脆皮雞扒滷肉便當, 雞扒外皮炸得香脆, 肉質很嫩, 正宗台式滷肉不像平時所見的肉碎, 醬汁亦比較多拌飯食一流. 
加上半隻滷蛋, 菜心, 青瓜片和小配菜, 配料豐富.
…查看更多
我本身唔係好食得辣,但又覺得米線要食辣先好味喎! 所以叫咗個超小辣腩肉小窩米線.首先配料好足芽菜,韮菜,酸菜,炸醬肉碎,由於配料有酸菜所以湯底會有D似酸辣. 米線份量好多,煮得剛好,仍然爽口,加埋湯底更覺開胃! 
而且惠顧滿$21送自製豆漿 或 蜂蜜菊花露.…查看更多
澳葡之選的雜錦小食拼盤, 包括有焗青口, 雞肉串燒, 豬扒及春卷. 焗青口上面放上濃郁芝士, 十分可口. 雞肉串燒配上醬汁, 入口不會韌.春卷炸得香脆, 豬扒同樣炸得出色, 不但炸至金黃色, 而且豬扒肉質仍是很嫰.…查看更多
今日Lunch去到西九龍中心 Food Court, 試了間新韓國食店叫韩国味家, 叫咗個可樂+炸雞胸肉$25, 雞肉一兩啖一粒,炸得外面很脆,但不會好厚粉,嫩醬汁是甜甜地, 但不夠辣,有點似鹽酥雞,其實此食品幾得意,下面放汽水,上面是炸雞胸肉,值得一試. 老闆係韓國人, 但識講普通話, 點餐都好易.…查看更多
今日去到西九龍中心Food Court,好快就決定咗食8F07台味軒湯飯,叫咗肥牛,肉片,冬菇同生菜.湯很清甜,肥牛灼得剛好不韌,肉還是很嫰,菇味非常香,加埋個大大碗白飯, 食飽都只是30蚊! …查看更多
星期六放工去西九龍中心FOOD COURT醫肚, 今次試吓8F15越香風味, 
老闆係一個越南靚女姐姐, 我哋叫咗一個香芧豬扒湯粉,豬扒好入味,炸得外面香脆,而另一個香芧豬扒撈檬, 配料好多,有生菜絲,青瓜片等加埋檬粉酸酸甜甜,非常好味 個餐送青檸一杯同越南春卷一條,春卷人面係雜菜絲,蘿蔔絲,令春卷更加爽脆 . 下次多d人可以試埋個越香拼盤同香芧雞翼. 食飽之後, 行吓商場, 買定份禮物送比媽媽先, 母親節快樂! …查看更多
好開心當初只因為公司搬咗去西九龍中心附近, 我哋唔想日日茶餐ABC, 所以Lunch 會去Food Court搵食, 亦決定開始學人寫食評, 哈~不知不覺寫吓寫吓, 已經做咗OpenRice入門食家, 可以分享同記錄大家同事當日一齊食咩, 都好開心架! 今日我哋試咗8F11潮流湯飯, 自選無味精既3餸1菜湯飯, 我哋叫咗一個鯇魚腩, 肉片, 豆腐同生菜, 
另一個 要咗鯇魚腩, 肥牛, 雞肉同生菜. 
可能因為無味精D餸夠新鮮, 所以個清湯好清甜. 鯇魚腩大大舊, 一碗白飯 ,飲埋個湯, 嘩!飽到呢~…查看更多
西九龍中心Food Court果然多選擇, 因為今日有湯水飲呀, Lunch我哋去咗8F16福之味, 要咗個煎蠔仔餅(酒煮)薑母鴨, 同埋(酒煮)麻油雞, 跟白飯. 
足料味夠香, 飲完個肚好暖呀~ 個煎蠔仔餅d蠔好大隻吓,最抵讚係d蠔係無砂. …查看更多
去到西九龍中心Food Court, 立即被d香氣吸引咗去口褔小廚, 叫咗三個餐, 茄子班腩飯, 葡國雞飯, 干炒班腩河, 大家勁肚餓, 但因太大碟我哋都食唔晒 
下次可叫多個人一齊食! 茄子班腩飯,勁多茄子同班腩! 
