誠實婊婊姐的個人專頁

嗰日啱啱放工喺銅鑼灣經過見到呢間主打古早味便當嘅囍筷，依家夜晚不設堂食，咁就諗住買便當返屋企食啦 ～我就嗌左兩個便當再加啲配菜便當套餐均附飲品，每日精選配菜三款，正常來講就會有糖心蛋，但係我買便當嘅時候好似就咁啱唔夠糖心蛋，俾咗燉蛋我，個燉蛋好滑，就算我後尾翻叮之後都唔會老！至於當日精選配菜就有白菜仔加木耳紅蘿蔔等。L4 古早味雞絲滷肉飯便當 $58 （5/5）佢哋將豬肉切成一條條再煮成滷肉，大部份嘅肉都係半肥瘦，肥膏入口即溶，有油脂香味。佢哋嘅雞絲應該係人手手絲嘅，每條雞肉都好大條，唔使驚佢真係得啲雞絲仔，佢哋便當出手好重，包保啖啖都有餸L10 台式紅燒牛肉飯便當 $62 （4.5/5）呢一個便當入面嘅紅燒牛肉簡直冇得頂，足足俾咗三大嚿牛肉，出手絕對唔孤寒，又大件又厚，食落去好腍，一啲都唔韌唔鞋，仲好Juicy另外我都推介你哋試佢哋嘅冬瓜茶，清清甜甜，好消暑。同埋佢哋嘅小食都好好味！特別係台灣腸同埋焢肉…查看更多

$218/一位，免收加一媽咪係長沙灣果邊返工，成日都話好想試下熟食市場入面呢間火鍋專門店。林洪記最主要係做蒸氣海鮮同埋活雞煲嘅，而我地今次就試左佢地嘅蒸氣海鮮加打邊爐。入座後佢地會先送上一大盤海鮮拼盤，啲海鮮全部都係由香港仔直送，仲要係即叫即劏海鮮拼盤入面有鮮鮑魚、大元貝、大蜆、海蝦、特大桶蠔、龍蝦，仲有一份蟲草滑雞同埋牛小排。全部嘅海鮮都好新鮮，鮮味十足！啲貝殼類海鮮完全冇沙，桶蠔都冇腥味，好鮮甜。雞肉及牛肉亦都鮮嫩冇骨。由於每款海鮮及肉類嘅烹調時間都唔一樣～大家可以睇返餐牌上面嘅資料食完呢一大盤海鮮之後我哋已經有啲飽，咁就另外嗌多左少少火鍋配料，就已經夠晒啦！私心推介佢哋嘅炸蟹，俾咗好多蟹鉗我哋，啖啖肉好正！…查看更多

同朋友經過銅鑼灣百樂中心 聽到傳單阿姨話 新開張 憑住宣傳單張 全單可以有八折優惠 哈 見到係日式餐廳 直接幫襯(無論夜市 午時都有八折 正啊啊啊~)奕忌廉芝士 $58入面主要由蟹籽 鯊魚魚骨 芥末 blue cheese 組成 味道濃郁 質地幼滑 哈哈 同榴槤一樣 中意嘅人好中意 唔中意就覺得難以接受 唔知你地口味 我自己好鍾意 覺得又滑又香噴噴漬物三點 $48 面豉蒜頭 牛旁 鱈魚腸蒜頭面豉唔會太重 牛蒡爽脆帶酸 鱈魚腸聽起身有啲怕怕 不過口感同生魷魚腳一樣 無腥味 十分彈牙我地單點咗幾款串燒，包括：燒牛舌 $58 夠厚身 口感軟脆 牛味濃郁燒生葵 $24 我一向好怕生葵 夠感食少少 獨有黏液口感 處理後無咁重 帶出純粹秋葵味道 口感清脆炸雞皮 $26 唔會油膩 好似食炸魚皮 薯片一樣 又薄又脆 燒白鳝 $68 外表燒得好脆 魚肉厚實 同時帶出淡淡魚嘅鮮甜 豚肉荔枝 $26好特別 第一次食豚肉同荔枝組合 口感'軟淋淋' 荔枝濕潤同特有嘅香甜 令豚肉加好多分 免治雞肉棒 $38因為加入軟骨碎原因 鬆軟中帶爽脆 配埋新鮮蛋黃 甜醬油 好滑 口感仲要夠曬豐富牛油果沙律 $68牛油果質地細膩 好啱做沙律 配埋三文魚 各類食材 全部切到同樣大細 較易入口 加埋沙律醬 點會唔好味烤飯糰 $28飯糰烤到外皮脆身 入面嘅飯依舊軟身 包有紫蘇葉 紅蘿蔔 少少鹽調味 略嫌有小小乾 勝再簡單 同埋睇日本卡通睇得多 想食好耐清酒煮蜆 $78清酒味無咁濃 ，蜆嘅鹹鮮味好出 可以睇得出食材新鮮 唔係用急凍海鮮 唔需要用大量酒掩蓋湯烏冬 $36烏冬係自家製 較一般烏冬粗身 食起身好彈牙 湯底清甜 作為最後菜式 減輕油膩感 好滿足…查看更多

