前一陣子先喺大阪食完真正嘅純醬油湯底，覺得NOJO嘅雞湯醬油湯底較為油膩，醬油味唔太突出，而且又飲唔出濃厚雞湯嘅感覺，唔太特別。招牌慢煮雞髀咬落的確係入口即融，雞皮經炙燒帶有焦香，但👨🏽就認為雞髀經慢煮後，雞肉唔算嫩滑，亦無咩雞味。整體感覺不及期待值☹️。.Shrimp Miso Ramen (Shrimp, Baby corn, Onion, fried onion, green leaf) $138愛好蝦嘅👨🏽就叫咗依個Seasonal嘅蝦味噌拉麵，湯底同樣以雞白湯作基調，配以白、赤味噌及波士頓龍蝦殼🦞一同熬製，味噌帶出咗蝦嘅鮮味，湯底濃厚，反而本來對佢無咩期待，最後卻有驚喜。配料主要係蔬菜，但蝦就只有一隻，似乎成本都去晒個湯底度... 但我哋都同樣覺得依個拉麵湯底會比Soy Sauce Ramen出色👉🏻👈🏻。.Kyoto Gion French Fries $58我哋另外都叫咗份薯條🍟，諗住作為送酒小食🥃。但對於依個名為京都祇園薯條，我哋就睇唔出/食唔出同京都祇園有咩關係，只係用一個較為和風嘅木盒裝住，上面嘅調味就係大量黑胡椒，仲好嗆喉，大家唔係黑椒嘅狂熱擁躉真係無必要試依個...😅…查看更多

今次搵到間空間感大，坐得舒服嘅cafe，👩🏻同朋友就被佢哋個甜品吸引咗😍，想知更多食評就要睇落去啦！.（🌟為推薦菜式）.🌟香煎刺身帶子明太子忌廉意粉 $148帶子有三粒，剛好一人一粒，表面煎得金黃色，唔錯。明太子醬配意粉係永遠唔會輸嘅配搭，加埋三文魚子同紫菜絲就更加有和風嘅感覺。.奶油煎美國封門柳扒配薯蓉及香烤雜菜 $198封門柳煎到五成熟，熟度控制得啱啱好。但封門柳本應牛味較重，略嫌依塊唔夠牛味，但配埋醬汁都唔錯嘅。值得一讚係個薯蓉同雜菜，調味啱啱好，而且薯蓉好滑，牛油味香👍🏻。.日式和風章魚燒薄餅 $98依個薄餅就比較普通，只得章魚燒醬汁同少許章魚粒。餅底走薄脆餅乾風線，整體無咩特別，唔太驚豔，.🌟士多啤梨拿破崙抹茶芭菲 $98 (圖一)就係被封面依個芭菲吸引咗嚟依度😍，賣相好精緻好靚，啱晒打卡。上面有一大個拿破崙，入面吉士醬滿滿，下面就有綠茶蕨餅同唔算太甜嘅忌廉，加埋酸酸甜甜嘅士多啤梨🍓食就啱啱好。.Niksen Koffie都係一間適合同寵物或者女仔朋友一齊嚟打卡嘅cafe，周圍都有打卡位，仲有戶外座位。食物質素就正正常常，不過不失，👩🏻就特別推薦佢哋嘅芭菲，無食過依個芭菲都唔算真正嚟過啊！…查看更多

👩🏻最近終於食到早前上過youtube channel之後爆紅，次次都經過都大排長龍嘅台蔡滷肉飯啦！ 今次係平日Lunch Time嚟食，都有人排隊，但排咗10-15分鐘就可以入去食啦！.（🌟為推薦菜式）.🌟爆蔥滷肉飯 (可選溏心蛋或溫泉蛋) $58嚟得台蔡滷肉飯，當然要試下佢哋嘅滷肉飯啦，我哋就揀咗爆蔥滷肉飯，成個碗面都鋪滿晒蔥花，好澎湃，撈埋溫泉蛋一齊食，整體會濕潤啲。滷肉煮得唔錯，未算係入口即融，但油花岩岩好，有台灣味道之餘，配搭埋大量蔥花，又唔會太肥膩，適合香港人口味！.秘製花雕麻油雞滷肉飯套餐 $78另外我哋就叫咗個湯麵🍜^_^試下，同樣有推薦手指公👍🏻嘅秘製花雕麻油雞湯麵，花雕麻油雞味香，亦都好足料，有唔少雞件、金針菇同豆卜，滷肉飯另上。👩🏻就麻麻地花雕麻油雞嘅味道，因為湯底會有酒味同苦澀味，👨🏽就話味道唔錯，聞落都好滋補。另外上嘅小菜係類似醃菜，都好好味。.🌟肉鬆芝士蛋餅 $38賣相一流嘅蛋餅，味道都相當唔錯，入面有拉絲芝士🧀️，仲有勁多肉鬆，一碟有五大件，每嚿都好大件㗎。外皮煎得酥酥脆脆，有啲似手抓餅嘅質感，厚身啲。之前都食過同一條街嘅老厝邊，同樣都好好食，但外皮就薄身啲，大家食過都可以留言話俾我哋知鍾意食邊款蛋餅多啲！.總括嚟講，台蔡滷肉飯味道都幾好食，值得一試！ 其實👩🏻想試佢哋嘅鹽酥雞，聽講都好正，不過當日驚食得太熱氣，所以無叫，唯有下次再食啦🤪！…查看更多

食齋嘅人一定都試過素年啦！素年係一間純素(vegan)餐廳，唔單止無肉類製品，連動物副產品，即牛奶、芝士都唔會有。你食到嘅芝士🧀️其實係純素芝士；你飲緊嘅咖啡其實係用燕麥奶沖，希望將純素🌱概念帶俾更多客人。.素年經典不可能芝士漢堡包 $128+$10 套餐(連餐飲)相信依個係素年嘅招牌漢堡包🍔，最啱初嚐素食嘅朋友試吓。其實好多餐廳嘅漢堡扒都係用impossible meat嚟整，包括之前荃灣廣場both by Texas burger嘅素漢堡包，素年依個食落就無咩太大驚喜，都係正常一個素漢堡包嘅味道，反而配菜係蕃薯條🍠就幾有驚喜，啱晒低碳飲食嘅女仔丫嘛！.日式咖哩吉列豬扒意大利飯 $88+$30 套餐(連餐飲)另外就叫咗個意大利飯🍛，賣相幾靚，份量就好多，一個女仔自己食都未必食得晒。素豬肉多數都係用新豬肉整嘅，依份吉列豬扒亦都一樣。新豬肉本身口感、味道同正常豬肉都大分別，新豬肉豆味都幾重，吉列豬扒都唔例外，外皮炸得幾酥脆，不過整體味道同意大利飯就唔係好夾，會唔會用返珍珠米好啲呢🤔。.整體味道不過不失，但夠晒創新，其實可以帶未試過依啲新派素食或者未能接受素食嘅朋友一試，應該會帶到驚喜俾佢哋。而且都好啱減緊肥但又鍾意食好西嘅女仔，啱晒打卡📷。…查看更多