金木水火的個人專頁

今日去依間餐廳食下午茶，確實無失望，叫左三個菜，雜菜粉絲煲、海鮮炒河粉、腰果炒雞柳、芒果沙冰，幾款菜式都非常好味，辣度都非常配合，店的服務員亦非常好，坐位亦濶落，仲有海景睇，不過盡量唔好坐窗邊，因爲下午時，太陽有點勁，所以都係選擇離窗邊坐。最後,此餐廳雖然是港鐵商場，但有關消費是不能上載MTR APP賺取續分。…查看更多

堂食環境可以，與之前分别不大，以往一個月會嚟幾次，食品品質都保持，但昨晚食的質素，食品品質真的難食，特别是拉麵！依碗拉麵根本不是拉麵，簡直難食，情願食大光麵都比佢好食，吉列豬扒方面，品質與之前起碼差30%質感，情願收翻之前的價錢，好過依家不倫不類，價錢降了，但品質差到一個點！此外,啲菜比之前難食，一啲咁簡單的食材都可以用難食嚟形容，依間餐廳確實一絕👍🏻，醬汁方面仍保持之前水準，只是味方面較之前淡及比較水，最不喜歡是無得加菜，其實菜又不是貴價嘢，就算比食客加，都不是值幾多錢，對成本控制亦無太大幫助，希望依間餐廳能夠保持翻之前水準，價格降了，但食品品質跌幅遠超食品品質降幅，同時,降了價格，如此的品質未必能吸到新客，反為會流失現有舊客再次光顧。…查看更多

今晩本身在旺角搵食，但泊唔到位，到啟德搵食，行過見到國內品牌，唯有試下。1.座位安排唔錯，坐得幾舒服，比國內部分城市好2.唔食牛的情況下，向職員查詢勁旺毛血旺配料，但當時職員好似唔太清楚，但亦禮貌回應，並請另一位職員解答，服務到位3.建議各位都係食翻酸菜魚，唔好好似我咁傻食其他4.飲品選擇少，但係可以自助沖飲花茶5.其次希望店家加入菜式的配料資料，因爲掃QR CODE按入係無配料資料，想自助點餐都未能完成6.本人重未接受店家任何的款待或試食…查看更多

今日中午經過鑽石山荷李活廣場，泊低車後搵嘢食，原本想去元元酸菜魚，但響電梯口見有新店poster我又鐘意食吉列豬就不防一試。首先,價格對比又一城果間確實相宜，如果無追加，2人食$200多啲就攪掂，大食啲都係加$25追加菜、飯。1.定食餐$98吉列豬算唔錯😋，不過比較乾，無汁液，厚身啲位置有啲不熟，最後浪費了一點。2.定食餐$108其實同$98一樣都係吉列豬，只是多一個醬汁，但此醬汁個人食落無什麽驚喜。3.服務算是不錯，但仍有此細節位不足，例如茶杯無茶，唔見主動斟茶，啲醬油盛載器皿無標示，見其他枱顧客同我一樣要向職員查詢，其次是地下，有點黐立立。4.$48/隻吉列剌身帶子對比一個定食餐來講有點兒貴🙃。5.有知名吉列豬品牌的身軀，但靈魂欠奉。6.個人覺得食日式吉列豬餐廳居然播好似意大利歌好似有點怪😄不過整體上如果無比較下，響依區算係食到不錯的吉列豬，希望日後再貴顧時有所進步💪🏻…查看更多

麻辣雞煲收依個價($138/隻)真係超值，辣度適中唔over，自已加啲豆卜、枝竹、海參、菜及烏冬，兩至三人食夠晒，唔錯的選擇，可以再食。另外手撕雞都係一個不二之選，再加埋豬耳及其他配菜，返屋企煮個飯又一餐，下次要試客家鹽雞，睇下水準如何🤔平時晏晝都有客家鹽雞飯盒，$26都算抵，但未試過，唔適合評論，不過有時間都會試，最後提示，麻辣雞煲要預訂，最好早一至兩日，晚上食，就建議傍晚取，但疫情下出街受限，只能中午取，放涼後雪入雪櫃1-4度，翻熱後都不錯。…查看更多

