Sa妹的個人專頁

有日夜晚，同朋友一齊去食「任食」奄仔蟹，食到一肚氣！每次諗起都好嬲！唔明點解會有好評！果晚，我地8點入座，每人俾左差唔多5百蚊，諗住有得任食奄仔蟹，另外每人亦加左錢可以任食蠔！一開始，每個人頭一個小菜，我地6個人，即係6個小菜。小菜嘅味道係ok，但我地唔係黎食小菜架嘛… 叫佢上蟹，次次都話廚房整緊，就快有！食完小菜喺到呆等，終於等到第一round, 要蒸14分鐘，諗住蒸完之後，喺食緊果陣，可以蒸第二round，侍應又係話轉頭拎黎。到食完第一round蟹，再叫佢上蟹，又係等 😡 到佢肯上菜果陣，係蠔同鮑魚！好啦，每樣又要蒸7分鐘先有得食！我地都計哂時，拿拿聲蒸，拿拿聲食！中途又叫佢上蟹，佢又係果句，轉頭拎過黎！又等左陣… 終於又有人黎啦！但唔係上蟹，係上左12隻蠔 😡 好啦，我地係有加錢話食蠔，但係我地都想食蟹，點解叫極都未上！到左21:40，終於又叫左人黎上蟹，佢好hea咁話，「最後一round喇，十點鐘我地閂門！」😡😡😡😡😡😡 真係好嬲！成晚只係食左兩round 蟹，咁樣叫任食咩？叫極都唔上蟹，成晚都係等等等等等… 等到果陣又唔係蟹！其實想講，啲蟹又細隻，已經唔係好多蟹膏可以食到！仲要成日敷衍我地話轉頭拎黎、廚房整緊，之後唔見人… 最後話我地知佢收十點，已經係最後一round!!!!!!哩啲咁嘅「任食」真係唔該哂！俾多幾舊水去食自助餐好過！又唔係好食！真係好嬲！食到一肚氣！而家諗返起都好嬲！貼錢買難受！幫唔幫襯自己諗！良心餐廳？係唔係跌左呀？…查看更多

有一段時間冇寫食評啦！今次又到真心推介嘅環節😆 朋友突然話想食燒肉，上OP揀左 燒肉臻 試下用OP 訂左即日，冇幾耐店員打黎，話得返Bar 枱位，問我地介唔介意。本來都唔係幾想嘅，但又唔知轉邊間，唯有繼續啦！但係 🤩 原來坐吧枱位，先係皇道！1. 射燈照住啲嘢食，影相靚，唔係照住個人，坐得耐都唔會熱2. Bar 枱對上嘅抽油煙機，雖然嘈左啲，但係抽油煙極強（同其他唔係Bar 枱嘅位置相比）3. 點解坐吧枱？因為你影完果碟，係會有專人幫手燒埋 😍 仲會幫手剪開埋 🙈 好啱我4. 點解坐吧枱？因為佢除左有啲會幫你燒埋，就算係茄子啦，大啡菇哩啲自己燒，過下癮嘅同時，店員勁細心又專業咁，除左幫手搽同話你知點解要搽牛油，話埋俾你知要燒幾耐，幾時反轉etc所以！好彩有坐吧枱！又有得燒，又有人幫你燒！又有人教你燒！影相有射燈又靚啲 😆講返重點先！想食燒肉，唔想食連鎖店！所以上OP揀左哩間燒肉臻！入到餐廳之後，左邊有Locker俾大家放袋、外套等等，啱哂驚油煙味嘅朋友 （其實你走果陣著返/ 咩返個袋咪又係有😆 不過～係冇咁大陣味嘅😝）Like個Locker! 儲物空間都幾大👍🏻之後呢！坐Bar枱餐廳入面，有一個櫃，專門俾大家斟清酒飲嘅！仲要係任飲！仲要係90分鐘內！前題係，同一枱嘅人，要每人都Join $248 任飲，先可以每人喺90 分鐘內任斟清酒飲 🥲 今次有朋友唔飲酒… 冇得join, 期待下次再試 🥲一開始，有好開胃嘅前菜 😝哩到點餐呢，係掃枱面上面嘅QR code ge! 因為都唔係幾想諗，所以分別叫左牛同豬嘅廚師發板 😆 店員話，要由右邊燒到左邊，因為最右邊嘅肉最油。仲有雞皮串，燒完脆過啲薯片😳另外係… 懶係食啲蔬菜平衡返心理嘅：茄子同大啡菇😆日本赤魷魚筒 😋👍🏻鯖魚 😋👍🏻最終都其實想飲酒，所以叫左兩杯黎飲下總結黎講，其實幾中意哩間餐廳，食完會想推介俾大家！1. 環境唔錯，餐廳嘅位置坐得舒服，感覺上似去緊旅行咁2. 店員十分專業，會話俾我地知點燒，點解會搽牛油，應該燒邊樣先，講完其實又會幫我地燒埋 ❤️ 好想多謝佢嘅幫忙，咁我地先可以燒下似過下癮，又可以傾下計咁3. 食物質素係唔錯！會推介牛嘅廚師發板同埋魷魚，大啡菇 😋都有啲唔好嘅，我地4個人，坐Bar枱難傾計，咁各有各喜好，哩樣又冇咩所謂 😝今次用OP 訂位，仲有折 ❤️ 每人最後4百幾左右 😋 滿足 👍🏻…查看更多

