frank300的個人專頁

炸雞髀🍗：10 x ❤️蔥油🍚：9 x 🧡冬瓜湯🥄：8 x 🧡奶茶☕：7 x 💛呢間街坊茶記雖然地點比較偏僻，但係生意認真唔錯，平日中午12點幾1點，都真係有唔少食客嚟幫襯。第一次過嚟，試咗招牌蔥油生炸雞髀飯同奶茶。雞髀應該係即叫即炸，所以新鮮熱辣，外皮酥脆，而且火候控制得好好，啲肉唔會太乾，同埋啲調味都相當好。蔥油嘅味非常之香，撈飯絕對一流。不過杯奶茶就差少少，可能因為客人太多，趕唔切做，做好之後又趕唔切即刻上枱，所以唔夠熱，影響咗口感同味道。…查看更多

鮮🍅焗厚切🐷扒飯：9 x ❤️乳🐷卡邦尼🇮🇹粉：8 x 🧡花膠螺頭燉🐔湯：8 x 🧡叉燒🔥拼燒腩仔：7 x 💛呢道有啲似快餐店模式，先點嘢食同俾錢，唔同嘅係之後會有專人送埋餐上枱。有名又有特色嘅乳豬卡邦尼意粉，當然要試吓，個賣相都唔錯，乳豬香脆，卡邦尼意粉幾好味，絕對物有所值。鮮茄焗厚切豬扒飯比想像中出色，金黃拉絲芝士下面，係用番茄同埋茄膏茄醬調製嘅濃厚醬汁，厚切豬扒鬆軟，而且夾有少少肥肉，啖啖肉食得好過癮，個炒飯底亦好出色，乾身香口，其實都真係有啲驚喜。雙拼燒味飯燉湯套餐都好抵食，燉湯熱辣辣而且材料十足，叉燒同燒腩仔賣相都好靚仔，如果燒腩仔嘅皮做得鬆脆啲就更一流。總體嚟講，出品同性價比都算係好唔錯。…查看更多

熱奶茶☕ : 7 x ❤️沙爹🐮米 : 7 x ❤️煎荷包🍳 : 6 x ❤️牛油方🍞 : 5 x ❤️午餐肉🐽 : 5 x ❤️杯熱奶茶同埋碗沙爹牛湯米都算係唔錯嘅，奶茶夠濃而且幾香幾滑，個沙爹汁本身就普普通通，但勝在湯米粉夠熱，可以將沙爹嘅香味帶出嚟，牛肉嘅份量同口味都OK嘅。至於煎荷包蛋、午餐肉同牛油方包就都只係一般，睇相應該都睇得出三樣嘢嘅size都係細碼，最後變成咗半份餐蛋治，反而感覺仲算可以。總體嚟講，如果要求唔高嘅話，都可以填一填肚嘅。…查看更多

台灣🧄片香腸：10 x ❤️九層塔鹽酥🐔：9 x 🧡花雕麻油雞🥣：8 x 🧡台味🇹🇼滷肉飯：7 x 💛平日傍晚七點鐘去到餐廳，發現外面已經有超過二十人排緊隊，等咗超過四十五分鐘先可以入到去裏面，到咗八點鐘終於有得食。一向非常鍾意食台灣香腸，最好係要夾埋蒜片一齊食，絕對係超好味。呢度嘅鹽酥雞炸得好香脆，雞肉鬆軟有肉汁，而且唔會死鹹，不過九層塔味道唔太出，感覺有啲美中不足。花雕麻油雞湯酒味幾香濃，雞肉都算ok滑，而且份量十足，配埋細碗滷肉飯嘅套餐，都算幾抵食，滷肉飯賣相唔錯，但味道偏淡同唔夠香，有少少失望。不過始終仲係未飛到台灣住，可以喺香港食到咁地道嘅台灣小食，其實都心滿意足㗎啦。…查看更多

咖哩炸髀🍗飯：10 x ❤️冰室熱狗🌭：8 x ❤️熱奶茶☕：8 x ❤️經過呢間新開張嘅茶餐廳好幾次，每次都見到生意幾好，睇睇門口餐牌，發現有幾款特價下午茶餐，一試無妨。咖哩薯仔炸雞髀飯無論係賣相同味道都唔錯，咖哩惹味香口，炸雞髀皮香脆又有肉汁，絕對係物超所值。熱狗賣相亦都幾好，麵包烘/煎過，雙腸下面鋪咗番茄同生菜絲，上面淋咗唔少茄汁同沙律醬，就算唔算係非常美味，但都絕對係誠意十足。奶茶熱辣辣又幾香滑，如果濃厚少少同大杯少少就更perfect啦，不過咁大隻熱狗配埋奶茶都只係廿蚊，又真係唔可以再要求太多嘅。…查看更多

