fork&spoon的個人專頁

而家真係食咩都貴到死 , 生活迫人!! 如果好似之前餐餐出街食, 食飯錢佔超過收入一半都似!俾我發現勁平的食店, 吉野家是也!呢餐只係用左我$26 ! 味道仲好ok! 海台玉子雞飯, 好好味, 隻旦汁撈云飯食, 味道不遜一般日式餐廳, 如果只係食個飯, 只係$19! 食漢堡包的價錢仲比佢高, 但食物質素就真係無得比, 好開心香港地有間咁嘅餐廳俾我選擇 …查看更多

sweet sweet cha cha 原來係一間人氣店, 真係有眼不識泰山話說我只係經過, 見有像beard papa 賣puff的店, 起初真係以為係beard 的分店, 原來係日式的, 不過賣相唔錯, 所以就買返個食:)外層的餅殼係唔差的, 脆卜卜, 什至比beard 更好, 不過再咬, 咬深的, 好似都無咩cream 味, 差唔多去到個核心, 先得小小creamy野食到,  受騙了...唔知係唔係我唔好彩, 但如果cream咁少就唔係好食啦…查看更多

misocool 在k11 地庫開之時, 我就去幫襯過, 食物ok, 最深刻係間餐廳好有活力, 顏色好有朝氣, 係時代感的例子!之但係呢間走food court路線的mi2cool 就... 真係失望了咖喱魚柳飯跟可樂, 唯一加獎係罐可樂:(點降呢? 首先係咖喱汁好淡, 唔香, 送飯時令我悶悶不樂:(之後係魚柳, 成件只係炸粉, 有魚咩?我唔識做生意, 但如果food court要賣平野所以要用下價料, 不如唔好做, 呢間mi2cool 也令我對misocool留下不好的印象了:(p.s. 佢地用上殘疾人士做員工是值得鼓勵的, 不過希望此店真係改善食物…查看更多

八月某天一個下午, 享受住暑假的我, 來到le viet也4:30p.m., 商場的各餐廳都有不少客人, 之但係我的目標係一碗湯粉, 除了隔壁的小籠包之外就係呢度, 小籠包的牛肉麵較早前試過, 雖然好好味, 但係都係想試新的越式的牛肉粉, 味道香濃, 牛肉係肥牛, 用熱湯浸過才熟, 好軟熟, 再放辣椒粒進內, 立時好開胃, 也連湯都清埋:)一碗牛肉麵, 加一碗牛肉粉, 足以讓我做完gym唔怕唔知食咩…查看更多

cafe ceres擴充之後, 仍然係一間小店, 不過比之前得10多個位, 便容納得多好多客人下午茶食all day break 已經係香港人的習慣, 個人認為flying pan 的品質都唔錯, cafe ceres則優勝在環境夠舒服, 地方乾淨, 柔和的木色牆身配以適合的燈光, 一邊食一邊傾計, 十分舒適我好鍾意食茄汁豆, 細細個已經食, 而家發覺佢地份餐入面條香草雞肉腸點茄汁豆的汁原來係咁好食真係一大發現!scrumble egg無太多雜質 (例如奶, 粉之類), 個人不喜歡溝得太多奶的旦, 雖然好滑, 但旦味都無又點會好食? 佢地scrumble egg無加奶, 咪一樣幾滑:)值得一提係麵包真係好食, 所以好多人幫襯…查看更多

喺THE ONE樓下的舖頭全部都用圍板圍住, 仲以為個商場未開, 估唔到原來個別食肆已經出現等位的人龍其中金寶係要等位的一間, 我地八點鐘上到去, 正值黃金時間, 等位都等了十五分鐘:(今次最主要都係有個同事睇過XX新地的報導, 打算黎試個青咖喱煲, 四個人除左青咖喱之外, 仲叫左生蝦, 蝦米紙卷同雞絲扎肉湯河青咖喱煲係有一籃海鮮同一塊麵包配埋比我地食, 海鮮有蝦, 由魚同軟腳蟹, 所有海鮮都用油炸過, 我地都根據左餐牌介紹的食法, 將海鮮放入熱了的青咖喱入面食, 青咖喱都做到幾杰, 有好香的椰汁味, 呢種食法都幾得意, 就好似食芝士火鍋咁, 感覺比意粉屋食的芝士火鍋抵得多, 因為佢一煲都係$88生蝦係去金寶必叫的, 之前旺角店想食都無得食, 但呢間分店就有得食, 我地又點會錯過, 食到條脷都出汗因為好辣, 結果叫左個椰青飲仲可以介紹係條蝦米紙卷, 食法清新, 個酸汁好味, 不過睇你受唔受到香葉的甘味啦:)…查看更多

自問自己仲未食過哂全港的越式生牛肉粉, 所以這個"無敵", 只局限自己所知所聞不過, 自己食過咁多間, 真係未食過如老趙咁好食的生牛肉粉, 唔介紹真係唔得一上桌, 碗中間已經見到大量香噴噴的洋蔥, 底下係兩件好香牛肉味的白蘿蔔, 無錯, 蘿蔔好香牛肉味, 因為件蘿蔔已經索哂牛湯既精華!可能個湯底夠濃味, 每一啖河粉食到入口都有牛肉味, 係! 牛肉湯已經完全攻下了河粉的每一個粒子, 變成牛肉味河粉了牛肉係普通的牛肉片, 但切得很薄, 比起金寶所用的肥牛優勝, 因為肥牛浸完湯之後會有比較多油, 入口就變得肥了, 雖然金寶的牛河的湯味道都濃, 但牛肉就輸了給老趙了如果食生牛肉粉, 唔使諗, 老趙一定係first choice…查看更多