今日黎到常麵館食車仔麵 ❤️ 推介一下先一開始，已經俾餐廳入面嘅設計吸引住 🤩一睇就知店主嘅喜好 👍🏻 可以集齊咁多自己中意嘅人物，再放喺自己鋪頭到裝飾&同大家分享，有點佩服 👍🏻餐廳其他嘅設計都唔錯，有大而簡約，亦都有吸晴嘅設計 😎講返menu, colorful 得黎，清楚整齊咁list哂佢有嘅嘢 👍🏻 簡單易明！很好👍🏻好少見到車仔麵有蕃茄薯仔洋蔥湯，所以今次就叫左黎試！估唔到，蕃茄味濃得黎，唔會太甜！最驚喜係，哩個湯底，你會見到仲有切到四四方方、細細粒嘅薯仔粒 😳😳😳😳😳 真心覺得味道唔錯👍🏻今次叫左幼麵，覺得好食嘅，同平時出面食嘅有啲唔同…不過… 佢啲龍蝦丸🤔🤔🤔🤔🤔🤔 每粒切半 😑 得幾粒一半嘅龍蝦丸… 覺得最唔抵係哩樣嘢…. 唔知佢啲魚蛋燒賣貢丸墨丸有冇切半呢😑…雖然都好中意食芫荽，不過今次只係叫左芫荽豬肉餃，有啲啲啲啲偏咸 🤔以尖沙咀區黎講，價錢唔算貴，餐廳衛生唔錯，店面唔算好大，人手亦唔算多，但坐得舒服嘅👍🏻今日黎到食麵，仲播緊《大叔的愛 》😂 睇到唔想走… 雖然睇過 🙈…Anyway, 覺得常麵館嘅嘢幾好味，會再黎 👍🏻…查看更多

今日黎到哩到食飯，見佢裝修幾特別，又有啲得意嘅公仔佈置，感覺係唔錯嘅，有啲好親民嘅感覺 👍🏻一睇menu，覺得好多都好啱口味，樣樣都想食 😋而最後今日試咗：⭐️ 白汁雞皇飯⭐️ 滑蛋叉燒飯⭐️ 黑牛其實嘢食係正常嘅，本來一黎到，以為哩到會成為其中一間飯堂，但係衛生問題真係有待改善…雖然地下同枱面都係乾淨嘅…但係當食物送到枱果陣，見到碟邊比較污糟… 明明係白色嘅碟，會見到灰色嘅積喺碟邊，清楚見到侍應嘅手指模…習慣食嘢之前都會抹一抹餐具… 但喺餐具盒入面揀左4、5隻匙羹先揀到兩隻出黎用…啱啱講到，枱面係乾淨嘅，但係佢枱嘅設計，係用玻璃鋪喺枱，攝住啲menu..雖然唔係好明點解會有條米線攝左喺枱同玻璃之間… 但係可唔可以拎返起塊玻璃抹乾淨佢… 🤢🤢 因為一邊食嘢… 一邊見到有粒蟲仔食緊條米線…如果餐廳入面已經可以見到哩啲咁「乾淨」嘅畫面… 好難想像廚房係點樣… 🥶最後覺得愈坐愈唔自在，食到咁上下… 埋單閃人…如果，佢衛生情況好啲嘅話… 真心會想再黎哩到食嘢… 😬…查看更多