經過北角匯，試一間裝修光亮的拉麵店，整體店內整潔，餐牌上亦有較多選擇，有定食、拉麵及小食，同時亦會顧及小食量的食客需要，居然有輕量麵食選擇，不過湯底味不夠，帶有一點味精！在普通飲方面凍飲加$8，覺得有點貴，但係亦睇得出師傳都算用心，在一片片少少檸檬上已經睇到，最後就要留意調味樽的整潔，今日用麻油時，樽外已沾上麻油，作為食客的我，一攞上手就中招，同時麻油開口較細，雖然明白依個開口，亦請採購留意，同埋依隻麻油完全無麻油香味，亦係最敗北的配搭！總結嚟講未達水準，算是不過不失…查看更多

1.位置方便，👍🏻2.整棟樓宇好多選擇👍🏻3.魚湯、魚麵及魚烏冬美味😉4.小食較少選擇🙄，但雞翼尚可😋5.辛辣的魚麵根本不辣，連辣味都談不上👎6.魚湯魚麵配的辣醬幾香👍，好少食到依種味，所以講唔出👏👏👏7.食餐廳送咗一杯仔白色飲品，但不知是什麽！🙄8.如果食魚湯類，湯唔好加入配至的辣醬，因爲碗魚湯真係好味，最重要係無味精（因我有味精敏感）😁😋9.飲品唔算特出🤤10.環保意識有待改善，食物上的牙籤旗浪費，食品仍用膠管🤔11.服務員唔錯👍🏻…查看更多

依間隱世食餐廳簡直抵食又好味，除咗食物好味，環境亦值得一讚，內部應該被店主精心裝飾，好有味道，外部亦好似泰國啲戶外擺設一樣，坐位舒適，周邊環境的舒暢，令在外邊的食客連食煙的衝動也減低😙，唔好意思破壞整體舒適度。👍🏻最後講翻食物，雖然收$48午餐，但有原條䱽魚、菜心及大杯凍飲已經值回票價💪🏻，加上烹調的用心，從細節上已經感受到，因為一般在其他餐廳食魚，內臟實有少許殘留在魚身上，但係依間餐廳居然乾乾淨淨😋，毫無殘留內臟，雪白的魚肉，加上醬汁的配合簡直難以形容，下次再嚟一定要試黃花（今天賣晒）。😏…查看更多

去過多次，奈何今日先見到一個炸雞髀一丁麵餐一直食開叉燒意粉餐，因為佢啲意粉真係咬口好好，每次都係食依個餐，可能真係咁無留意其他，今日即管睇睇，點知就見到依個雞髀一丁麵餐，對炸雞髀情有獨鍾的我，但又礙於對味精有少許敏感，食丁麵真係猶疑，但又拒絕唔到炸雞髀的魔力，終於都係要試，果然無令我失望，一到枱面已經忍唔住即食，食到中途先記得影相（大家唔好見怪），確實如我所祈望真係好好食，外脆內肉香滑，唔似其實茶記，外脆內不熟，今次仲忘記叫大火（平時去茶記一定叫），唔知點解今次無叫🤔，但出嚟的品質超出我所想，最後係碗丁麵，由於自己對味精有少許敏感，一食就嘔，今次出奇地無事，可能佢唔同其他茶記煮法，今日真係極之滿足，可以食到一餐咁美味的炸雞髀及久違無食丁麵的滿足（二十年以上）…查看更多

原本諗住去荃灣食刀削麵，但在app搜尋到依間紅磡區刀削麵，即管試下。1.環境上都好整潔，服務人員態度都幾好，但個人意見都好堅持，客人的要求就有唔太受落。2.食品方面，刀削麵麵質不錯，湯又無味精。3.麻辣雞翼就唔太合適，根本就唔係麻辣，整碟雞翼實際係滷水。係清湯。…查看更多

