hkocx的個人專頁

1月尾網上見有人話新開，所以去試下。 款式都幾多，今次只是試左三種，抵食之餘味道都唔錯，可以再試。不過間野可能新開太多客，拎籌同叫籌有點混亂，如果可以好似其他餐廳加個籌號顯示器係門口會好些 …查看更多

今日叫左肉骨茶餐同印尼炒飯餐個肉骨茶餐味道真的不錯,有濃烈的胡椒及藥材味道,亦有一些豬肉連骨,讚!隨餐送油菜白飯同油炸鬼,呢幾樣就比較一般.另外,如果不要飲品,可轉礦泉水一枝.呢一樣雖然有點不環保,但總比硬塞人家飲一些甜飲好.另外叫的印尼炒飯餐就較為麻麻,個底炸得一點都不鬆軟,又唔好味.飯一味是鹹,主要配料除左隻蛋,無平常見到炒飯送的薯片或碎蝦等開胃小食,感覺差了點.…查看更多

見到咁多人話好食,就平日放假去買啦!超市麵包舖要整住一條排隊通道俾人排隊買牛角包真係好誇張還有專人排隊幫你入麵包.好彩平日下午5點幾去買係唔駛排隊買,不過俾錢時都要等等!上半部的是花生醬吐司($10)雖然塊吐司好厚,但想不到又係烘得非常鬆軟,又有點脆,花生的味道不會太多或太少,意想不到的美味!左下角是芝士小鍋($14)多個芝士小粒,配搭鍋形的麵包,感覺真的幾特別! 麵包的軟硬度剛剛好,不會太硬. 芝士味道就有點濃.右下角是杏仁牛角包($14)呢個係呢間店最出名的麵包.果然名不虛傳,非常鬆脆好味,不過好像多了少少油,未必可以連續食太多.…查看更多

之前係樂富都食過呢一間大家樂旗下的餐廳覺得味道都係一般啦不過價錢係大家樂旗下的意粉屋同大家樂之間,食物款式又同前面兩者都不一樣所以就試下今次見九龍灣呢間分店咁多好評就再試下啦要先叫野食,然後再等送來不過職員好好,俾定餐牌叫我地找左位,然後才出去買,值得一讚今次再試,兩個人叫左兩個餐,加埋剛好多過一百蚊一個餐係酥皮忌廉湯配蟹柳磨菇意粉一個餐係普通忌廉湯配蟹柳三文魚意粉意粉味道不錯,比平常吃的稍為幼一點,芝士味濃得來又不會太多個酥皮脆還脆,湯的味道也不錯,不過磨菇可以多少少…查看更多

平常食台灣菜一般都好多人又嘈雜今次找左個平日夜晚去食呢間台灣菜餐廳去到真係少人食,唔知係咪因為價錢問題,比較少台灣菜餐廳係呢個價錢炒米粉(八十幾蚊),雖然味道不錯,但份量唔夠,似乎有點唔抵食魯肉飯(四十幾蚊)亦有類似問題,味道不錯,但份量唔夠不過想靜靜地食餐晚飯,又唔錯ge~…查看更多

想不到週末下午菜時段要等咁耐呢間野下午茶有好多不同類型的選擇,裝修又幾特別,除左有大大的電視俾人睇外,壁畫設計又幾獨特.今次叫左天使麵同焗飯忌廉雞肉天使麵配搭不錯,很惹味.另外,忌廉雞肉焗珍珠米飯火候夠,有很多不同的配料,有驚喜!呢間又係一間值得再去的一間餐廳…查看更多

留意到渣華道街市對面開左間點心餐廳終於找左個週末早上去試下最美味的酥皮香麻蘿蔔糕，口感十足，味道不錯其他就不過不失啦～唔想去酒樓飲茶的另類選擇，不過食得多點心就有點略貴…查看更多

個常餐的炒蛋幾好味(味道剛剛好,唔會太濃味,呢點比其他餐廳好)多士就最正,又厚又好食火腿同個叉燒意粉就一般啦~餐飲叫左杯好立克,想不到沖得又幾好飲如果午飯時間可以多少少常餐選擇會比較好,因為真係好少餐揀…查看更多

平時放工有時會係灣仔飲下野葛菜水,次次去都係人山人海,次次去都覺得佢保持到水準假期路過旺角,搵緊野食的時間見到三不賣開左間分店係旺角,所以即刻試下雖然格局同灣仔總店類似,價錢同灣仔一樣,不過人流明顯較灣仔少,唔知係咪無咁就腳呢?然而,味道一樣同灣仔總店一樣咁好飲. 由於人流較少,可以舒舒服服地慢慢飲,值得推介!…查看更多