今日去哩間餐廳，覺得係有啲亂，因為門口Menu寫住neverland, OP寫哩間餐廳叫夢幻島，但門口嘅Q code係第三個名，唔知係咪轉咗手呢？入到餐廳，最吸睛當然係門口嘅月亮同埋餐廳最入面牆身嘅壁畫 ☺️❤️ 雖然餐廳主要以黑色為主，但係佢嘅月亮同燈飾，唔會帶埋人一種壓迫嘅感覺，反而覺得幾Relax ☺️今日晏就2點幾黎到，餐廳幾乎已經坐滿哂人。店員俾menu我哋果陣，只係得Drinks & Desserts。 因為早餐同lunch都未食，有啲餓 😬 所以問咗店員有冇意粉果啲食... 店員話其實menu轉緊，如果要食意粉嘅話... 今日有卡邦尼意粉同黑松露卡邦尼意粉... 😂 好彩都啱食，最後叫咗⭐️黑松露卡邦尼意粉。其實落完單之後，唔使等好耐，已經有得食👍🏻 （我諗淨係得我問掛😂）意粉煮得夠林，唔會係貪快煮完就上碟咁。黑松露嘅味好香，同埋好夠味，唔會太淡或太濃 👍🏻 可以一試。但今次想講嘅重點係，佢嘅⭐️朱古力心太軟😍❤️賣相吸引之餘，心太軟嘅外面係薄得黎脆脆地，加上佢流出黎嘅朱古力醬 🤤 ，食落好有層次感之餘，味道亦非常好😋😋😋印象好深刻 ☺️ 食完會覺得好開心😋👍🏻 個人認為，比一般甜品店整嘅好味 ☺️❤️另外，叫左⭐️焦糖香蕉法式吐司🌝 如果大家想試吓咬紙皮嘅感覺... 可以試下哩個 🙈 Btw, 香蕉有一面沾咗啲焦糖，食落脆脆地，最好食應該係哩樣（香蕉）😬 最多加埋雪糕...⭐️ 仲有叫左Ice Americano 同 Selected Clod Blew Ice Tea 😗 正常味。哩到啲americano 帶少少微酸 😛 對於本人唔太好酸味咖啡嘅人黎講，會特別留意哩樣嘢。聽人講（即係唔知係咪真），偏酸嘅咖啡如果加左奶，會特別好飲🤔 可能下次會試 Ice latte 😋哩到冇限用餐時間 ❤️ 如果同朋友黎飲下咖啡、傾下計，都係一個好好嘅選擇希望佢嘅menu快啲整好，意粉同心太軟真心好食，會再黎試埋其他 ❤️😊…查看更多

知道元朗有好多隱藏美食 😋 開始擴闊緊版圖！今日黎到哩間元朗小店 😍 食左個好好味嘅蠔餅 ❤️ 新鮮即製，一試難忘！行到附近已經見有條人龍，就知道搵啱地方啦！雖然人多，但大家都好守秩序咁企埋一邊排隊，等緊蠔餅出世 😋😋😋⭐️今次叫左一份蠔餅 😍 多芫荽！雖然係會有條人龍排隊，但其實每次整完一大塊蠔餅之後，都會切開一小塊黎賣，所以其實都唔算等咗好耐。鋪頭入面嘅調味料其實都有好幾款 🤔 因為第一次食，見有人落魚露，就諗住跟人落魚露。點知肥姐話，第一次食嘅話唔使落魚露住，試咗個味先，落左魚露，會變另一種味道，唔同哂架喇！（其實某程度上覺得係因為枝魚露用哂🤣🤣 佢唔得閒加 🤭🤭🤭 所以先咁講 😝）今次好聽話，冇落任何調味料，剩係嗌咗多芫荽 🥰 （其實真係可以再多啲芫荽）想講，哩個蠔餅真係好出色！好多蠔！啲蠔又夠大隻！好新鮮！完全冇腥味！🥰 誠意推介！食完仲係好想食... 點解得元朗先有 🥺🥺🥺 下次黎到元朗，都會再食！❤️…查看更多