鹽酥🐥球：9 x ♥️炸單骨🐔翼：9 x ♥️燒原片五花🐷腩：9 x ♥️懷舊🐽油渣撈飯：8 x ♥️鹹蛋黃醬香蔥油撈🍚：9 x ♥️之前聽說這裡可以吃到特色懷舊豬油渣撈飯和鹹蛋黃蔥油撈飯，一直躍躍欲試，今天終於有機會過來開開眼界。個人而言，豬油渣撈飯普普通通，豬油渣沒有想像中那麼香，飯不夠熱，不能夠把香氣逼出來，有點可惜。反而鹹蛋黃醬和蔥油味道都非常好，就算只是微暖的飯，撈出來的效果和口味都非常之好。點了幾個菜，全部即叫即做，所以都新鮮熱辣。無論是鹽酥雞球還是炸單骨雞翼，都是燙口的，而且外皮酥脆又不會把肉炸的很干很柴，調味恰到好處，絕對是誠意之作。而燒原片豬腩片有三大塊，厚薄適中，油脂和肉汁豐富，醬汁味甜帶一點焦香，真是邪惡的誘惑。兩個人點了那麼多東西，還有兩杯飲品，埋單只是122元，實在抵食。…查看更多

黑松露牛肝菌野🍄意大利飯：8 x ♥️炸🐟薯條配他他醬：8 x ♥️凍LATTE☕：8 x ♥️熱朱古力🍫：9 x ♥️3號風球加黑雨，上OpenRice搵食發現呢間小店評價不錯，於是上嚟試試。一點幾鐘，客人並不多，可以隨意挑選窗邊位置。午餐價錢唔貴，有沙律、意粉、risotto等等唔同嘅選擇，我哋點咗一份炸魚薯條同一份黑松露牛肝菌野菌risotto，大概10分鐘，炸魚薯條同risotto同時上枱，兩樣都睇得出係即叫即做，新鮮熱辣。個risotto好香好creamy，溫度、口感同味道都非常好。炸魚同薯條都炸得好香脆，唯一係炸魚個炸漿稍為厚咗些少，但都幾鬆脆而且唔太油膩，其實都幾好食。跟餐嘢飲叫咗一杯熱朱古力同一杯凍latte，兩樣嘅賣相都唔錯，而且亦都好好味。午餐價錢唔貴，咁嘅品質實在物有所值，一定會再嚟。…查看更多

干炒🐮河：8 x ♥️鹹🐟🐥粒炒🍚：8 x ♥️熱🍼茶：9 x ♥️柯華田：8 x ♥️早有耳聞，咁啱去開附近，即刻入嚟整番個下午茶先。話說呢度出名小炒鑊氣十足，炒粉麵飯應該有番咁上下，結果真係完全冇令人失望。干炒牛河同鹹魚雞粒炒飯都熱辣辣，鑊氣十足，而且牛河材料豐富又唔油膩，鹹魚雞粒炒飯干爽又唔會太鹹，兩樣嘅味道都極之好，食得好舒服。杯奶茶亦沖得十分好，香濃細滑，可以話係近期飲到最得嘅一杯奶茶。下午茶價錢唔貴，都算抵食。…查看更多

🐷扒多：8 x ❤️沙🐮米：7 x ❤️熱🍼茶：8 x ❤️星期六中午，唔知食咩嘢好，突然諗起仲未試過灣仔街市鳳城小食嘅豬扒多士，於是乎就走過嚟食。好好彩，一嚟到就有張吉枱。兩個人，一份沙爹牛米、一份豬扒多、一杯奶茶，啱啱好。沙爹牛肉ok，但味道唔算好香濃，牛肉同米粉不過不失。豬扒多士見過唔少人介紹推薦，豬扒肉質口感不錯，多士香脆，多士同豬扒之間搽咗沙律醬，味道都好夾。熱奶茶份量十足，新鮮熱辣，味道亦相當唔錯。雖然環境同服務只係一般，但價錢唔貴，算係幾抵食。…查看更多

🐷扒：7 x ❤️丁🍜：9 x ❤️🌶️油：7 x ❤️油🧇：9 x ❤️煎🍳：8 x ❤️🍼茶：8 x ❤️聽講話呢度有瓦煲奶茶，咁啱今日喺附近見客，於是提早少少過嚟食個下午茶。下晝兩點半，客人唔算多，啱啱坐滿所有枱（每枱兩人），叫咗個豬扒麵餐，應該全部即整，所以都要等一等先有得食。豬扒ok，個麵係丁麵，煮得啱啱好，幾滑又唔太硬唔太淋，油多新鮮熱辣好好味，奶茶幾香幾滑，而且夠熱，唯一係感覺茶身唔太厚，但都係正嘅！今時今日，34蚊嘅價錢，絕對抵食！…查看更多