我同屋企人一向對早味蛋糕情有獨中，同媽咪經過太子道西 老遠已經聞到好香蛋糕味道 行行下先知道原來 新味芳 古早味蛋糕新鮮出爐 於是兩母女衝去買兩個口味食下肉鬆蛋糕蛋糕好鬆軟，好厚身，食落蛋味好出，亦都唔會過甜，加埋蛋糕面頭嘅肉鬆 令到蛋糕甜中帶鹹 ，啱晒屋企人口味鹹蛋黃芝士蛋糕 呢一款好少見，自己本身好鍾意食鹹蛋同埋芝士味嘅嘢，見到佢梗係要試下佢。拉絲芝士中加埋鹹蛋黃夾心，成個組合好襯好邪惡，又香又濃，十分推介呢款。…查看更多

平時經過太子 都會俾佢地靚裝修 外層嘅Emoji 霓虹燈吸引 一直都好想幫襯 出面都係好多好多人排隊 唔Book永遠食唔到 今次收工 同朋友見到 出面唔太多人 就狗衝去攞位不過都等左半個鐘左右法式豬鞍扒 $98店家對於 肉類嘅溫度掌握得幾好 長時間嘅低溫料理 所以肉質都幾嫩滑 細細塊豬鞍扒 水分仲好多 食到豬鞍扒原汁原味 小小香草吊味 配埋蘋果蓉醬 清甜水果香 配肉類 無咁漏 唔錯 輕食拼盤 $88 種類好多入面有薯條 雞翼 炸蝦 芝士條 炸蠔 洋蔥圈 炸得金黃酥脆 唔會太油膩 炸蠔 炸衣有少少厚 最愛就係芝士條 拉絲～ 芝士食肉獸薄餅 $88Pizza底 好似餅乾咁 薄薄一層 底部脆卜卜 上面又吸收曬蕃茄醬料 配上 蕃茄肉醬嘅酸 芝士嘅鹹香 同 煙肉嘅脆 少少偏鹹 口感多變化 脆脆地 有啤酒就正～ …查看更多