喺尖沙咀諗住搵啲特別嘅嘢食下，所以今次試咗哩間。正當好多人喺附近餐廳排隊等緊位果陣，哩間完全唔使等，入去坐低，揀完嘢食再出返Counter到order 😎 今次試咗：⭐️SOFT SHELL CRAB & SHRIMP SALAD  其實佢每個三文治都好足料 ❤️ 好中意佢哩個滿滿嘅紫椰菜絲！好Fresh! 到加上啖啖都好足料嘅軟殼蟹同小龍蝦沙律 🥰 每一啖都好滿足！⭐️CONTINENTAL IRON HOUSE哩個三文治鋪滿左生菜絲！最吸引嘅地方係佢隻燶邊流心蛋同埋燴芝士通心粉 🥰 好邪惡但好幸福嘅感覺 😝😝😝 好好味！哩間嘅薯條又粗又長，好有薯味 🤤 即炸好新鮮！熱辣辣㗎 ❤️ 其中一個加埋個黑松露醬 🤤 十分之好味！推介 ❤️ 啱哂中意食薯條嘅朋友 🥰推介哩間餐廳，因為材料新鮮！即叫即整之外，仲好足料 ❤️ 冇限時，輕輕鬆鬆同朋友傾計食飯嘅好地方 ❤️ 會再黎 🥰…查看更多

今日去左旺角山東街嘅 90s Lazy 食lunch，佢有兩層，喺一樓同二樓。1.（個人比較心急，去左行樓梯，樓梯可上一樓餐廳，但咁啱一樓冇位，諗住行樓梯上二樓，🙈發現道門鎖左... 所以去返一樓搭𨋢🤣 數字咗...）2. 餐廳地方唔算大，但係每個座位之間都分隔一段距離，所以都算坐得幾舒服嘅🤔3. 二樓有洗手間🚻，殘廁size，都乾淨 👌🏻講返正題先 🤔 今日叫咗：⭐️安格斯牛肉芝士漢堡想講！哩個Burger 既麵包有驚喜！軟身 + 似係輕輕咁搽咗蒜蓉醬 😳 入味得黎唔會覺得「漏」👍🏻 有驚喜！值得一試 👍🏻 另外薯條正常，唔係翻炸！有薯味，OK 😋⭐️炸洋蔥圈及炸芝士條另外想推介哩個小食！炸洋蔥圈正常味！但佢嘅炸芝士好正！可以拉到好長嘅芝士出黎 😋 👍🏻 但就屬於較啖味嘅芝士！濃味啲就好喇🤤⭐️黑松露野菌意粉味道正常，可以試吓嘅⭐️薑汁鮮奶咖啡🤔 唔係難飲嘅，但唔夠薑，幾乎飲唔到薑味 ⭐️日式焙茶外觀幾吸引嘅，但飲落有啲失望，冇乜焙茶味 😗 下次可以試其他🤔 總結：Burger 有驚喜，嘢飲較啖，哩間餐廳算坐得舒服，冇講要限時，但最低每人消費$60，另設加一服務費。下次可以再黎嘅👌🏻…查看更多

入左長洲行個圈，見到哩間特別多人排隊 😳😳😳 緊係要試下味啦 ☺️睇落以為鋪頭細細，應該只係得糯米糍賣。行近啲睇，原來好多選擇 😳😳😳👍🏻 就咁糯米糍都已經有8款選擇，而且味道都好特別👍🏻 相當意外！仲未計佢期間限定先有嘅Oreo 曲奇味糯米糍 👍🏻今次試左最多人買嘅芒果糯米糍、榴連糯米糍同埋芒果巨無霸沙冰 😋😋😋誠意推薦芒果糯米糍，比榴連糯米糍大1/3 之餘，真係可以做到皮薄餡靚！包住嘅芒果相當足料，皮薄之餘又唔會穿窿 /爛左 👍🏻👍🏻 而且好好味！另外，榴連糯米糍雖然比較之下，細份啲，外皮厚啲，但係都相當足料，都好好味 😋👍🏻今次冇影芒果巨無霸沙冰！但係都想推薦俾大家！因為哩杯巨無霸沙冰又係好足料！大大杯，好夠味！自己一個飲唔晒 😂😂😂 除左芒果沙冰之外，仲有其他選擇！！！買完或食完之後，人龍有增無減🙈真係要俾少少耐性同預返時間喇！仲有嘅係，其實佢真係比我想像中多好多選擇 😂 好多都想試！焦糖芝士雪糕撻、西米露同埋QQ杯！☺️下次再黎嘅話，希望可以試埋其他味嘅糯米糍同焦糖芝士雪糕撻，好特別❤️！…查看更多

