Fei.ball.tsz的個人專頁

兩條友夜晚去食咖喱王，簡直係兒時回憶 😂 細個覺得好抵，不過衛生就唔好計 🥴 大個都好少去食，今次就俾個機會佢。其實講食物質素，講真冇嘢可以挑剔，呢個價錢，仲想點樣？一個二人餐又多選擇，食到勁飽！芒果沙冰賣相有驚喜，非常之多芒果、榴槤椰汁冰都係，有一pat好大pat嘅榴槤！當然，唔好期望兩杯飲品有味道 😂 清淡之選～ 🫶🏻最有驚喜係佢嘅炸薯條！炸得非常之脆，調味亦都非常之完美！本身我係薯條控，已經食盡天下嘅薯條，佢嘅薯條真係唔差～👍🏻最差係乜嘢？經理嘅態度，不論對自己員工定係客人 👎🏻成晚不斷聽到經理大叫，話啲單亂咗、出咗單未之類，其實食飯時間，餐飲業比較忙，人之常情，員工都係人，點解要呼喝人哋？講返用餐體驗，當時大概7:30 ，餐廳中間嘅位置已經坐滿，窗口位仲有好多吉枱，眼見有好多兩位客人坐四人枱，我就行埋去四人枱諗住坐低；點知經理叫我哋坐二人枱，因為一陣間會坐滿客人。由於二人枱真係太迫，我哋亦都拎住好多嘢（剛剛買完電器），我哋自己調位，再同經理講真係唔太逼。經理話冇問題，不過一陣有客人嚟，點都要我哋坐返去二人枱。素聞呢個年代已經唔係好多人會食咖喱王，搵唔到點解喺咁多吉枱嘅情況底下，會突然之間坐滿人，所以冇理佢繼續食。結果，當我離開嗰一刻為止，只有左邊一枱客人，右手邊好多都係一枱。明白要做生意，唔應該兩個人霸四人枱；但係做人真係要有自知之明，明知自己餐廳從來都唔會喺嗰段時間坐滿客人（特別係疫情後，唔係特別有名氣嘅餐廳，幾可會星期日晚上坐滿人？ ）整體嚟講，呢個價錢，呢個食物質素，算係咁，冇得挑剔，亦唔應該挑剔。唯一挑剔嘅係，經理喺待人接物上嘅處事方法有待改善。…查看更多

見荃新天地地下新開個小清新food court，裝修靚靚仔仔，諗住入去試下啦，而且另一位朋友話試過都幾唔錯；好！細佬就入去試下啦。。。點知真係十級谷氣！1. QR code落單，卻使用不能。我地坐低之後，職員打印QR code落單嘅單據比我地，我地試咗N次都唔得。諗住係咪有影嘅問題，再試都係唔work⋯放棄！要照職員過黎幫忙落單⋯2. 職員嘅態度。講真，職員說話語氣相當有禮貌，好客氣。但！我地睇緊menu食乜，只放低喺枱，準備同兩位朋友一齊討論下食乜好，正準備用手指指menu上嘅食物編號時，一位紅色頭髮嘅職員就走近，問都唔問就攞走咗枱上嘅所有餐牌。3. 飲品份量。我同我另一位朋友都選擇咗跟餐果汁，佢先落單，飲品好快送上，滿滿一杯紅色嘅士多啤梨soda？Anyway，不是重點。重點係，到細佬飲品到嘅時候，都係滿滿嘅一杯，不過係滿滿嘅一杯冰！杯入面嘅飲品只係去到杯嘅4份3。WHAT？水吧眼殘，送餐嗰位職員都眼殘嗎？4. 食物質素。味道又其實算幾唔錯，細佬叫嘅羊鞍，$138（另外加一，但其實冇乜service可言），醃得好入味，配菜份量亦都好足夠，薯條大量（不過都係要求職員先可以有茄汁食薯條）。唯一細佬認為佢地可以改善嘅係，叫牛/羊鞍，係咪可以問下客人要幾多成熟？我朋友食牛扒，睇佢切出黎，幾乎well done，羊鞍呢，都有8成熟了。唔係「價錢同質素成正比」嘅問題，係professionalism嘅問題。…查看更多