yipsiukwun的個人專頁

朋友聚舊，大家討論今晚晚餐食咩好，其中一人就話食放題。其實星期六無訂位WALK IN係好難好難有位，我們先去創興廣場2樓樂天，8樓大滿喜個答案都係唔好意思今日個BOOKING滿左，要到九點無人先可以入。由8樓的LIFT落樓其間見到LIFT內原來5樓有一間叫和田日本放題，又問下RECEPTIONIST 有無位，心林都打定輸數，點知個答案出奇地有位，可以試試，以為執到寶，點知得啖笑。餐廳食物同質素真是只可以用「劣字」來評價，應有味無味，應無味但有怪味。燒物如羊扒，雞翼等等都係無味，刺身有D唔新鮮，有怪味。雪糕同番薯因本身已經有味道，所以係依間餐廳最的食物。招呼就一般般，可以過得去。放題好難食唔飽，今晚終於試到。奉勸各位，千奇千奇.....................唔好光顧，伏！…查看更多

天氣凍凍地，就是煲仔飯天地。原來好多人都同我有同一個感覺，好多人排隊呀，要等左成三十分鐘先有位。再等十五分鐘，熱辣辣的主角終於上場。咸魚滑雞飯 ~ 咸魚可以，雞都幾滑，整體上都可以。膶腸肉片飯 ~ 膶腸肥瘦適中，肉片又夠入味，可能加左條膶腸的關係，個都特別香。鴨蛋蠔餅 (招牌菜) ~ 外脆肉軟，啖啖金香，好味道腐乳通菜 ~ 太多腐乳醬，而且腐乳醬真係好咸，所以碟菜只食一半就放棄。整體而言都算OK，最能比到你一種眼前一亮的感覺就係膶腸，可以的話不防選擇下，希望無介紹錯。…查看更多

位於上環信德中心的蘭芳園是坐船過澳門必經之處，所以周末及假日會有很多人上船前在此用餐，平時中環車仔檔的早餐同下午茶就食得多，晚餐就重未試過。餐廳設計別有用心，以七八十年代香港大排檔為主題，同商場有一個強烈對比。牆上掛滿譚校長出道的作品。滷豬軟骨飯的味道尚算可以，不過不失；而燒味沒有想象中的出色，燒鵝皮包骨，無肉，很多餐廳飯店都可以做到這個水準，加左錢都只係得依個水準，真是有點失望。 熱奶茶的茶味香濃，入口的感覺香滑，值得推介…查看更多

香港人最鍾意就係嘗試新野，見門口大大隻字寫住米芝蓮街頭美食推介，價錢又唔係貴當然要試下。薯仔好多汁，唔會焗到好乾，我嫌佢D醬汁少左少少，因為薯仔本身係無咩味，所以醬汁多D會好少少，其實坦白講一個薯仔能夠整成敢，已經是難能可貴！以焗薯仔黎講都唔差，不過都有改進的空間還需努力。唔好睇少一個薯仔，最好就找多個人陪你食SHARE下會好D。…查看更多

「秋風起，食臘味」平時食臘味來來去去都係臘味煲仔飯、臘味糯米飯、荔芋油鴨煲不外乎局限於幾個菜式。但今日我竟然在街邊找到臘腸雞蛋仔臘腸同雞蛋仔好像聽落唔係好夾，但食落竟然出乎意外地夾，每一粒雞蛋仔裡面都滿佈臘腸粒，食落外脆內軟，重有淡淡臘腸香味，配合埋這個天氣食，真係「無得輸」！…查看更多

以前覺得食泰國野一定要去九龍城，但原來現在很多地方都有又好又正的泰國菜，從今日起我要改下依個覲念。其實灣仔都有間味道正宗、環境舒適的泰國菜餐廳 。裝潢除了充滿泰國特色，就連侍應都係泰國人，問你死未！加上餐廳地方寬敞，坐得舒服，自然會產生好感。唔係樣樣生果做餡都好食，但軟殼蟹同香芒加埋一齊，食落又幾特別WOR。 即叫即炸，食落唔會覺得成口油，蝦肉新鮮，味道一流 入口嫰滑，加上醬汁十分野味，用來送飯就最好不過。屋企人都滿意今晚的食物，新泰東南亞餐廳真係值得一試再試。…查看更多

波士頓餐廳在我細細個時侯就已經存在，亦見證灣仔由一個舊區變成商樓林立的社區，面對時代的變遷和商業社會的激烈營商環境，至今依然屹立不倒就一定有它的理由。 講到鎮店之寶當然是火焰牛柳，鎮店之扒除了食得之外重有視覺聽覺的享受，好像才藝表演，估唔到食扒都有禁多「花臣」。但今次我想介紹的是廚師推介的鴛鴦扒，豬扒足料厚扒，肉質鬆軟嫩滑，牛扒同樣吸引，入味非常。超抵食雜扒餐，普普通通，勝在份量豐富，一定夠飽！雖然平均要百五蚊一個餐，但份量、品質並不求其！！…查看更多

太子餐廳位於太子花墟的西餐廳，唔好以為門口細，就覺得依間餐廳好細好舊，一上2樓就會發現餐廳有花過心機在裝修佈置度。話就話太子旺區，但位置可能有少少吊腳，一到入夜，附近的商舖一關門，令到條街顯得有少少暗，餐廳變得不起眼，因此光顧人數都唔係好多，正因為以上原因所以餐廳環境清幽同坐得都比較舒服，適合二人共進晚餐，及朋友聚會的理想地方。講番D食物大致都算OK，不過不失。要推介的係個洋蔥湯比較特別，真的不妨一試！  某D餐更會附上紅酒或白酒一小杯唯一美中不足的地方是個甜品確實比較普通左少少 整體食物普通，但講到環境清幽又坐得舒服，太子餐廳都可以算係一個幾好選擇。…查看更多

睇左街坊廚神舌戰新台韓飲食節目之後，推介左李家韓國餐廳食炸雞，於是就走黎試試。一上到去環境都OK，不停播住韓式音樂，而且坐卡位唔怕同人地背撞背都坐得都幾舒服。本身就好喜歡食芝士，一座落咩都唔駛講就點左金剛話要試的芝士炸雞，再點左個辛辣面。等左二十分鐘個面就黎，黎到第一個感覺係少同咩料都冇，得隻旦係底同埋一碟仔泡菜，食落冇咩特別，敢就盛惠五十！再等多十分鐘，終於主角出場，以為好野在後頭，之前個D印象可以當粉筆字抹走，點知一食落去，舊雞炸到好乾兼且好鞋，冇咩特別，芝士炸雞只係炸左D雞係上面加芝士粉，食兩、三件已經唔想食。講真未試過GE真係可以唔駛黎試！！…查看更多