黎到筲箕灣 😆俾哩間七彩繽紛嘅餃子吸引，所以就入咗去試味喇！店內主要以七彩繽紛嘅彩虹🌈佈置，掛鐘、地下、什至夾收據嘅夾板都會見到彩虹 🌈 今晚唔小心俾我哋包場 😆 剛好得我哋一枱 ✌🏻一般餃子店，可能會有唔同嘅限制，只可以雙併？最多3併？同款餃子最少要order 5隻？但係喺天虹養生餃子店入面，自由度很大 👍🏻 今次我地第一次黎到，已經可以試哂每一款顏色嘅餃子 🥰 睇返佢嘅套餐，其實都唔算貴，$65 已經可以試哂7款味道，仲有湯粉麵+飲品 👍🏻因為今次食左嘢先黎，所以我地叫左淨餃 + 鮮味素湯 +檸檬胎菊玫瑰 😋😋☝🏻用小碗分返開，小碗入面係紅色、橙色同黃色嘅餃子大碗係綠色、藍色、靛色同紫色嘅餃子 😎☝🏻👇🏻 藍、靛、紫 餃子睇咗咁耐，係時候要睇下唔同顏色嘅餃子，用左咩材料整，同埋入面係咩餡料喇 👇🏻👇🏻總括黎講，幾中意佢嘅素湯，冇味精，已且幾好味 👍🏻睇落每隻餃子唔係好大隻 😳 但其實每隻餃子嘅餡料都好飽滿 😋 每款食完之後都好滿足 👍🏻🤔對唔同顏色餃子嘅印象：🟡黃色餃子［薑黃］（餡料：甜咖哩沙葛雞肉）可能比較少食到用咖哩整嘅餃子，所以覺得好特別！咖哩味好香，但又唔會搶哂啲味！佢配埋沙葛，好爽好有口感 👍🏻🟠橙色餃子［胡蘿蔔］（餡料：木耳豬肉椰菜）亦都係好特別嘅餃子！一開始以為只係用胡蘿蔔造餃子皮嘅顏色，但係一邊食，一邊會有胡蘿蔔嘅味滲出黎，覺得好好味 😋 印象好深刻👍🏻🫐靛色餃子［梔子］（餡料：魚肉涼薯豬肉）🙈 因為一開始唔係好肯定「梔」字點讀... 同埋唔知「梔子」係咩... 所以對哩款餃子印象好深刻 🤔🤔🤔 可能食左啲味道比較濃嘅餃子，所以哩款嘅味道唔係太食得出 🟢綠色餃子［菠菜］（餡料：雞肉雞蛋芹菜）芹菜嘅味道好出，相對黎講雞肉雞蛋嘅味好啖，所以主要只係食到芹菜嘅味道，但十分爽口，有口感👍🏻🔴紅色餃子［紅菜頭］（餡料：玉米豬肉蘑菇）好有口感嘅其中一款餃子，滿滿嘅粟米粒同豬肉 😋 每一啖都好滿足 👍🏻 但係紅色嘅顏色就唔係好睇得出喇🤔🔵藍色餃子［蝶豆花］（餡料：合掌瓜豬肉蘑片）顏色最特別 😆 朋友見到都會問食唔食得落肚。因為餡料嘅原故 🤔 哩款餃子嘅口感相對平庸，唔會有爽口嘅感覺🟣紫色餃子［紫薯］（餡料：韭菜豬肉紫菜）😝😝雖然顏色比較特別，但係未有食到紫薯味同紫菜味 🤔😅😅 原本冇諗住打哂咁多款餃子... 🤣 最後都寫哂7款顏色餃子嘅印象...自我感覺良好mode👉🏻食完覺得成個人都好健康呀🤩🤩食餃子嘅期間 🙈 諗起好多媽媽對小朋友偏食嘅問題 😂😂 可能哩間餃子店可以幫到大家👍🏻 又健康，顏色又繽紛吸引👍🏻 對於餐廳黎講 🤔 如果真係主打養生嘅話，個人認為可以喺餐牌到講多少少材料/餡料嘅營養/功效，會更加吸引 😎…查看更多