媽咪同爸爸都係泰國菜嘅狂粉 九龍城過百間鋪頭 唯獨「小曼谷海鮮燒烤屋」會不斷幫襯 起門口就聞到好香嘅燒烤味 環境熱鬧乾淨 源源不絕嘅熟客已經係信心嘅保證海鮮孖寶 $228牛油蒜蓉燒青口 同 牛油蒜蓉燒虎蝦 一共七個青口 三隻大虎蝦 燒起身完全唔會乾柴 牛油蒜蓉可以話係燒烤嘅最好戰友 濃郁蒜香味 唔會過鹹 惹味推介菠蘿海鮮炒飯 $83 最愛嘅炒飯 炒飯夠鑊氣 份量仲要咁多 炒飯菠蘿粒較多 每咬一啖飯都食到菠蘿嘅酸甜水份 撈埋啲肉鬆食 鹹鹹地酸酸地 大人細路仔都鍾意 芝士烤肉餅 （兩塊 ） $32烤肉餅 完全唔油 外表烤到脆卜卜 拉開一絲絲 除咗食到麵團香之外 仲多咗層芝士嘅香味 炸蝦餅 $20我細個嘅最愛 根本就係泰國國民薯片 又平又多 正過卡樂B～…查看更多

為左慶祝朋友生日 我上網睇曬食評同埋餐牌 就即刻Book左「我愛慢煮」同佢慶祝 哈 佢地仲要係黃店 無得唔幫襯入到去之後樓底算高 空間感大 環境乾淨 周圍都有文宣 播住廣東歌 好有氣氛 坐低之後 我地前後叫左三份肉 上菜後 自己都嚇親 超級大份量 同厚切 用「木」呈上 好靚仔西冷牛排 $138可以話係鋪頭招牌 西冷係牛後腰脊柱兩邊既肉 相對於其他部位會無咁多脂肪 用慢煮嘅方式鎖緊肉汁 同時又保留到西冷嘅細嫩肉質 唔需要太多調味 小小鹽 黑椒同香草 就帶出濃郁牛香 平鐵牛排 $118大家都係牛 同西冷唔同嘅係 牛排經慢煮後 再煎香 外層微微焦香 內裡都保持到粉嫩 脂肪同肉質比西冷多 味道就相對上無咁濃 所以睇大家口味啦 我最愛係西冷😝法式油封鴨脾 $118作為經典嘅法國菜 整油封鴨嘅程序繁複 鴨脾外層烤到好脆身 而內裡嘅鴨脾啖啖肉 肉質鮮嫩 隨之就品嚐到香口的鴨油好香 平時西餐都少有 值得一試燒蘆筍苗 $28哈 俾鴨脾壓住 食太多肉 所以叫黎減輕下罪惡感 不過不失🤣…查看更多

實在太耐冇打邊爐啦 忍咗幾個月之後 再次同朋友黎長沙灣食6060火鍋 食就食好啲 「6060」有三個湯底俾你揀：椰子海南文昌雞 $250/person 蕃茄濃湯底+脆米泡飯 $200/person粥底 $200/person 海鮮可以揀六款 配料就揀六款 不設加一 所以 每人實收 $250 就 $250 $200就$200 店內都有飲品可以揀 就自行單點埋單 收費簡單清晰 好欣賞 坐底就 自己整個專屬醬料先😝我哋就揀咗蕃茄濃湯底 蕃茄薯仔湯咁樣 屋企靚湯 酸甜開胃 又可以襯托返 海鮮嘅清甜可以見到我地叫左好多海鮮 鮑魚 活魚 扇貝 花甲 鮮魷 海蝦 兩款貝類 食起身好有彈性 鮮甜 大讚下「6060」因為佢地海鮮都好新鮮 鮑魚 蝦都生猛之外 就係 佢地清洗方面做得好好 包括 貝類外殼清潔好乾淨 外殼內部 都無曬沙 配菜方面呢 我哋都揀咗好多 包括芝心丸魚皮餃 豬紅蘿蔔等等 大家一定要試吓美國肥牛 脂肪唔多 雪花分布平均 食落重牛味 兩個人食完海鮮同配菜都好飽 其實佢仲有個脆米泡飯 我哋已經食唔落 食完之後覺得好抵 因為出去食海鮮火鍋 自己買海鮮返屋企煮都一定超過$200 仲要6060 幫你揀選新鮮靚貨 有埋咁多配菜選擇 以後唔好再勞煩阿媽 請佢地食返餐好嘢啦 …查看更多