週五入洪水橋，行經丹桂村路諗住去大發茶餐廳嘆下奶茶，晚上就食埋飯先出翻九龍。經過旁邊見到依間六品就試下啦。兩個人食，唔係食好多，就叫以下食品:1.半隻重慶麻辣雞煲2.響鈴3.烏冬整體嚟講，重慶個湯底已經唔得，我叫中辣，但唔辣又唔麻，得個咸，師傅當日唔知係唔係味蕾有差異!其次係我要半隻雞，居然無雞胸肉，無雞腿及雞翼，都唔知半隻雞的雞件去晒邊!雞肋位就多，最奇怪係有8條頸，每條約寸半，隻雞條頸點長，都唔會有咁多件掛？就算我叫半隻雞，您哋比原條頸我食，都唔駛比8條掛？最後,如果大家都要去依間嘢食雞煲，建議唔好要預製雞煲（唔知得唔得😐，唔得就預咗同我一樣😉），要求生雞出，續件自己放入煲自己煮。最最後,覺得依間嘢對客戶真係好份😡…查看更多

去到黃埔行錯相反方向，途徑此餐廳，外觀唔算差所以入去試下，一開始，門口的服務員幾好口，入到去坐下後睇餐牌，啲食物唔算貴，但有啲奇怪，點咗一飯一麵兩款紫菜卷及什麼七彩韓國雪碧。第一碗麵已經大鑊，一個公仔加隻蛋，完全無韓色!第二到飯，好似腐乳溝韓汁，難食又怪怪!第三兩款紫菜卷算係今晚最好食，但比較乾!第四,依個最火起!什麼七彩韓國雪碧，居然比罐罐裝汽水我，仲要收$25!全晚消費唔貴，埋單$236，但係完全唔值!全晚服務員服務一般，唔算差，但不講得好，亦無值得的菜式可以影相，不好受的一晚!…查看更多

菜式多選擇，價錢合理，選擇一個二人餐$198，有4樣食品及甜品（不包飲品），但係味太咸！泰式豬頸肉有啲乾身，未去到難食，但無醬汁提供。泰式豬肉抄金邊粉又太乾，過甜。泰式馬拉盞抄通菜又咸又凍。最好係海鮮冬蔭功，不過分量係一人都係剛剛好，點可能係兩人呢！最大問題係上菜時間，足55分鐘，食完一道菜，差不多18-20分鐘先上另一道！又唔係食法國餐，啲上菜時間如果能夠改善都可以試下，但係真係好慢好慢！唯獨服務人員真係幾好，…查看更多

每逢新年，黃大仙必定人山人海，細時阿爸舖頭在龍翔道第八座（長欣樓），每年過年門口一定租比一間雲吞麵檔及一檔買香，由90零初我都每年食，今日突然見到依間雲吞麵店就令我諗起當年，所以入去試下，果然有當年的味道及感覺，店內雖然無裝修，但人情味好好，由叫一碗招牌雲吞麵，加碟蠔油芥蘭，姐姐都問我需唔需油菜、飲品，走時找錢要等，但好有禮貌又會連聲講多謝及唔好意思。依種久違的香港情，真係已經唔多見！講翻食物，雲吞麵口感細緻，但鹼水較重，湯底偏咸，雲吞質感幾好仲有完隻蝦，不過清潔蝦身有改進空間，油菜芥蘭唔錯，辣椒油唔係死辣有香味，麵加菜收費真係合理喇，收$32蚊。…查看更多

有水準之餐廳睇咗TVB宣傳豬手好吸引，隔晚有時間即刻諗住去，晏晝先探下路，位置好方便，揸車或搭地鐵都得。當然，帶埋小狗去就選擇揸車，門口又泊到車，一落就去坐定定。自己揀選豬手餐配藍海洋，老婆食鰻魚蛋包飯配紅太陽，甜品紫薯心太軟。豬手出乎意料之好，諗住廣告宣傳信5成，點知真係堅，唔係好肚餓真係食唔晒，鰻魚蛋包飯好滑又香，心太軟唔太甜，味道恰到好處。新店嚟講算係水準之上，無團購都唔貴，抵食。…查看更多