想試哩間好耐，但係深水埗果間鋪位唔算好大，而且每次去到都好多人等位...咁啱見旺角新開，地方又夠大 😝 所以特登黎哩間分店試味 😋 今次都等左大概30分鐘左右 😗 我諗算係快掛。今日order 左😋⭐️椰香咖央多士個人認為哩個係必食之一！睇相都見到，佢嘅咖央醬一啲都唔少，牛油並唔似得有啲茶餐廳咁，「hi」一「hi」就算 😎 好足料！除左咖央醬好味之外，多士仲係脆卜卜架！！！好有口感！好中意 😋⭐️ 玻璃魷魚配通菜本人就唔太食到辣嘅，哩間分店嘅醬放埋左一邊 😝 可以盡量避開唔食！因為對本人黎講實在太辣喇！講返先，玻璃魷魚真係好正！雖然佢唔係玻璃咁透明 😝 但係佢好爽口，好鮮！好似朋友咁，食得辣嘅話，配埋玻璃魷魚同菜再撈醬，加埋一齊食會更加好味 👍🏻 （佢話）⭐️ 檳城亞參叻沙（米線）本來以為好似尖東果間好出名嘅叻沙店咁，少少辣都ok 食得到，點知飲拉茶都解唔到辣（因為太熱飲唔到），所以另外叫左可樂 🙈🙈🙈不過呢，朋友就成碗食哂喇！佢話冇我講到咁辣，而且好足料！份量又夠！可以再Encore 👍🏻⭐️ 三層肉哩個啲肉唔會太老！雖然細細碟，但係份量都算多！再黎嘅話，會再order黎食😋⭐️ 肉骨茶朋友話，原來喺哩到嘅肉骨茶，係無限任添嘅 😋 前題係，要叫佢其中一款肉骨茶嘅嘢食🤔⭐️ 怡寶白咖啡 （熱）⭐️ 馬來西亞拉茶 （熱）兩杯都好似Cappuccino 個fd咁，仲要比平時嘅Cappuccino 更多泡泡 😂 上枱果陣好熱好熱！等左一段時間先飲得到！拉茶無論係熱飲或凍飲，都係咁好飲 🤤 所以哩個係必叫嘅 👍🏻白咖啡唔係唔好飲，應該要睇返個人喜好 🤔Btw, 會再黎 😋 因為覺得好好味 😋❤️ 而且唔算貴 👍🏻…查看更多

大埔一間歷史悠久嘅茶餐廳而佢嘅快餐menu... 亦都唔知幾耐冇換過喇 😂今日循例記錄一下，是日午餐⭐️ 快餐：粟米肉片飯 落單果陣唔小心講錯咗「粟米肉粒飯」... 即時被侍應糾正返：「係肉片呀！」😂 做咩咁緊張... 知喇... 係肉片丫嘛 🙈🙈其實睇真啲，哩碟應該叫做「蛋花粟米粒肉片飯」佢飯同汁嘅份量其實好夠 👍🏻 但係如果佢個汁多返啲粟米嘅味道，會好味好多如果食慣濃味嘅人，哩碟粟米肉片飯，應該就未必啱食喇 😅⭐️ 熱檸檬利賓納如果大家試過其他餐廳嘅利賓納，可能都會遇過有色冇味嘅情況...但係沙隴茶餐嘅利賓納，冇遇過哩種失望嘅情況真材實料 👍🏻 唔會慳住慳住咁，夠哂味檸檬雖然係好考刀工嘅薄切，但係都俾足4塊！近乎3分1至半個檸檬咁多 ☺️所以如果哩到沙隴，大家都可以試一試佢 😋…查看更多

