DavidSing的個人專頁

一條友，又想嘆冷氣又想食好少少，又唔想食兩餸飯，又唔想迫人，唔係嚟呢間食囉。雖然兩餸飯平少少，但係冇冷氣呢，有冇位錯呢，所以嚟你間大家樂，雖則要上樓梯，但係有冷氣，又冇乜人，又可以坐耐少少，咁唯有揀呢間囉。叫咗最平嗰個飯食，雖然啲鮑魚片好薄，煩啦唔太夠，好彩今日唔係算太肚餓，飲埋杯汽水就啱啱好啦。味道不過不失啦，要求唔高，你睇吓自己俾幾多錢先啦，至少好過兩餸飯囉啲環境。呢間嘅缺點就係要上樓梯，好多婆婆、公公到放棄咗上嚟。:)…查看更多

星期日，諗唔到食乜。落街周圍望下，就決定食米線。無咁熱氣+食清少少！今次叫 火腿芽菜炸醬米線，無叫飲品(感覺唔抵)。價錢$46，我覺得偏貴唔值。不過唔係成日出街消費，一次半次還可以接受的。味道就無乜特別好吃或特別難食。份量都夠一個正常男人的食量，對女人來說，又真係可能偏多咗少少嘅。配菜，腐皮 及 蔥。炸醬分開上，咁樣做又唔差喎。唔駛成碗湯只有炸醬味，清湯就清湯！咁樣做，可以令到食客享受到兩款味道都可品嘗，唔錯。…查看更多

今次小學同學聚會+慶生，難得有同學仔開關落嚟過新年。一於食儘佢，本身無諗住去呢間，不過同學仔介紹話呢間坐得舒服，一個價錢任食，啱晒我啦！頭盤刺身，嘩！估唔到，任食有咁嘅水準，真係難得。完全無冰鮮味，雖然與貴價無得比，不過咁嘅價錢，比到咁鮮嘅味，算係唔錯。食完刺身，就打邊邊啦。侍應姐姐好細心，叫我哋唔好甩，我哋會執碗碟，最緊要大家坐定定。仲有，牛羊豬肉s，快到一個點。點咗唔夠10分鐘就已經到枱上！！！之後叫侍應姐姐幫手拎生日cake出嚟，又幫手影相。呢個價錢，值啦！…查看更多

每次都叫少甜，甜度適中的。因呢個甜度對小朋友嚟講，啱啱好，因為阿女好怕飲太甜的飲品。一如既往，珍珠保持一貫水準！重要係價錢仲係$25，而且近屋企，極之方便。若果可以將營業時間改為23:00 或 23:30，會更好。不過話分兩頭，若$26我就唔會買了，偏貴。$25仍可在我接受範圍之內最方便就係在此app可下單，唔駛要實體鋪排隊、落單、比錢、等拎貨。改善服務：售賣員其實要有知識！可以教授一下點樣先至飲得晒d珍珠…查看更多

一次過叫30人的下午茶。外賣的盒完全無寫上編號，又比錯飲品！！！想問下能否更換，又被reject。雖然唔算係大單，但係又無比新的餐單，只係叫客人上OpenRice上邊睇。蝦多士，幾位同事回饋，蝦無蝦味，好似食緊一舊炸粉咁樣。永不錄用。唔會再幫襯，多謝貴鋪給予我抒發意見的機會。在該區想食下午茶的人士，注意。感謝…查看更多