當時貢茶一出, 差不多每一日openrice的食評榜佢都係榜首, 但而家不單止無上榜, 連提都無人提呢, 真係奇怪, 分店又越開越多, 理應多左人飲先係格?或者或多或少都同品質有關啦, 今次買左杯芋香奶茶飲, 首先係芋香.... 只係甜甜地的奶味, 芋頭味欠奉, 其次係奶茶都無以前咁滑了, 唔知係唔係開左太多分店, 品質已經守唔住..仲有係佢地既服務員已經無哂初初開店時的燦爛笑容, 而家只剩低係面如死灰的一塊面加上無左條人龍, 連熱鬧氣氛都無埋…查看更多

上次經過何洪記的時候係去time square買野經過其門口, 見入面坐滿人, 而且係星期三下午四點幾, 心想, 都幾多人食播呢間野今次終於入左去食, 菜遠牛河, 味道就無咩特別, 極其量就係個汁甜甜地, 同埋唔會杰撻撻, 牛肉都係普通野, 碟粉其實沒有特別, 不過就無難食的感覺隻糉就幾好食, 有極重的梘水味, 熱辣辣, 就好似阿媽包比我食的感覺或者客人多係因為粉麵的原因啦, 但炒粉就普通而已…查看更多

下午約了去聽一個關於睡眠窒息的講座, 都幾有用, 聽完就落左樓下間delifrance買野食從水牌揀了火雞肉法包, 同一枝perrier 水飲, 件法包$28, 但支水要$22, 有點不成比例:(火雞肉係煙的, cold cut食法, 好味, 不過稍切得薄左, 比到五塊我, 但都得唔到啖啖肉的感覺法包的麵包肉係暖的, 似剛出爐, 咬落層皮都好脆, 成個包其實幾好食, 廿幾蚊又唔算好貴啦…查看更多

星期六原先的節目係入迪士尼樂園玩, 但入到樂園附近已經兩點, 所以改為到迪士尼酒店行行便算第一次入酒店, 氣氛都幾特別, 一樣令我同女友感受到小朋友童話世界的感覺:) 其中在大廳有間餐廳, 供應下午茶BUFFET, 跟睡公主影完相後, 就入去食BUFFET的食物, 相信會很受小朋友喜歡, 當然, 像我這個大朋友見到如米奇格仔餅都會發出會心微笑, 味道唔差, 只係付出接近二百蚊一位的價錢, 沒有海鮮, 魚生而只有蝦餃燒賣蛋撻蘿白糕食, 可能會令你覺得不值, 但我就食得好開心了…查看更多

THE ONE 原來全幢樓都係商場, 厲害 其中飲食的店集中在四樓同五樓, 晚上惠顧易牙妙手, 實為一餐平凡到不值一提的一餐, 所以連食評都不想寫了反而飯後在對面的MILKISSIMO買了一杯雪芭食, 無錯, 我覺得佢唔係雪糕, 而係有少少食冰的感覺, 似雪芭多D未買之前, 可以問店員試食, 試完菠蘿味之後, 決定買一杯芒果食, 細心試味之下, 發現芒果味的雪芭有幾重的牛奶味道, 質感幾滑幾好食, 芒果係唔係用新鮮芒果汁做就不得而知, 但最低限度味道係唔差食之前沒有想過要介紹, 相都唔記得影:( 但提一提, 一杯要三十三, 雖然送五銀COUPON, 但幾貴…查看更多

去旺角的其中一個目的, 係買一個新浴缸, 仲要有按摩功能的, 行了兩個鐘把半條砵蘭街行爛, 腳仔攰攰的我, 轉入一間都幾"UP DUP"的茶餐廳-- 奇華閣看見菠蘿包新鮮出爐, 熱辣辣的樣子直教我口水直流, 於是叫了一個菠蘿油食, 包身熱辣辣, 面頭的菠蘿皮又熱又脆, 好食到暈最絕係夾在中間的鮮油, 中間仲未溶, 咬落香濃的牛油在嘴裡打轉, 表面的一層就已經溶入麵包肉之中, 除了好食兩個字, 沒有其他的形容詞了…查看更多

七喜粥麵小廚在土瓜灣有一間分店, 大抵開了十幾年, 不過據說同新蒲崗這間係唔同老細開, 味道都有明顯的分別一支公想食碗麵飽肚, 就於七喜解決, 怕一碗唔夠飽, 便叫來一碟"爽口"海蜇"食, 另加一碗冬菇牛肉河粉海蜇真係好爽口, 雪得凍一凍食, 但雖然爽, 調味方面就完全唔掂, 只有淡淡的味道, 就好像食緊一堆沒味的橡根:(還好牛肉河味道仲OK, 或者只有粥麵, 才是七喜的強項, 下次唔叫小食了…查看更多

上網查到這米線小館都幾多人讚好, 特登查地圖去找尋它的位置, 結果俾我找到, 成功!對酸辣湯的興趣唔大, 因為我比較少呷醋, 醋做的酸湯, 對我來說, 係完全唔可以接受, 所以都係食清湯火腿雞肉米線:)這裡的清湯好夠味, 豬骨湯底, 加上大量韮菜, 豬肉碎, 絕對唔"清", 雖然味道豐富, 不過沒有過咸的感覺, 米線好滑好滑, 如果有些少芽菜加入, 增加爽的感覺, 會更出色餐牌標榜"秘製"的炸雞翼, 叫了一隻食, 只覺粉太厚, 入口油林林, 故沒有必要推介給大家啦…查看更多