去左位於西環嘅FEATHER & BONE，因為冇乜胃口，所以冇試到佢個自選扒🥺 （後悔緊...）今日試左：⭐️ Full English (All day breakfast)大啡菇比想像中多左陣燶嘅味；香腸十分之Juice，每切一下，啲汁都會流哂出黎；佢嘅焗豆醬，微微帶有啲辣味 😝 因為本人唔係太食得辣，所以印像非常深刻（唔好問另一塊黑色係咩黎 🙈 冇去研究，試左一細啖，唔難食嘅，但冇繼續食）⭐️ Long Black (Large)熱嘅Long Black 好好味，凍咗之後，開始有啲微酸同苦⭐️ Beef Sandwich 哩個Beef Burger 真係好好味！麵包比想像中軟棉棉，充滿香草嘅味道雖然牛肉叫左五成熟，但係上枱果陣已近7成熟薄切嘅牛肉再配軟棉棉嘅麵包，非常有口感！⭐️ Cappuccino (Regular)Cappuccino 正常味 😋餐廳嘅位置唔算好多，好開心今次坐到轉角玻璃窗卡位 FEATHER & BONE 嘅價位比較高少少，如果唔係食扒嘅話，試一次就夠 🙈其實餐廳入面設有一個凍櫃同埋有部份係supermarket如果再有機會嘅話...想試佢啲扒...想試佢啲扒...想試佢啲扒... 🙈…查看更多

今日黎到西環一間算係少少隱蔽嘅工業風餐廳。因為哩間餐廳唔喺大街果邊，要兜去較少人行嘅方向先搵到佢，所以覺得有啲隱蔽 😝哩間充滿工業風嘅餐廳，室內、室外除咗有一般嘅餐枱，室內亦設有階梯嘅座位，咁啱今次階梯座位後面嘅位置，似係有人開緊workshop，所以唔可以上去 😗 今次order咗：⭐️Avocado Open Toast食材好新鮮之餘，toast比想像中脆，好有口感😋⭐️ French Fries黑松露醬好好味，但薯條比較乾身，食完會好想飲多啲水⭐️ Bowl with Pork Chop Cutlet哩個飯竟然有驚喜，飯同pork chop 比想像中好味！⭐️ Pancakes with BlueberriesPancakes 除咗好吸晴之外，佢配埋哩個蛋白同藍莓，意外地覺得好夾好好味 😋 ⭐️ Lemon Cold Brew比起一般嘅lemon cold brew, 只係飲到檸檬嘅酸味，飲唔到咖啡果重苦味 😗 似飲tonic water多啲⭐️ Ice White味道正常 😝 不過不失如果大家想喺繁忙嘅鬧市入面，享受一下寧靜慢活嘅感覺，又或者想同朋友食下嘢傾下計，冇限時嘅侷促感，哩間餐廳將會好適合你 👍🏻…查看更多

大埔哩間台式餐廳，已經幫襯咗好幾次！今日叫咗：⭐️甘梅地瓜QQ球哩個係menu冇架 😆😆 四圍望下佢貼嘅圖先見到，所以叫左黎試！哩個地瓜QQ球真係好好咬口，煙煙韌韌咁，唔錯！⭐️酥炸花枝丸酥炸花枝丸，啱啱炸起，外脆內軟，粉唔厚，有驚喜！⭐️九層塔鹽酥雞單叫咗個鹽酥雞，份量比想像多，味道唔錯，唔會覺得太多味精嘅感覺！雞肉都好嫩滑，好好味😋⭐️台客果茶&檸檬多多果茶本生唔係好重茶味，果肉可以多返啲！檸檬多多呢，唔知係咪因為叫左半糖呢？冇多多味，得檸檬味，有啲失望。⭐️魯肉飯哩到嘅魯肉飯，魯肉同飯嘅份量都多，一小碗但裝到好滿。如果想試多啲小食，同時又想食啲飯嘅話，幾樣小食加哩個魯肉飯就啱哂喇！⭐️總匯蛋餅雖然大埔都有台式餐廳，但係有台灣蛋餅嘅餐廳真係印象中冇乜 🥺🥺🥺 台灣嘅蛋餅真係好好味！好掛住台灣食到嘅蛋餅！哩個總匯蛋餅，有鮪魚、肉鬆、芝士同玉米 😋一次過食到4款味！可以暫時食住當去左轉台灣嘅 🥺🥺🥺⭐️蔥抓餅（加蛋）蔥抓餅唔會太油膩，感覺剛剛好！哩間餐廳仲有其他台灣嘅地道小食！大家都可以黎試下 😋 （今次冇叫到愛文芒鮮奶沙冰，因為之前已經飲過啦！誠意推薦 👍🏻記得要試！）…查看更多