每次去台灣都會去鼎泰豐食野不過鼎泰豐係香港開左分店後,卻一直都未有機會試下今次終於有機會試下由於並非繁忙時間,所以唔駛等位就有得食,真好!呢間野啲食品係走精緻路線,份量唔會太多,又唔會太油膩所以可以試多幾種野今次叫左炸醬拌麵,酸菜肉絲拌麵,四喜烤夫,乾拌蝦肉餛飩兩個拌麵味道都不錯,特別係酸菜肉絲拌麵的酸菜肉絲份量比例相當多四喜烤夫味道剛剛好,令人食得好開胃個餛飩亦煮得不錯銅鑼灣呢間鼎泰豐坐得幾舒服,啲職員非常主動,值得一讚有機會要再來試下其他野食…查看更多

今次專程試左個紅燒牛肉干拌麵同香酥排骨干拌麵,還有過橋餃子干拌麵的味道相當不錯,啲肉燥與麵撈在一起食真係好美味唔怪得有個option可以加多個麵底香酥排骨分開上,用上唔少蔬菜做底最岩我呢啲又想食肉,又想食菜的人排骨又唔會炸到鬆散哂,鬆軟程度剛剛好紅燒牛肉一咬落去就愛上左佢嘅味道,鬆軟好食過橋餃子就比較一般,同普通餐廳差不多P.S. 去到入座的時間剛剛好下午2點半開始tea time優惠,可以免費飲一杯熱飲真係唔錯! 我自已叫左個薑母奶茶,薑味十足,正呀!…查看更多

自從尖沙咀間分店關門後,好耐都未試過New York Fries的著條這次行山路經山頂,想了一陣就決定去試下今次叫左個台灣魯肉炸薯條餐包括一杯汽水,一份台灣魯肉炸薯條(大份)再加一小盒沙律沙律味道真的好一般,份量比較少而「主菜」台灣魯肉炸薯條方面連皮炸的薯條保持一貫水準,粗粗的薯條,熱熱的軟軟地好好食呢!配料魯肉+栗米粒感覺真的很特別,口感一流,配搭薯條一齊食又唔會太濃味真係好正呀!…查看更多

之前未去過其他添好運的分店不過聽過唔少朋友去過都有好評最近知道IFC地庫機鐵站範圍開左間分店所以去開中環就特別去試下晚市時間,等位入座時唔會派籌,反而係寫低籌號落點心紙上.等位的時間慢慢係張點心紙上選野食一入位就交單張紙俾職員入單由於一路等位一路選野食,所以等位啲時間過得好快呢間野的點心選擇比正常酒樓少好多不過主流的蝦餃燒賣,各式腸粉/盅頭飯都有,還有少量甜品可供選擇今次叫左4樣野食首先係酥皮焗叉燒包($18),味道相當不錯,啲叉燒唔會太肥,個酥皮又唔會太鬆軟,樣樣都岩岩好之後係韭黃鮮蝦腸($22),韭菜加鮮蝦,想不到會幾美味,啲腸皮薄薄的,鮮蝦大大隻跟著係晶塋鮮蝦餃($22),呢個係咁多樣裡面最好食,個皮相當煙韌,裡面D肉好札實,又有蝦味呢最後係發財蠔豉素餃($18),想不到用發財蠔豉整素餃會咁好味,而且個素餃份量十足,抵食!呢間野更免加一,只收茶錢$3一位,係中環有咁平靚正的選擇真係超讚!…查看更多

好耐都無去Triple O食野,因為都幾貴,唔可以成食. 今次拎到張$10 coupon,選左最普通的Original Burger Combo($65),減返張coupon就係$55大大個的漢堡份量依舊十足. 最正係D汁岩岩好,唔會一咬就彈哂出來.薯條鬆軟又好味,正呀!…查看更多

今日試左牛柳粒番茄湯烏冬($50)同埋番茄餃子($22). 烏冬煙un好咬,相當美味. 牛柳粒亦幾好食,而且有好多粒. 不論牛柳定烏冬都份量十足..餃子方面,煮得相當熱,咬落去D番茄鬆軟可口,真係幾好食. 服務方面,待應生一路都有keep住加些暖暖的茶俾食客,唔駛下下要叫先有,值得一讚.…查看更多