Happy Friday 所以同朋友去遠少少食飯 筲箕灣「The Starred」 好有情調 高樓底 水晶吊燈 棕紅色嘅卡座 一磚一瓦 都別具特色 珍寶意式雞扒 · 烤雙重芝士· 義大利番茄蓉· 羅勒香草醬 $110碟咁大嘅雞扒 上面鋪滿芝士 焗到微焦 芝士焦脆口感 鹹香 雞扒焗完依然鮮嫩多汁 番茄蓉嘅酸 幫雞扒大大加分 意粉嘅份量同雞扒 一樣咁多 軟硬度啱啱好 仲帶有橄欖油嘅香味 好食香煎挪威三文魚·蜜糖芥末籽忌廉汁 $140三文魚夠厚身 香煎過後 完全唔腥 切開三文魚仲帶有光澤 同水份 醬汁部分 蜜糖芥末忌廉 甜甜地同魚好夾 夠曬特別 美國頂級西冷牛排（約10安士）· 白松露有肉汁 $24010盎司西冷 脂肪含量同油花都比較少 取而代之就係 濃郁牛香 肉質鮮嫩 多汁 下次可以叫5成熟 咁就更加完美啦 芝士餅 Cheesecake +$15濃郁芝士香同奶香 作為飯後甜品 絕對要試紅酒 +40 （餐飲轉紅酒）晚市 跟 日餐湯 自家制義大利香草麵包 同埋餐飲（咖啡 茶 果汁） 可能係筲箕灣最親民 味道又好嘅西餐 可以多啲同情人 朋友撐檯腳 …查看更多

作為一個 唔太孝順嘅女 🤣 平時激嬲媽咪多 所以同媽咪去MoKo行街 就去「好茶養生」食甜品做下午茶 鋪頭入面都有賣好多 健康產品 水果乾包 見到鋪頭咁大咁靚 嘢飲 食物都係 無添加 無色素 媽咪肯係十分之滿意士多啤梨MOJITO $38店員將原片嘅士多啤梨 加入梳打水 夠曬健康清爽 而且甜度適中 啱曬少女心嘅你地水果茶 $38入面有青蘋果 橙 同埋 店內獨有嘅 火龍果 菠蘿乾 配上 清澈嘅茶底 甜甜酸酸夠解暑 水果乾吸收曬茶之後 好好食 搞到我都買左幾包返屋企沖伯爵茶意大利雪糕 $32雪糕夠滑夠Creamy 伯爵茶味夠突出 雪糕筒夠脆 十分滿分嘅雪糕 野莓忌廉朱古力泡芙 $42泡芙太得意 雪到冰冰涼涼 外層軟身 入面塞滿曬朱古力餡料 朱古力味道濃郁 偏甜 配茶啱啱好…查看更多

大圍咁多餐廳 夏日咁高溫 無胃口就要食撈檬軟殼蟹撈檬 $72 好大隻軟殼蟹，兼且唔係炸粉厚厚扮晒嘢嘅粉漿夠薄，唔會食落去食口順化蕃茄蟹肉扎肉湯檬 $66 呢個湯檬真係超級推介，個湯底係用香濃蟹膏同鮮蕃茄混合而成嘅，好香濃，唔會淡茂茂 湯檬上面仲要有蟹肉碎，實在太邪惡炸蝦餅 $29 蝦餅亦都炸得好香口，炸粉唔會太厚內層好彈牙，再點少少甜酸醬，好惹味！越式炸春卷 $20 總共有一條兩件嘅春卷～ 外層好脆，色澤均勻 食落冇油臭味，餡料好多～…查看更多