葡國雞飯,多汁撈飯一流! 干炒班腩河, 炒得好好唔多油! …查看更多
今日唔寫lunch, 因為上司請食下午茶呀, 呵~呵~呵~ 8個人叫咗3隻鹵水雞髀, 5隻燒雞髀, 5隻鹵水腎. 燒雞髀香噴噴, 熱辣辣. 
鹵水雞髀大大隻. 鹵水腎夠入味.等緊時有班c9兵團買車仔麵, 可能接完仔放學, 同d小朋友醫肚, 之後行吓西九龍中心,買吓餸, 再返屋企咁, 真係幸福c9生活.
…查看更多
d藥又苦,自己唔舒服又口淡淡. Lunch去到西九龍中心8樓food court,見到咁多美食,都唔知食咩好,同事叫我試吓8F39鍾記小食.我叫了熱豆腐花同腸粉,我食豆花唔落黃糖,腸粉就小醬,老闆笑一笑,佢話D客通常食腸粉係多D芝麻醬,多D甜醬,多D辣醬,多D芝麻~食豆腐花就會多D黃糖!哈!又好似係喎! 老闆主打港式小食,除咗豆腐花,腸粉,仲有碗仔翅,粢飯......等美食.有甜品食,滑滑豆腐花,胃口大開! 同事叫咗個鳯爪排骨飯,跟住有個叔叔又想要喎,SORRY!最後一個肉汁鮮嫰嘅鳯爪排骨飯係我哋度,叔叔明天請早吧! 香煎豬扒餐肉飯$26,唔怪得咁多學生幫襯啦! …查看更多
同事叫咗個瑞士汁雞翼撈粗，正！下次我要試吓先！ e個就係麻辣口水雞嘞,好多汁,d雞好嫩, 加埋芝麻同花生,我食完之後出身汗,心情都爽晒!…查看更多
今日天氣炎熱,決定食8/F33 Miss Pancake啦 !係靓姐姐主理架! 話說創業原因係本身鍾意食Pancake,希望多d人可以試到佢地既美味pancake,聽落好兒戲,實質靓姐姐都好努力架,睇人流搵店舖, 搵合適工具, 所謂有志者事竟成,終於成功將 Miss Pancake 引入美食廣場,而且吸引咗好多學生同情侶幫襯. 靓姐姐用新鮮水果,用皇牌雪糕, nutella 朱古力榛子醬,用料上乘,而熱辣辣既pancake會加上生菜絲同沙牛醬架! 我今日食咗香蕉二配薄脆曲奇雪糕pancake,香蕉剛剛好,唔會熟到爛, 忌廉唔會太甜.下次要叫埋d同事試埋個Dreyer's窩夫杯, 同香蕉船先. …查看更多
d野好平架! 而且以後Lunch 再唔係只得茶餐ABC , 因為8/F Food Court 有好多好野食,我決定耍試晒咁多間! 同大家一齊分享!! 今日先試吓8F17皇帝雞la, e對來自韓國既夫婦決心把傳統炸雞引入美食廣場, 反應相當受歡迎, 在韓劇熱潮之下, 炸雞更供不應求. 主理人每日早上新鮮製造,要細心把雞肉部份脂肪去除,放落滾油先炸一次,在加上醬汁前再炸至金黃色,香噴噴既韓式炸雞就可以進食la. 醬汁有三款口味包括韓辣,甜辣,醬油.我就選咗甜辣醬, 炸雞脆卜卜加上甜甜地,辣辣地. 仲有年糕送,數量唔多,始終唔係主角,多少無所謂la, 由於主理人想保持質素,堅持每日新鮮製造,仲要即叫即做,所以供應有限,售完即止架!要試朋友就早d嚟la.…查看更多
