law_jeremy的個人專頁

美孚區黎講呢間上海鋪都算係我最愛之一,環境唔錯, 價錢又唔係貴, 最緊要係D 野好食。廚房都係上海人, 有返一定水準,炒拉面, 年糕, 酸辣湯, 黑醋骨等等都好好味,不過小籠包就一般~ 幸好價錢亦算係平...當年隔黎上海婆婆剛開張果陣, 可能多數人貪新鮮~被搶了唔少生意, 老細個樣都好唔開心,但D 人客慢慢都返返黎, 証明有水準自然會吸引到人客~要彈o既係冇熱豆漿, 天寒地凍都要飲凍的...…查看更多

門面幾乾淨, 裝修又ok, 又禁煙(不過而家全部都係)可惜, 裏面好難搵到個位係冇滴水o既,仲要下下滴落D 野食度, 好難搞O者~侍應又唔係好得, 問佢個餐可唔可以唔要火腿改腸仔, 竟然唔得, 身為茶餐廳連少少變通都冇...又有一次問佢個鮑魚火腿湯飯, D 火腿係金華火腿定係凍肉果D, 佢又淨係答"咪火腿囉"...又有一次, 想買外賣, 收銀個兩個阿姐係度做緊野, 唔得閒理我, 淨係叫我等等, 等左成個字都冇再理我~我爆左句粗就走左去~從未試過咁激氣~~講埋D 野食, 不過不失, 唔難食囉,不過味精都幾勁~美孚區仲有其他選擇都唔會再黎~…查看更多

有次叫一碟鱔糊炒拉面, 不知所謂, 太多汁, 又勁咸,好似一大碟鼓油浸住d 面咁,唔知點解咁厚面皮可以拎呢碟野比客食~勁差~不過其他菜飯, 同甜品果d, 平平地都勉強ok 的...…查看更多