同朋友旺角睇完戲 就上左黎 為左就係佢地Burger 無諗過環境咁舒服 仲有唔同嘅餐點 生蠔 小食 burger 意粉 扒類 多選擇 好抵食點餐前 餐廳嘅員工 好好咁提醒我地 餐廳入面漢堡 菜式 儘可能都可以「客制化」你唔食牛咪幫你轉豬～ 好體貼🥰 餐牌 推介嘅菜式都會定期轉 令到客人有新鮮感 餐廳入面仲有個大房間 朋友聚會 公司慶祝 重要生日等等 都可以Book 可以食嘢 唱K 打麻雀 打機 一次過滿足曬 邪惡芝士安格斯牛肉漢堡 $68軟身有彈性嘅漢堡麵包 入面夾 兩塊芝士夾住安格斯 半溶狀態 超吸引 內有番茄同菜 好新鮮 增添濕潤口感 安格斯牛 外表煎到焦香 肉中間仲帶點粉紅 熟成度啱啱好 牛味重 保留大量肉汁 好正～薯角大大塊 外表唔油夠乾脆 入面炸到軟綿綿 成個餐食到安格斯漢堡跟薯格 出面至少$100 「YA！YA！YA！」先$68 可以話超級抵 一定要試邪惡芝士炸軟殼蟹漢堡 $88漢堡入面一樣有 雙層芝士 蕃茄 生菜 同埋原隻軟殼蟹 好豪邁 平時牛肉漢堡食得多 軟殼蟹口味 我都係第一次 軟殼蟹大隻 炸完都有返咁飽滿 外表薄薄一層炸衣 香脆可口 但係內裡係柔軟口感 越食越有蟹肉嘅香甜 令到成個漢堡口感有更多層次 薯條都係咁正 完全滿分 食漢堡 薯條 同 餐廳咁好嘅氣氛 點可以無啤酒 成年嘅你地 一定要跟冰凍啤酒 😆 爽啊啊啊啊啊～雙重芝士拉斯熱狗棒（兩條） $58 拉絲效果做得好好 兩大條嘅熱狗棒 完全無水份 點解咁講 因為成條全部都係芝士 芝士 芝士 芝士 即叫即炸 外表酥脆 咬開可以 慢慢拉絲 越咬越濃芝士香 好食又玩味十足 芝士迷一定要試下 打卡一流原隻特大刺身蝦（四隻） $88一蝦兩食 蝦生做刺身 蝦肉就炸到「卜卜脆」 做到零浪費 十抵讚 刺身蝦好大條 大量冰襯托蝦肉 令到蝦肉保持新鮮 整體夠凍 食落口夠彈性 清甜 佢地炸物係做得好好 油夠乾淨 所有炸嘅菜色都 炸到金黃酥脆 連炸蝦頭都難唔到佢地 蝦膏好香口 一咬就碎 唔洗淨骨吉親自己食完真係好飽 用餐都好愉快 可以同朋友食好嘢 傾心事 上菜速度夠快 同時間高質 睇得出佢地好俾心機經營 旺角香港中心點 大家可以上黎試下 誠實推介 …查看更多

近期好想食慢煮，見到黃店list上面有呢間慢煮餐廳，再睇下OpenRice ，發現佢都有幾多好評 於是就入左上環食佢喇～安格斯頂級平鐵扒 $118 普慶坊呢間分店有好多野都鐘意用木板上，就例如呢塊扒。塊扒隻色好靚，入面仲係粉紅色嘅，唔會太老太韌，好香嫩，而且咬落去嘅時候仲有肉汁，加上佢上面嘅香草，好靚仔。美式煙烤豬仔骨 $118 呢份豬仔骨總共有三件，呢間嘅豬仔骨好夠味，BBQ醬嘅味道好香，骨肉容易分離，而且唔會太乾！炸蕃薯條 $28 睇緊OpenRice嘅時候都見到好多人推介呢個，出面比較少見炸蕃薯條，見佢又幾得意咁所以我哋就嗌左，點知一出到黎，佢比我預期之中更加好味，外脆內軟，加上蕃薯甜甜地嘅味，好快就清晒佢。芝士忌廉菠菜苗 $32 芝士忌廉同埋菠菜苗呢個配搭係永遠都冇得輸嘅。佢嘅菠菜苗好嫩，加上表面焗過嘅芝士，真係太邪惡，食幾多我都得😭慢煮紅酒梨配意大利雪糕 $38 慢煮需要長時間去整，但係慢工出細活，呢個慢煮紅酒梨冇令我失望。色澤靚仔，食落有淡淡紅酒香，而且雪糕亦好香滑，咁嘅價錢就食到，仲有啲乜嘢好挑剔？草莓醬比利時窩夫配意大利雪糕 $38 另外嘅呢一款甜品我都十分滿意，窩夫焗得好香脆，加上慢煮草莓醬同埋雪糕，一冷一熱嘅感覺令人回味…查看更多

同母親大人相約喺尖沙咀行下街 行完之後就去Just’er bae n restaurant 搵食 呢間野好多人去 今次就去一探究竟 秘製豬仔骨配薯條 $128豬仔骨燒得好香！食落去唔會痴牙，原塊上俾你自己切開，以我記得好似都切到6塊～一個超級加分位嘅係佢啲薯條，佢啲薯條真係好香口，唔會話太冧，好香脆，加埋佢啲調味粉簡直一流原隻龍蝦 $130 呢個原隻龍蝦真係勁正！首先佢係原隻分開兩邊上嘅，唔係嗰啲所謂原隻但係將啲頭頭尾尾整埋一碟俾你嘅我哋開頭仲奇怪佢個焗龍蝦做乜嘢整咁多茄汁上去，點知原來係龍蝦膏！仲要係勁多龍蝦膏～我媽咪好鍾意食海鮮，佢食得好開心炸軟殼蟹兩隻 $68 平時出面食一隻都要幾十蚊，估唔到呢度竟然可以$70兩隻咁坻，梗係一定要嗌啦！上到黎做得比我想像中出色，軟殼蟹好酥脆，調味啱啱好，雖然係咁嘅價錢但係佢都唔會特登比啲好細隻嘅軟殼蟹你，好有良心曲奇馬上瘋 $54 飲呢個奶昔就好似食緊溶咗嘅麥旋風咁樣🤣然後上面再加啲cream同埋Oreo依家有呢杯嘢飲大家識做唔使去麥當勞啦～…查看更多

放假同朋友黎銅鑼灣 行街又熱又攰 所以入左黎富士山撐檯腳 哈 之前已經幫襯多次 不過無影到相 今次一定要推介俾大家 鋪頭裝修維持日式風格 播住日本歌 好有氣氛 富士山 幾乎有齊曬 日式嘅料理 鍋物 串燒 刺身 壽司 小食 魚生丼 晏就同下午茶 仲有 便當揀 咁多款 一定可以滿足到 朋友同屋企人嘅需要 三文魚柚子汁薄造 $78好清新嘅前菜 三文魚薄切 包住洋蔥絲 食落口 新鮮 洋蔥帶出甜味 加埋柚子汁 涼涼地 好解暑清酒煮蜆肉 $88淡淡清酒味 帶出蜆肉嘅清甜 蜆肉處理得好好 完全無沙 抵讚蟹肉蟹膏甲羅燒 $98外表好吸引 同埋慢慢蟹肉蟹膏 煮滾嘅時候夠療癒 配埋脆身法包 鹹鹹蟹肉鮮味 一大享受鱈魚片 $28多塊薄片 小小脆 點埋沙律醬 口癢時候 唔洗一分鐘 已經被我地K.O.黑松露醬牛油焗雜菇 $48雜菇被牛油香氣包圍 菇類一向係牛油嘅最佳拍檔 然後慢慢浮現黑松露味海膽將軍丼 $180重點就係佢地嘅將軍丼 有海蝦 三文魚 魚子 凡立貝 同埋海膽～～～ 全部食材都好新鮮 連海膽都好鮮甜 唔會腥 配埋 每一粒飯都飽滿有光澤 夏天就係必食首選…查看更多